Бибишев, Иван Фролович

Иван Фролович Бибишев
Шачема шиц	8 августста 1921(1921-08-08)
Шачема вастоц	Камакужа велесь, Мокшанский уезд, Пензенскяй губерниясь, РСФСР
Кулома шиц	18 январьста 1943(1943-01-18) (21 кизоц)
Кулома вастоц	Гумрак[d], Равош[d], РСФСР, СССР
Принадлежностсь	СССР
Войскань родсь	авиация
Служама кизонза	1940—1943
Званияц	ВВС РККА, Лейтенант
Сражениятне/войнатне	Великай Отечественнай война
Казненза и премиянза

Бибишев, Иван Фролович (1921–1943) — Покодиень-сокай-види Якстерь Армиянь лейтенант, Великай Отечественнай войнаса улись, Советскяй Союзонь Геройсь (1943).

Эряфонь киц

Иван Бибишев шачсь 8-це августста 1921-це кизоня Пензенскяй губерниянь Мокшанскяй уездонь Камакужа велеса сокаень-видиень семьяса. Спецшколать аделамдонза меле покодсь метеорологокс Магнитогорск ошса.

1940-це кизоня тертьфоль службас Покодиень-сокай-види Якстерь Армияв.  1942-це кизоня шумордазе  военнай авиационнай пилотонь школать  Чкаловск ошса (тяни — Оренбург ош). Майста 1942-це кизоня –тюрсь  Великай Отечественнай войнать фронтонзон эса. Январь ковти самс 1943-це кизоня Бибишев лейтенантсь ульсь Донской фронтонь 16-це воздушнай армиянь 228-це штурмовой авиадивизиянь 285-це авиаполконь эскадрильянь командиронь полафтыкс. Тюрсь Сталинградскяй битваса, коса пяк цебярьста няфтезе эсь прянц.

Бибишев бойхнень пингста тись 141 боевой лиемада, коса машфтось 20 вражескяй танка, 50 малава автомашина, аф фкя 10-шка орудия, аэродропнень лангса аф фкя самолётов. 18-це январьста 1943-це кизоня, Сталинградть ала  Гумрак вражескяй аэродромть штурмонц пингста, сонь самолётоц шавфоль. Бибишев эсь палы самолётонц прафтозе  немецкяй самолёттнень стоянкаснон лангс.

СССР-нь Верховнай Советонь Президиумть Указонц коряс 24-це августа 1943-це кизоня Иван Бибишев лейтенантсь кулофста казьфоль Советскяй Союзонь Героень лемса.

Тяфта жа казьфоль Якстерь Знаменень и  1-це степенень Отечественнай войнань орденца.

Лятфнематне

• Бибишевонь бюстоц путф Инсар ошень Героень аллеяса (Мордовия Республикась).
• Бибишевонь лемса лемтьфт Инса и Магнитогорск ошень куротне (Челябинскяй областсь).
• Магнитогорск ошса Бибшевонь лемонц каннесы 8-це № средняй школась, а кудть лангса, коса сон эрясь, путф лятфнемань седяф.
• Бибишевонь лемоц Волгоград ошса сёрматф Героень Аллеяса стеллать лангс.

Лятфтамат

1.     ↑Камакужа [Камакши (на карте 1870 года), Кимакуж (на карте 1941 года)] до 1925 года — в Моршанском уезде Пензенской губернии; ныне — урочище (см. на карте 1989 года) в Инсарском районе Мордовии.

2.     ↑ Перейти обратно: 1 2 3 4Иван Фролович Бибишев. Сайт «Герои страны».

Литературась

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Пруссаков Г. К. и коллектив. 16-я воздушная. — М.: Воениздат, 1973.
• Геройская быль. — Саранск: Мордкиз, 1985.
• Сталинградская битва. Июль 1942 — февраль 1943: энциклопедия / под ред. М. М. Загорулько. — 5-е изд., испр. и доп. — Волгоград: Издатель, 2012. — С. 71. — 800 с.