Байконур космодромсь

«Байконур» космодромсь
«Байконур» космодромсь
Расположение	{{ {{{1}}} \| alias = Казахстан \| flag alias = Flag of Kazakhstan.svg \| flag alias-ВМС = Naval Ensign of Kazakhstan.svg \| flag alias-1937 = Qazaq ssr 37-40.svg \| flag alias-1940 = Qazaq SSR 40-53.svg \| flag alias-1953 = Flag of Kazakh SSR.svg \| flag alias-1992 = Flag of Kazakhstan (1992).svg \| flag alias-БОХР = Naval Ensign of Kazakhstan Border Service.svg \| размер = \| var1 = ВМС \| var2 = 1937 \| var3 = 1940 \| var4 = 1953 \| var5 = 1992 \| var6 = БОХР \| variant = }} Байконур, Кызылординскяй областсь (Казахстан)
Обозначение	TTMTR
Основан	якшамговть 12-це шистонза 1955 кизось
	Байконур космодромсь

«Байкону́р» космодро́мсь (каз: Байқоңыр / Baykoñīr — «козя васта») — васенце, а нинге оцюдонга оцю (вастс коре) мастор лангса космодром, кона тифоль Советскяй Союзса (Казахскяй ССР-нь территорияса) якшамговть 12-це шистонза 1955 кизоня и панчфоль панжиковть 15-це шистонза 1957 кизоня.

Ащи Кызылординскяй областьса Казахстан Республикаса Казалинск ошть и Жосалы велеть ёткса, Тюратам велеть маласа. Тя велеть маластонь вастонц инкса космодромсь международнай спутниковай справочникса няфтеви кода «Tyuratam Missile and Space Complex» (TTMTR). Марнек площадец 6717 вайгяльбе².

Казахстанть вастоц

Космодромсь и Байконур ошсь (1995 кизоти самс — Ленинск ошсь) марса тиихть «Байконур» комплекс, кона ащи 15 стартовай комплексста ракет-носителень вейхкса типонь нолдаманди, 4 пусковой установкань испытаниянди межконтинентальнай баллистическяй ракетань, 11 монтажно-испытательнай корпус (МИК) и лама лияса.

Строяф и тевс нолявсь кода СССР-нь васенце и основной космодромсь 1991 кизоти ацамговти самс, Советскяй Союзть срадоманцты, мезьда меле космодромсь ётась Казахстан республикати.

Тяни Байконур комплекссь максф арендас Россияти. Казахстанть и Россиять ёткса ули договор, конань коряс арендась кармай улема 2050 кизоти самс^[1]. Россиясь панды питне космодромть тевс нолдаманц инкса 10,16 млрд цалковай кизоти.

Байконурть историяц

Путомац-ладямац

Байконур космодромть эряма пингоц

Межконтинентальнай баллистическяй ракета (МБР) Р-7, кона тиф водороднай бомбань ускоманди-пачфтоманди и тевс нолявсь мала ракет-носителень тиеманди тевс нолямань инкса пилотируемай космическяй лиемат, вешсь тиемс од полигон сонь тевс нолдаманцты (инголе советскяй ракетатнень тевс нолдамань варчсемасна ётафневсь Капустин Яр Астраханскяй аймакса полигонца).

1954 кизоня комиссиясь покодсь полигонть путоманцты-стяфтоманцты вастонь кочкамать коряс, кирдезень мяльса тя вешфкснень:

оцю келес ащи аф лама эряень мархта аймак, конань велень хозяйстваса производстваса(эрявиксшикс ульсь вастт ракетань прамань куцеманянь аерфтомась, лиемань кить-вастть видеса афольхть уле лама ломань мархта эряма вастт);
машина кинь улемась полигону грузонь пачфтеманкса, сяконь лувксса ракетань блокт;
цебярь ведень надёжнай лисьмапрят, полигонть симомань и технологическяй ведьса оцю объёмса пяшкодемац;
ракетать кеподеманц и сонь пря пестонь пяльксонц праманц ёткса вастсь улель аф 7.000 вайгяльбеда аф сяда кржа.

Полигонть ладяманцты-тиеманцты ванондовсь аф кржа васта: Марийскяй АССР-сь, Дагестанць Каспийскяй морять шимадома ширец, Астраханскяй аймаксь(Харабали Кызылординскяй аймаксь. Ульсь нинге фкя эрявикс ширь: васенце ракетать эса Р-7 ульсь радиоуправлениянь ладяфкс. Сонь тевс ноляманц инкса эрявсть мода лангса колма пунктт, коста макссевсть радиокомандат: кафттне — стартть эзда 150—250 вайгяльбе вастса, колмоцесь — трассать кувалмова 300—500 вайгяльбе вастса. Инь цебярь вариантокс кочказь Кызылординскяй аймакть, сяс мес марийскяй вариантса радиоуправлениянь пункттне ульсть аф ётави вирьса и шяйса, дагестанскяй — панда ёткса, астраханскяй — Каспийскяй морять акваторияса.

Тяфта, полигонти кочкафоль шава вастсь-пустынясь Аральскяй морять эзда, Средняй Азиянь Сыр-Дарья оцю Ташкент^[2]. Полигонти цебярь вастокс лувовсь и ся, што тяса ульсь 300-та лама валда, пси шида и экваторти экватор малашись. Модать шаромац Байконуронь келеса ульсь 316—323 м/с, Плесецк (космодром) келеса — 212 м/с.

Лоткама вастонди Военнай полигонти кочкафоль шава васта кафта райцентра ёткса Кызылординскяй аймаксь Казалинскса и Джусалыса,Тюра-Там Среднеазиатскяй машина кинь кирашкть маласа.

Казахстанть масторкотфоц

1954 кизоста ацамговста сявомок 1955 кизоти панжиковти молемс тя вастса покодсь рекогносцировочнай экспедиция, конань видеса ульсь эрь кодама специальностсь коре пяк лама ломань. Тя вастти ульсь максф кодовай лем «район Леоновки», тя шифрась ульсь командировочнай сёрматфксса^[3] Космодромть официальнай шачема шикс лувови лямбековть 2-це шиц 1955 кизось.

Космодромть лемонц эвондамац-шачемац

Советскяй ракетнай полигонть афкуксонь вастонц американскяй разведкась кармась содама марьговть 5-це шистонза 1957 кизоня, мзярда СССР-нь модать вельхксса лийсь самолётсь-разведчиксь Lockheed U-2. 1957 кизоста сявомок и 1990-це кизотненди самс западнай источникса полигонць няфневсь кода Tyuratam (Тюратам) маластонь железнодорожнай станциять лемса^[4].

Шудиковть 12-це шистонза 1961 кизоня космическяй корабльть «Восток» васенце космонавтть Ю. А. Гагаринонь мархта международнай организациятненди ульсть азфт тя стартовой позициять координатонза. «Байконур» лемсь панжада печатьса кармась улема космодромть мельге — НИИП № 5^[5].

Полигонть ульсь условнай почтовай адресоц: Ташкент-90.

Космодромть эряма кинь пингоц

«Протон-К» ускси «Тяште» модульть орбитав МКС-ти

Космодромть эряма кинь пингоц ушедсь якшамговть 12-це шистонза 1955 кизоня. Тя пингста сявомок космодромса ётафневсть эрь кодама тев тиемат. Кепотьксонди:

Тюжяковть 4-це шиц 1957 кизось (22.28) — лувови космическяй эрань ушетксокс, мирса васенце искусственнай спутникть нолдамац ПС-1 Р-7 лезксонц вельде.
Панжиговть 9-це шистонза 1959 кизоня — кочкаф Я. И. Колтуновонь (научнай группаста, конань вятезе акад. Тихонравов Михаил Клавдиевич од конструкциянь сооружениянь стратоц^[6].

Шудиковть 12-це шись 1961 кизось (9.07) — космосу васенце ломанть Ю. А. Гагаринонь лиемац.
Панжиговть 9-це шись 1962 кизось — СССР Верховнай советть президиумоц кемокстазе космонавтикань шить.
Лямбековть 16-це шиня 1963 кизоня (9.29) — Восток-6 ракетать нолдамац, конаса лийсь космосу мирса васенце авась В. В. Терешковась.
Эйзюрговть 18-це шиня 1965 кизоня (10.00) — Восход-2 ракетать нолдамац, конаса лиссь панжада космосу мирса васенце ломанць А. А. Леонов.
Даволговть 1-це шиня 1999 кизоня — «Заря» функционально-грузовой блокть околоземнай орбитав нолдаманц мархта ушедовсь Международнай космическяй станциять тиевомац-строямац.

Ю. Гагаринонь "Байконур" космодромста лиемац
В. Терешковась - васенце авась-космонавтсь
А. Леонов панжада космосса

Байконурть тяниень пингоц

Байконурть инфраструктуранц кирдеманкса эряви пяк лама ярмак. Тяфта Роскосмоссь 2012 кизоня ётафтсь 1 миллиардта лама цалковай(33,3 миллион доллар). Байконурть ошть бюджетозонза ФГУП «ЦЭНКИ» филиалсь — «Космическяй центрась „Южнай“» 2012 кизоня ётафтсь миллиард цалковай эрь кодама налогонь вельде^[7].

Якшамговть 27-це шистонза 2016 кизоня Роскосмос-онь пресс-службаса азозь сянь колга, што 40-да лама тур-оператор кармай тиендема Байконур и Восточнай космодромса экскурсият^[8] ^[9].

1990-це кизотнень «Байконурть» инкса шумотне

1999 кизоня Россиясь няфтезе космодромть аренданц и лия военнай объекттнень тевс нолямаснон инкса Казахстанца шумоть $1,893 млн.питнес коре.

Марнек шумотне ульсть пантфт 1994 кизоня^[10].

Россиять тумац-лисемац Байконурста

2009 кизоня российскяй военнайхне кадозь Байконур комплексть. Панжиговста 2018 кизоня российскяй прессаса эвондасть российскяй военнайхнень космодромста тумаснон колга кулят. Россиясь лувсы эстеенза сяда перспективнайкс Амурскяй областьса (2018 кизода меле) «Восточный» российскяй од космодромть.

Перьфпяльсь

Космодромсь ащи пандоня мархта лапш вастса, лямбе ширесонза шиньстама ширеста шинь мадома ширети ланганза шуди Сыр-Дарья ляйсь.

Сырдарья ляйть келец 120—200 м, крхкалмоц 1,5 — 5 метрат, шудерьксть виец 0,8 м/с. Потмаксоц шувару; ляйсь шуди кичкоркоткшнезь. Ляйть и шудерьксонзон эса ведсь аф салу, пяндра, симоманди ладяй аньцек торхтатнень озамдост и лацкас аруяфтомдонза меле. Ляйса ведть серец оцю шудиковста ушедомок медьговти самс. Сыр-Дарьять эзга фланкс судоходствань вятема эф эрси, ётнихть ёмла суднат, конат озайхть 1,2 метрань сереса. Ляйсь эендакшни ацамговста, шадотне туйхть эйзюрговста. эйть эчколмац сяда сидеста эрси 0,5 метр, пяк кельме тялоста — 0,9 метрань эчколмаса.

Касыксса вельхтяф васттне: нярькамазонь (кельмеширень) шава васта. Ляйть трваванза касыхть сялги тишет и тугаишуфтт 3-7 метрань сереса васток васток касы сенди серец пачкотькшни 4 метрат, нярьхкамазсь — 0, 5 метрань сереса. Шава вастсь тишеса вельхтяф шуроста, сянгярьготкшни аньцек тунда, лямбековть ушедомозонза тишесь олси. Космодромть видеса касыхть Борщовонь тюльпанонза, конат панжихть шудиковста; тя касыкссь арась космодромти содама вастокс, колганза лятфневи ламоц статьятнень, книгатнень и Байконурть колга фильматнень эса. Байконуронь тюльпаттнень колга харьковскяй валморайсь Иван Мирошников сёрмадсь стихотворения, кона лемтьф омбоце космонавтти Герман Титовонди^[11].

Климатсь

Климатсь пяк континентальнай прашенды пяк кржа (120 мм кизоти), сяда ламос валдопты ши мархта; кизось кувака и пси, тялось кельме и вармав (ловть вельхксоц аф сери).

Тялось (сюнерьговть кучкац — эйзюрговть кучкац) сидеста коволу и суз мархта. Кожфть лямбоц шить — −5…−10 °C, веть — до −20…−25 °C (абсолютнай минимумсь — −40 °C). Якшапне ушедыхть ацамговста. Тялоть эрь кона ковс лямботьфнесы. Сяда сидеста моли лов. Ловонь вельхтердась тиеви ацамговть омбоце пяльксстонза и кирди эйзюрговть пес; тя ловть серец 10 сантиметрада аф касонды (пяк лову тялонда — 26 см). Модась эендакшни — 1,3 метрань сереса.

Тундась (эйзюрговть кучкац — шудиковсь) лямбе, васенце пялькссонза сидеста полафни ушесь. Кожфть лямбоц шить — −1…+10 °C, веть — −10 °C; сезонть песта шить — +25 °C, веть — −1…+8 °C. Улендихть нюрьхкяня пингонь пизепт, лияста моли лов мархта пизем. Ушетксста — эйзюрговть кучкаста, аф лама ши уфайхть вии вармат и пулень давлдхт (лиякс мярьгихть «бескунак»). Шудиговть песта и панжиговть улендихть пяк вии вармат (25м/с), мезсь вяти зиянонди.

Кизось (панжиговсь — иможговть кучкац) пси, пиземфотма. Кожфть лямбоц шить — +30…+40 °C (абсолютнай минимумсь — +45 °C), веть — +15…+18 °C. Кизонда сидеста улендихть коськонь уски вармат, а лияста и пулень даволхт, конат кепсихтьь кожфти шувар и пуль.

Сёксесь (иможговть кучкац — сюнерьговть кучкац) васенце пялец коське и лямбе, омбоцесь туцяв и кельмаза. Кожфть лямбоц шить — +5…+25 °C (абсолютнай минимумсь — +45 °C), веть — −5…+5 °С. Сидеста улендихть пизепт; сюнерьговть омбоце пяльксста прашенды начка лов.

Космодромонь оцюнятне

Алексей Иванович Нестеренко (1955—1958 кк.)
Константин Васильевич Герчик (1958—1960 кк.)
Александр Григорьевич Захаров (1961—1965 кк.)
Александр Александрович Курушин (1965—1973 кк.)
Валентин Илларионович Фадеев (1973—1978 кк.)
Юрий Николаевич Сергунин (1978—1983 кк.)
Юрий Аверкиевич Жуков (1983—1989 кк.)
Алексей Леонтьевич Крыжко (1989—1992 кк.)
Алексей Александрович Шумилин (1992—1997 кк.)
Леонид Тимофеевич Баранов (1997—2007 кк.)
Олег Владимирович Майданович (2007—2008 кк.)
Евгений Николаевич Анисимов (2008—2014 кк.)
Михаил Юрьевич Варданян (2015—2016 кк.)
Евгений Иванович Раковский (2016—2019 кк.)
Валинур Светланович Агишев (2019 г. — т.п.)

Космодромонь оцюнятне 1955—2016 кизотнень молихть «Музы Байконура» книгаса максф лемлувксть коряс.

Казненза

«Байконур» космодромсь казьф тяфтама казнеса: «Ленинонь орденца», «Якстерь тяштень орденца», «Октябрьскяй революциянь орденца»^[12].

"Якстерь тяштень орденць"
"Ленинонь орденоц"
"Октябрьскяй революциянь орденць"

Экологиянь прябалатне

Байконурста космосу лиематне каннихть зиян Казахстанонь и Россиянь азиатскяй пяльксонь перьфпяльти. РАНХиГС космонавтть-испытательть С. В. Кричевскяйнь валонзон коряс, аньцек «Мир» станциянь программать вельде Байконурста 1986 кизоста сявомок 2001 кизоти молемс ульсть нолдафт 102 ракета-носитель. Кандомась 40 тёжянь тоннань малава, асу грузсь аньцек — 2 %, лядыкссь — отхотт, конатнень эзда 90 % — ракетнай топлива и 8 % — лядыкс массась, кона прась модать лангс.

РФАлтай республикать эрь кодама пингть ульсть муфт головной обтекателень фрагментт, окислителень бакт, горючаень бакт, двигательнай установокань фрагментт.

Ракета-носительхнень эзда аерды пяльксне пяк рдаскафтсазь перьфпяльть. Учёнайхне шарфнихть мяль ракетнай топливать (гептил токсическяй компонентонзон и сонь производнаензон лангс, азотнай тетраоксид и лиятнень), конат вятихть урмань эвондамати кода ломаттнень, станя и ракшатнень эса.

Тяза канневихть билирубиновай полафтомась, пеки аватнень анемиясна, «тюжя» идень шачфтомась и лият. Верх-Апшуяхта велэряйхне сотнезь ламотнень куломаснон 2018—2019 кизотнень пингста «колма кизода инголе» сянь мархта, што аф ичкози велеть эзда прасть «Протон» ракетать пяльксонза.

Казахстанца улихть и космодромти каршек ащихть («Антигептил» движениясь), конат китькснесазь ракета-носительть эзда вредть улеманц «Протон». Сидеста ня каршек ащихне тиендихть акциянь протестт^[13].

Компьютернай налхкоматне

«Байконур» космодромть коряс ладяфт-тифт компьютернай налхксемат руз.: (Компьютерные игры).

компьютернай налхкомаса Call of Duty: Black Ops «Особое задание» миссияса налхкись сай космодрому и прафтсыСоюз-2"ракетать, нинге тяряфтсы шавомс Драгович генералть и сонь Кравченко лездыенц, но теест удалай ворьгодемс.
Command & Conquer: Generals компьютернай налхкомаса террористтне фатясазь космодромть и нолдайхть биологическяй оружия мархта ракета.
Frontlines: Fuel of War налхкомаса налхкити сави пачкодемс стартовай площадкав, штоба лоткафтомс ядернай ракетатнень нолдамаснон.
Destiny налхкомаса можна содафтомс шава и синнеф-тапаф космодромть мархта васенце миссияса. Меле тя локациясь няфтеви социальнайкс.

Лятфтаматне

Литературась

Елисеев В.И. «Мы в Байконур вросли сердцами». — М.: ОАОМПК, 2018. — 766 с. — ISBN 978-5-8493-0415-1.

Ссылкатне

[1] The Economist Independent journalism

[2] Найшуль: Как мы выбирали расположение космодрома Байконур

[3] Е.А. У каждого человека своя судьба. — Полигон Капустин Яр

[4] The Tyuratam Enigma

[5] 56-76 г.г. Тюратам

[6] «Стадион». Неизвестное об истории стартовых сооружений Байконура

[7] в 2012 году вложила в развитие «Байконура» 116 миллионов долларов

[8] 40 туроператоров получат возможность возить туристов на Байконур и Восточный

[9] Запуск космодрома Восточный не уменьшит потенциал Байконура

[10] Казахстан не имеет претензий по выплате российского долга за аренду Байконура — министр экономики и бюджетного планировании

[11] Неизвестный Байконур

[12] Космонавтика. Справочный. Байконур — Памятные даты

[13] Астане активист скандального движения Антигептил решил подраться с главой Казкосмоса

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Тематические сайты	Structurae
Словари и энциклопедии	Большая каталанская Большая норвежская Большая российская (старая версия) Хорватская Britannica (онлайн) Современной Украины Справка РИА
В библиографических каталогах	GND VIAF WorldCat VIAF

Космодромы и ракетные площадки
Действующие	Австралия Арнем Бразилия Алкантара Баррейра-ду-Инферну Израиль Пальмахим Испания Эль-Ареносилло Индия Космический центр имени Сатиша Дхавана Иран Семнан Китай Тайюань Сичан Вэньчан Цзюцюань КНДР Сохэ Тонхэ Новая Зеландия Rocket Lab LC-1 Норвегия Andøya Сварлак Пакистан Сонмиани Тилла Республика Корея Наро Россия Байконур Восточный Плесецк Капустин Яр США Космический центр Кеннеди Уоллопс Среднеатлантический региональный космопорт Мыс Канаверал Космопорт Флорида База Ванденберг Испытательный полигон Рейгана Кадьяк Корн-Ранч «Америка» Аэрокосмический центр Мохаве Poker Flat Research Range Colorado Air and Space Port Spaceport Camden Швеция Эсрейндж Япония Танегасима Утиноура Воздушный старт (США) Cosmic Girl Stargazer White Knight Two Stratolaunch (испытания) Международные Морской старт Куру
Строящиеся	Великобритания Коммерческий космодром Великобритании Канада Maritime Launch Services США SpaceX Сесил Космодром Оклахома Colorado Air and Space Port Эллингтон Мидленд Швеция Spaceport Sweden ЮАР Оверберг
Закрытые	Австралия Вумера Ирак Аль-Анбар Испания Гран-Канария Италия Сан-Марко Россия Свободный Ясный Подводные лодки «Новомосковск» К-496 «Борисоглебск» К-44 «Рязань» «Екатеринбург» США Уайт-Сэндс Франция Хаммагир Швеция Крунугорд Воздушный старт Balls 8 (США)