Ардатовскяй светотехническяй заводсь
| АО «Ардатовскяй светотехническяй завод» | |
|---|---|
 | |
| Типсь | Акционернай общества |
| Пуроптф | 1949 кизоня |
| Тядонгольдень лемонза | «Союзный государственный светотехнический завод» (1949–1992), АООТ «Лисма-АСТЗ» (1992–?), ОАО «АСТЗ» |
| Ащема вастоц |
|
| Отраслясь | электротехническяй промышленностсь |
| Продукциясь | энергетическяй оборудованиясь |
| Покодихнень лувкссна | 600 ломань (2024) |
| Сайтсь | astz.ru |
Ардатовскяй светотехническяй заводсь (руз. Ардатовский светотехнический завод) — советскяй и российскяй предприятия светотехническяй продукциянь нолдамать коряс. Ащи Мордовия Республикань Ардатовскяй районца[1].
Эрямопингоц
Заводсь пуроптф-ладяф СССР-нь Министронь Советть мяленц коряс 6-це апрельста 1949-це кизоня тядонгольдень меленцять корпусонзон видеса, кона ащи Мордовскяй АССР-нь Ардатовскяй райононь Тургенево посёлкаса[2].
1949-це кизонь 1-це августста СССР-нь электротехническяй промышленностень министерствать № Е-205 приказонц коряс заводти максф лем «Электропромышленностень Министерствань Государственнай союзнай светотехническяй завод»[3].
1960 кизось — заводсь лувф странань пряфкс предприятиякс сембонди ладяй-эрявксты валдопты арматурань нолдайкс[1].
12-це ноябрьста 1992-це кизоня — АООТ «Лисма-АСТЗ» регистрациясь (меколи лемтьф ОАО «АСТЗ»). Сяда меле лемтьфладяф кода «Ардатовскяй светотехническяй завод» (АО «АСТЗ») Акционернай общества[2].
2012 кизось — ладяф комплекс зеркальнай растровай светильниконь нолдамась[1].
2018—2024 кизотне — производствать модернизацияц: од линиянь сувафтомась-нолдамась светодиоднай светильниконь кочкамать коряс, кочкси цехнень автоматизациясна[2].
Тяниень пингоц
Предприятиять пяльксоц техническяй валдонь рынкаса пачкотькшни 5 процентти[4].
Заводть продукцияц пачкотькшнихть 90 процент Ардатовскяй райононь промышленнай продукциять лувксонц эзда[1].
2012-це кизоня мимась пачкодсь 996 миллион цалковайс[1]. 2023-це кизоть пенцты лихтьф-валхтф продукциять объёмоц ётась 1,2 миллиард цалковайть вельф[2].
Покоди ломаньда — 600 ломанть малава (2024 кизось)[2].
Продукциясь
Предприятияса тиевихть-нолдавихть:
- световой приборхне промышленнай помещениятненди люминесцентнай лампа мархта, оцю давлениянь газоразряднай лампа мархта, эжди лампа эрь кодама промышленностень отраслянь производственнай помещениятненди нормальнай и агрессивнай перьфпяльдень условия мархта помещенияса эксплуатациянди;
- валдопты приборхт административно-общественных помещениянди люминесцентнай лампа мархта Т5, Т8 типонь, КЛЛ;
- валдопты приборхт уше ширде валдоптоманди энергиянь ванфты лампа мархта;
- бактерициднай и эритемнай облучательхть велень хозяйствань, общественнай и административнай помещениятненди;
- пускорегулирующай аппаратт люминесцентнай лампанди.
- Светодиоднай светильникт (2018-це кизоста сявомок)[2].
Лятфтамат
- ↑ 1 2 3 4 5 Энциклопедия Мордовии // Ардатовский светотехнический завод / гл. ред. А. И. Сухарев. — Саранск: Мордовское книжное издательство, 2011. — Т. 1. — С. 112.(Дата обращения: 11 апрельста 2026)
- ↑ 1 2 3 4 5 6 История завода (рус.). Ардатовский светотехнический завод. Официальный сайт. Дата обращения: 7 майста 2026.
- ↑ 60 лет Ардатовскому светотехническому заводу // Светотехника. — 2009. — № 2. — С. 3-5.(Дата обращения: 11 апрельста 2026)
- ↑ Естественное стремление к свету // Стройпрофиль. — 2008. — № 3. — С. 24-26.(Дата обращения: 11 апрельста 2026)
Литературась
- 60 лет Ардатовскому светотехническому заводу // Светотехника .— 2009 .— № 2 .— С. 58-59