Антропов, Василий Яковлевич
| Василий Яковлевич Антропов | |||||
|---|---|---|---|---|---|
| Шачема шиц | 1910-це | ||||
| Шачема вастоц |
|||||
| Кулома шиц | 7-це октябрьста 1943-це кизоня | ||||
| Кулома вастоц |
|||||
| Принадлежностсь |
 СССР |
||||
| Войскань родсь | Пехота[d] | ||||
| Служама кизонза | 1941 — 1943 | ||||
| Званияц |
 |
||||
| Частец | 311-й гвардейский стрелковый полк | ||||
| Сражениятне/войнатне | |||||
| Казненза и премиянза |
|
||||
| Сотксонза | Антропов, Пётр Яковлевич | ||||
Василий Яковлевич Антропов (1910 — 1943) — Покодиень-сокаень-видиень Якстерь Армиянь гвардиянь майорсь, Великай Отечественнай войнаса улись[1], Советскяй Союзонь Геройсь (1943).
Эряфонь киц
Василий Антропов шачсь 1910 кизоня январь ковста Пензенскяй губерниянь ( тяни — Мордовиянь Инсарскяй районць) сокаень-видиень семьяса. Дуганоц Антропов Пётр Яковлевич Социалистическяй Трудонь Геройсь. 1934-це кизоня Бакуса аделазе морской техникумть, меле покодсь Каспийскяй моряса, ульсь флотонь штурманкс, сяда тов — суднань капитанкс[2]. 1941 кизоня Астрахань ошень Кировскяй райононь военнай комиссариатсь тердезе Антроповонь покодиень-сокаень-видиень Якстерь Армияс службаса. Аделась комсоставонь оду анокламань курсат. 1942-це кизоста - Великай Отечественнай войнань фронста. Гвардиянь майорсь Василий Антроповсь ульсь Южнай фронтонь 44-це армиянь 108-це гвардейскяй стрелковай дивизиянь 311-це гвардейскяй стрелковай полконь батальононь командиркс. 1943-це кизоня сёксенда цебярьста няфтезе прянц [2].
Антропов В.Я. бюстоц Героень аллеяса Инсар ошса
1943-це кизоня 26-це сентябрьста Антроповонь батальоноц салава врьгятнихнень артиллерийскяй толснон алга пачкодсть Ворошиловка велети (тяни - Украина Запорожскяй областень Токмакскяй райононь Покровскяй), ётазь карша тюрихнень шувфснон, тапазь немецнень араламань вийснон и панезь синь велеста. Немецне ашесть кенерь машфтомс боепрепасонь и материалонь путомань вастснон и потасть. Тюремань вятематнень пингста батальонць машфтсь 200-ста лама немецень солдатта и офицерда, сявсть боеприпасонь ванфтомань 2-та вастт, миномётнай батарея и кондясти 4 орудият. Тюремань вятемаста Антипов майорсь сонць машфтсь врьгятнинь 52-та солдат. Стакаста ранендафоль пряс. 1943-це кизоня 3-це октябрьста сонь пачфтезь № 1091-це госпитальс, коса 7-це октябрьста кулось. Калмаф Украинань Донецкяй областень Макеевка ошень калмалангса[2].
1943-це кизонь 1-це ноябрь ковонь СССР-нь Верховнай Советть Президиумонц Указонц коряс гвардиянь майорсь Василий Антроповонди Советскяй Союзонь Героень лемсь максфоль шавомдонза меле[2].
Тяфта жа казевсь Ленинонь орденца (шавомдонза меле),Суворовонь 3-це степенень орденца, Якстерь Тяштень орденца[2].
Колганза мялямть ванфтомац
- Василий Антроповонь лемонц каннесазь Инсар и Макеевка ошса куротне, идень библиотекатне.
- Инсаронь 1-це № школаса ладяф Антроповонь бюстоц, школать стенаса ладяф лятфтамань седяф.
- Андроповонь бюстонза ладяфт Инсар ошень Героень аллеяса и Инсарскяй райононь Кульмеж велеса[2].
Лятфтамат
- ↑ Память народа. Дата обращения: 31 майста 2022. Архивировано 31 майста 2022 года.
- ↑ 1 2 3 4 5 6 Василий Яковлевич Антропов (рус.). Сайт «Герои страны».
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.