Аляксей Мокшони

Аляксей Мокшони
Аляксей Мокшони
Псевдонимоц	А. Мокшони
Шачсь	21-це февральста 1898-це кизоня
Шачема вастоц	Лопатина[d], Тарбеень район или ; Тарбеень район;
Кулось	26-це июльста 1972-це кизоня (74 кизоц)
Калмама вастоц	Моску, СССР;
Гражданство (подданство)	СССР;
Тевтиемань родсь	дипломат, Ётафтысь, сёрмадысь, драматургсь
Направлениясь	проза
Жанрась	азкс, пьеса

Мокшони, Алексей Ильич (Кочетков); (21-це февральста 1898-це кизоня, Лопатина^[d] или Тарбеень район — 26-це июльста 1972-це кизоня, Моску) — сёрмадысь, дипломатсь, професорсь^[1].

Эряфонь киц

Шачсь Торбеевскяй райононь Лопатина велеса 1898-це кизонь 21-це февральста ашу семьяса. Кемгафтува кизоса лядсь тядяфтома. Савсь улемс постуфокс. Эсь велеряензон мархта якась работань вешендема лама лия вастс. Пуроптсь ярмак, сась Москуву тонафнема. Но ашуфненди гимназиянь и университетонь кенкшне сёлкфтольхть Пингонь ётзь састь армияса служама кизонза. Мольсь импеориалистическяй войнась и теенза 1916-це кизоня савсь тумс фронту. Ётазень гражданскяй войнатьке кинзон, тюрсь Деникинонь, Колчаконь каршес.

[1917]-це кизоня Рига Ошть ала сон, ранендафсь, повсь пленц, коса ульсь кизода лама. 1919-це кизоня мрдась шачема масторозонза и эстокиге сувась Якстерь Армияв. Васенда сон служась рядовойкс, тоса аделась командиронь курсат.

[1923]-це кизоня ульсь демобилизовандаф и сась эсь ширезонза Лопатинав. Войнада меле А.И. Мокшони мрдась эсь велезонза. Кочкафоль Ачадовскяй волостной исполнительнай комитету, а сяда меле — Беднодемьяновскяй уезднай Совету.

1924-це кизоня пяшкодсь кунардонь мялец: сон кучфоль тонафнема Москувонь университету, коса примафоль международнай отношениянь отделенияв. Сяльде работась Омба масторонь тевонь народнай комиссариатса, Австрияса СССР-ть консульстваса секретарькс. Тяфта ингольдень постуфсь арась советскяй властень (руз.) (мок. пингста дипломатокс.

Великай Отечественнай войнада меле покодсь Внешняй торговлянь народнай комиссариатса, Москувонь пединститутса кочкафоль, профессоркс. Лац содазень англань, немецонь и французонь кяльхнень.

Творчествац

Художественнай произведениянь сёрмадома ушедсь 1923-це кизоня. Эста сон сёрмадозе и велень сценаса путозе «Сидоронь Мишусь» пьесанц. Васенце азксоц «Тюляй» печатлафоль «Од веле» газетаса 1925-це кзоня. Лия сёрматфонза:

«Мянцеф янга» (руз. Извилистым путём)
«Сидоронь Мишусь» руз. «Миша Сидора» (1925)
«Од эряф» руз. «Новая жизнь» (1931)
«Виде Киге» (руз. «Прямой дорогой») (1933)

Мокшонинь творчестваса улихть произведениять войнать колга^[2].

Лятфтамат

↑ Писатели-фронтовики, уроженцы Торбеевского района Республики Мордовия (рус.). Презентации формата ppt оонлайн. Дата обращения: 23 октябрьста 2025.
↑ Литератруная онлайн галлерея писателей-фронтовиков Мордовии «Строками тех, кто был в бою» (рус.). Национальня библиотека им. А. С. Пушкина Республики Мордовия (19 июньцта 2023).

Литературась

В. Горбунов, Б. Кирюшкин, В. Пешонова и др. История мордовской советской литературы(руз.). — Саранск: Мордов. кн. изд-во, 1968. — Т. 1. — 415 с.

Ссылкатне

Наши земляки-писатели

[1] Писатели-фронтовики, уроженцы Торбеевского района Республики Мордовия (рус.). Презентации формата ppt оонлайн. Дата обращения: 23 октябрьста 2025.

[2] Литератруная онлайн галлерея писателей-фронтовиков Мордовии «Строками тех, кто был в бою» (рус.). Национальня библиотека им. А. С. Пушкина Республики Мордовия (19 июньцта 2023).

[1]

[2]