Max (приложения)

Рувики лопаста
Max
Скриншот программы Max
Типсь Компьютеронь программась
Разработчик ООО «Коммуникационная платформась»
Операционнай систематне iOS, Android, macOS, Windows
Интерфейсонь кяльхне англань, рузонь и лият
Васенце нолдамась 27-це мартста 2025-це кизоня
Состояниясь вишке
Сайтсь max.ru

Max (стилизованнайста MAX) — «ВК-нь» компаниять эзда цифровой платформа, кона пуроптсыне мессенджеронь, мини-приложениянь, пандомань системань и государственнай сервисонь функциятнень [1]. Бета-версиясь, коза сувась мессенджерсь, ульсь няфтьф 2025-це кизонь 27- мартста вебсайтокс и приложениякс устройстватненди iOS, Android, macOS и Windows[2]. 2025-це кизоня июль ковста VK корпорациясь азозе анокшинц каземс 5 миллион цалковайти ярмак Max -са муф аф сатыкснень инкса[3].

2025-це кизоня 1-це сентябрьста Max-сь кармай нолявома тевс Россияса законодательствать коряс сембе од устройстваса. Сай пингть арьсекшневи поладомс «Госуслугатненди» штрафнень пандоманкса, документтнень оформляндаманкса и государственнай лия сервисненди[4]. Васенда регистрациясь платформаса ульсь доступнайкс Россиять и Белоруссиять эзда сувайхненди. 2025-це кизонь 5-це ноябрьста сявомок тя возможностть получазь Азербайджанонь, Армениянь, Казахстанонь, Киргизиянь, Молдавиянь, Таджикистанонь и Узбекистанонь эряйхне[5].

Эрямопингоц

Max мессенджерть нолдаманц анокламанц колга кулятне эвондасть 25-це мартста 2025-це кизоня. Эста СМИ-тне инсайдерхнень лангс ссылкаса пачфтезь, што «маластонь пингть» приложениянь лавкатнень эса (App Store, Google Play) эвондай мессенджерть бета-версияц, кона максы уликсши кучсемс сёрмат, гайфнемс и кучсемс 4 ГБ объемса файлат. Лятфтавсь, што странать территорияса ульсть путфт медиасерверхт, конат лездсть онлайн-гайфтематнень покодемаснонды, а максови корхтамать качестванц касфтоманкса тевс сувафтфтольхть машиннай тонафнемань технологиятне. Тяшкстафоль, што васенце версияти сувайхть инструментт корпоративнай чат-боттнень ладямаса, конат лездыхть тиемс финансовай сервист, ширень кирдемань службат и лия паршихть.Стане жа пачфневсь, што цифровой платформати ёрави сувафтомс мини-приложеният, пандомань система и государственнай сервист, а приложенияти ули кода арамс малакс китайскяй Wechat-ти[6].

Финансовай эксперттнень арьсемаснон коряс, васенце этапса проектти инвестициятне маладольхть 1 миллиард цалковайти[6].

27-це мартста платформась арась сатовикс приложения лаца iOS, Android, macOS, Windows базань устройстватнень лангс, а стане жа вебсайтонь формаса. Бета-версияти повсть личнай и марстонь чатт, уликсши кучсемс вайгялень сёрмат, медиафайлат, документт 4 ГБ размеронь коряс, стикерхт и сообщениятнень лангс реакцият, тиендемс аудио - и видеогайфтемат, тиендемс чат-ботт и мини-приложеният[2].

2025-це кизонь 14-це апрельста ульсь азф Max сервисти искусственнай интеллектонь GigaChat 2.0 сувафтомать колга. ИИ-ть мархта марстонь покодемась тиендеви личнай чатса, коза сувайти ули кода кучемс вайгялень и текстонь сообщеният, аудиофайлат, изображеният и документт, а каршек питнефтома получамс эрявикс информациять (тяконь лувксса интернетса кялень модельть вельде муф). Max-нь бизнес-клиенттненди ули кода ИИ версият — GigaChat 2 Pro или GigaChat 2 MAX[7].

2025-це кизонь июнь ковть даннаензон коряс, мобильнай устройстватнень и компьютерхнень эса Max российскяй мессенджерса учетнай записень лувкссь пачкодсь 1 миллионти [8]. 2025-це кизонь июль ковть ушеткссата MAX сёрматфтыхнень лувкссна кассь 2 млн. лама [9].

2025-це кизонь 1-це сентябрьста Max мессенджерть ёрасазь путомс Россияса нолдаф од мобильнай устройстватнень лангс[10].

2025-це кизонь июльста Т2 нолдась Max мессенджерти перяфксфтома интернет-трафик [11].

2025-це кизонь 19-це июльста Google Play российскяй сегментса сидеста тевс ноляви приложениянь лемлувксса Max-сь сатозе 10-це вастть [12].

2025-це кизонь 23-це июльста Санкт-Петербургонь губернаторсь Александр Беглов азозе, што ошсь арай российскяй васенце регионкс, кона кармай ноляма тевс Мах национальнай мессенджерть ошень службань покодеманкса:

Пилотсь уш нолдаф: Max-са тиевсть «Служба 112 Санкт-Петербурга» и «Информационно-справочная служба Санкт-Петербурга 122» аккаунтне, конатнень мархта пшкядихненди ули кода корхнемс текстовай чатса или гайфнемс видеста мессенджерть потмоса[13].

2025/2026 тонафнемань кизоть ушедоманцты «Сферум» платформать петфтасазь Max российскяй мессенджерти. Сотомась ётафневи VK (руз.) (мок. команиять мархта. «Сферумсь» кармай сяда тов нолявома тевс учительхнень, тядятнень-алятнень и тонафнихнень ёткса сотксонь кирдемста[14].

20 августста 2025-це кизоня мессенджерса тестовай режимса ули кода сявомс весть максови код «Госуслуги» порталу суваманкса[15].

20 августстаа 2025-це кизоня МВД-сь азсь латта MAX-са мошенничествань колга кундамать колга. Палас повсь — Курскяйста авась, макссь мошенникненди, конат теенза гайфтсть од мессенджерть вельде, 444 тёжянь цалковай[16].

1-це сентябрьста 2025-це кизоня MAX мессенджерсь сувась программань лувксс, Конат обязательнайхть Россияса электроннай устройстватненди путомс инголи правительствать распоряжениянц коряс, конань кемокстазе премьер-министрсь Михаил Мишустин. MAX-сь полафтозе VK мессенджерть, кона ульсь спискаса 2023 кизоста сявомок[17].

2025-це кизонь 29-це августста Москувонь мэрть полафтыец Анастасия Ракова азозе 1-це сентябрьста сявомок ётафтомс Мах-у сембе школьнай родительскяй чаттнень столицаса[18].[19].

2025 кизонь 1-це сентябрьста сявомок «Билайн», МТС, «МегаФон» связень операторхне макссть абоненттненди лимитфтома доступ MAX мессенджерса[20].

2025-це кизонь 4-це сентябрьста мессенджеронь пользовательхнень лувкссна кассь 30 миллион ломаньда вельф[21].

2025-це кизонь августста Max мессенджерть Безопасностень центранц вельде, ульсь пякстаф пцтай 67 тёжянь подозрительнай аккаунт, муф и урядаф 13 тёжяньда лама палань канды файла. Сембода сидеста пякстамань эвондакшни туфталкс арасть спам-рассылкань тяряфнематне. Мошенниконь аккаунттне, конатнень эзда тиендевсть противоправнай действиянь тяряфтомат, сёлгфтфт платформань Безопасностень центрась эряфоньберьф[22].

2025-це кизонь 8-це сентябрьста Россиянь Президентсь официальнай каналсь ушедсь покодема MAX мессенджерса[23].

2025-це кизонь 14-це сентябрьста содавсь, што Россиянь Совбезонь зампредсь Дмитрий Медведев панжезе каналть МАХ-са[24].

2025-це кизонь 2-це октябрьста приложениять нолдамдонза меле, эсонза регистрировандась 40 миллионда лама сувай[25].

6-це октябрьста 2025-це кизоня Fly By Metrics компаниясь нолдазе тевс сервисть MaxStat.IO каналхнень колга уликсонь анализонди национальнай мессенджерса. Кода пачфтезь разработчиконь представительхне, Од сервиссь — Tgstatти коряс аналог Telegram-ти, кона тиф Maxнь касы экосистемать структурировандаманцты и площадкатнень активностьснон и динамикаснон коряс своднай метрикань максомати.[26].

Станя жа 2025 кизонь октябрьста мессенджерса эвондась водительскяй удостоверениять коряс цифровой ID-нь тиемань функция. Инголи цифровой ID можналь тиемс аньцек биометриять или омба масторонь паспортть коряс[27].

17-це октябрьста 2025-це кизоня платформать пресс-службаса пачфтезь, што ковоньберьф мессенджерть Безопасностень центрац сёлгсь 105 тёжянь подозрительнай аккаунт, ульсь муф и ёрдаф 350 тёжяньда лама вредоноснай файла. Тяда башка, МАХ-нь Безопасностень центрать и Россиянь МВД-ть марстонь работасна сентябрьста вятсь 9 мошенникнень кундамаснонды, конат вятсть тефт Россиянь эрь кодама ошса и салсесть ярмак[28].

2025-це кизонь 12-це ноябрьста Российскяй Федерациянь строительствань и жилищно-коммунальнай хозяйствань министрсь Ирек Файзуллин азозе, што тя кизоть пес Россияса эрь лама квартирань кудти эряви тиемс кудонь чат Max мессенджерса[29].

2-це декабрьста 2025-це кизоня Россиянь Минстройсь И ДОМ. РФ нолдасть Мах-са од строень мельге ваномань сервис[30].

2025-це кизонь 4-це декабрьста сявомок 19-це декабрти самс «Итоги года с В. Путиным» чат-ботть вельде Мах-нь пользовательхненди ульсь кода максомс кизефкс государствань оцюняти. Кизефксонь кочкамась тиф эрь кизонь виде линиять видеса[31].

Тевс нолдамац

Max-ть ули кода нолдамс тевс (iOS, Android) мобильнай устройстваса, (Windows, macOS) персональнай компьютерса, а тяфта жа веб-интерфейсть вельде. Приложениять можна ладямс App Store, Google Play, RuStore и AppGallery цифровой лавкаста. Пользовательть сёрматфтомац мольфтеви телефононь номерть коряс — российскяйть или белорусскяйть. Васенцеда нолдамстонза эряви сувафтомс лем и путомс профилень изображениять [2][32].

Интерфейсоц ащи ниле основной вкладкаста: «Контактт», «Чатт», «Гайфтемат», «Тев тиемат». Потмоса улихть чаттнень ланга няевомаснон кастомизациянь, папкава явомань, уведомлениятнень тиемань и салавашинь ванфтомань мархта управлениянь функцият[32].

  • Max мобильнай приложениять интерфейсоц
  • Прянь сёрмадоманди васенце аськолкссь

    Прянь сёрмадоманди васенце аськолкссь

  • Прянь сёрмадомста аватаронь кочкамась

    Прянь сёрмадомста аватаронь кочкамась

  • Max-ть мархта ваенце содафтомась

    Max-ть мархта ваенце содафтомась

  • Корхнематнень коряс папкась

    Корхнематнень коряс папкась

  • Чат-ботсь

    Чат-ботсь

  • Мини-приложениясь

    Мини-приложениясь

2025-це кизонь 9-це июльста 12 частста 46 минутаста MAX платформаса арась кода нолдамс тевс лама лувксонь группаттненди пефтома видегайфтемань функциять. Гайфтемать тиемста сувайхненди эряви люпштамс «Гайфтемат» кнопкать и тиемс серьгядеманди ссылка. Видеоконференциять пингста покодихть экранть няфтемац и участникнень сеткаса няфтемасна. Маластонь пингть арьсеви поладомс чат, администраторонь правань максома, нейроаватархт, маскат и виртуальнай фотт [33].

Россиянь Минцифрась аноклась теварьсефкс Эрявикс социальнай сервисонь реестра, конань эса азфт интернет-ресурсне, конат кармайхть покодема мобильнай интернетть лоткафтомстонза. СМИ-са даннайхнень коряс, лемлувксти сувафтовсть 57 сервист — тя российскяй инь оцю компаниятне, тянь лувксса VK, Яндекс, Сбербанк, ВТБ, Озон, Wildberries, Авито, Rutube, РЖД, Почта России сервисне и кой-мзяра вяти СМИ-да, тяфтапне кода РИА Новости и РБК-сь. Стане жа лемлувкстисувафтфт Госдумань, Совфедонь, Генпрокуратурань и МЧС-нь сайттне. Минцифрась азозе, што лемлувкссь панжада и кармай полаткшневома сяда товга, ведомстваса стане жа атказасть «Фонбет» букмекерскяй конторать поладоманц колга информациять эзда. 2025-це кизоня сентябрь ковста Цифровой виияфтомань, связень и массовай коммуникациянь министерствась азсь сайттнень, конат покодихть мобильнай интернетть лоткафтоманц пингста, «акша спискаснон» эрь недяляня одкстоптомаснон колга. Kazan Digital Weekфорумса ведомставнь оцюнясь Максут Шадаев азозе журналистненди, што сервисонь лемлувкссь аноклави популярнай ресурснень рейтингснон мяльс сявозь и сувафнесыне Госуслуги, «Яндекс», «ВКонтакте», «Одноклассники», Mail.ru сервиснень, Max (приложения) национальнай мессенджерть, Ozon и Wildberries, Авито, «Дзен», Rutube маркетплейснень, «Мир» пандомань системать сайтонц, правительствать и президенть сайтснон, вайгялень максомань дистанционнай электроннай федеральнай платформать, а тяфта жа связень оцю операторхнень ресурсаснон

Коммуникациятне

Платформась кирнесы сообщениянь полафнемань стандартнай уликсшитнень[2][34]:

  • личнай и марстонь чаттне;
  • текстовай сообщениянь, изображениянь, видеонь и документонь прважамась 4 ГБ объемса;
  • вайгялень кулянь пачфтемась;
  • стикерхнень и реакциятнень тевс нолямасна эмодзи вельде[2][34].

Тиф аудио-и видегайфтематне покодихть цебярь или кальдяв сигнал мархта сетьса. СМИ-ть азфонц коряс, гайфтематнень эса кирдеви стабильнай соткссь и корхтамать и изображениять няфтемасна — цебярь качествась[2][34].

Эсь фкя-фкянь мархта сёрмадомаса можна явомс контакттнень мархта, геолокациять, а тяфта жа кучемс ярмак курокста пандомань системать (руз.) (мок. (СБП)-ть вельде. Приложениянь васенце версияса ули кода кучемс ярмак Альфа-банкста и ВТБ-ста: эрявикс банкть кочкамда меле Max-са тиеви ётама финансовай организациять мобильнай приложениязонза, коса эряви аделамс ётафтомась [35].

Чат-боттне и мини-приложениятне

Max-сь максси уликсши нолдамс чат-боттнень и мини-приложениятнень. Сембось удалай Max Bot API (боттнень тиемаса и вятемаса), Max Bridge (библиотекат клиентскяй мини-приложениятнень марстонь покодемаснонды) и MasterBot — служебнай ботонь ВИШКСТА нолдаманди и API-панжеманди. Разработкась нолдави тевс кода программнайста, тяфта и визуальнай конструктор, ков сувафтовихть BotMother, JetBot, ChatForma, SaleBot и лиятнень вельде. Ботонь лепне, кода и Telegram-са, аделавихть bot валса (кепотьксонди, @examplebot)[36].

Мини-приложениятне нолневихть мессенджерть потмоса интерфейсса, кармайхть улема эсь графикаснон и бизнес-логикаснон мархта, налдавихть тевс чат-боттнень вельде[34][36].

Искусственнай интеллектсь

2025-це кизонь 14-це апрельста сявомок Max-са тиф марстонь покодема GigaChat 2.0 ИИ-платформать мархта. Нейросетсь, кона сувафтф платформати, лезды кочкамс текст, тиемс изображеният, панжемс вайгялень сёрманят, тиемс нюрьхкяня азкс видеотнень, статьятнень и контентонь лия форматнень колга, максомс анализ и оду тиеемс изображениятнень, покодемс A4 форматса документтнень мархта 200 страницати молемс[7].

Искуственнай интиллектсь кирни диалог фкя пингть аф фкя файлань прважамста, машты ладяф информациять коряс аналитическяй ответонь максома и няфни ссылкат тевс ноляф источникнень лангс [7].

Касомац-вииямац

Max платформась, тиевсь «Коммуникационная платформа» ООО-ть лезксонц вельде, конанди учредителькс ащи «Компания ВК» ООО-сь, ванондови кода потенциальнай основа «суперприложениять» («супераппать») тиевомста фкя интерфейсса лама эрь шинь цифровой задачатнень марс пуроптомаснон коряс. 2025-це кизонь апрель ковть кучкаста аф куроконь пинкнень арьсекшневи нолдамс эряфс тяфтама функциятнень [7][6]:

  • бренттнень и разработчикнень кирдемаснон келептемасна мини-приложениятнень экосистемаснон вельде;
  • эсь пандомань системанц нолдамац;
  • государственнай сервиснень мархта марстонь покодема (синь лувкссост «Госуслугатне»)[7][6].

Афсатыксонь азома

Max-ть тевс нолдайхне тяштихть, што «ВК» холдингонь лия сервиснень мархта виде покодема аш, тяфтапнень кода «ВКонтакте» или VK Музыка. Синь стане жа пичефтьсыне кафта факторонь аутентификациянь и даннаень шифровандамань аф улемась - тя пичефти информациять аф пельксшинц и салавашинц колга[37][38].

Платформась васьфтсь сялдома Telegram мессенджерть мархта фкаксшить коряс — пользовательхне кемайхть, тевс нолдаф боттне и мини-приложениятне фкя сякот. Тянь мархта пользовательхне няфнихть кафтолдомат од мессенджеронь тиемань эрявиксшиса, няфтемок уш ули популярнай платформатнень улемаснон лангс. Кой-конатне арьсихть, што отечественнай платформась полафтсыне омба мастороннетнень [34][39].

2025-це кизоня 7-це июльста VK-сь нолдась MAX мессенджеронь агрессивнай реклама, ётксост Инстасамкась, кона сидеста ноляй серисть тевс. Мессенджерть рейтингонза ламода аф фкат: App Store - 4.1, эста кода Google Play - 1.1, мезсь улема сотф Telegram пользовательхнень негативнай реакцияснон мархта конкурентть перяфксонзон лангс. MAX-сь тиенди ставка государственнай лезксть и официальнай сервиснень мархта марстонь покодемать лангс, сяка пингть Telegram-сь ванфтсы аудиториять цебярьста покодемасонза. Конкуренциясь платформатнень ёткса коль касонды[40].

Лятфтамат

  1. ↑ VK создает аналог китайского мессенджера с госуслугами и платежами WeChat. Ведомости. Дата обращения: 15 апрельста 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Дата обращения: 15 апрельста 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Дата обращения: 9 июльста 2025.
  4. ↑ Всё о Max: российский национальный мессенджер запустят в 2025 году. Дата обращения: 9 июльста 2025.
  5. ↑ Регистрация в MAX стала доступна для жителей ещё 7 стран СНГ, AiF (5 ноябрьста 2025). Дата обращения: 5 ноябрьста 2025.
  6. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Дата обращения: 15 апрельста 2025.
  7. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Дата обращения: 15 апрельста 2025.
  8. ↑ В российском мессенджере MAX зарегистрировались больше 1 млн пользователей, Hi-Tech Mail (30 июньцта 2025). Дата обращения: 9 июльста 2025.
  9. ↑ Пользователям МАХ стали доступны групповые видеозвонки, Известия (9 июльста 2025). Дата обращения: 9 июльста 2025.
  10. ↑ Новый мессенджер Max: что это такое, зачем нужен и где скачать, РБК Life. Дата обращения: 9 июльста 2025.
  11. ↑ Т2 запускает безлимитный интернет-трафик на мессенджер Max, TACC. Дата обращения: 16 июльста 2025.
  12. ↑ Max вошел в топ-10 самых популярных приложений в Google Play в России, TACC (19 июльста 2025). Дата обращения: 21 июльста 2025.
  13. ↑ Петербург начал перевод городских служб в национальный мессенджер Max, РБК. Дата обращения: 23 июльста 2025.
  14. ↑ Платформу «Сферум» интегрируют в мессенджер Max в 2025/2026 учебному году, Хабр (26 июльста 2025). Дата обращения: 26 июльста 2025.
  15. ↑ В Max теперь можно получать код для входа на "Госуслуги". TACC (21 августста 2025). Дата обращения: 21 августста 2025.
  16. ↑ МВД сообщило о первом задержании за мошенничество в MAX. РБК. Дата обращения: 21 августста 2025.
  17. ↑ Мессенджер MAX с 1 сентября станет обязательным для предустановки, РБК. Архивировано 5 октябрьста 2025 года. Дата обращения: 21 августста 2025.
  18. ↑ В Москве школьные чаты переведут в Мах, TACC. Архивировано 29 августста 2025 года. Дата обращения: 29 августста 2025.
  19. ↑ Мессенджер MAX с 1 сентября станет обязательным для предустановки, РБК. Архивировано 10 декабрьста 2025 года. Дата обращения: 21 августста 2025.
  20. ↑ Операторы связи предоставили безлимитный доступ к мессенджеру MAX, РБК (1 сентябрьста 2025). Архивировано 28 сентябрьста 2025 года. Дата обращения: 2 сентябрьста 2025.
  21. ↑ Число пользователей мессенджера Max превысило 30 млн, TACC (4 сентябрьста 2025). Архивировано 4 сентябрьста 2025 года. Дата обращения: 4 сентябрьста 2025.
  22. ↑ В Max заблокировали около 67 тыс. подозрительных аккаунтов в августе, TACC (8 сентябрьста 2025). Архивировано 29 сентябрьста 2025 года. Дата обращения: 8 сентябрьста 2025.
  23. ↑ Официальный канал Президента в мессенджере MAX, Президент России. Архивировано 19 сентябрьста 2025 года. Дата обращения: 30 сентябрьста 2025.
  24. ↑ Медведев завел канал в Мах, TACC (14.09.2025). Архивировано 25 сентябрьста 2025 года. Дата обращения: 14 сентябрьста 2025.
  25. ↑ В Max зарегистрировались свыше 40 млн пользователей, TACC (2 октябрьста 2025). Архивировано 2 октябрьста 2025 года. Дата обращения: 2 октябрьста 2025.
  26. ↑ Fly By Metrics: в России запустили аналог TgStat для каналов в Max, TACC. Архивировано 10 декабрьста 2025 года. Дата обращения: 6 октябрьста 2025.
  27. ↑ В мессенджере Max создают цифровой ID по водительским правам, Инказан.ру (10 декабрьста 2025). Дата обращения: 10 октябрьста 2025.
  28. ↑ Центр безопасности MAX заблокировал 105 тысяч подозрительных аккаунтов - Российская газета, Российская газета (17 октябрьста 2025). Дата обращения: 17 октябрьста 2025.
  29. ↑ Многоквартирные дома обязали создать чаты жильцов в Max до конца года | Эксперт (рус.). Эксперт. Дата обращения: 10 декабрьста 2025.
  30. ↑ В Мax появился сервис отслеживания новостроек, TACC (2 декабрьста 2025). Дата обращения: 10 декабрьста 2025.
  31. ↑ ТАСС: отправка вопроса Путину через чат-бот в Max занимает пару минут, TACC (4 декабрьста 2025). Дата обращения: 4 декабрьста 2025.
  32. ↑ 1 2 Max: что известно о новом приложении ВК и аналоге WeChat. РБК. Дата обращения: 15 апрельста 2025.
  33. ↑ Платформа MAX запустила неограниченные групповые видеозвонки, ВЗГЛЯД.РУ. Дата обращения: 9 июльста 2025.
  34. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Дата обращения: 15 апрельста 2025.
  35. ↑ Протестировал MAX от VK, iPhones.ru. Дата обращения: 16 апрельста 2025.
  36. ↑ 1 2 MAX для разработчиков. Max Docs. Дата обращения: 15 апрельста 2025.
  37. ↑ MAX: общение, полезные сервисы. RuStore. Дата обращения: 16 апрельста 2025.
  38. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Дата обращения: 14 апрельста 2025.
  39. ↑ Компания VK выпустила приложение MAX — обещают сделать аналог китайского WeChat. Клуб DNS. Дата обращения: 16 апрельста 2025.
  40. ↑ Мессенджер МАХ - борьба за пользователя — Малкин про MAX на vc.ru, vc.ru. Дата обращения: 9 июльста 2025.

Ссылкатне

Сявф"https://mdf.ruwiki.ru/w/index.php?title=Max_(приложения)&oldid=418192"-ста