12 частонь пингсь
| 24-чатонь пингсь | 12-частонь пингсь | Корхтамаса |
|---|---|---|
| 00:00 | 12:00 a.m. | Пялеве |
| 01:00 | 1:00 a.m. | Вень фкя част |
| 02:00 | 2:00 a.m. | Вень кафта частт |
| 03:00 | 3:00 a.m. | Вень колма частт |
| 04:00 | 4:00 a.m. | Вень ниле частт |
| 05:00 | 5:00 a.m. | Вень вете частт |
| 06:00 | 6:00 a.m. | Шобдавань кота частт |
| 07:00 | 7:00 a.m. | Шобдавань сисем частт |
| 08:00 | 8:00 a.m. | Шобдавань кафкса частт |
| 09:00 | 9:00 a.m. | Шобдавань вейхкса частт |
| 10:00 | 10:00 a.m. | Шобдавань кемонь частт |
| 11:00 | 11:00 a.m. | Шобдавань кефкие частт |
| 12:00 | 12:00 p.m. | Шиньгучка |
| 13:00 | 1:00 p.m. | Шить фкя част |
| 14:00 | 2:00 p.m. | Шить кафта частт |
| 15:00 | 3:00 p.m. | Шить колма частт |
| 16:00 | 4:00 p.m. | Шить ниле частт |
| 17:00 | 5:00 p.m. | Шить вете частт |
| 18:00 | 6:00 p.m. | Веть кота частт |
| 19:00 | 7:00 p.m. | Веть сисем частт |
| 20:00 | 8:00 p.m. | Веть кафкса частт |
| 21:00 | 9:00 p.m. | Веть вейхкса частт |
| 22:00 | 10:00 p.m. | Веть кемонь частт |
| 23:00 | 11:00 p.m. | Веть кефкие частт |
12 частонь пингсь руз.: (12-часовой формат времени) — пингть лувоманц и вятеманц эзда фкясь кой-кона мастор лангса англань кяльса корхтай масторхнень эса[1]. Сон явфнесыне суткать (24 част) 2 фкя лацонь ёткова — a.m. (англ. at the morning) и p.m. (англ. past morning)[2].
Аббревиатурась a.m. (ante meridiem латинонь кяльста ётафтови кода — «шиньгучкада инголе»), а p.m. (post meridiem латинонь кяльста ётафтови кода — «шиньгучкада меле»)[3][4]. Тяфта суткась явови фкя лаца: пялевеста шиньгучкати и шиньгучкаста пялевети молемс[5].
Кой-кона странатнень эса, коса пингсь лувондови тяфта, аш фкя лацонь мяль шингучкать и пялеветь колга, месь вяти тапаряматненди[2].
12-частонь пингса странатне
Сембе масторлангса пингонь лувомать коряс сембе странатне ули кода явфтомс кафту, сятнень, кит нолдасазь тевть 24-частонь лувомаса и государстватне, коса официальна прьняндаф 12-частоннесь[6].
12-частонь лувксть вятьсазь: Австралиясь, Канадась (Квебекта башка), Новая Зеландиясь, СШАсь, Филиппиныхне, Великобританиясь Бангладешсь, Колумбиясь, Египетсь, Сальвадорсь, Гондурассь, Индиясь, Ирландиясь, Иорданиясь, Малайзиясь, Мексикась, Никарагуась, Пакистанць[7][8].
Англань кяльса корхтай кой-кона странатнень и государстватнень эса тевс нолдавихть кафцьке: 12-ннесь и 24-ннесь: Албанияса, Бразилияса, [[Греция]са, Квебекса (канадань Квебекса), Турцияса, Францияса[1][7].
Тяка пингть, мастор лангса сяда ламоцне тевс нолдасазь 24-ннеть: Россияса, Украинаса, Германияса, Японияса и лиятне[9]. Эрь шинь корхтамаса англань кяльса корхтай странатнень эса a.m. и p.m. вастс сяда сидеста нолнесазь тевс описательнай конструкциятнень «шиньгучкада меле», «шить», «илять», «веть» и лиятне[4].
Прябалатне шиньгучкать и пялеветь няфтемаса
Мастор лангса вятеви международнай стандарт ISO 8601-1:2019, кона азондсыне шитнень и пингть. Сембе сяка, аф ваномок тянь лангс, кепотьксонди, 12 част веть и 12 частсь шить англань кяльса корхтай кой-кона странатнень эса, конат нолдасазь тевс пингонь лувомаса 12-частонь форматть, няфтевихть аф фкя лаца, мезенкса лисендихть тапоркст[2].
Тя сотф сянь мархта, мес аш фкя смузь «шиньгучкада меле» кода «12 a.m.» («12 ante meridiem», или «12 част шиньгучкатда инголе») или кода «12 p.m.» («12 post meridiem», или «12 част шиньгучкада меле»)[7]. Лия ширде, пялевесь сяда шарьхкодевиста ули кода азомс «12 p.m.» (12 post meridiem, 12 част исяконь шиньгучкада меле) или «12 a.m.» (12 ante meridiem, 12 част вандыень шиньгучкати самс). Великобританияса Национальнай морской музейсь максси мяль азомс пингонь тя монеьатнень Гринвичса кода «12 шить» и «12 веть»[1].
Ламоц вятихне стилень коряс, США-са прьняндафне, макссихть мяль мярьгондемс полафтомс «пялеве» шарьхкодемать «11:59 p.m.» лангс, кда минь ёратама няфтемс шить пенц, и «12:01 a.m.», кда минь ёратама нфемс вандыень шить ушетксонц. тя келиста нолневи тевс США-са юридическяй контракттненди, автобусонь, поездонь расписаниятненди, хоть и тя правиласа улихть мяльс сявомань башка вастт[10].
Аф ваномок прьняндаф пиногонь лувомаса12-частонь форматть, США-са эрь-клдпама эрявиксшиса тевс нолдави 24-ннесь, США-нь армиять мархта прьняндафсь Омбоце мировой войнань кизотнень пингста, мастор лангса лия армиятнень мархта ялгафтомань сюнеда. Сон канни «военнай пингсь» лемть[11]. Армиянь идемань службатненди, армиятненди, США-нь авиацияти, пчкафтомань учреждениятненди 12-частонь форматсь пингонь лувомаса аф пяк ладяй, тяда башка ули кода лисемс тапарксненди и тиеви аф фкя стака эльбятькс[7].
Галереясь
Механические часы-будильник Westclox Big Ben.
Цифровые часы Westclox показывают 4 часа пополудни PM.
Часы Эксетерского собора.
Нинге ванк
Лятфтамат
- ↑ 1 2 3 Is noon 12am or 12pm? (англ.). Royal Museums Greenwich. Дата обращения: 4 сентябрьста 2023.
- ↑ 1 2 3 Is midnight 12pm or 12am? (англ.). Guardian (13 августста 2012). Дата обращения: 5 сентябрьста 2023.
- ↑ symbol - A.M. (англ.). The American Heritage Dictionary of the English Language. Дата обращения: 5 сентябрьста 2023.
- ↑ 1 2 Дощечко А. AM и PM: аф фкакс шись и смузсь англань кяльса. Lingualeo (8 августста 2023). Дата обращения: 5 сентябрьста 2023.
- ↑ AM and PM: How to Use Correctly (англ.). Editors manual (16 июльста 2018). Дата обращения: 5 сентябрьста 2023.
- ↑ Обозначения времени pm и am в английском языке. HARDGAMENEWS. Дата обращения: 5 сентябрьста 2023.
- ↑ 1 2 3 4 Countries That Use 12-Hour Time 2023 Is Time Kept in 24 Hours or 12 Hours? (англ.). World Population Review. Дата обращения: 5 сентябрьста 2023.
- ↑ Why is wartime used? (англ.). Myubi.tv. Дата обращения: 5 сентябрьста 2023.
- ↑ 24 Hour Clock Converter: How to Convert AM/PM to 24 Hour Time (англ.). FreeCodeCamp (23 январьста 2020). Дата обращения: 4 сентябрьста 2023.
- ↑ Is noon at 12 am? Or maybe it's 12 p.m.? (англ.). National Astronomical Observatory of Japan (6 июньцта 2017). Дата обращения: 5 сентябрьста 2023.
- ↑ Communication instructions general USA (англ.). Дата обращения: 5 сентябрьста 2023.
