Ялгаксшинь международнай шись
| Ялгаксшинь международнай шись |
|---|
Ялгаксшинь международнай шись руз.: (Международный день дружбы)(на других официальных языках ООН: анг.: International Friendship Day, араб.: اليوم الدولي للصداقة, исп. Día Internacional de la Amistad, кит.: 国际友谊日, фр.: Journée internationale de l’amitié ) — тя шись васьфневи аф фкя странаса, лемтьф ялгаксшити, васьфневи 3-це июльста. Кемокстазе Объединеннай нациянь организациять генеральнай Ассамблеяц 27-це апрельста 2011-це кизоня (Резолюция A/RES/65/275) 65-це сессияса[1].
Васенда сон ляфтневсь шумбрандафты открытканятнень лангса. Сят, кит лятфнесазь тя шить Южнай Азияса, кирдьсазь койть-мяльть, што лемнемс шить ялгатнень лемс шачсь Американь Соединеннай Штаттнень эса 1935-це кизоня.
Ушетксонь киц
Эсь сёрмасонза 2014-це кизонь 27-це октябрьста ООН-ть Генеральнай секретарец Пан Ги Мун серьгядсь:
Тядде Международный ялгаксшинь шись савсь ся пингти, мзярда масторлангса лама вастова вятевихть войнат, келемкшни наругамась и ломаттнень ёткса фкя-фкянди аф кемамась. Ломаттне, конат сядонголе эрясть ладязь, повсть сялондома и аф ладяма вастс эсь шабраснон мархта; ломаттненди, конатненди эряволь эрямс марса и ладязь, арсихть фкя-фкянь эзда коль сяда ичкози.
Кодама афоль уле туфталсь аф ладяманди и наругаманди, кодама оцю вийхть афольхть аще синь фталост, ломанень ваймопожфти ули кода улемс сяда виикс кяджень вийть коряс. Минь священнай шумоньке ащи сянь эса, штоба тиемс сонь сяськикс.
Тя стака и аф содави мезе кармай ванды пинкнень эса пяк эряви венептемс кядь сянди, штоба аф нолдамс сялондомань и аф ладямань тефт и валомс лама пингонь фундамент кеме сетьмошити.
Ялгаксшинь международнай шить пингста эрьда лятфтасаськ, мезьсь минь путсамазь-сотцамазь марс аф ваномок расать, религиять аля или ава ваймоть, сексуальной ориентациять или масторкитьксть лангс. Эрьда касфтсаськ солидарностть, вдь минь — ломанень фкя семьясотама фкя тяка планентать лангса. Эрьда карматама тяряфтома молемс афкукс и кеме ялгаксшити.
Илать коенза-кирданза
Сяс мес тя илась васьфневи масторлангонь аф фкя странас, ётафневи аф фкя лаца и ащи сянь эзда коса кинь кодама культурац. а
Россияса Ялгаксшинь шиня ётафневихть илат, конат лемтьфт ломаньтналхнень ёткса ялгаксшинб кемокстамати[2][3]. Ошнень эзга, ладяф сцена лангса актёрхне налхкихть театрализованнай няфтемат национальнай эсь лацонь ширетнень мархта, ётафневихть пялькстомат и викторинат[4].
Ванк нинге
Лятфтамат
- ↑ Резолюция, принятая Генеральной Ассамблеей 4 мая 2011 года. Дата обращения: 14 июльста 2022. Архивировано 3 апрельста 2019 года.
- ↑ Акция «Международный день дружбы». «Цифровая культура» (30 июльста 2024). Дата обращения: 3 июльста 2024.
- ↑ Международный день дружбы. «Культура.РФ» (30 июльста 2024). Дата обращения: 3 июльста 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Дата обращения: 3 июльста 2024.