Якшама Атять поездоц
| Поезд № литернай «Якшама Атять поездоц» | |
|---|---|
 | |
| Основные данные | |
| Категория | Фирменнай |
| Компаниясь | «Россиянь машина кит» |
| Маршрутсь | Великай Устюг ошсь — Владивосток ошсь — Астрахань ошсь — Сочи ошсь — Моску ошсь — Санкт-Петербург ошсь — Сортавала ошсь |
| Лоткама васттнень лувкссна | 200 |
| Инь оцю ошне | 100 ошта лама |
| Пингсь ки лангса | 85 сутка |
| Кувалмось | 33000 вайгяльбе |
| Мзярксть арды | Эрь кизоня |
| Техническяй ширенза | |
Якшама Атять поездоц — ащи 19 вагонцта «Якшама Атять шашфневи-валхневи резеденциянц» мархта, якай 2021-це кизоста сявомок Россиять эзга. Поездсь кочкави-аноклави Якшама Атять «шачема вастсонза» Великай Устюгса Вологодскяй областьса, арды октябрьста сявомок январти самс Россиянь 130 ошень эзга Россияса Од кизоть весяласта васьфтеманкса ся станциятнень эса, коса сон лоткси. Якшама Атять поездонц эса, «шашфневи-валхневи резеденциядонза» башка, улихть ваготт интерактивнай васта мархта, «Ёфксонь веле», налхксеман и од кизонь кевестонь ётафтоманди ваготт, мяляфтоманди казне мархта вагон-лавка, вагон-ресторан кельмеширдень ярхцамбялень мархта, фото-купе, покодихненди техническяй ваготт[1][2][3][4][5].
Эрямопингсь
Васенцеда Якшама Атять поездоц срхкась Великай Устюгста 2021-це кизоня Од кизоть васьфтема Россиянь ичкозень васттнень эзга, коса эрйхненди аш кода повомс Великай Устюгса «Якшама Атять эряма-ащема вастонц» оцю ёткнень сюнеда. Поездть эса творческяй персоналкс ащихть Великай Устюгста всероссийскяй Якшама Атясь, Ловонь стирнясь Костромаста, артистонь и аниматоронь коллективсь, конат няфнихть ёфксонь персонашт — Аушка щакась, Уяторды атясь, гномсь, куднумолхне, тигрась, ловонь бабась и каштордысь. Сембе ошнень и и лотксема станциятнень эса «тялонь волшебникне» ётафнихть илань программа, налхксемат, кштимат и шумбрандафтомат. Якшама Атять поезду ули кода сувамс сембонди, кинь ули мялец няемс и налхксемс ёфксонь персонашнень мархта лотксема васттнень, вокзалхнень, вокзалхнень видеса площаттнень эса питнефтома, кой-кона мяль ваноманкса и ардоманкса и казнень полчаманкса вешевихть билетт. Январьста Од кизоть шумбрандафтмдонза меле Якшама Атять поездоц пачкотькшни Карелияв, коса Якшама платформаса Сортавала станцияса арай экспозиционнай объектокс октябрьста оду срхкамозонза[1][6].
2021–2022-це кизотнень пингста Якшама Атять поездоц ётась 15 тёжяньда лама вайгяльбе и сувсесь 36 ошс, поездть кеняртьфти иланзон эса станциява и вокзалга ульсь 200 тёжянть малава ломань, эздость 10 тёжянць ардсть сонцень поездть потомоса. 2022–2023-це кизотнень поездсь срхкась 23-це октябрьста колма ковонь кис Россиять эзга Великай Устюгста Владивостоку и Россиянь машина кинь сембода шире ащи точкати — Тихоокеанскяй станцияв Находкаса. Мековасу кить кувалмоц — 33 тёжянь вайгяльбе. Поездть сявф киц ётай БАМ-ть и Транссибирскяй Транссибть, Россиянь европейскяй пяльксть, Сочи, Санкт-Петербург и Моску ошнень эзга, арьсефоль тиемс 200 лоткама вастт[6][7].
Колмоце сезонцта 2023–2024 кизотнень Якшама Атять поездоц Великай Устюгста срхкась 11-це ноябрьста, 27-це декабрьста пачкодсь Москуву. А сембоц 64 шинь потмоста поездсь сувай Россиянь эрь кодама региононь80-да лама ошс, ётай 32 тёжяньда лама вайгяльбе и шумордасы ладяф кинц Великай Устюгса 2024 кизонь 13-це январьста.
Сембоц поездть 2 кизонь путешествиянц пингста илатнень эса поездть саманц кувалма ульсь 900 тёжяньда лама ломань 150-да лама российскяй ошнень эзга[8].
2025/2026 кизонь пингста
2025-2026 кизотнень сезонцта ётафтови Якшама Атять поездонц ветеце путешествияц. Ёфксонь составсь, келептьф юбилейнай сезонцта 22 вагононь кувалмоса, туй [[19-це ноябрьста00 2025-це кизоня Владивостокста и шумордасы эсь маршрутонц 11-це январьста 2026-це кизоня Великай Устюгса.
Путешествиясь кармай 54 ши, конань пингста поездсь ётай 20 тёжянь вайгяльбеда лама и сувай Россиянь 70 ошу. Маршрутсь фатясы Дальняй Востокть, Сибирть, Уралть, Рузонь Северть и странать европейскяй пяльксонц[9].
Покодихне
Поездть мельге ваныхть-якафтыхть 1000 ломанда лама машина кинь лангса покодиень командась — техникне, ремонтникне, машинисттне, поездонь оцюнятне, прважайзне-вятихне, административнай персоналсь, ванфтыхне, буфетонь и ресторанонь покодихне, валдоптыхне и лиятне[1][6].
Тянь колга сяда крхкаста
2023-це кизоня Якшама Атять поездоц сувась Россиянь рекордонь книгати. Колма ковста сон ётась 33 686 вайгяльбеref>Поезд Деда Мороза вошел в Книгу рекордов России. Как он выглядит, РБК Life. Дата обращения: 23 декабрьста 2025.</ref>.
Ниле сезонцта (2021-це кизоста сявомок 2025-це кизоти самс) поездсь сашендсь Россиянь 300-да лама ошс, а илань мероприятиянь марстонь лувксса аньцек васенце кафта сезоттнень пингста (2021-2023) ульсь 900 тёжяньда лама ломань[10].
Лятфтамат
- ↑ 1 2 3 Дед Мороз из Великого Устюга отправился в путешествие по стране. ТАСС (22 октябрьста 2022). Дата обращения: 5 ноябрьста 2022.
- ↑ Поезд Деда Мороза отправится в рейс по 100 городам России. Известия (22 октябрьста 2022). Дата обращения: 5 ноябрьста 2022.
- ↑ Поезд Деда Мороза из Великого Устюга отправился в турне по стране. Интерфакс (22 октябрьста 2022). Дата обращения: 5 ноябрьста 2022.
- ↑ Из Великого Устюга стартует новогодний поезд. Российская газета (1 декабрьста 2021). Дата обращения: 5 ноябрьста 2022.
- ↑ Дед Мороз отправился в большое путешествие по России на сказочном поезде. Первый канал (6 декабрьста 2022). Дата обращения: 5 ноябрьста 2022.
- ↑ 1 2 3 Поезд Деда Мороза отправился на Дальний Восток. Российская газета (5 ноябрьста 2022). Дата обращения: 5 ноябрьста 2022.
- ↑ Стало известно, когда в Петербург приедет волшебный поезд Деда Мороза. Фонтанка (5 ноябрьста 2022). Дата обращения: 23 декабрьста 2025.
- ↑ РИА Новости, 27 декабря 2023. В Москву прибыл поезд Деда Мороза
- ↑ Объявлен маршрут поезда Деда Мороза. Он проедет более 20 тыс. км, РБК Life. Дата обращения: 13 ноябрьста 2025.
- ↑ Поезд Деда Мороза. eventawardsrussia.com. Дата обращения: 23 декабрьста 2025.