Якшама Атяти сёрма

Рувики лопаста
Письмо Деду Морозу.jpg

Якшама Атяти сёрма — од кизонь алдонь шитненди ладяф кой, кона келиста нолдаф тевс Россияса и лия масторса[1]. Якшама Атяти сёрматннь эса, кода фалу, азонкшневи ётни кизоть сатф сатфкснень колга, латцевихть мяльхть-арьсемат и надияфневихть казнет[2].

Койть колга

Кода и мзярда эвондась койсь сёрматкшнемс сёрма Якшама Атяти, аф содаф. Ули мяль, што тя полафтф славянскяй обуця: Роштувань алдонь веть инголе сёрматкшневольхть инь учсеви мяльхне-арьсематне кагод ланга, кона меле плхневсь[3].

Лия мяльть коряс, койсь ульсь сявф кепотьксонди шинь мадома ширдень масторхнень эзда, коса сёрматкшнельхть сёрмат Санта-Клаусти[4].

1998-це кизоня Великай Устюгса (Вологодскяй областсь) российскяй Якшама Атять панжевсь официальнай резиденцияц[5]. Ся кизня волшебникть почтазонза сас васенце 13 тёжянь сёрмась, эрь кизоня синь лувкссна коль касондсь[6]. 2024-це кизонь 1-це январти Якшама Атяти сась 4 688 536 сёрма[7]. 2025-це кизонь 1-це ноябрти марнек получаф сёрмадапочтать панжема шистонза сявомок, пачкодсь 4 974 432, тяка шити в 2024-це кизоня ульсь 4 766 148 сёрма[8].

Статистикать уликсонзон коряс (уликсне 2024-це кизонди), российскяий Якшама Атясь эрь кизоня получси 400 тёжяньда лама сёрма и 500 тёжянть малава электроннай кучемат шабатнень эзда сембе Россиять эзга и СНГ-нь странаста[9], тяконь лувксса 2024-це кизоня няевсь кучфнень лувксснон касомасна Китайста и Юго-Восточнай Азиянь лия странатнень эзда[10]. Од кизонь алдонь шитнень корреспонденциянь шудемась сядонга касонды: декабрять кучкаста чполучаф сёрматнень лувкссна пачкотькшни 10 000 шити[11]. 2023—2024-це кизонь од кизонь кампаниять пингста Россиянь Почтась пачфтсь резиденцияв 172 000 сёрма[12]. Ладяф койть коряс волшебнай почтась панчсеви 18-це ноябрьста[13] — Якшама Атять шачема шистонза[14]. Сембе сяка сёрма Якшама Атяти ули кода сёрмадомс кизоть эрь кона пингстонза[15].

Главнай российскяй Якшама Атяда башка, РФ-нь региоттнень эса покодихть тостоконь волшебникне (Кыш Бабай, Тол Бабай, Урал Мороз, Якшама Атясь и лиятне), конатненди тожа ули кода сёрмадомс сёрма[2].

Паргоня Якшама Атяти сёрманди

4-це декабрьста Россияса васьфневи Казнень надияфтомань и Якшама Атяти сёрмань сёрмадома шись[16]. Тя шиня почтамттнень эса эвондакшнихть паргонят Якшама Атяти сёрманди[17].

Якшама Атяти сёрмань тяштема кепотькссь

Кепотькс, кода сёрмадома сёрмась Якшама Атяти, аш. Сон ули кода сёрмадомс эсь лацот и эсьотям.

Сёрмать эса ули кода сувафтомс[2]:

  • шумбракстомась;
  • азкссь эсь колгат;
  • пара и цебярьста прянь вятемаце и цебярь тевонь тифне ётни кизоть пингста;
  • азкс эсь мяльхнень-арьсематнень колга;
  • эняльтькс казнеть колга;
  • Якшама Атять шумбрандафтомац малаткшни Од кизоть и Роштувать мархта.
Образец письма Деду Морозу.jpg

Якшама Атяти ули кода кучемс аф аньцек сёрма, но и открытка, посылка или бандероль[3].

Сёрмань кучема китне-яттне

Аф сембонь лаца ладяф кучемань китне-яттне

Сяс мес Якшама Атясь  — волшебник, то арьсекшневи, сон сонць сявсы сёрмать, кда сонь:

  • кадомс кузнять алу[18];
  • путомс кельме вастс (кельмофтеви васту, балкону);
  • ёрдамс вальмава и лиякс.
Сёрмат Якшама Атяти

Почтать вельде

Сяда ламоц сёрматнень почтать вельде Якшама Атяти кучсесазь сонь официальнай адресонц коряс Великай Устюгса: 162390, Вологодскяй областсь, Великай Устюг ошсь, Октябрьскяй куронясь 1А кудсь[19][20].

Якшама Атять ащема вастоц (резеденцияц) тага ули Москуса. Тоза сёрмась ули кода кандомс эстееть или тяфта жа кучемс почта вельде: 109472, Моску ошсь, Кузьминскяй вирсь, Волгоградскяй проспектсь, 168 кудсь[21].

Тяфта жа ули кода кучемс кучема волшебникть ащема вастозонза и РФ-нь лия региоттнень эса или сёрмадомс сёрма сонь региональнай «покоди ялганцты».

Региононь эряйхне примсихть участия койса: кепотьксонди, 2023-2024 кизонь сезонть Пингста Москувонь и Московскяй областень эряйхне прважасть Якшама Атяти 30 тёжяньда лама сёрма[22], Тюменскяй областьста эряйхне 2025-це кизоть ушетксста — 2352 сёрма[23].

Москуса эрь кизоня ётафневи акция сёрмань кочкамать коряс. 2024—2025-це кизотнень, ушедомок 18-це ноябрьста, сембе ошть эзга ладяфтольхть 150-лама почтань специальнай паргоня[24]. Васенцеда паргонятне эвондасть Московскувонь зоопаркть видеса, «Москвариумть», Космонавтикань музейть «Зарядье» паркть видеса[24], а также в других парках и культурных учреждениях[25]. Сёрматне паргоняста пачфневихть пряошень Якшама Атять Кузьминкаса ащи резедензиязонза [26].

Электроннай почтать вельде

Якшама Атяти сёрматне пачкодихть электроннай почтать вельдевок: postcard@ao-dedmoroz.ru[20].

Лятфтамат

  1. ↑ Вера в чудо: таджикистанцы пишут письма Деду Морозу. mir24.tv (4 декабрьста 2019). Дата обращения: 12 ноябрьста 2024.
  2. ↑ 1 2 3 Письмо Деду Морозу: как написать, адреса доставки, шаблоны, варианты оформления, КП. Дата обращения: 12 ноябрьста 2024.
  3. ↑ 1 2 Эдуард Юсупов. Как написать письмо Деду Морозу: на какой адрес отправить, шаблон правильного оформления, Lenta.RU (23 октябрьста 2023). Дата обращения: 12 ноябрьста 2024.
  4. ↑ This Is How Letters to Santa Were First Delivered by the U.S. Mail. time.com (21 декабрьста 2015). Дата обращения: 12 ноябрьста 2024.
  5. ↑ Банкротство Деда Мороза: почему главный волшебник стал убыточным проектом, РИА Новости (3 январьста 2022). Дата обращения: 12 ноябрьста 2024.
  6. ↑ Как правильно написать письмо дедушке Морозу, Халва медиа (27 ноябрьста 2023). Дата обращения: 12 ноябрьста 2024.
  7. ↑ Российский Дед Мороз. vk.com (1 январьста 2024). Дата обращения: 12 ноябрьста 2024.
  8. ↑ Почти 5 миллионов человек уже отправили свои письма Деду Морозу. ИА «Вологда Регион» (10 ноябрьста 2025). Дата обращения: 11 ноябрьста 2025.
  9. ↑ 4 декабря – День заказа подарков и написания писем Деду Морозу. www.dedmorozz.ru. Дата обращения: 12 ноябрьста 2024.
  10. ↑ В декабре Дед Мороз получает 7 тысяч писем в день. Развлекись-Киров.ру (19 ноябрьста 2024). Дата обращения: 11 ноябрьста 2025.
  11. ↑ Почта Деда Мороза в Великом Устюге преобразилась к новому сезону. cultinfo.ru (9 сентябрьста 2024). Дата обращения: 15 декабрьста 2025.
  12. ↑ Сколько писем получил в этом году Дед Мороз? Эхо столицы (12 январьста 2024). Дата обращения: 15 декабрьста 2025.
  13. ↑ Готовимся к Новому году: традиция писать письма Деду Морозу, Детское радио. Дата обращения: 12 ноябрьста 2024.
  14. ↑ День рождения Деда Мороза, РИА Новости (18 ноябрьста 2023). Дата обращения: 12 ноябрьста 2024.
  15. ↑ Дедушка мечты: что россияне пишут в письмах Деду Морозу, Известия (3 декабрьста 2020). Дата обращения: 15 декабрьста 2025.
  16. ↑ Сегодня нужно написать письмо Деду Морозу, Парламентская газета (4 декабрьста 2019). Дата обращения: 12 ноябрьста 2024.
  17. ↑ День заказа подарков у Деда Мороза на Новый год 2023 - 2024, РЕН ТВ (4 декабрьста 2023). Дата обращения: 12 ноябрьста 2024.
  18. ↑ Елизавета Луговская. 6 способов отправить письмо Деду Морозу — и получить на него ответ. Инструкция для родителей, Мел. Дата обращения: 12 ноябрьста 2024.
  19. ↑ Письмо Деду Морозу: как правильно написать и куда отправлять, Известия (18 ноябрьста 2023). Дата обращения: 12 ноябрьста 2024.
  20. ↑ 1 2 Контакты. Российский Дед Мороз. Дата обращения: 12 ноябрьста 2024.
  21. ↑ Письмо Деду Морозу (рус.). Московская усадьба Деда Мороза. Дата обращения: 12 ноябрьста 2024.
  22. ↑ Дед Мороз получил по почте свыше 30 тысяч писем от жителей Москвы и Подмосковья. mosregion.info (12 январьста 2024). Дата обращения: 11 ноябрьста 2025.
  23. ↑ Жители Тюменской области отправили Деду Морозу 2 352 письма. vikulovo72.ru. Дата обращения: 15 декабрьста 2025.
  24. ↑ 1 2 Письмо главному волшебнику Нового года: в Москве начинает работу почта Деда Мороза. mos.ru. Дата обращения: 11 ноябрьста 2025.
  25. ↑ Где написать письмо Деду Морозу. Kudago. Дата обращения: 15 декабрьста 2025.
  26. ↑ Почта Деда Мороза. afishaweekend.ru. Дата обращения: 15 декабрьста 2025.

Литературась

  • Шарикова Г. Ю. Новогодние чудеса «Заповедной Мордовии» // Мордовский заповедник. 2018. № 15.
  • Сухотерина Т. П., Евсеева К. Р. Жанр праздничной коммуникации «новогоднее письмо» в пространстве естественной письменной речи // Мир науки, культуры, образования. 2016. № 6.
  • Сухотерина Т. П., Евсеева К. Р. «Детское письмо» как жанр естественной письменной речи // Культура и текст. 2016. № 1.
  • Липовка В. О. Анализ писем учащихся как способ выявления ценностных ориентаций подростков (на примере писем Деду Морозу) // Научно-педагогическое обозрение. Pedagogical Review. 2014. № 3.

Ссылкатне

Сявф"https://mdf.ruwiki.ru/w/index.php?title=Якшама_Атяти_сёрма&oldid=406754"-ста