Эряфть лангсонк пеетькшнемац, или Банянь тёждя кожфкя!

Рувики лопаста
Петьф статья
Ирония судьбы, или С лёгким паром!
Ирония судьбы постер.jpg
Жанр мелодрама
трагикомедия
Режиссёр Рязанов, Эльдар Александрович
Автор сценария Брагинский, Эмиль Вениаминович
Эльдар Рязанов
В главных
ролях		 Мягков, Андрей Васильевич
Брыльска, Барбара
Яковлев, Юрий Васильевич
Любовь Добржанская
Роли
озвучивали		 Сергей Яковлевич Никитин[d], Валентина Илларионовна Талызина[d] и Алла Пугачёва[d]
Оператор Нахабцев, Владимир Дмитриевич (главный)
Алисов, Вадим Валентинович
Сергей Арманд
Борис Кочеров
Монтажёр Валерия Белова
Композитор Таривердиев, Микаэл Леонович
Художник-постановщик Борисов, Александр Тимофеевич
Оригинальный телеканал ЦТ -нь Васенце программась
Компания «Мосфильм» киностудиясь. Телевезионнай фильмань творческяй объединениясь
Дистрибьютор Гостелерадио
Длительность 184 мин
Страна  СССР
Язык Рузонь
Дата выхода 1976-це кизось киноса
Количество серий 2
Следующий фильм Ирония судьбы. Продолжение[d]
IMDb ID 0073179
Другие фильмы с таким же или схожим названием: см. Ирония судьбы.

«Иро́ния судьбы́, и́ли С лёгким па́ром!» — 1975-це кизонь советскияй телевизионнай кафта серияса фильма, тиезе режиссёрсь Рязанов, Эльдар Александрович. Советскяй Союзонь Социалистическяй Республикатнень эса васенцеда няфтемац ётась 1976-це кизонь 1-це январьста «ЦТ-са Васенце программаса»[1].

Кода тифоль

Фильмась тиф Брагинский, Эмиль Вениаминовичень пьесанц экранц ладяманц и Рязанов, Эльдар Александровичень «С лёгким паром! или Однажды в новогоднюю ночь…» мокш Эряфть лангсонк пеетькшнемац, или Банянь тёждя кожфкя! пьесать коряс. Пьесась сёрматфоль 1969-це кизоня и фильмать лисемозонза ульсь няфтьф Советскяй Союзонь Социалистическяй Республикань аф фкя театраса Странасонк меле сонь путнезь сцена лангс 110 театраса [2], а станя жа и омба масторса.

Рязанов азонкшнезе, што пьесать сюжетоц кода и фильмать сявф эряфста. Афкукс ломанць, кона 31-це декабрьста тусь баняв, шобдава срьгозсь лия ошса. Мезьса аделавсь тя уликссь Рязанов и Брагинский ашезь сода — арьсезь синць.

Сёксенда 1975-це кизоня, СССР-са фильмать васенцеда няфтемда инголе, Телевизионнай фильмань всесоюзнай фестивальть пингста «Эряфть лангсонк рахсеманц» васенцеда няезь Грузиянь Советскяй Социалистическяй Республикань эряйхне. Мероприятияса, кона ётась Тбилиси ошса, картинась сатозе васенце вастть [3].

Сюжетсь

Вярьгок вастса фильмаса ащи брежневскяй азорондамань кизотнень пингста ошнень общественнай архитектурать фкя лацонь шись. Тя фта тевонь ащемась рахсефтемань анимационнай прологса, коса архитекторхнень лангса азорондайхть политикне и бюрократтне (режиссёрсь и аниматорсьи Песков, Виталий Викторович). Пети сазь фкя лацонь, но сяка пингть лац тиф лама этажса куттне эвондакшнесть эрь ошса, ошкаса и ошть видеса эряма ащема ваттнень эса сембе Советскяй Союзть эзга[4].

Ялга ёткса ладяф эрь кизонь койсь, васетькшнемс Москувонь общественнай штоба шумбрандафтомс Од кизоть. Сембе ялгатне кемоста копордавихть, лятфтамок главнай геройть Женя Лукашинонь Галя стиренц мархта курок рьвяямаснон колга (cон од кизонь веня ёрай азомс стирь ялганцты, што ёрасы сявомс рьвакс). Баняда меле ялгатнень ёткста фкяти, Павликонди, эряви кенеремс Ленинграду самолётонь рейсти, коса сонь учсесы рьвац. Сембе марса срхкасть прважамонза сонь аэропорту.

Мзярда сайхть цёратне аэропорту, Женя и Павлик уже матодовсть. А Саша Мишань мархта аф лятфтасазь, кинди эздост эряви лиемс. Павликонь вастс самолету озафтсазь Женянь.

Женя лиеманьберьф уды вакссонза озаф кяжияф алять лафтубрясонза, кона меколи лезды теенза валгомс самолётста Ленинграду пачкодемста. Од ломанць сргози ленинградскяй аэропортса , арьсемок, што сон Москуса. Сон кундай такси и азсы эсь адресонц. Лиссь станя, Ленинградса эхянь тяфтама адрес и тяфта жа строяф куда, кодама кудоц Женянь Москуса. Москуряйсь лифтса куци «эсь» квартиразонза, и, мезьсь дивандафты, панжемац ладяй кенкшса замокти (кода лятфтави прологса: «…стандартнай квартирань стандартнай замок мархта строительствась»). Кудботмоса мянь шратне, ськомнятне и лиясь пцтай тяфтамкат, кода и Женянь квартираса, но од цёрась пяк ирецта и а прокс ашезень няе, мезьса аерды тя кудботмось сонценнеть эзда.

Тя пингть кавртирань азоравась Надя Шевелёва мрдась куду. Сон аноклай васьфтемс Од кизоть эсь кавалеронц мархта, Ипполитонь. И вдругса няи эсь удома вастсонза аф содаф аля. Апак учт-анак инжить сон тяряфты панемс, а цёрась кодавок аф сявсы мяльс мезе тиенди «сонь» квартирасонза аф содаф авась и нинге азорондай лангсонза. Няфтемок фкя фкянди паспортснон, коса сёрматф синь эряма вастсна, фильмань геройхне, мекпяли шарьхкодьсазь, мезьса ащи тевсь. Женя шавондсы прянц: Москуса эсонза учи сонь Галяц. А Ипполит, мзярда сай Надянь ширес, аф верондай аф Женянди, аф Надянди. Од цёрась срхкай тумс Москуву, но шарьхкодсы, што мархтонза аш ярмакоц. Теенза сави мрдамс Надянди. Ипполит кармай кунеляма и туй. Надя ёрай куроконя аердомс Евгениень эзда, но шобдавати самс Москву рейст аш. Женя аф весть тяряфты гайфтемс Москву и шарьхкотьфтемс Галянь, мезе лиссь. Пети самс теенза удалай кулемс Галянь вайгяленц, но кулемок Ленинградть колга, сон ёрдасы трубкать. Надя Московскяй вокзалу (Санкт-Петербург) и рамай од содафонцты билет Москуву поездса пачкодеманди, но Женя сязендьсы билетть и атказай тумс.

Женянди и Надянди сави ётафтомс од кизонь веть марса. Васенда синь фкя фкянь лангс кяжияфнихть, валом-валом ляпомихть и ушедыхть тума фкя фкянь мяльс. Шобдава синь шарьхкодьсазь, мархтост лисьфсь, тя – тапаркс и сявихть стака мяль – явомс. Од цёрась мрдай Москуву. Апак удок веда и оцю кувалмонь кинда меле сон матодови. Сргоземок, сон арьси, што Надянь няезе онцтонза, но сон озаф вакссонза. Гадя сась мяльс самс Москуву и теенза ульсь аф стака мумс кельгоманц, сяс мес и эряма вастонь лемсна и кудонь панжемасна фкя лацотольхть.

Новеллизациясь

Ули одкстоптома «Ирония судьбы»(драма келиста максф сёрматфкс мархта), кона путф Эльдар Рязановонь фильманзон одкстоптфомаснон ёткстаэрь кодама кочкафксонзон лувксс[5]. Фильмать и пьесась пяк малат азондомань коряс фкя фкянди.

Рольхнень эса

Актёр Роль
Мягков, Андрей Васильевич Евгений (Женя) Михайлович Лукашин (вокалсь — Никитин, Сергей Яковлевич (композитор))[6] хирург Евгений (Женя) Михайлович Лукашин (вокалсь — Никитин, Сергей Яковлевич (композитор))[6]
Брыльска, Барбара Надежда (Надя) Васильевна Шевелёва (вайгялень максысь — Талызина, Валентина Илларионовна, вокалсь — Пугачёва, Алла Борисовна) рузонь кялень и литературань тонафты Надежда (Надя) Васильевна Шевелёва (вайгялень максысь — Талызина, Валентина Илларионовна, вокалсь — Пугачёва, Алла Борисовна)
Яковлев, Юрий Васильевич Ипполит Георгиевич Надянь од цёрац Ипполит Георгиевич
Добржанская, Любовь Ивановна Марина Дмитриевна Женянь тядяц Марина Дмитриевна
Науменко, Ольга Николаевна Галя Женянь од стирец Галя
Ахеджакова, Лия Меджидовна Таня Надянь ялгац и коллегац Таня
Талызина, Валентина Илларионовна Валя Надянь ялгац и коллегац Валя
Ширвиндт, Александр Анатольевич Павел / Женянь ялгац Павел / кадрать фтала фильмать ушетксса вайгяльсь
Бурков, Георгий Иванович Миша Женянь ялгац Миша
Белявский, Александр Борисович Саша Женянь ялгац Саша
Соколова, Любовь Сергеевна Надянь тядяц[7] Надянь тядяц[7]
Ронинсон, Готлиб Михайлович пассажир из Красноярска ожидающий посадки на самолёт пассажир из Красноярска
Рязанов, Эльдар Александрович пассажир в самолёте (не указан в титрах) пассажир в самолёте (не указан в титрах)
Руднев, Борис Викторович таксист (нет в титрах) таксист (нет в титрах)
Погодин, Николай Николаевич случайный гость с баяном (нет в титрах) случайный гость с баяном (нет в титрах)
Александр Постников прохожий (нет в титрах) прохожий (нет в титрах)
Наумкина, Елена Алексеевна буфетчица в аэропорту (нет в титрах) буфетчица в аэропорту (нет в титрах)
Николай Кузнецов сосед (нет в титрах) сосед (нет в титрах)
Михаил Бочаров сосед с собакой (нет в титрах) сосед с собакой (нет в титрах)

Фильмаста кадратне

  • Андрей Мягков и Барбара Брыльска

    Андрей Мягков и Барбара Брыльска

  • А. Мягков и О. Науменко налхкомста

    А. Мягков и О. Науменко налхкомста

  • Александр Ширвиндт налхки Павелть

    Александр Ширвиндт налхки Павелть

  • Любовь Добржанская фильмаста Женянь тядянц налхкиец

    Любовь Добржанская фильмаста Женянь тядянц налхкиец

  • Барабара Брыльска Надянь налхкиец

    Барабара Брыльска Надянь налхкиец

  • Ипполитонь налхкиец Ю. Яковлев

    Ипполитонь налхкиец Ю. Яковлев

Съёмкань группась

  • Сценарийть азороц: Эмиль Брагинский, Эльдар Рязанов
  • Режиссёрсь-путысь: Эльдар Рязанов
  • Главнай операторсь: Владимир Нахабцев
  • Главнай художниксь: Александр Борисов
  • Омбоце режиссёрсь: Игорь Петров
  • Звукооператорсь: Юрий Рабинович
  • Композиторсь: Микаэл Таривердиев
  • Дирижёрсь: Георгий Гаранян
  • Художниксь костюкоряс: Ольга Кручинина
  • Художниксь гримть коряс: Ольга Струнцова
  • Кинооператорхне: Вадим Алисов, Сергей Арманд, Борис Кочеров
  • Комбинированные съёмкатне: Борис Травкин (оператор), Валентин Гласс (художник)
  • Монтаж: Валерия Белова
  • Режиссёрть лездыенза: Нина Коренева, Григорий Торчинский
  • Операторть лездыенза: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • монтажёрть лездыец: Элеонора Праксина
  • Художниксь-мазоптысь: И. Фёдоров
  • Валдонь ладяйсь: Марк Вайсман
  • Редактор: И. Наумова
  • Музыкальнай редакторхне: |Раиса Лукина, В. Лаписов
  • Мультипликационнай заставкась фильмать ушетксса: Виталий Песков
  • Картинать директороц: Ефим Голынский

Моротне и стихне

Фильмать сценариенц эса ульсь сувафтф 9 стихотвореният. 8-тненди эздост эряволь арамс морок. Эльдар Рязанов лувозе, што фкя композиторти аф сяськовихть 8-цьке аф фкя лаца моротне. Эста сон пшкядсь фкя пингть моронь ниле азорхненди Ян Френкеленди, Исаак Шварценди, Андрей Петровонди и Микаэл Таривердиевонди. Сонь арьсефонц коряс, эрти эздост эрявсь сёрмадомс кафтоннь мора Васенда сембе кирдезь мяленц, но меле колмотне атказасть отказались эрь кодама туфталонь сюнеда: кати-кие срхкась молемс омба мастору, кати-кие изь кенеркшне пяк лама тевса улемаса. Лядсь аньцек Микаэл Таривердиев[2].

Лувомок сценарийть, композиторсь Микаэл Леонович ульсь тапаряф аф кялаца жанрань улемать ёткса. Пети самста сон шарьхкодезе семботь тянь кода роштувань ёфкс.[8] Композиторсь музыка лангс ладязень Марина Цветаевать, Евгений Евтушенконь, Белла Ахмадулинать и лия содаф поэттнень стихснон.

Фильмаса сембе музыкась сёрматф Микаэл Таривердиевонь кядяла. Вера рьтвац лятфнезе[9]:

«Весть Таривердиев ётась столовайть вакска, коса лия ломаттнень ёткса озафоль Рязанов и и шалхкалонза морсесь «На Тихорецкую состав отправится...». Тя мороть сон ёразе сувафтомс од фильмати, но ужялькс арасесь ся, мес тя морось, народнай. Хотя афкус тя морось ульсь сёрматф монь мирдезень операнцты. А морсезе сонь Владимир Высоцкий, сяс Рязанов сонь марьсезе, нно ашезе сода авторть»

Фильмаса алянь ськамонза морай вайгяльса морай Сергей Никитин («Со мною вот что происходит», «Я спросил у ясеня», «Никого не будет в доме» и «Если у вас нету тёти»), аваннеть — Алла Пугачёва («По улице моей», «На Тихорецкую», «Мне нравится», «У зеркала»). «Балладать прокуреннай вагонть» колга Александр Кочетковонь стихонзон лангс фильмать эхянь песонза морафтсазь Андрей Мягков и Валентина Талызина. Васенда фильмати моротнень аноклакшнесь морамс Анна Герман, но тевсь из лисе — тердемати омба масторонь морайть исть сатне ярмакне[10].

Саундтрексь фильмати пакшень пакш ульсь нолдаф Таривердиевонь пластинканц лангса 1976-це кизоня «Мелодия (фирма)»ть вельде[11]. Марнек саундтрексь ульсь путф CD-са 2009-це кизоня «Бомба-Мьюзик» фирмать вельде [12]. 2016-це кизоня саундтрексь ульсь нолдаф винил лангса Великобританияса «Earth»лейблть лангса[13], 2019-це кизоня го — мазы винилса «Бомба-Мьюзикть вельде[8].

Издание «Бомба-Мьюзик» 20090це кизонь
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евтушенко, Евгений АлександровичНикитин, Сергей Яковлевич (композитор) 2:28
3. «Надежда» (инструментал)   4:24
4. «Од кизонь учезь» (инструментал)   1:14
5. «Никого не будет в доме» Пастернак, Борис ЛеонидовичПугачёва, Алла Борисовна 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую состав отправится» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится, что Вы больны не мной…[14]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «Баллада о прокуренном вагоне» Александр КочетковА. Мягков и В. Талызина 4:26
17. «Мелодия» (инструментал)   4:33
41:03

2014-це кизоня «Серебряный дождь» мокшекс «Сиянь пизем» радиостанциясь ладязе пластинкать кинофильмаста моротнень мархта эсь лувксозонза «50 культовай пластинка „Мелодия“ фирмать»[15].

Съёмкатне

Фильмань пряфксса ащи операторсь Нахабцев, Владимир Дмитриевич тяряфтсь нолдамс тевс ся пингть од колма камерса системать. Фкя пингста покодстькколма камерат, конат вачкодсть няфтематнень эса колма ширде. Тя ламода тёждялгофнезе тевть, но омбоце ширде тарксевсь съёмкань пингсь [2].

Вачкодемась ушедовсь мартста, а аделавсь кизоть кучкаста. Сяс картинаса нолдафвсь тевс аф афкуксонь ловсь. Но сяс мес нинге ашельхть ловонь пушка и лия агрегатт, ловть тиендезь кядьвельде ватаста, кагодста и пенопластста. А штоба тиемс варма, тевс нолнезь фенть[9].

Пцтай сембе съёмкась вятевсь Москвуса и аньцек ёфст аф ламоть вачкодезь Ленинградса. Кафцьке квартиратне, конат няфтьфт фильмаса ащихть Проспект Вернадскяень проспектса (Москуса): 125 кудса (я ульсь Лукашинонь квартирац) и 113 (Надянь квартирац). Банять няфтемс «Мосфильмаса» ладяфоль-тифоль башка павильон.

А афкуксонь Строителень Колмоце курось руз. Третья улица Строителей ащесь Москуса сяка районца, коса Вернадскяень проспектсь. Виде, 1963-це кизоня сон лемоц полафтфоль Мария Ульянова курось руз. Улица Марии Ульяновой (Москуса) лемть лангс [16].

2003-це кизоня кудть стенанц лангса, коса бта эоясь Женя Лукашин, повфтасть лятфнемань табличка. Сонь панжемонза сашендсь сонць Эльдар Рязанов[17]. Но васенце венякиге алюминивай седяфкять салазь. 2007-це кизоня табличкатне ульсть ладяфт кафцьке 125-це, и 113-це куттнень лангса Вернадскяень проспектса но и тага инь кирдсть эсь вастсост аф ламос[18][19][20].

Киноти варчсематне

Алянь главнай рольти — Женя Лукашинонь — ёравсь путомс содаф актёрсь Миронов, Андрей Александрович. Но Рязанов ашезе сяве сонь. Режиссерсь вешендсь стама аля, конань лангс авань сельме ванфсь из прашенда. Мироновонди макссесть налхкомс Ипполитонь роленц, но от тя рольть эзда Миронов атказась. Женя Лукашинонь роленц лангс ёрасть сявомс Даль, Олег Иванович, Вельяминов, Пётр Сергеевич, Любшин, Станислав Андреевич и Смоктуновский, Иннокентий Михайлович[9]. Мягков, Андрей Васильевич арась Лукашинкс прокс апак учт. Режиссёрть прокс ашель мялец сонь сявомс тя рольти, но варчсематнень пингста сон нятезе прянц сембода верондафтыкс.

Аф тёждяста савсь кочкамс и авань главнай рольсь. Рязанов «ашезе няе Надянь» Людмила Гурченкать, аф Валентина Талызинать, Светлана Немоляевать, аф Антонина Шурановать и ламоц лия советскяй тяшттнень эса. Инь ушетксса сон ёрась, штоба героинять налхколезе Алиса Фрейндлих: сон тёждяста наолхкозеньрахафты рольхнень, мезь ульсь инь оцюкс тя вастса, лац морай. Но худсоветсь сонь изезе кемокста[2]. Польскяй актрисать Барбаре Брыльскить колга, авань главнай рольти ладяманц колга, Рязанов арьсезевсь васедемок-корхнемок лия режиссёр мархта. Рязанов тердезе фильмати омба масторонь актрисать, но сяс мес кальдявста корхтась рузкс акцента, вастозонза вайгяленц тиезе Валентина Талызина. Тяфта жа Талызинась фильмаса налхкозе Надянь Валя ялганц.

Ипполитонь роленцты инголи ульсь ладяф Олег Басилашвили. Сон мянь кенерсь налхкомс мзярошка аф оцбю вастса. Но съёмкатнень пингста пцтай марса кулось сонь аляц и коллегац Копелян, Ефим Захарович, и сон ашезь машта сяда тов вятемс покодемать. Эста сонь вастонц сатозе Юрий Яковлев.

Галянь ролец васенда максфоль Наталья Гвоздиковати[21].

Женя Лукашинонь ялганзон налхкозь Эльдар Рязановонь ялганза —Георгий Бурков и |Александр Ширвиндт. Режиссёрсь тяда инголе мархтост покодсь лия фильматнень эса. Александр Белявский ульсь тертьф сяда позна. Надянь и Женянь тядяснон рольснонды ульсть кемокстафт Любовь Соколова и Любовь Добржанская, синь тяфта жат яда инголе покодсть Рязановыонь мархта — эрьхтьфтсть Пельхть автомобильда руз. «Берегись автомобиля» картинаса.

Фильмать эса ломаттнень ёткса налхксь Александр Беляев, НТВ-са содаф азондысь ушеть колга[9].

Фильмать васенцеда няфтемац

1976-це кизонь 1-це январьста 18:00частса Васенце программаса ульсь няфтьф фильмась «Эряфть лангсонк рахсемац, или Банань тёждя кожфкя!» руз. «Ирония судьбы, или С лёгким паром». Сон ульсь пяк туф сембонь мяльс. Федора Раззаковонь валонзон клряс, сонь ванозь 100 миллион ваны[22]. Лама эняльдематнень коряс тага няфтемс тя фильмать 7-це февральста 1976-це кизоня эфирса фильмать няфтезь тага весть. Кирьфтафста фильмать гняфнезь и кинотеатратнень эса, коса тага каринась ульсь пяк туф мяльс. Тоса ванозь 7 миллионть малава ломань [23][24][25].

«Советский экран» н журналть морафтыенза «Ирония судьбы» фильмать лемдезь 1976-це кизонь сембода цебярь фильмакс, а сембода цебярь актёркс кочказь Андрей Мягковонь, кона налхкозе Женя Лукашинонь[26]. 1977-це кизоня режиссёрсь Эльдар Рязанов, сценаристсь Эмиль Брагинский, операторсь Владимир Нахабцев, композиторсь Микаэл Таривердиев и фильмать главнай актёронза Барбара Брыльска и Андрей Мягков получасть СССР-нь Государственнай премия тя фильмать тиеманкса[27].

Казнетне

  • 1976 — «Советский экран (журнал)» журналть морафтыенза лемдезь «Ирония судьбы…» сембода цебярь фильмакс.
  • 1976 — Андрей Мягков лемтьф инь цебярь актёркс «Советский экран» журналть морафтыензон мялснон коря[28]
  • 1977 — СССР-нь Государственнай премияса казьфт режиссёрсь Эльдар Рязанов, главных ролень налхкихне Андрей Мягков и Барбара Брыльска, композиторсь тМикаэл Таривердиев, операторсь Владимир Нахабцев, сценаренья авторсь Эмиль Брагинский.

Факттне

Iskuchitelno.jpg
  • Титратнень эса, конатнень эзда ушеды фильмась, нолдаф эльбятькс, «исключительно» валса нолдаф «л» буквась. Орфографиясь и пунктуациясь тя кепотьксса ванфтфт.

Тяни ульсь кода лисемс аньцек од кизонь веня

  • Фильмать ушетксса, режиссёрть мяленц коряс, ёрась няфтемс фкя лацонь советскяй постройкатнень, конат няфтевихть вертолётста. Но картинать питнеса изь кирдев тя мяльс тятфтама съёмкась, сянкса ванысь вастозонза няйсь анимация.
  • Мзярда Надя ловонь фальть лангста кеподьсы Ипполитонь фотографяенц, лангсонза аф Яковлев, а Басилашвили. Мзярда ёрасть одукс тиемс тя кадрать, ловсь ни солсесь[29].
  • Главная героинясь Надя покоди рузонь кялень и литературань тонафтыкс. Сембе сяка Ипполитонь мархта корхтамста мярьги: «Я «надеть» валть вастс мярьги одеть . Рузонь кялень правилатнень коряс эрявсь мярьгомс «надеть».
  • Лукашин Ленинградста туй Домодедово аэропортста, хотя советскяй пинкнень рейсне странать потмоста тиендевсть Шереметьево-1 аэропортста[30]
  • Эльдар Рязанов картинаса налхкозе эпизодическяй рольть —самолётса пассажирть, кона озафоль уды Лукашинонь ваксс и тонац фалу вельсесь лангозонза[30][31].
  • «Какая гадость эта ваша заливная рыба» и «О, тёпленькая пошла» — валхне, конат ашельхть фильмань сценарийть эса. Тянь арьсезе сонць Юрий Яковлев[30].
  • Москса 1958-це кизоня ульсь 3-я улица Строителей курось, но 1963-це кизоня сонь лемонц полафтоль улица Марии Ульяновой (Москва) лемть лангс. Ленинградса 3-я улица Строителей тяфтама лем ала кура вестевок ашель, сянкса 1955-це кизоста сявомок 1962-це кизоти самс ульсть Строителень мянь кафта курот, фкясь — в промзонаса Красногвардейскяй районца (Санкт-Петербург); тяни тя курось канни Бокситогорская улица лемть, омбоцесь —Кировскяй районца (Санкт-Петербург), тяни — Улица Маринеско (Санкт-Петербург).

Культурнай влияниясь

  • 1981-це кизоня КПСС-ть XXVI-це съездса Брежнев, Леонид Ильич эсь отчётнай докладсонза лятфтазе фильмать фильм:

Аф эряви шарьхкотьфтемс питнешить и мазышить минь перьфканк ащить няемаса. Олимпийскяй объекттне и Москувонь кой кона эряма кварталхне, одукс ладяф ингольдень жемчужинатненьЛенинградонь архитектурнай ансамблятнень, одс стяфтф Алма-Ата, Вильнюс, Навои ошнень эса, лия ошнень — тя миньгордостеньке. И сембе сяка ошень строяматиаф сатни оцю художественнай мазышиса и аф фкя лацонь мазышиса. Штоба аф лисель, кода киноса, мзярда геройсь пови лия ошс и ашезе няе аф фкакс шить эсь ошенц,кудонц и квартиранц эса. (Залса тёждя жалф и кядень цяпамат)[32]

  • Индияса 2015-це кизоня лиссь «Я люблю Новый год» фильмась Санни Деол и Канганой Ранаут главнай рольсот. Фильмань герохнень — лемсна индийскяйхть, тевсь моли Чикагоса и Нью-Йорксае. А сюжетсь марнек тага весть азондсы «Ирония судьбы…» фильмать эзда Надянь и Женянь историяснон. Но продюсерхне исть кашторда тя идеять сявоманц колга[33][34][35].
  • Кизонда 2021-це кизоня российскяй режиссёрсь Марюс Вайсберг арьсесь анокламс фильмать эсь вариантонц «Ирония судьбы в Голливуде» лем ала. Американскяй фильмаса налхксть Эмма Робертс, [[Робертс, Джулия Робертсонь племянницац, Томас Манн (актёр), Мэделин Петш и Бритт Робертсон][36][37][38].

Афсатыксонь азома

«Неполадки в русском доме» эсь статьясонза Сергей Кара-Мурза апряказе Рязановонь «советскяйть каршс молемаса» сонь героензон эса няфтемок образснон эса «внутренняй эмигрантт». Сон лувсы, что «Ирония судьбы» фильмань геройхне — «типичнй интеллигент тех лет социальнай шире мархта, кона теест мала», конатненди кунаркиге ни колмогемонть вельф, а синь аш семьясна и и идьсна, сянкса улихть эрек тядясна, конат анелясазь синь. Аф няеви «аристократичностень ширетне» фильмань геройхнень эса кундазь ламоц интеллигенттне, конат «кенярдезь прьняндазь Перестройкать и и цяпасть кятть Андрей Сахаровонди»[39].

Фильмать лемс С. Кара-Мурзань сялдомац ульсь аф ськамонза. 2018 -це кизонь декабрьста телевизорса эрь кизонь 31-це декабьста няфтеманц колга сялдозь корхтась Марк митрополитсь Рязанскяйсь. Сонь мяленц коряс, фильмать эса вярьгок вастса ащи — «штоба лисель чуда, аф эряви покодемась, можна васедемс, корхнемс-копорямс» — тя сембось лафчептсы христианствать брса ащи пефтома эсь лангсот полафтомать, а од кельгомать, конань музь главнай геройхне нежетьф полафтомать лангс[40].

Историксь и протодиаконць Владимир Василик, фильмать лемдезе кода «памятник поздняй социализмань эпохати сембе оцюлгофнеманц и трагизманц мархта», кона сяка пингть «канды эсь лангсонза модать лангса кельгомань толнять мадоманц ломаттнень эса , конат маряйхть лангсост эздост шкайть шарфтоманц»; лажадомась Шкайти васендакиге пачфтеви «моротнень, стихнень эса, конат тисазь античной трагедиянь хорть тевтиеманц»[41].

DVD-ть лангса путомац

DVD-нь лангса няфтемац ётафтовсь 2009-це кизонь 10-це декабрьста «Флагман-Трейд» компаниять вельде [30].

Полатксоц

Полатксоц «Ирония судьбы» фильмать «Ирония судьбы. Продолжение» лиссьв декабрьста 2007-це кизоня, кона кочкась 55 миллонда лама доллар. Женя Лукашинонь и Надя Шевелевать шабаснон колга, конат повсть тятама жа ситуацияс, налхксть Константин Хабенский и Елизавета Боярская[42].

Андрей Мягков хоть у ульсь съёмкатнень эса, но мекпяли азсь ужельдема и мяльсь афт ума тифть колга [43].

Лятфтамат

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: 26 ноябрьста 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 декабрьста.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» (рус.). ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 мартста 2023).
  7. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  8. ↑ 1 2 Ирония судьбы или С лёгким паром! BoMB033-907 LP на сайте Discogs, аннотация
  9. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 декабрьста.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 июльста.
  11. ↑ Музыка из кинофильмов «Ольга Сергеевна», «Ирония судьбы» на сайте Discogs
  12. ↑ Ирония судьбы или С лёгким паром! на сайте Discogs
  13. ↑ Tariverdiev – The Irony Of Fate (Original Score) на сайте Discogs
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: 26 ноябрьста 2019. Архивировано 8 июньцта 2021 года.
  15. ↑ 50 культовых пластинок фирмы «Мелодия» | Серебряный Дождь (рус.). web.archive.org. Дата обращения: 18 ноябрьста 2024.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 декабрьста.
  17. ↑ Самый новогодний фильм увековечен мемориальной доской, РБК. Дата обращения: 18 ноябрьста 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 ноябрьста 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (рус.). www.m24.ru. Дата обращения: 18 ноябрьста 2024.
  20. ↑ Со стены дома, где снимали «Иронию судьбы», украли памятную табличку (рус.). Дата обращения: 18 ноябрьста 2024.
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Архивная копия от 25 мартста 2013 на Wayback Machine. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Ирония судьбы или с легким паром. Рождение легенды - Первый канал на YouTube, начиная с Шаблон:YouTube/Time converter
  25. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: 2 январьста 2020.
  26. ↑ Победители конкурса журнала "Советский экран" // akter.kulichki.com. — 1983. — Октябрь.
  27. ↑ Телефильм "Ирония судьбы, или С легким паром!". Досье - ТАСС, TACC. Дата обращения: 18 ноябрьста 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 январьста 2007). Дата обращения: 26 ноябрьста 2019. Архивировано из оригинала 21 августста 2009 года.
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 декабрьста 2022). Дата обращения: 18 ноябрьста 2024.
  30. ↑ 1 2 3 4 Ирония судьбы, или С легким паром! (ТВ, 1975) (рус.). www.kinopoisk.ru. Дата обращения: 18 ноябрьста 2024.
  31. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: 18 ноябрьста 2024.
  32. ↑ 26-й съезд КПСС (23 февраля — 3 марта 1981 года): Стенографический отчёт. Т. 1. — М.: Политиздат, 1981. — С. 81.
  33. ↑ Я люблю Новый год (2015) — дата выхода в России и премьеры в мире — Кинопоиск (рус.). Кинопоиск. Дата обращения: 18 ноябрьста 2024.
  34. ↑ I Love New Year(анг.) на сайте Internet Movie Database
  35. ↑ Болливуд снял индийский ремейк "Иронии судьбы", РБК. Дата обращения: 18 ноябрьста 2024.
  36. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!»
  37. ↑ В США снимут англоязычную версию «Иронии судьбы». Режиссер – Марюс Вайсберг.
  38. ↑ Вайсберг показал первый кадр из голливудской «Иронии судьбы».
  39. ↑ Кара-Мурза С. Г., Телегин С. А. Неполадки в русском доме Архивная копия от 23 декабрьста 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  40. ↑ Митрополит Рязанский раскритиковал фильм «Ирония судьбы». Дата обращения: 23 декабрьста 2021. Архивировано 23 декабрьста 2021 года.
  41. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Дата обращения: 18 ноябрьста 2024.
  42. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 декабрьста.
  43. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 декабрьста.

Литературась

Ссылкатне

Сявф"https://mdf.ruwiki.ru/w/index.php?title=Эряфть_лангсонк_пеетькшнемац,_или_Банянь_тёждя_кожфкя!&oldid=417769"-ста