Электрическяй гирляндась
 | В статье не хватает ссылок на источники (см. рекомендации по поиску). |
Q717040Электрическяй гирляндасьQ4470686Электрическяй гирляндась
Электри́ческяй (валдопты) гирля́ндась — мазоптомка, осяда сидеста тиф уськоня лаца эжди лампаста или светодиодонь эзда, фкя-фкянь мельге сотнефт электрическяй серень сотомбяльса . Электрогирляндатне нолдавихть тевс сяда сидеста роштувань и од кизонь илатнень пингста — роштувань куснень , кудботмоть, марнек кодамовок кудонь или ушеширть мазоптоманкса.
Эрямопингсь
Од кизонь васенце гирляндась од кизонь кузонь няряжамс ульсь США-са 1882-це кизоня. Роштувань эсь кузнянц васенцеда мархтонза мазоптозе Эдвард Джонсон, [[Эдисон, Томас|Томаса Эдисононь] соратникоц. 1895-це кизоня, Гровере Гливленде президентть пингста, Акша кудса роштувань кузть тяфта жа мазоптозь электрическяй гирляндаса. Тя пингста сявомок электрическяй толнятне кармасть шашфтомост кузнятнень мазоптомаснон эзда зиянонь канды штатолхнень[1][2].
СССР-са васенце гирляндатне ушедовсть нолдавома 1938 кизоня, советскяй васенце кузнянь наряжамс электрическяй гирляндать лемоцоль— ЁГ-1 — и ащесь 2 параллельнай 13-вольтонь 10 лампочкань уськоняста (тя сотфоль ся пингонь тевс нолдаф кудъётконь валдоптомаса 127 вольтонь напряжениясь) оржа пря колба мархта, кона архтфоль цапонлакса якстерь, тюжя, сянгяря и сенемаза-фиолетовай тюсса, синь патронцна тифтольхть карболитста уликс штатол лаца и тараткятненди пунксневольхть прищепка вельде. ЁГ-1 гирляндать мархта мишендема коробкати путневольхть нинге колма лампат и инструкциясь, кда палы лампась и кода сон полафтома.
Советскяй гирляндатнень, кода фалу, ульсть полафтоманди лампасна, кона сувафтфоль марстонь фкя китьксти. Гирляндатнеди, конат нолневсть, Москувонь электроламповай заводса, макссевсть патронами ёмла габарит мархта патротт, фонарь, космическяй ракетань и лия фигурань лаца. Лия заводонь гирляндатне тиендевсть обычнай лампаста фигурнай пластмассовай плафонцта «пушкинскяй фонарикнень» или эрь кодама фигура лаца.
Тяниень пингонь технологиятне
Тяниень пингонь электрогирляндатне сяда сидеста нолневихть аф явошневи-срафневи электротехническяй изделияста сембода ёмла габаритонь лампань мархта, кабельсь эсонза люпштаф потмоти. Аф фкя серень сотомбяльхнень мархта электроннай блок вельде ули кода ладямс валдоптомать эрь кодама тюсса, тяфтапнень, кода «ласьки толхт». Гирляндатнеди, конатнень ули микросхемнай музыкальнай синтезаторсна, нолдайхть фкя или сяда лама морамань мелодия. Сяда сидеста синь нолневихть тевс мишендема васттнень валдоптоманкса.
Светодиоднай валдоптомать эвондаманц мархта сяда келиста нолневихть тевс светодиоднай гирляндатне, атяфтажа сяда сери техгологиянетне волоконно-оптическяй световоднайхне. Гирляндати малакс ули кода путомс дюралайтсь.
Галереясь
Праздничнай светодиод
Валдоптф скульптуратне и гирляндатне, кудть перьфке
Тя толнятнень ёткста ули кода няемс эрь кодама маронь, формань и тюссонь гирляндат
Апак крьвяассть роштувань электрическяй толнятне мазоптсазь кудбрять Кесвикса, Онтарио, Канада; 2008-це кизонь Роштувась.
