Щелкунчик

Б.Н. Ельцинонь лемса библиотекань материалхне

Тя статьяса материалхне нолдафт тевсБ.Н. Ельцинонь лемса Президентскяй библиотекань фондста

Б. Н. Ельцинонь лемса Президентскяй библиотекась

Щелкунчик
Балетть васенцеда няфтемац 6 (18) декабрьсста 1892 кизоня Мариинскя Санкт-Петербургса
Композитор	Пётр Ильич Чайковский
Автор либретто	Мариус Иванович Петипа[d]
Источник сюжета	Э. Т. А. Гофмана ёфксоц «Щелкунчик и мышиный король (ёфкс)» од лядяф Дюма, Александр (аляц)
Хореограф	Иванов, Лев Иванович Мариуса Петипаонь ладяфксонц коряс
Последующие редакции	Иванов, Лев Иванович, Горский, Александр Алексеевич, Лопухов, Фёдор Васильевич, Вайнонен, Василий Иванович, Григорович, Юрий Николаевич
Год создания	1892
Первая постановка	18-це декабрьста 1892
Место первой постановки	Мариинскяй театрась, Санкт-Петербург
Щелкунчик

«Щелкунчик» спектакляста пакш Мариинскяй театраса путфста, 1892: Марианнась — Лидия Рубцова, Кларась — Станислава Белинская, Фрицсь — Василий Стуколкин

1992-це кизонь Россиянь ниле почтовай маркаста марс фатфкс, кона лемтьф П.И. Чайковскяень «Щелкунчик» балетти(ЦФА [АО «Марка»] № 50—53)

«Щелку́нчик» — кярьмаз 71, балет кафта актса П. И. Чайковскяень Мариус Петипонь либреттонц лангс «Щелкунчик и Мышиный король» Э. Т. А. Гофманонь ёфксонц коряс, балетмейстерсь-ладяйсь Иванов, Лев Иванович.

Кода ушедовсь ладямац

Либреттоть юрс путфоль лиякс азондомац ёфксть, конань тиезе 1844-це кизоня Дюма, Александр (алясь) (театральнай энциклопедиясь эльбядезь лемнесы лиякс ладяйкс Дюма-цёрать) и тяка кизоня нолдаф «Щелкунчикть историяц» лем ала. Аф ваномок сянь лангс, што ёфксть уликсоц ванфтфоль, Дюмань кядяла ётафтфсь ульсь од вариантокс, кона явфтфоль оригиналть эзда. Гофманонь ёфксонц сюжетонц аф ламода полафтоманц сюнеда либреттонь версиясь няфтеви сяда вадявста, ёфксонь лаца.

Балетть васенцеда няфтемац Лев Иванович Ивановонь путфонц лангс ульсь 6 (18) декабря 1892 кизоня Мариинскяй театраса Санкт-Петербургса фкя илядня марса Чайковскяень операнц «Иоланта (опера)» мархта. Дирижёркс улсь Риккардо Дриго, декорациятне Михаил Ильич Бочаровонь и К. Ивановонь, костюпне тифт Императорскяй театрать директоронц Ивана Всеволожскяень и Евгений Пономарёвонь эскизснон коряс. Пряфксонь рольхнень налхкозь: Щелкунчиксь — Легат, Сергей Густавович, Драже феясь  — Дель-Эра, Антониетта принцсь Коклюш — Гердт, Павел Андреевич, Дроссельмейер — Стуколкин, Тимофей Алексеевич, Марианнань племянницац — Лидия Рубцова. Кларань и Фрицень рольснон налхкозь шабатне, Петербургскяй театральнай училищань ёмла класса тонафнихне Станислава Белинская и Василий Стуколкин (кафцьке аделазь училищать сисем кизода меле, 1899-це кизоня).

Тяка 1892 кизоня ульсь аноклаф сюитась «Щелкунчик» балетста ниле кядьса фортопианаса налхкоманди Аренский, Антон Степановичень, кафта кизода меле лиссь сонь кядялонза ладяфсь балетть сембе партитуранцты.

Исследовательхне тяряфнесть путомс серцек балетть сюжетонц и эсонза тевс нолдаф обраснень Чайковскяень семейнай эряфста уликснень и мала раднязон  — Давыдофнень. Васендакиге композиторть сазоронц Александрать и сонь идензон — Владимир Львович Давыдовонь и Татьяна Львовна Давыдовать. Балетонь критикть Павел Ященконь мяленц коряс, Каменка Давыдофнень имениясна «композитоть потмоёжесонза тиевс идень аф видексонь Конфитюренбург ламбамкань царствакс, коса имениянь азоравась, композиторть сазороц Александра Ильинична, ульсь ляпе седи королевакс, кона кулось вете кизода сондедонза инголе сонь стирец Татьянась — тя Кларась, а сонь „идолоц“… Боб „принцкс-кельгомакс“», сембе «царство Конфитюренбург, коза повихть „Щелкунчикть“ сембе главнай героенза… малат кати-кодама аф видексонь цебярьста-тёждяста няемати», мезсь сонь мяленц коряс ули кода шарьхкодемс Давыдофнень семьяса морфинть вельф кельгоманц мархта, «принцсь-Щелкунчиксь, кода и Дезире (кона ётафтови „кельгозь учсевись“) сяда инголдьдень „Спящая красавица (балет)“ балетса, тя фкясь и сякось — кельгома и учсеви племянниксь».

«Щелкунчик» сатни башка васта П. И. Чайковскяень поздняй произведениянзон ёткса: сон ащи башка балетнай жанрнь койхнень эзда, сонь эсонза лиякс няфтьфт музыкальнай обрасне. Балетса васенцеда кайгсь челеста — музыкальнай инструментсь, кона анафоль Парижста композиторть эняльтьксонц коряс. «Щелкунчикть» музыканц лемнесазь «вельф серьёзнайкс и ваймонь ацерфтокс балетть эса».

Кит эсонза

Эрь кодама редакциятнень эса улихть аф фкя лацонь мяльхть пряфкс героинять лемса: Клара и Мари. Гофманонь кядяла сёрматф книгаса пряфкс героинять лемоц Мари, а Кларась — тя сонь кельгома някац. Россияса Васенце мировой войнать ушетксста (1914 кизось) и шачема ширть кельгоманцты мялень касомать сюнеда балетть сюжетоц рузыясь, и пряфкс героинясь лемдевсь Машакс. Тяконь лувксса Фриц лемсь из полафтов, сяс мес сон — кальдяв персонажсь. Киткстама сявок, тя койсь ванфтови тячити самс.

• Штальбаум
• Сонь рьвац

Синь идьсна:

• Мари (Маша, кой-коста — Клара), принцесса
• Фриц (Миша)

• Марианна, племянница
• Идень ванись
• Дроссельмейер
• Щелкунчик, принц
• Фея Драже
• Принц Коклюш
• Няка
• Паяц (шут)
• Король мышей
• Кордебалет: инжихне, раднятне, слугатне (вардатне), шамафксне, пашне (службаса ащи цёранятне), панчфне, налхкшне, ушманнятне и стак тов.

Либреттось

Кафта пяльксста ащи балет башка ушеткс мархта мархта

Роштувань карша, Штальбаум докторть кудса ушедыхть пуромома инжихне. Оцюфнень мархта сувсихть няка мархта стирнятне и церанятне сабля мархта молить кода солдаттне.

I-це Няфтемась

Штальбаум докторть шабангза Мари и Фриц, аф учемшка учехть казнетнень эса. Инжихнень эзда мекольцесь — Дроссельмейер. Сонь налхкшень эреклафтома маштомошиц шабатнень аф аньцек саласыне мяльснон, но эвфнесыне. Дроссельмейер валхтсы шамафксонц. Мари и Фриц содасазь эсь кельгома крёсналяснон. Маринь ули мялец налхксемс някатнень мархтаколави мялец, мзярда содамсы, што синь урядафт.

Стирнять лестяманкса, крёсналяц казьсы теенза Щелкунчикть. Кодама-бди аф стама някань шамась кеняртьфтсы сонь. Фриц апак учт тапасы някать, мезсь коласы мяленц Маринь. мяльс туф някать сон матсы удома. Фриц ялганзон мархта щайхть шееронь шамафкст и ушедыхть полаксама Маринь эса. Илась шумордави, и инжихне кштисазь гроссфатер кштимать, мезьда меле сембе срадыхть кудга. Ушеды весь, и комнатась, коса стяфтф кузсь, пяшкоди коввалдса.

Мари мрдай и ашкодсы Щелкунчикть. И тяса эвондай Дроссельмейер, но тяни сон аф крёсналяц, а добрай волшебник. Сон яфодьсы кяденц, и комнатаса сембось ушеды полафтома: стенатне шаштыхть, кузсь ушеды касома, а кузонь налхкшне оживаютарайхть ушманнякс. Апак учт эвондайхть шеерхне Шееронь Азорть мархта инголе. Аф пели Щелкунчиксь вятьсыне вушманнятнень тюреима.

Щелкунчиксь и Шееронь Азорсь васедихть куломс вяти тюремаса. Мари нясы, што шееронь армиясь сяда оцю ушманнятнень коряс. Сон аф пелезь каясы пильгстонза туфельканц и мезе ули виец ёрдасы Шееронь азорть лангс. Сон эводи и туй ласькозь эсь войсканц мархта. Ушманонь армиясь сяськсь. Синь лафтуснон лангса кенярдезь кандсазь Маринь Щелкунчикть малас. Апак учт Щелкунчикть шамац ушеды полафтома. Сон арай вельф мазы Принцокс. Мари и эреклаф някатне повихть тяштю менелень алу и мазыдонга мазы кузть ваксс. Кожфса шарондыхть тёждя ловнятне.

II-це няфтемась

Мари и Принцсь кеняртькшнезь ванондыхть тюштю менельть мазышинц лангс, лятфнесазь, кода лангозост врьгятнесть шеерхне, и кода Принц синь сяськозень. Сембе кшихть, кеняртькшнихть и шумбрандафнесазь сяськомать шееронь войскать лангса. Испанскяй, Арабскяй, Китайскяй и Рузонь някатне сюконяйхть Маринди, синь эряфснон идеманкса. Перьфке шарондыхть-кштикшнихть феятне и служай солдаткятне. эвондай Дроссельмейер и тага сембось перьфке полафты. Сембе аноклайхть Маринь и Принцть рьвяямаснонды. Мари сргози, а Щелкунчиксь нинге сонь кядьсонза.

Щелкунчик балетсь Оцю театраса

Интерпретации

Балетть ули фрейдистскяй вариантоц, кона ладяф Рудольф Нуреевонь кядяла. Тя вариантть корява, Принцть мархта кштимда меле Мари сргози, и Щелкунчикокс арай одкстоптф Дроссельмейерсь.

Мэтью Борнонь ладяфонц коряс Клара — уроз ашу стирня, конанди аш кода улемс марса эсь кельгоманц мархта — Щелкунчикть и ванонды Щелкунчикть кштиманц мельге лия стирня мархта. Аф марс улемась няеви и балетть версиянц эса, кона аноклаф-путф Морисом Бежаронь кядяла, коса кучкаса ащи персонажсь — Бим цёранясь, кона рана лядсь тядяфтома.

Музыкальнай драматургиять и либреттоть ёткса фкаксшись

Хореографне ладяф койс коре аф нолнесазь тевс прянь марямать полафтомать вальсонь музыкать эса омбоце актста, коса апак учентт марязеви седиень ацергофты пассаж, «каытонь-кафтонь кштихне шарондыхть сяка ритмать коряс».

Балетть лувксса

Лувкссь:

1. Увертюра
2. Васенце няфтемась.
   1. 1-це картинась.
      1. Кузть мазоптомац и валдоптомац
      2. Марш (музыка)
      3. Идень ласькомась и шасфтыснонь-касфтыснон лисемасна
      4. Кштиматне сцена лангса
         1. Дроссельмейеронь лисемац
         2. Заводямань някатнень кштимасна (Мазурка (кштима))
         3. Аф ару виень кштимась
      5. Сценась и Гросфатер
         1. Щелкунчикть-някать эвондамац
         2. Полька Щелкунчика
         3. Маринь нюрямонь мороняц и Фрицонь налхксеманза
         4. Танец родителей и гостей (Гросфатер)
      6. Сцена (Марись и Щелкунчиксь)
         1. Нюрямонь моронясь
         2. Идень комнатать лияксомомомац
         3. Кузть касомац
      7. Шеерхнень эвондамасна и тюремась
   2. 2-це картинась.
      1. Кузонь вирсь тялонда
      2. Тёждя ловнянь вальссь (снежинкатнень кштимасна)
3. Омбоце няфтемась.
   1. Конфитюренбургонь ламбамкань кудоц
   2. Маринь и Щелкунчикть самасна
   3. Дивертисмент
      1. Шоколад (испанскяй кштимась)
      2. Кофе (арабскяй кштимась)
      3. Чай (китайскяй кштимась)
      4. Трепак (рузонь кштимась; карамельнай мандсь)
      5. Постуфкятнень кштимасна (датскяй марципанць)
      6. Мамаша Гигонь (Жигонь) и паяцне
   4. Панчфнень вальссна
   5. Па-де-де
      1. Драже феясь и Оршад принцсь
      2. I-це вариациясь: тарантеллась
      3. II-це вариациясь : Драже Феять кштимац
      4. Кодась
   6. Мекольце вальссь
   7. Апофеозсь

Морамбяльхне

• Шуфтонь духовой музыкальнай морамбяльхне:
  • 3 флейтат (3-це флейтсь = флейта-пикколо);
  • 2 гобойхть;
  • 1 английскяй рожок;
  • 2 кларнетт;
  • 1 бас-кларнет;
  • 2 фаготат.
• Серень духовой музыкальнай морамбяльхне:
  • 4 валторнат;
  • 2 труба (музыкальнай морамбяль)трубат;
  • 2 тенор-тромботт;
  • 1 бас-тромбон;
  • 1 туба.
• Эрьхнемань музыкальнай морамбяльхне:
  • литаврат;
  • ёмла бараба;
  • тарелка (музыкальнай морамбяль;
  • оцю барабан;
  • треугольник (музыкальнай иорамбяль;
  • бубен;
  • кастаньетат;
  • там-там;
  • пайгонят;
  • «игрушечные инструменты» (например, свистулька-кукушка).
• Челеста;
• 2 арфат;
• Идень хорсь
• Струннай музыкальные морамбяльхне:
  • карьзихть I;
  • карзихть II;
  • альтт;
  • виолончельхть;
  • контрабас.

Инь цебярь ладяфксне Россияса

Мариинскяй театрась

• 6 (18) декабрьста 1892 кизось — премьера:
  • Балетмейстерсь: Иванов, Лев Иванович
  • Дирижёрсь: Дриго, Рикардо
  • Художникне: Бочаров, Михаил Ильич и К. Иванов
  • Костюпне: Всеволожский, Иван Александрович и Пономарёв, Евгений Петрович;
  • Мари — Станислава Белинская
  • Фриц — Василий Стуколкин
  • Щелкунчик — Легат, Сергей Густавович
  • Фея Драже — Дель-Эра, Антониетта
  • Принц Коклюш — Гердт, Павел Андреевич
  • Дроссельмейер — Стуколкин, Тимофей Алексеевич
  • Шут — Ширяев, Александр Викторович
  • Марианна — Лидия Рубцова
• 1923 — сембонди келькф Льев Ивановонь путомац тяка декорациятнень мархта; балетмейстерхне Лопухов, Фёдор Васильевичи Ширяев, Александр Викторович, дирижёрсь Гаук, Александр Васильевич; фея Драже —Гердт, Елизавета Павловна, принц Коклюш — Дудко, Михаил Андреевич, Дроссельмейер — Солянников, Николай Александрович.
• 1929 — од редакциясь; балетмейстерсь Лопухов, Фёдор Васильевич, дирижёрсь Гаук, Александр Васильевич, рисовандайсь Дмитриев, Владимир Владимирович (художник); Маша — Мунгалова, Ольга Петровна, Щелкунчик — Гусев, Пётр Андреевич, Дроссельмейер — Леонтьев, Леонид Сергеевич.
• 1934 — балетмейстерсь Вайнонен, Василий Иванович, дирижёрсь Мравинский, Евгений Александрович, худ. Селезнёв, Иван Фёдорович; Маша — Уланова, Галина Сергеевна, Щелкунчик-принц — Сергеев, Константин Михайлович.
• 2001 — балетмейстерсь — Симонов, Кирилл Алексеевич, музыкальнай руководительсь — Валерий Гергиев, декорациятне, костюпне, либретто, постановкась — Шемякин, Михаил Михайлович. Маша — Наталья Сологуб, Щелкунчиксь-принцсь — Александр Сергеев, Андриан Фадеев, Дроссельмейер — Антон Адасинский.

Оцю театрась

• 1919 — балетмейстерсь Горский, Александр Алексеевич, дирижёрсь Н. А. Фёдоров, художниксь Константин Коровин; Клара — Кудрявцева, Валентина Васильевна, Фриц — Шокоров 2-це, Щелкунчик-принцсь — Ефимов, Ефим Григорьевич, Дроссельмейер — Булгаков, Алексей Дмитриевич. Тя ладяфксса сценась тифоль, кода каваняманди аноклаф шра кофейным пяк оцю сервизкс ащи, конань потмоста лисендсть кштихне.
• 1932 — балетнай техникумонь ГАБТ-ть видеса спектакль; балетмейстер Л. И. Иванов, одукс ушетф няфнемась Чекрыгин, Александр Ивановичень и Монахов, Александр Михайловичень, дирижёрсь Файер, Юрий Фёдорович, художниксь Панфилов; Кларась — Фарманянц, Евгения Карапетовна|, Щелкунчиксь — Папко, Юрий Викторович, Фрицсь — Ю. Гербер, Дроссельмейерсь — Чекрыгин, Александр Иванович, Драже Феясь  — Лепешинская, Ольга Васильевна.
• 1939 — балетмейстерсь В. И. Вайнонен, дирижёрсь Юрий Файер, худ. Дмитриев, Владимир Владимирович (художник); Машась — Семёнова, Марина Тимофеевна, Щелкунчиксь — Ермолаев, Алексей Николаевич, Дроссельмейерсь — Рябцев, Владимир Александрович.
• 12 мартста 1966 — од ладяфсь; балетмейстерсь Григорович, Юрий Николаевич, дирижёрсь Рождественский, Геннадий Николаевич, художниксь Вирсаладзе, Симон Багратович; Машась — Максимова, Екатерина Сергеевна, Щелкунчиксь-принцсь — Васильев, Владимир Викторович, Дроссельмейерсь — Левашев, Владимир Александрович, Шееронь корольсь — Ситников, Герман Борисович, Щелкунчиксь-някась — Ватуля, Елена, Французонь някась — Попко, Татьяна Николаевна.

Сембода содаф аудиозаписне

• 1960 кизось музыкаса — дирижёрсь Геннадий Рождественский, оркестрсь и Оцю театрань идень хорсь, СССР.

• 1986 кизось музыкаса — дирижёрсь Федосеев, Владимир Иванович, «Весна» идень музыкальнай хоронь школась, П.И. Чайковскяень лемса Центральнай телевидениянь и Всесоюзнай радионь Оцю симфоническяй оркестрась.

• 1988 кизось музыкаса — дирижёрсь Евгений Светланов, «Весна» идень музыкальнай хоронь школась, ГАСО.

Лятфтамат

Литература

• Васильев И. В., Краснова Л. Е. Методология исследования хореографических трактовок литературного произведения Э.Т.А. Гофмана "Щелкунчик и мышиный король" на балетной сцене в конце XX - начале XXI столетий // Вестник Академии русского балета им. А. Я. Вагановой. — 2024. — № 1 (90).
• Гендова Марья Юрьевна. Балет «Щелкунчик» — нетривиальный способ знакомства с бытовой Рождественской культурой России второй половины XIX века // Вестник Саратовской консерватории. Вопросы искусствознания. — 2019. — № 4.
• Рыжкова А. С. Балет Московского хореографического училища "Щелкунчик" П. И. Чайковского (1950 год) // Театр. Живопись. Кино. Музыка. — 2013. — № 2.
• Слонимский, Ю. И. Щелкунчик: [балет в 3-х действиях и 7 картинах] / Ю. Слонимский; музыка П. И. Чайковского ; Ленингр. Государст. академ. театр оперы и балета; [марка театра на обложке работы художника Л. С. Хижинского]. — 2-е издание. — Ленинград : издание Лен. Гос. Акад. театра оперы и балета, 1934.
• Юлия Яковлева. Глава 5. Рождение театра. // Создатели и зрители. Русские балеты эпохи шедевров. — М.: Новое литературное обозрение (издательство), 2017. — С. 143—149. — ISBN 978-5-4448-0689-0.

Ссылки

• балет «Щелкунчик» Театра Санкт-Петербургской консерватории на сцене Михайловского театра на телеканале «Искусство ТВ»
• Щелкунчик — либретто и фотографии балета в постановке Театра классического балета п/р Н. Касаткиной и В. Василёва
• ЩЕЛКУНЧИК. Либретто
• Tchaikovsky Research
• The Nutcracker ballet
• Скворцова И. А. Балет П. И. Чайковского «Щелкунчик»: опыт характеристики // Учебное пособие. — М.: Научно-издательский центр «Московская консерватория», 2011. — 68 с. ISBN 978-5-89598-264-8