Шабань налхксема

Шабань налхсематне руз.: (Детская игра)— сядонголе мокшень иттнень ульсь пяк лама мялень салай налхксемасна. Кизонь эрь пингть ульсть сонцень налхксеманза. Иттне ётка пингснон ётафнезь ялга ёткса налхксезь. Эрь налхкомать ульсь сонцень смузец и эрявиксшиц.

Карёк

Тяфта инголи мокшень и эрязянь велетнень эса налхксесть 8-12 кизоса цёранятне и стирнятне. Кизонда налхксесть ульцяса, тялонда - кудса. Иттне налхксемста морсесть тяфтама мороня: "Нолдамасте карёкса Пилеваряшка кудозонт. Минь аф пяк эрьхттяма Фкя-фкянь копорьхть керхтама".

Налхксемань правилатне

Кемоньшка-кеветиешка шаба озси кругс модать лангс. Кядьсна путнефт фталу. Каяви жерьба, кие озай кучкати. Кучкати озайсь вешендсы карёкть. Карёксь - тя котфста кодаф пикс. Кругса озафнень эзда фкя ломанць азонды тяфтама валхт: "Од копоня -ляпоня, сай Роштувать пяконя. Вешк карёкть"! И эрьхнесы карёкть мархта копорь ланга кучкати озаф налхкить. (Тя тиендевсь шумбрашить кемокстаманц инкса). Налхкомась мольсь ся пингс, мзярс кучкастось аф кундасы карёкть. Сяда тов кучкати озай ся ломанць, кинь кядьста кундави карёксь.

Тянь лаца улихть и лия налхксемат, конат аф фкат сянь эса, кодама предмет сявови налхксемас. Кепотьксонди, карёкть вастс - кушак, и тя налхксемать лемоц "Урня".

Литературась

• Брыжинский, Василий Сергеевич Детские и молодёжные игры мордвы : эрзянские и мокшанские народные игры и хороводы в авторском изложении и сценарной разработке / В. С. Брыжинский ; худож. В. И. Фелюнин. - Саранск : Мордовское кн. изд-во, 2016. - 270
• Гришунина, Валентина Петровна Мокшанский язык. 5 класс [Текст] : четвёртый год обучения : учебник для русскоязычных учащихся / В. П. Гришунина, В. Ф. Рогожина. - Саранск : Мордовское книжное изд-во, 2010. - 141

Ссылкатне

https://nekrasov.izh-cbs.ru/sites/default/files/tradition-pdf/mordva_igri.pdf?ysclid=m1knqsquzb168955355 Мордовские народные игры