Французонь балкон
Францу́зонь балко́н (фр.: balconnet, анг.: Juliet balconies[1][2]) — балкон ламотнень эзда фкясь, эсьлацонь ширекс ащи эсонза площадкань прокс аф улемась или улемась, но вастсь эсонза (50 сантиметрада кржа). Келиста нолдаф портфнетр лемсь(фр.: porte-fenêtre)[3][4].
Эрямопингсь
Ули аф фкя версия тяфтама архитектурнай конструкциять колга. Васенцеть коряс, сон эвондась Европса кучка векнень пингста тяниень пингонь венельть полафтоманцты[5]. Омбоце версиять коряс, французонь балкоттне тятфта тифтольхть, сяс мес лиякс ашель кода: тяйня ульцянтнень эса ашель кода стяфтомс кутт инголи оцю лисьф конструкция мархта, сафоль мяльсь тиендемс ёмланят, конатнень видеса ульсь кода касфнемс панчфт[6].
Тяконь лаца ули мяль, што тяниень пингонь французонь балкоттнень атянь атясна васенда эвондастьИспанияса или Италияса. Вальмятнень оцюшиснон инкса куду сяда тёждяста сувсель валдсь, а станя жа тёждялгофневсь кожфонь нолдамась[5][7].
Juliet balcony — келиста нолдави нинге фкя лемсь — тятфтама архитектурнай конструкциять мельге кемокставсь Уильяма Шекспиронь «Ромео и Джульетта» пьесадонза меле. Тоса тяфтама балконть лангса Джульеттась корхни эсь кельгманц мархта[8].
Эсь лацонь ширетне
Французонь балкоттне ули кода явфтомс кафту:
- площадкафтома;
- аф оцю площадка мархта.
Аф оцю площадкань мархтось, эсь инксонза, аерфневи лисфонц форманц мархта. Тя лисьфсь эрси пялес покаряв и виде ужеса. Васенце вариантсь лувондови традиционнайкс, омбоцесь сяда сидеста васьфневи тяниень пингонь куттнень эса[9].
Ули ГОСТ, кона кирдьсыне-ванфтсыне французонь балкоттнень путомань эсь лацонь ширензон. Тоса ули башка мялень шарфтома сянь лангс, што араламань сооружениясь эряви ладямс станя, штоба ломанти тоста афоль уле кода прамс [10].
Французонь балкоттненди перяфксне аерфтовихть тевс нолдаф материалхнень коряс. Кепотьксонди, ащи ковандаф уськонь перяфксокс. Тятфта жа тевс нолдавихть профильнай трубатне: металлическяйхне, стальнойхне или алюминиевайхне. Кой-коста перяфксонди тевс ноляви бетонць — сонь эздонза стяфневихть колоннат и и мезевок лия мазоптоманкса. Ули кода нолдамс глянцсь, но эста эряви стама глянць, кона кемоста кирди и аф колави эрьхтематнень эзда.
Ули тага гибрид. Тяфтама балконць перяф глянцьса стандартнай площадка мархта и вальмятне ладяфт алуда вяри молемс. Сембе сяка тяфтама архитектурнай конструкциять путомац французскяй балкоттнень ёткс аф прокс виде, тянкса ули башка термин — «французскяй остекления»[9].
Цебярь ширенза и афсатыксонза
Цебярь ширеннекс ули кода лувомс:
- электроэнергиять сяда кржа ётафтомац, сяс мес ши валдсь кармай сяда лац повома-сувама сонь глянцензон пачк;
- оцю вастоц кожфонь нолдаманди, конань эса ули оцю асу и цебярь шире;
- аф оцю квартирась кармай няевома сяда келиста;
- сонь тевс нолдави кудть мазоптоманкса[8].
Аф сатоксонди ули кода няфтемс:
- балкону лисема вастсь, кизонда кармай пси;
- питнихть материалхне;
- аф сембе куттнень эса ули кода тевс нолдамс тяфтама конструкция[6];
- кой-коста эряви анамс-вешемс мярьгома тяфтама монтажти[11];
- глянцнень аруста кирдемасна веши виень вельф путома[6].
Галереясь
французонь балкон модерн стильса
французонь балкон Парижса
французонь балкон Вуппертальса (Германия)
.jpg)
.JPG)
Лятфтамат
- ↑ Juliet balconies (англ.). Balconette. Дата обращения: 30 октябрьста 2023. Архивировано 24 мартста 2012 года.
- ↑ Balconet (англ.). Encyclopedia.com. Дата обращения: 30 октябрьста 2023.
- ↑ Порт-фнетр. Словарь галлицизмов русского языка. sanstv.ru. Дата обращения: 30 октябрьста 2023.
- ↑ Елена Слободян. Можно ли выходить на французонь балкон? Аргументы и факты (7 ноябрьста 2022). Дата обращения: 30 октябрьста 2023.
- ↑ 1 2 Зачем нужен маленький «французонь балкон», если на него даже выйти нельзя. Novate.Ru (28 октябрьста 2022). Дата обращения: 30 октябрьста 2023.
- ↑ 1 2 3 Плюсы и минусы французского балкона. planken.guru. Дата обращения: 30 октябрьста 2023.
- ↑ Языева С. Б., Жирухина Т. В., с. 149.
- ↑ 1 2 Bob Vil. What is a Juliet Balcony? A complete guide (англ.). Clever Patio (7 сентябрьста 2023). Дата обращения: 30 октябрьста 2023.
- ↑ 1 2 Все о французском балконе. Системы ВЕКА. Дата обращения: 30 октябрьста 2023.
- ↑ ГОСТ Р 56926-2016.
- ↑ Все о французском балконе. вПлатье.ру. Дата обращения: 30 октябрьста 2023.
Литературась
- ГОСТ Р 56926-2016 "Конструкции оконные и балконные различного функционального назначения для жилых зданий. Общие технические условия". — М.: Стандартинформ, 2016.
- Языева С. Б., Жирухина Т. В. Конструктивные элементы фасадов, трансформировавшиеся из функциональных в декоративные // Молодой исследователь Дона. — 2018. — № 5 (14). — С. 144—150.