Уроксь

Рувики лопаста
Уроксь
Москувонь школась (2023 кизось)
Школьный урок 2.jpg
Тевс нолдама вастсь Образованиясь
Эвондама шиц XVII векста
Шарьхкотьфтемать автороц Ян Амос Коменский

Уро́ксь (руз. Урок) — коласа тонафнемать ладямаса форма, конань пингта тонафтысь ладяф пингть коряс вяти-максы содамошит. Тяфта ладяф тевс ламоц тонафнемань образовательнай учреждениятнень эса (школатнень, лицейхнень, гимназиятнень, колледшнень[1].

Терминть эвондамац

1374-це кизоня Цволле ошкяса начальнай школань ректорсь Джон Сил тиезе шабатнень тонафнемаснон сянь коряс, мезсь сяда тов кармась лемневома классно-урочнай системакс. Сон сувафтозе тонафнихнень явомаснон классова и ётафтомаснон коряс марстонь порядкать сяда товолдонь классу. Сон аноклафоль тонафтома шачема кяльса, мезсь XIV-це векста ульсь однякс, эста тонафнемать ётафнезь латинскяй кяльса.

1537-1582 кизотнень Иоганнес Штурм, немецко-французскяй Страсбургса протестантскяй гимназиянь ректорсь виияфтозе тя системать. 1567-1581-це кизотнень гимназиясь тифоль академиякс. Эсонза тонафнесь 600-ть малава гимназист. Штурмсь явозень класснень тонафнема кизотнень коряс (васенда 7 кизот, меле тонафнема пингонц касфтозь 8-ти). Кда класса повондсь лама ученик, классь явондовсь 10 ломань дополнительнай группава оцю ученикть мархта (тя ульсь белл-ланкастерскяй системань прообразсь, кона эвондась XVIII векть песта – XIX векть ушетксста). Штурмсь явфтозень тонафнемань предметтнень, фкя урокса тонафневсь фкя предмет. Сон васенцеда крхкаста арьсезе и нолдазе тевс марстонь тонафнемань планть[2].

XVII вексь, Ян Амос Коменский — чехонь педагогсь-гуманистсь, тяниень классно-урочнай тонафнемань системань тиись. Коменскяйда инголе шабатне тонафнесть оцюфнень мархта, тонафнемань процессь ульсь хаотичнай. Коменский сувафтсь порядка и система: урокне ушедсть ётнема расписаниять коряс, тонафтыхне получсесть специальнай аноклама[3]. Юрса ащи принципне:

  • Класса тонафнемасн фкя кизонь иттнень. Тя лезды тонафтыхненди тиендемс тонафнемань процессть, сявондемс мяльс шабатнень виияфнемаснон эсь лацонь ширензон.
  • Тонафнемань процессь регламентировандаф. Урокне ётафневихть расписанияс коря, тя лезды лац нолдамс тевс пингть и максомс фкя лацонь возможностть тонафнихненди.
  • Тонафтыхненди специальнай аноклама синь ётнихть тонафнема и получайхть диплом, тя лезды теест цебярьста тонафтомс.

Меле российскяй школась тиевсь немецкяй образовательнай койхнень-обуцятнень коряс. «Урокть» вастс школатнень эса молезь «экзерсис» (упражнения) омба масторонь валсь, «урок» педагогическяй терминць пачкодсь рузонь кяльти XIX векста[4].

Урокть структурац

Эрь уроксь ащи определённай элементста. Синь могут лисемс эрь кодама сочетанияса, шарьхкодемок структурать, конань коряс эряви шарьхкодемс элементтнень составснон, синь точнай фкя фкянь мельге молемаснон и синь ётксост соткснень. Структурась может улемс простой и стака, ащи урокть учебнай материалонц содержаниянц, тонафнихнень кизос коре эсь лацонь ширеснон и эсь лацонь ширеснон эзда.

Урокть ладямац од темать азондомста кепотьксонди — Виде ужень параллелепипедть объёмоц:

Урокть молемац
Урокть пяльксоц Пингсь Цельсь Тонафтыть тевонь вятемац Преподавательть тевонь вятемац
Oргмоментсь 3 минутат Лемонь азомась, Ушетксть пяльксоц Тонафтысь, или классонь вятись лемди тонафнихнень лемснон Тонафнихне азыхть пря, кие аш класса , сянь лемоц сувафтови классонь журналу
Кудонь тевть ваномац 2 мин Кудонь тевть ваномац (цилиндрть лангонц площадец) тетратнень эзда или вастста ащезь Тонафтысь кизефни кудонь тевть и путы питне Тонафнихне няфтьсазь эсь сатфксснон-тифснон
Содамошинь оржаптомась[5] 5 минутат Урокть пяльксоц, конань пингста ттонафнихне пяшкодьсазь маштомошиснон и навыкснон од содамошитнень тонадомаса Тонафтысь максси кизефкст шарьхкодематнень колга Тонафнихне отвечайхть кизефкснень лангс
Темать лемдемац и урокть задачанза 10 минутат Кода лувомс параллелипипедть объёмонц Тонафтысь сувафты объёмти шарьхкодема, кизефни кодама геометрическяй объекнень ули объёмсна Тонафнихне отвечайхть кизефксненьлангс, азсазь, што объёмсна ули многогранникнень, кой-кона шарондыхне (цилиндрсь, конуссь, шарсь)
Од материалть шарьхкодемац тонафнить пряса 10 минутат Учебникста конспектонь тиемась Тонафтысь азонды объёмть колга, икой-коста максы шарьхкодема аф шарьхкодевити Тонафнихне тиихть конспект текстти и кулхцондыхть тонафтыть эса, а тяфта жа сёрмадсазь тетрадезст юрса ащи объёмть ширензон
Всенце кемокстамась[6] 5 мин Решение простейших задач (произведение трёх измерений) Учитель предлагает найти объем прямоугольного параллелипипеда с измерениями 3, 4, 5. Может выбрать для ответа любого учащегося Тонафнихне мушендыхть прямоугольнай параллелипипедонь объем. V=abc=3*4*5. Кда синь пяшкодезь задачать, то теест ули кода кеподемс кядьснон
Задачань решандамась 5 минутат Задачань решандамась доскать инголе (кепотьксонди, параллелипипедть объёмонц мумац диагоналень ширде) Тонафтысь максы иттненди тиемс задача учебникста, задачатнень тёкшсна кучкада сери Тонафнихне (или тонафнись) решандайхть задача доскать ваксса. тяка пингть тонафнихне решандайхть задачать эса эсь тетрадьснон лангса
Урокть пец 2 минутат Питнень путомась Тонафтысь путы оценкат тетрадти (покодеманкса или конспектть инкса) или классонь журналу Тонафнихне макссазь эсь тетрадснон ваноманнди
Кудонь тевсь 2 минутат Максови мзярошка задача учебникста (сяда сидеста кучка тёкшень)
Рефлексия[7] 1 минута Урокти анализонь максомась тонафнихнень ширде Тонафтысь кизефти урокть колга Тонфнихне максыхть питне урокти мялень тумать коряс, стакат или тёждят ульсть задачкатне, шарьхкотьф или аф материалсь

Уроконь типологиясь

1. Дидактическяй цельхнень коряс уроконь классификациясь:

  • комбинированнай уроксь;
  • од материалонь азондомань уроксь;
  • од материалонь кемокстамань уроксь и практическяй маштомошинь и навыконь кемокстамась;
  • эсьотям покодемань уроксь;
  • уроксь-конференцись и уроксь-семинарсь[8];
  • тонафнеф материалонь ляфтамань уроксь, обобщениясь и систематизацись;
  • проверямань и содамошинкса, маштомошинкса, навоконксапитнень путомась; контрольнай и эсьотям покодемань ётафтомась;
  • интегрированнай уроксь;
  • интерактивнай уроксь. Кирди эсь эсонза колма составляющайхнень тевс нолдамаснон — тонафтыть электроннай учебниконь (руз.) (мок. тевс нолдамасна,тонафтыть электроннай учебниконь тевс нолдамац и интерактивнай доскань. Якя фкянь мархта сотф принципсь — электроннай учебниксь ладяф планшетть лангс. Эрь тонафтыть планшетоц сотф марстонь сетьс интерактивнай доскать и тонафнить планшетонц мархта. Электроннай учебникнень эса улихть гиперссылкат сувафтфт энциклопедият, келептьф иллюстрирования алу валхтозь шаштфтома мархта, кросс-ссылка тучебникть эрь кодама пяльксонзон мархта. Тяфтама учебникне ули кода нолдамс аудио- и видеоматериалонь, графикне, конатнень вельде ули кода тонафнихненди шарьхкодемс тонафнеф материалть[9].

2. Уроконь классификациясь навыконь пуроптомать коряс:

  • вводнай уроксь
  • тренировочнай уроксь
  • итоговай уроксь

3. Уроконь классификациясь приёмонь тевс нолдамань коряс и содамошинь тевонь коряс:

  • уроксь-практикумсь
  • уроксь-семинарсь
  • уроксь-лекциясь
  • уроксь-зачётсь
  • уроксь-игрась
  • уроксь-конференциясь
  • уроксь-экскурсиясь

4. Уроконь классификациясь уебно-воспитательнай процессонь участникнень общенияснон ладямаснон способонь коряс:

  • покодемань ладямань уроксь параса или полафневи составса уроксь
  • работань ладямань урок статистическяй паратнень или постояннай составонь паратнень эса;
  • покодемань уроксь ёмла группаса;
  • тонафнемань марстонь способонь уроксь;
  • тонафнемань дистанционнай типсь. Россияса дистанционнай тонафтомать (руз.) (мок. официальнайста виияфтомань шикс ули кода лувомс 1997 кизонь 30 майста, мзярда лиссь Россиянь Минобразованиять 1050 № приказоц, конань вельде ётафневи тонафнемань сфераса дистанционнай тонафнемань эксперимент. 2020-це кизоня COVID-19 пандемиясь вятсь ламоц школатнень марнек мастор лангса сёлгомаснонды. Ламоц школатне ся пингть ётасть дистанционнай онлайн-тонафнемати Zoom, Cisco Webex, Google Classroom, Microsoft Teams, D2L и Edgenuity, Skype платформатнень вельде[10][11].

5. Уроконь классификациясь васенце вастса ащи тонафнема методонь тевть нолдамаса:

  • информирующай уроксь;
  • проблемнай уроксь;
  • исследовательскяй уроксь;
  • эвристическяй уроксь.

6. Уроконь классификациясь предметонь ёткса сотксонь коряс:

  • интегрированнай уроксь;
  • библиотечнай уроксь;
  • клубнай уроксь;
  • медиауроксь[12].

7.Тяфта жа эряйхть панжада и аф классонь занятият. Кепотьксонди, 2022-це кизоста сявомок Россияса эрь атяньжиня васенце занятиякс Россиянь сембе школатнень эса ётафневи «Эрявиксть колга корхтамат». Юрса ащи тематне сотфт тяниень пингонь Россияса ломанть эряфса ключевой аспекттнень мархт.

Владимир Путин«Эрявиксть колга корхтамат» панжада урокть пингста 20№ школаса Отечествань Геройхнень лемса (Тыва Республикась, Кызыл, 2024 кизось)

Урокть кувалмоц

Ян Амос Коменскяень системанц коряс кой-мзяра част мельцек (кода фалу, 4 частс) заняфоль фкя учитель, сон мушендозе работать кувалмонц эрявикс задачатнень лангса. Сяда меле, оцю ученикнень ваномаснон ала ни, школьникненди эрявсь покодемс 4 частти самс эсь вийсост.

Академическяй и московскяй университетскяй гимназиянь регламентть коряс, урокнень кувалмосна ульсь 2 частт, тевс нолявсь кизонь расписаниясь. Урокне явондовсть кудонь и школаса, конат эсь ширдест явондовсть приватнайс (тонафтыснон мархта) и марстоннекс (эрь кодама кизонь иттнень участияснон мархта, преподавательхнень и администрациять). Тяфта жа ульсть ранняй (аноклай урокт), коса лия классонь эряфкшу тонафнись (аудиторсь) проверязень анокламать и кочказень результаттнень. 1828-це кизоня гимназиянь уроксь таргавсь 90 минута[13], в 1865 году — 60 минут[14].

Катя Лычёвась школаса урокть пингста

XX векть кучказонза «урок» терминць шарфтовсь тонафнемань занятиятнень пингснон лангс и и кармась шарьхкотьфтема синь кувалмоснон. XXI векста странтнень эса урокть кувалмоц кармась аф фкя лацонь:

  • США — 45-ста 90 минутас (урокть молема пингонц ладясы эрь школась сонць).
  • Франция — 55-ста 2 частонь молемс (кувалмоц ащи предметть эзда).
  • Канада — 75 минута
  • Израиль — 90 минута (2×45).
  • Индия — 35 минута
  • Китай — 40 минута
  • Германия — 90 минута (тонафтыти ули кода шумордамс урокть 45 минутада меле).
  • Япония — 45—50 минута
  • Финляндия — урокть куалмоц моли тонафтыть мяленц коряс.
  • Россия — 40—45 минута, начальнай школаса 30—35 минута[4]. Илань шида ингорле урокть кувалмоц ули кода крьфтамс учебнай заведениять администрациянц мяленц коряс. Кода фалу,неделять пингста урокне ушедыхть дадяф пингста[3].

Галереясь

  • Рисовандамань уроксь

    Рисовандамань уроксь

  • Англань кялень уроксь

    Англань кялень уроксь

  • Биологиянь уроксь

    Биологиянь уроксь

  • Географиянь уроксь

    Географиянь уроксь

  • Астрономиянь уроксь

    Астрономиянь уроксь

  • Математикань уроксь

    Математикань уроксь

  • Химиянь уроксь

    Химиянь уроксь

  • Начальнай школань 1 класса уроксь, Саратов, 1955—56 тонафнемань кизось

    Начальнай школань 1 класса уроксь, Саратов, 1955—56 тонафнемань кизось

  • Блокаднай Ленинградса 7 классса уроксь средняй школаса, 1942 кизось

    Блокаднай Ленинградса 7 классса уроксь средняй школаса, 1942 кизось

Лятфтамат

  1. ↑ Сластенин В.А. Педагогика: Учеб. пособие для студ. высш. пед. учеб. заведений / В. А. Сластенин, И. Ф. Исаев, Е. Н. Шиянов; Под ред. В.А. Сластенина. — Издательский центр «Академия», 2000. — 576 с.
  2. ↑ Классно-урочное обучение: предшественники Я.А. Коменского - История педагогики и образования - Сидоров С.В. Сайт педагога-исследователя. si-sv.com. Дата обращения: 15 сентябрьста 2025.
  3. ↑ 1 2 Кто придумал учить уроки. Ян Амос Коменский: Человек, который подарил нам уроки 📚, Telegraph (22 августста 2024). Дата обращения: 22 августста 2025.
  4. ↑ 1 2 Владимирович, Могилев Александр. Очевидное-невероятное: что такое школьный урок (20 октябрьста 2017). Дата обращения: 22 августста 2025.
  5. ↑ Актуализация знаний, как этап современного урока. Дата обращения: 13 сентябрьста 2025. Архивировано 21 январьста 2022 года.
  6. ↑ Этап - первичное закрепление. Дата обращения: 13 сентябрьста 2025. Архивировано 28 ноябрьста 2020 года.
  7. ↑ Рефлексия как этап урока: виды, приемы, примеры. Дата обращения: 13 сентябрьста 2025. Архивировано 4 октябрьста 2020 года.
  8. ↑ Это формы, а не виды уроков. Семинар может проводиться и на уроке закрепления, и на уроке-проверке, равно как и конференцияя
  9. ↑ Об электронном учебнике / Департамент образования Москвы. — 2015.
  10. ↑ Hood, Micaela Virtual learning gets mixed reviews from Pocono parents (1 майста 2020).
  11. ↑ Как в других странах школы перешли на онлайн-обучение (рус.). Российская газета (12 январьста 2021). Дата обращения: 15 сентябрьста 2025.
  12. ↑ Методическое пособие по созданию современного уроксьа по ФГОС. Дата обращения: сентябрь 2025. Архивировано 21 январьста 2022 года.
  13. ↑ Такая продолжительность занятий характерна для ВУЗов и называется парой
  14. ↑ Саввина О.А., Марушкина И.А. Урок математики в дореволюционной средней школе.. — М.: Инфра-М, 2013. — С. 18. — 80 с. — ISBN ISBN 978-5-16-006909-8.

Литературась

  • Жеребило Т. В. Словарь лингвистических терминов. — Назрань: Пилигрим, 2010. — 485 с.
  • Саввина О. А., Марушкина И. А. Урок математики в дореволюционной средней школе. М.: Инфра-М, 2013. — 80с. ISBN 978-5-16-006909-8

Ссылкатне

Сявф"https://mdf.ruwiki.ru/w/index.php?title=Уроксь&oldid=418030"-ста