Смолинскяй модаварясь

Рувики лопаста
Смолинскяй модаварясь
Модаваряти сувама вастсь
Модаваряти сувама вастсь
Характеристики
Глубина30-да лама м
Длинаоколо 890[1] м
Год открытияXIX вексь 
Типкарстовай 
Вмещающие породыизвестняк 
Число входов1 
Расположение
56°25′44″ с. ш. 61°36′44″ в. д.GЯO
Субъект РФСвердловскяй областсь
РайонКаменскяй районць
Заповедная зона
Смолинскяй карстовай модаварясь[2]
Категория МСОП III (Памятник природы)
Профиль геоморфологическяй, зоологическяй
Площадь 71,0 га
Дата создания 17 январьста 2001 кизоня
Логотип РУВИКИ.Медиа Аудио, фото ди видео
Петьф статья

Смо́линскяй модаварясь — модаваря Свердловскяй областьса. Геоморфологическяй и зоологическяй памятник перьфпяльса областной вастса[3]. Модаварясь тиевсь карстай процесснень инкса известнякнень эса и ащи кода гротонь система и эрь кодама шири вяти коридорхт[4]. Тонафнемац ушетф 1890-це кизотнень песта. 2015-це кизоти самс модаварять тонафнеф ётама вастонзон кувалмосна пачкодсь 890 метра[1].

Ащема вастоц

[петнемс | Петнемс лисьмапрянц]

Ащи Свердловскяй областень Каменскяй ошень огругть лямбе ширесонзав Исеть ляйть види ширдень беряксонза кафта вайгяльбеда сяда ала шудеманц коряс Бекленищева велеть эзда. Модаварясь ащи логть види ширеонза бкона лиси Исетть ширес, 150 метрань вастса берякть эзда. Кандови Сухоложско-Каменскяй карстовай районти[5][6].

Няфтемац сембе ширде

[петнемс | Петнемс лисьмапрянц]
Модаварять васенце планоц, Олесов, Василий Григорьевич; 1890 кизось

Модаварясь[петнемс | Петнемс лисьмапрянц]

Васенцеда сёрматфсь модаварять колга и картаса няфтемац ульсь тиф 1895-це кизоня « УОЛЕ запискатнень» эса— томсь XV, выпусксь 1. Покодемать вятезе уральскяй краеведсь Олесов, Василий Григорьевич, кона сашендсь модаварять ваксс 1852-це, 1858-це и 1890-це кизотнень[7]. Сембе сяка тиф планцонза ульсь кой-мзяра аф сатукс, а станя жа апак няфтьфоль вярде алу проекцияса. Нинге фкя съёмкась тифоль 1962-це кизоня Свердловскяй Уральскяй педагогическяй университетонь спелеосекциять вельде. Васенцеда тиф планць ульсь петьф и келептьф[5].

Модаварять перьфке известнякнень эса ули аф фкя «кяльготни сувама васта». Мувама вастсь сонцень модаваряти ащи логть виде ширденза 12 метрань сереса вастса потмаксонц эзда. тя видеса тиф аф оцю васта, кона вярде и бокова вельхтяф известнякса. Крхка вастсонза ащи вярде алу лазф, конань вельде аф сувават модаваряти. Сувама ётксь пяк тяйня, но аф лама метрада меле келеми и эсонза ули кода стямс сембе серцень мархта. Сувама вастть эзда кемонь метра вастса виде ширьганза ули алняня ётка. Сонь вяти модаварять лямбе ширезонза — тарадыяф шава васта колма этаж мархта. Модаварять тя пяльксоц сяда коське и 1,5—2° градуста сда лямбе лядыкснень эзда. 25 метра сувама вастть эса ащи грот «Оцю келья» размероц 25х7 метрат и 3—4 метрань сереса[5].

«Оцю келья» гротть эзда кельме шири (кержити) молихть кафта таратт. Васенце кись канни «Кись аду» лем и ази тяйня горизонтальнай трубакс. Сонь эзганза ётамга велямась касы 45° алу. Вастсь арай тяйня трубакс метрашкань прерьфса. Трубать стенанза вадяфт и аруфт. Тя лисенди тундань шада веттнень инкса, конат вадялгофтсазь синь. Трубать песа мараф сёвонь и щебень. Труать кучка вастсонза шири туй тарад и вяти киити. Тя ётксь лазф вастса тага аделави аф оцю модаваряса, конань потмаксса тага няевихть сёвонь мархт[5].

Кельме ширдень шиньстяма ширеса «Оцю кельять» эзда «Кержи кись», сонь кувалмоц пачкотькшнит 45 метра. Шиньстяма ширеса (видеста) «Оцю кельять» эзда ащи «Фавор» модаварясь. Оцюшинц коряс тя омбоцесь модаваря модаварять эса. Туркс пачкотькшни 10 метрат. Сяда ов тя шире ащи «Алтарь» ёмла модаварясь. Сон покаряв и вяре куполкс ащи свод. сяда тов, шиньмадома ширеса ащи сёвонень эши. Сон валом-валом-тяйнялгоды и эзганза меколи аф ётават. Серец сувама вастть эзда аерды 32 метра[5].

Модаварять сяда оцю пяльксоц коське, аньцек кельмеширдень шиньстяма ширеса ули аф оцю лихтибря. Кой-кона васттнень эса путькси. Кияксоц модаварять вельхтяф сёвоньца. Температурась ащи фкя лаца и фалу эсонза кирди 4—5,5°[5][8].

Модаваряса кати-мзярда эрясть ломатть: кой-кона вастста тифт куцеманят, ладяфт кевонь эзда нежедемкат. Улихть свидетельстват, чшто 1890-це кизотнень модаварясь ладяфоль монахнень кядяла. Тянь ширеть кирдьсазь модаварянь лепне. Олесовонь лувквонц эзда тячити самс модаварясь ванфтовсь пцтай апак полафтт. Аш кемокстамат Олесовонь мяленц коряс панжада сотксть ланга вастть мархта модаварять песа, конань колга сёрмадсь Олесов эсь отчётсонза[5].

Лятфнемац[петнемс | Петнемс лисьмапрянц]

1889-це кизоня Войтехов С. Смолинскяй модаваряв якаманц колга «Екатеринбургская неделя» газетаса колганза сёрмадсь тяфта:

Aquote1.png Фкя комнатать вярде пяльксоц лятфнесь церькавонь своттнень лангс. Кержи ширде  — тяйня варясь вятсь вятсь кельяв, кона тиф искусственна… 5-10-шка сажень вастса васьфтеме оцю комната, кона лемневсь «Алтарькс»; тяса стяфтфоль шуфтонь крёс, а стенатнеень лангса карафоль потмоти пялес покаряв лотконя, а эсонза крёс, конань эзда мольсть шинь сюролдат. Алтарть серец сатомшка оцю; кияксть эзда колмошка саженень видеса минь няеме стенаса варя. тя молемасть лемневи «Менели» Aquote2.png

Пещерась лятфневи тястоконь фольклорса — «Бурканть и Смолинскяй модаварять колга»[9].

Фаунась

XX-це векть кучказонза самс модаваряса модаваряса эрясть Европаса сембода оцю лиенди шееронь полгсь (водяная ночница) — Смолинскяй модаварять сембода оцю шнама-няфтма вастоц. В. Г. Олесов китькснезе, што тялоть ётафтомс ляткшнельхть кемонень тёжянь ракша. XX-це векть кучкаста тевсь полафтсь: модаваряв сашендыхнень касомаснон лувкссна вятсь популяциять кирьфтаманцты. В. Н. Большаковонь уликсонзон коряс, аньцек 1960-це кизотнень песта 1961-це кизонь апрельти самс тялонди ляткшнихнень особнень лувкссна кирсь котоксть. Уральскяй горнай институтонь студенттне, конат сашендсть модаваряв 1974-це кизоня, мусть эсонза аньцек 15 ракша. Популяциянь кирьфтамати туфталкс ащи турисстнень сашендомасна, конат срьгоьфнесазь жувататнень и сявондьсазь мархтост[10][5].

Перьфсь[петнемс | Петнемс лисьмапрянц]

20-це августста 2004-це кизоня Смолинскяй модаварять ваксса ульсь стятфт Сюконямань крёз, 2,5 метрань сереса[11][8].

Туризмась

[петнемс | Петнемс лисьмапрянц]

Модаварясь ащи содама вастокс туристтненди. Сонь эзонза сувамась аф веши сциальнай аноклама и оборудования. Спортонь ширде сон аф стака аф аноклаф ломаттненди, конат кирдьсазь пельксонь аф тии явикс вешфкснень техникань ширде. Потмаксти валгомста «Аду китне» тевс нолдави пикс. Эряма васттнень маласа ащемасна и развитай инфраструктурать вельде ули кода пачкодемс модаваряти кода общественнай, станя и эсь трансаортцень мархта[1][8].

Галереясь

[петнемс | Петнемс лисьмапрянц]
  • Сувама вастсь, конань перьф мараф известняк

    Сувама вастсь, конань перьф мараф известняк

  • Сувама васттнень эзда фкясь; 2015 кизось

    Сувама васттнень эзда фкясь; 2015 кизось

  • Васькафтома сувама васттнень эзда фкясь известнякнень ёткса

    Васькафтома сувама васттнень эзда фкясь известнякнень ёткса

  • Ведень веннесь (лат.: Myotis daubentonii)

    Ведень веннесь (лат.: Myotis daubentonii)

Лятфтамат

[петнемс | Петнемс лисьмапрянц]
  1. ↑ 1 2 3 Малагалеева Е. Пещера Смолинская. Там, где переплелись легенды и история. uraloved.ru (26 октябрьста 2015). Дата обращения: 28 мартста 2017. Архивировано 28 мартста 2017 года.
  2. ↑ Смолинская карстовая пещера. — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru. Дата обращения: 25 февральста 2022.
  3. ↑ Постановление Правительства Свердловской области от 17 января 2001 г. N 41-пп «Об установлении категорий, статуса и режима особой охраны особо охраняемых природных территорий областного значения и утверждении перечней особо охраняемых природных территорий, расположенных в Свердловской области». Дата обращения: 28 мартста 2017. Архивировано 28 мартста 2017 года.
  4. ↑ Гусев В. А. Памятники природы Каменска-Уральского и Каменского района // Каменский завод. — 2004. — № 1. — С. 6—7. Архивировано 30 мартста 2017 года.
  5. ↑ 1 2 3 4 5 6 7 8 Ю. Е. Лобанов, В. О. Щепетов, В. В. Илюхин, Г. А. Максимович, В. П. Костарев. Пещеры Урала. — Физкультура и спорт. — Москва, 1971. — С. 133—135. — 144 с.
  6. ↑ Достопримечательности.
  7. ↑ Олесов В. Г. Смолинские пещеры в «Записках [[УОЛЕ]]», том XV, выпуск 1. Уральское общество любителей естествознания (1895). Дата обращения: 3 мартста 2017. Архивировано 28 мартста 2017 года.
  8. ↑ 1 2 3 Рундквист Н. А., Задорина О. В. Смолинская // Свердловская область. От А до Я: Иллюстрированная краеведческая энциклопедия / рецензент В. Г. Капустин. — Екатеринбург: Квист, 2009. — 456 с. — 5000 экз. — ISBN 978-5-85383-392-0.
  9. ↑ Сарабанский А. В. Сказ о Буркане и Смолинской пещере. Дата обращения: 28 мартста 2017. Архивировано 28 мартста 2017 года.
  10. ↑ Смолинская пещера (словарная статья). «Некоторые факты из жизни Свердловской области». Дата обращения: 3 мартста 2017. Архивировано 28 мартста 2017 года.
  11. ↑ Сизов В. Журнал путешественников «Билеты есть» — «Ад и рай Смолинской пещеры». — Пермь: ИП Елагина Е. Г. Уральская Библиотека, 2007. — 68 с.Архивная копия от 8 июньцта 2016 на Wayback Machine

Литературась

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Смолинскяй_модаварясь&oldid=204927"-ста