Норкин, Александр Николаевич
| Александр Николаевич Норкин | |
|---|---|
 | |
| Шачсь | 15-це ноябрьста 1927-це кизоня |
| Шачема вастоц | |
| Кулось | 27-це августста 1997-це кизоня (69 кизоц) |
| Тевтиемань родсь | СССР-нь, Мордовиянь поэт |
Норкин, Александр Николаевич (15-це ноябрьста 1927-це кизоня, Од Веле, Хованщинань велень велезем[d] — 27-це августста 1997-це кизоня) — мокшень поэтсь, Россиянь Писателень союзу сувафтфсь (1994 кизось).
Эряфонь киц
Шачсь Мордовия Республикань Рузаевскяй райононь Куликовка велеса. Служась флотса, уендсь Тихай океанга, а меле Балтийскяй оцю ведьге, марса ялганзон мархта ванонзень шачема мастороньконь китьксонзон, аделазе младшай командиронь школать, торпеднай катеронь училищать. Армияда меле эрясь Саранскяйса, лама киза покодсь «Мордовэнерго» предприятияса мастеркс и инженеркс-электрикокс, тонафнесь механизациянь и электрификациянь институтса Москуса.
Творческяй киц
Васенце стихонза печатлафтольхть «Од вайгяльхть» (руз. «Молодые голоса») коллективнай сборникса 1949-це кизоня, коса сон кельгозь тяштсь шачема вастонзон колга.
1971-це кизоня лиссь сонь «Мокшень седисон» стихонь книганяц, сай кизоня — «Кенкшкяняцень, келазь, панчк», 1977-це кизоня — «Алязень талисманоц» сборникоц — сембось мокшень кяльса.
Перанц кядялонза стане жа лиссть «Мес мазыхть розатне», «Мокшетнень вельхксса толмархне» (1974) поэтическяй книганза, конат ётафтфт рузонь кяльс. «Цёфкс» поэманц морайть Мария Антоновать колга мордовскяй радиоть вельде аф весть морафнезе Мордовиянь народнай артистсь Вячеслав Акашкин[1].
Тяштьфоц
Стихонь сборниконза
- Мес мазыхть розатне (1969 к.);
- Мокшесь седисон (1971 к.);
- Кеншкяняцень, келазь, панчк (1972 к.);
- «Алязень талисманоц» (1977 к.);
- «Костры над Мокшей» (1974 к);
- «Горсть земли» (1981 к.).
Поэмац
- «Цефкс». Сон лемтьф народнай артисткати Мария Антоновати.
Рузонь кяльс А. Норкинонь стихонзон ётпфнезь поэттне Борис Соколов, Виталий Юшкин, конат печатлафт юашка сборникса и «Антология мордовской поэзии» книгаса.
Лятфтамат
- ↑ Норкин Александр Николаевич (рус.). Централизованная библиотечная система Рузаевского муниципального района. Дата обращения: 19 декабрьста 2025.
Литературась
- Писатели Мордовии: биографический справочник/сост.: Т. С. Баргова, Е. М. Голубчик. — Саранск: Мордовское книжное издательство, 2004. — 127 с. — (К 70-летию Союза писателей республики Мордовия)