Рузонь кялень шись

Рувики лопаста
Рузонь кялень шись
Изображение празднования Дня русского языка в Государственном музее А.С. Пушкина.jpg
Типсь Культурнай
Официальна Рузонь кялень шись
Лиякс Россиянь Пушкинонь шись
Ладяф Российскяй Федерациянь Президентть указонц коряс 6-це июньцта 2011-це кизоня рузонь кяльть лемс
Датась 6-це июньцта
Сотф А. С. Пушкинонь шачема шинц, тяниень пингонь рузонь литератунай кяльть ладяенц мархта

Рузонь кялень шись (руз. День русского языка) — международнай шись, лемтьф рузонь кяльти, ладязе ООН-ць 2010-це кизоня, ётафневи 6-це июньцта, сембонди содаф рузонь поэтть Александр Сергеевич Пушкинонь шачема шистонза[1].

Российскяй Федерацияса — Россияса илась ладяф-кемокстаф 2011-це кизоня российскяй государственнай илакс (руз.) (мок..

Эрямопингсь

Мяльть тя илать ётафнеманц коряс васенцеда азозе «Русская игра слов» теварьсефксть автороц Иван Клименко «Парламентскяй газетань» лопатнень лангса 2007 кизонь 26-це декабрьста[2]. Авторсь эсь статьясонза: «…опыт именного Года свидетельствует о том, что для непременного развития языка в каждом грядущем календарном году обязательно должен ещё быть и один именной День. День русского языка. Всемирный праздник для всего Русского мира». Но аф законодательнай, аф исполнительнай Россиянь азорондайхне монь валнень лангс ашесть шарфта мяль.

Тяда инголе, в 1996-це кизоня, Рузонь кялень араламань шить 6-це июньцта, А. С. Пушкинонь шачема шиста, ушедозе лятфнемонза-васьфнемонза Крымонь Рузонь общинась. 2007-це кизоста ушедомок Крымса сон 6-це июньцта ушедозе ётафнема славянскяй культурань «Великое Русское Слово» рузонь Международнай фестивальть. Тя шиня фестивальса улихнень лама киза ни шумбрандафнесыне Российскяй Федерациянь Президентсь.

2011-це кизонь 6-це июньцта Российскяй Федерациянь Президентть Д. А. Медведевонь кядяла лихтьф указ: «Эрь кизоня ладямс и ётафнемс Рузонь кялень шить 6-це июньцта рузонь содаф поэтть, А. С. Пушкинонь тяниень пингонь рузонь литературнай кяльть путыенц-ладяенц шачема шистонза».

ООН-нь кялень шитне

Родной кялень шить мархта ряцок ООН-ца ётафнесазь ООН-нь официальнай кялень шитнень[3]. Синь ульсть ладяфт-тифт ООН-ть общественнай информациянь Департаменть мярьгоманц коряс 2010-це кизоня лама кялень и лама культурань улемать инкса[4]. Тя шитнень пингста ётафневи мероприятиятне шарфтфт официальнай кяльхнень фкя питнешиса (руз.) (мок. кирдемаснон инкса, ООН-онь покодихнень содамошиснон ООН-нь кяльхнень эрямопингснон (историяснон) и касома киснон колга.

Кялень лятфнема шитне ООН-ть мяленц коряс

  • 20-це мартста — Французонь кялень шись (Франкофониянь международнай шись).
  • 20-це апрельста — Китайскяй кялень шись (лемтьф Цан Цзе, китайскяй сёрмать ушедыенцты-ладяенцты)[5].
  • 23-це апрельста — Англань кялень шись (Уильям Шекспиронь шачема шиц).
  • 23-це апрельста — Испанскяй кялень шись (Мигель Сервантесонь кулома шиц)[6][7].
  • 6-це июньцта — Рузонь кялень шись (А. С. Пушкинонь шачема шиц).
  • 18-це декабрьста — Арабскяй кялень шись (1973-це кизоня ладяф мяльс самась арабскяй кяльть сувафтоманц ООН-нь официальнай и покодемань кяльхнень лувксс).

ООН-нь официальнай кялень шида башка ули Международнай родной кялень ши, кона васьфневи 21-це февральста ЮНЕСКО-ть мяленц коряс 2000-це кизоста сявомок. Тя шись ульсь ладяф кялень и культурань аф фкя лацонь ширетнень ванфтомаснонды и юмай-арай кяльхнень араламаснонды лездомати[8][9][10].

Лятфтамат

  1. ↑ День русского языка в ООН. Дата обращения: 17 декабрьста 2025. Архивировано 26 майста 2013 года.
  2. ↑ Иван Клименко. «Да будет день!», Парламентская газета (27 декабрьста 2007). Архивировано 31 октябрьста 2015 года. Дата обращения: 17 декабрьста 2025.
  3. ↑ Список международных дней на сайте ООН. Дата обращения: 17 декабрьста 2025. Архивировано 27 майста 2016 года.
  4. ↑ Department of Public Information to Launch ‘Language Days at the United Nations’
  5. ↑ UN celebrates Chinese Language Day with immersive (англ.). Xinhua.
  6. ↑ English Language Day (англ.). Eurasia Assembly.
  7. ↑ English Language Day (англ.). British Council.
  8. ↑ International Mother Language Day 21 February (англ.). Global Compact.
  9. ↑ International Mother Language Day (англ.). EBSCO.
  10. ↑ UNESCO International Mother Language Day (англ.). EUD.

Ссылкатне

Сявф"https://mdf.ruwiki.ru/w/index.php?title=Рузонь_кялень_шись&oldid=393429"-ста