Россияса кафта кяльхне

Рувики лопаста

Российскяй Федерациять территорияса билингвизмась васьфневи Алтай, Башкортостан, Татарстан, Чувашия республикатнень эса, Саха Республикаса (Якутия), Севернай Кавказонь, Бурятиянь и лия региоттнень эса. Тя республикатнень эса кялень ситуациять тяфтама типичнай структурац: ошень эряйхне сидеста корхтайхть аньцек рузонь кяльса или аф ламода содасазь автохтонняй этность (руз.) (мок. (коренной народть) кяленц. Велеряйхне сидеста содасазь родной этносонь кяльть, рузонь кяльть содамац может улемс сяда лафча и аф пачк. Билингвизмань лия типсь (рузонь, кода родной и лия кялень содама) васьфневи сяда шуроста.

Карелия

Кафта кяльса (рузонь-вепссонь) тяштьфкс Шёлтозеро велеса, Карелия

Карелия Республикаса кяльхнень мархта тевсь сяда ламода сотф лия ширеста сафнень, рузкс корхтайхнень мархта[1]. Ломаттнень лувкссна, конат кандсазь прянц коренными нароттненди, а аф аньцек тя кяльса корхтайхненди (карелонь, вепссонь, финнонь, саамонь),аф оцю: 11,9 % (2002 кизонь одукс сёрмадомась)[1]. Билингвизмась сидеста уленди велетнень эса, коса эряйхть коренной нароттне. Ошса билингвизмась мала сире ломаттненди, конат састь велеста. Хуш тянемс васьфневихть ломатть, конат рузонь кяльда башка содайхть и ноляйхть тевс этноснень ёткса бытовой корхнеманди кафта или колма кяльхть (тянди лезды кяльхнень ёткса соткссь и эряйхнень шорявомасна), од ломаттне сяда сидеста кочксесазь рузоннеть.

Аф ваномок коренной эряйхнень ёмла лувксснон лангс, Карелия Республикаса путневихть вийхть сонь родной кялензон ванфтомаса и сяда тов касфтомаса: мзярошка школаса тя кяльхне тонафневихть кода родной, рузонь кялти полатксокс, или факультативокс, а Финно-угорскяй школаса (руз.) (мок. Лённротонь лемса, Петрозаводскяй университетса — кода предметт. Тя кяльса Карелия Республикаса нолявихть газетат, журналхт, книгат, лисендихть телевизионнай и радиопередачат [2], театральнай постановкатне. Вятеви покодема карелонь кяльти государственнаень статус[3]. Сидеста васьфневихть вывескат-билингват, сяда сидеста рузонь и карелонь или финонь кяльса, тяфта жа:лавкатнень и учрежденитянень лемсна, машинаса ардомань китнень лангса эрямовасттнень и кшнинь китнень лангса станциятнень няфтемасна.

Но фкя-фкянь мархта корхнеманди основнойкс кялькс лувондови рузоннесь.

Коми Республикась

Коми Республикаса кяльть мархта тефне стане жа сотфт рузонь кяльса корхтай ширеста саф эряйхнень лувксснон мархта. Но Республикань правительствась сувафни кялень ванфтомань мерат: эрямань вастонь куроса куттнень лангса сембе указательхне и табличкатне, мишендемань вастонь азорхнень колга информациясь и мишендемань вастонь и учреждениянь покодемань пингсь сёрматфт кафта кяльса: коминь и рузонь. Коминь кяльса тяфта жа лисендихть книгат, литературнай журналхт, республиканскяй и районнай значениянь газетат. [4]

Коминь-рузонь кафта кяльса корхтамась эвондась кунардонь пингстокиге ня кяльса корхтайхнень фкя-фкянь мархта сотксонь кирдезь. Коминь-рузонь кафта кяльса корхтамась кармась вииякшнема советскяй пинкнень, и фалу келемкшнесь рузонь кяльть тевс нолямань сферанзон лувкссна. XX век-ть песта 95 % велень комитне тя или тона степеньца содасазь родной и рузонь кяльхнень. Касонды комитнень лувкссна (сяда ламоц, ошеряйхнень), конат лувондсазь родной кялькс рузонь кяльть. 1989-це кизоня СССР-са эряень сёрмадомань-лувомань даннаень коряс, сембе комитнень эзда тяфтапнень лувкссна пцтай 20%, и аньцек 50% эздост няфтезь, што лац содасазь коми кяльть. Васьфневихть рузонь-коминь кафта кяльса корхтаманьслучайхть. Тяфта 1989-це кизоня руснень, конат эряйхть Коми Республикаса 1,2 процентсна, виденцясть, што содасазь коми кяльть пяк лац.[5]

Башкортостан

Башкортостан Республикаса кялень тефне няфнесазь марстонь популяцияса билингвань оцю пяльксть. 2020-це кизонь Марнек Россиянь лувомать даннаензон коряс республикаса 1 482 740 ломанць, сувафтомок рузонь кяльть, — кафта кялень содайхть, 259 558 — содайхть колма кяльхть, 28 551 содайхть колма и сяда лама кяльхть.

1999-це кизоня 4-це майста Башкортостан Республикаса примавсь «Башкортостан Республикань нароттнень кяльснон коре» закон, кона кемокстазень республикаса башкирскяй и рузонь кяльхнень, кода государственнайхть .

Кафта кяльса корхнемась сяда ладяй велень райоттненди и ноляви эрь кодама этносонь ломаттнень фкя-фкянь ёткса эрямань-ащемань тефнень коряс корхнеманди. Башкортостанонь велень восточнай райоттнень эса келиста васьфневи рузонь-башкиронь кафта кяльса корхтамась; западнай райоттнень эса тяфта жа ули рузонь-татаронь кафта кяльса корхтама. Сяда сидеста нациятнень ёткса корхнемань кяльть (корхтамань койнять) тиендьсы рузонь, сяда шуроста татаронь или башкиронь кяльхне. Кепотьксонди, 2020-це кизонь лувомать даннаензон коряс, 31 438 этническяй русне и 91 581 татархне содасазь башкиронь кяльть. Хоть кялень перяфкс башкиронь и татаронь кяльхнень ёткса аш, сяс мес нят раднянь кяльхть. Регионца кялень эсь лацонь ширесь сотф башкиронь и татаронь кяльхнень эса горизонтальнай диглоссиянь ситуациять мархта, конань кирдьсазь тя кафта мала кяльхне и афкукс келептсазь кялень континуумса тя кяльхнень диалектснон вельде (мишар, тептяр, башкиронь кяльть шинь стяма ширдень корхтамац). Аф кржа чувашт, мариецт и удмуртт, конат фалу эряйхть республикаса, тяфта жа содайхть башкиронь или татаронь кяльхнень и нолясазь синь тевс тястонь лия этноснень мархта эрь шинь корхтамаса.

2024-це кизонь декабрь ковс Башкортостанца панжевсть 9 полилингвальнай школада, коса фкя пингть тонафнемась мольфтеви рузонь, родной и омба масторонь кяльса. Стане жа 50 дошкольнай учрежденияса покоди 72 полилингвальнай группа [6].

Башкортостанонь ошнень эса межнациональнай корхнематнемаса сяда сидеста тевс ноляви рузонь кяльсь.

Башкортостан Республикань государственнай кяльса корхтама маштомась
(по данным переписи 2020 года) 		Русне Башкирхне Татархне Чувашне Марийцне Украинцне Мокшэрзятне Удмурттне Лиятне Национальностьсь
не указана
Башкиронь кяльсь[7] 31 438 802 065 91 581 2 696 2 479 229 106 2 223 903 3 977
Рузонь кяльсь[7] 1 507 803 1 239 536 963 396 79 480 84 403 14 798 10 934 17 024 13 137 50 271
Содай лия кяльхть[7]:
Англань кяльсь 59 045 30 665 33 013 1 564 1 673 563 165 851 1 375 1 679
Казахонь кяльсь 284 621 446 9 18 16 1 8 19 9
Лугово-восточнай мариецень кяльсь 2 183 1 743 876 63 56 131 17 9 173 501 390
Немецонь кяльсь 10 108 4 926 4 879 333 593 135 44 97 74 197
Татаронь кяльсь 28 257 216 400 549 158 5 726 9 186 339 180 5 002 1 315 4 155
Удмуртонь кяльсь 419 1 175 300 2 89 3 1 13 498 11 25
Украинецень кяльсь 2 826 198 207 30 12 4 119 6 5 36 34
Французонь кяльсь 1 554 594 822 24 126 28 2 5 108 38
Чувашень кяльсь 3 237 1 030 932 48 565 76 31 111 3 56 179

Татарстан

Казанень метроса кафта кяльса няфтьфкс

Татарстан Республикань Конституциять 8-це статьянц коряс, рузонь и татаронь кяльхне Татарстан Республикать марнек территориясонза лувондовихть фкакс. Тяка жа статьяса корхтави, што государственнай властень оргаттнень, местнай самоуправлениянь оргаттнень, Татарстан Республикань государственнай учреждениятнень эса нолявихть тевс фкя лаца кафцьке кяльхне [8].

Татарстанца билингвизмань (руз.) (мок. кизефкссь корхтамань сидеста васьфневи тема[9], тя темать коряс мольфтевихть научнай исследованият[10][11]</ref>, публикуются статьи[12]. Эрь шинь корхтамаста сидеста ули кода кулемс рузонь-татаронь суржикть (руз.) (мок., мзярда татаронь корхтамаса васьфневихть рузонь валхнень, кялень конструкциятнень и целай валрисьмотнень пакшсна. Татаронь кяльса корхтай ошень эряйхне, веленнетнень коряс сяда сидеста, ёрайхть цебярьста содамс рузонь кяльть, татаронь кяльть нолясазь тевс аньцек кудса фкя-фкянь ёткса корхтамасата, рузоннеть — покодемань и общественнай вастса, ялга мархта и стак тов.

Татарстанца велень районца коса эряйхть татархне и чувашне нациятнень ёткса корхнемань кялькс лувови татароннесь. Русне, конат эряйхть Татарстанонь татаронь велетнень эса тяфта жа шабратнень-татархнень мархта эрь шинь корхнеманди кочксесазь синь кяльснон. Кда татарстанонь чувашнень эряфкшу поколенияснонды фкя-фкянь мархта корхнемань основной кялькс ульсь чувашскяй и татаронь кяльхне, то чувашень од ломаттнень ёткса татаронь кяльсь омбоце вастста ётась колмоцети, нолдамок инголи рузоннеть. Татарстанца чувашнень ламошкасна содасазь чувашень, рузонь и татаронь кяльхнень эрь шинь корхтамаса сатомшка лац.

Тяка пингть, 2001 -це кизонь кизефнемань даннайхнень коряс, Татарстан Республикань кизефтьф татархнень эзда 53,8% азсть мяль тонафнемс эсь шабаснон рузонь кялень школатнень эса татаронь кяльть кода предметонь тонафнемаса. Республикань нефтяной райоттнень эса татаронь 15% и рузонь 16,5% стирьхне и цёратне родной кяльть лувсазь кода эсь нациянь улемань кемафтома; татаронь 31% и рузонь 59,5% од ломане лувсазь родной кяльть аньцек кода корхнемань средства[13].

Чувашиянь Республикась

Чувашия Республикань велень райоттнень эса чувашнень и татархнень фалу эрямоснон инкса аф кунардонь пингти самс межнациональнай корхтамань кялькс лувовсь чувашень кяльсь. Тяниень пингть тя функциясь ётай рузонь кяльти.

Якутия

РС(Я)-ть Конституциянц 46 статьянц коряс Якутиять территорияса государственнай кялькс лувондовихть якутскяйсь и рузоннесь, и тейст максовихть равнай прават. Якутиясь лувондови Россиянь лама региоттнень эзда фкакс, коса рузонь кяльсь ашезе монополизированда национальнай корхтамань кяльть роленц[14]. Якутиянь коренной нароттнень ёткса (долгантне, эвентне, эвенкитне, юкагирхне и якуттне) якутоннесь сявондеви кода ломаньётконь корхнемань кяль. Ламоц школатнень эса (сяда сидеста велеса) кой-кона класснень эса, а кой-коста и целай школатнень эса мольфтеви тонафнема аньцек якутскяй кяльса. Общественнай транспортса (автобусса) лоткама вастть лемоц азови кафта кяльса. Китнень лангса ламоц указательхне и знакне стане жа няфтьфт кафта кяльса. Улихть массовай информациянь средстват кутонь кяльса (руз.) (мок., рузонь кяльса, а стане жа северонь кржа лувксонь нароттнень кяльса. Официальнай делопроизводствань кялькс тяфта жа лувондовихть рузоннесь и якутскяйсь. Ошень эзда ичкоздень васттнень эса, можна няемс кода русне тонаткшнесазь якутскяй кяльть, и сон савор арси ламотненди шачема кялькс.

Россиянь территорияса контактнай кяльхне

Мзярошка случайста рузонь кяльть и тястоконь кяльхнень ёткса кялень сотксне вятсть пиджиттнень и шоряф кяльхнень эвондамаснонды. Рузонь кельме ширеса поморхнень ёткса сидеста васьфневсь руссенорскань содамась[15][16]. Дальняй Востокса франконь лингва вастс кода руснень, тяфта и Дальняй Востоконь нароттнень ёткса корхнемаста ноляви тевс русско-китайскяй пиджинсь[17][18]. Рузонь основаса нинге фкя пиджин, корхтама, ульсь Таймырса, сонь нолязь тевс долгаттне, нганасанецне, энцаттне, эвенкаттне[19][20][21].

Лятфтамат

  1. ↑ 1 2 См. статью: Население Республики Карелия
  2. ↑ См. подробнее в статье: Средства массовой информации Петрозаводска
  3. ↑ См. статью: Республика Карелия#Языковая проблема
  4. ↑ Е.А.Кондрашкина Современная языковая ситуация в Республике Коми. Дата обращения: 14 августста 2025. Архивировано 1 сентябрьста 2013 года.
  5. ↑ Айбабина Е. А. Двуязычие // Коми язык. Энциклопедия / Отв. ред. Г.В. Федюнёва. — М., 1998. — С. 93.
  6. ↑ Гульназира Ишбердина. Акмуллинский университет помогает развивать полилингвальное образование (рус.). "Российская газета" (24 декабрьста 2024). Дата обращения: 14 августста 2025.
  7. ↑ 1 2 3 Владение языками населением наиболее многочисленных национальностей МО РБ.(Дата обращения: 26 августста 2025)
  8. ↑ См. текст Конституции Республики Татарстан в Викитеке.
  9. ↑ В Казани обсудят проблемы билингвизма в технических вузах. Дата обращения: 14 августста 2025. Архивировано 28 декабрьста 2011 года.
  10. ↑ Двуязычие в Татарстане. Дата обращения: 14 августста 2025. Архивировано 27 апрельста 2012 года.
  11. ↑ Влияние двуязычия на этноидентичность этнофоров и их представления о культурных ценностях этнических соседей в Татарстане. Архивировано 1 сентябрьста 2013 года.(Дата обращения: 26 августста 2025)
  12. ↑ О проблемах двуязычия в Татарстане. Дата обращения: 14 августста 2025. Архивировано 14 августста 2025 года.
  13. ↑ Я. З. Гарипов. Языковое развитие полиэтнического региона // Социологические исследования. — 2012. — №4. — С. 68.(Дата обращения: 26 августста 2025)
  14. ↑ Алпатов В. М. Языковая ситуация в регионах современной России. Архивировано 1 сентябрьста 2013 года.(Дата обращения: 26 августста 2025)
  15. ↑ Broch, I. & Jahr, E. H. 1984. "Russenorsk: a new look at the Russo-Norwegian pidgin in northern Norway." In: P. Sture Ureland & I. Clarkson (eds.): Scandinavian Language Contacts, Cambridge: C.U.P., pp. 21-65.
  16. ↑ Русско-норвежский пиджин. Архивировано 1 сентябрьста 2013 года.
  17. ↑ Е.В.Перехвальская. Сибирский пиджин (дальневосточный вариант). Формирование. История. Структура. Дата обращения: 14 августста 2025. Архивировано из оригинала 6 августста 2013 года.
  18. ↑ Русско-китайский пиджин. Дата обращения: 14 августста 2025. Архивировано 1 сентябрьста 2013 года.
  19. ↑ А.Ю.Урманчиева. Говорка: пример структурно смешанного языка. Дата обращения: 14 августста 2025. Архивировано 1 сентябрьста 2013 года.
  20. ↑ Е.А.Хелимский «Говорка» – таймырский пиджин на русской основе // Компаративистика. Уралистика: Лекции и статьи. М.: Языки русской культуры, 2000.
  21. ↑ Е. А. Хелимский «Говорка» — таймырский пиджин на русской основе // Компаративистика. Уралистика: Лекции и статьи. М.: Языки русской культуры, 2000.

Литературась

  • 150 языков и политика: 1917—1997. Социолингвистические проблемы СССР и постсоветского пространства. М.: Институт востоковедения РАН. 1997. 192 с. ISBN 5-89282-022-X (Изд. 2-е, дополненное (…1917—2000). М.: Крафт + Институт востоковедения РАН, 2000. 224 с.)
  • Пунегова Г. В. Функционирование русского языка в условиях двуязычия в Республике Коми. Сыктывкар, 2008. 184 с.

Ссылкатне

Сявф"https://mdf.ruwiki.ru/w/index.php?title=Россияса_кафта_кяльхне&oldid=417910"-ста