Россиянь шись

Рувики лопаста
Learning.svg

Б.Н. Ельцинонь лемса библиотекань материалхне

Arrow-Right.png
Library.png
Тя статьяса материалхне нолдафт тевсБ.Н. Ельцинонь лемса Президентскяй библиотекань фондста
Б. Н. Ельцинонь лемса Президентскяй библиотекась
Россиянь шись
День России.png
Типсь Нациянь шись
Официальна Россиянь шись
Лиякс 2002-це кизонь 1-це февральти самс — «Российскяй Федерациянь государственнай суверенитетть колга Декларациянь примамань шись»
Смузсь РСФСР-ть государственнай суверенитетонц колга декларация
Ладяф 1992-це кизонь 11-це июньцта
(Российскяй Федерациянь Верховнай Советть постановлениянц вельде № 2981-I «12 июньцта праздничнай шить колга»)
Ётафневи  Россия
Датась 12-це июньцта
Васьфтевомац концертт, патриотическяй акцият, фейерверкт
Койхне-обуцятне Кремляса Госпремиянь и казнень каземась
Логотип РУВИКИ.Медиа Россиянь шись

Россиянь шись (руз. Де́нь Росси́и; ингольдень лемоц — Российскяй Федерациянь государственнай суверенитетть колга Декларациянь примамань шись, тяфта жа содаф, кода Аф зависимостень шись) — Российскяй Федерациянь государственнай ила, васьфневи эрь кизоня 12-це июньцта. Ладяф Россиянь Верховнай Советть мархта 11-це июньцта 1992-це кизоня РСФСР-нь государственнай суверенитетть Декларациянц прняндаманц лемс. Лувондови аф покодемань шикс[1][2].

Эрямопингоц

12-це июньцта 1990-це кизоня РСФСР-нь народнай депутатонь I-це съездса ульсь прняндаф Декларация РСФСР-нь государственнай суверенитетть колга. Документсь азозе республикань Конституциять и закоттнень верховенстваснон Советскяй Союзонь акттнень лангса, а стане жа кемокстазе азорондайхнень явомаснон принципонц и граждаттненди и общественнай организациятненди сембонди фкя лаца праватнень[3][4].

Аф покодемань шинь статуссь ульсь кемокстаф 11-це июньцта 1992-це кизоня РФ-нь Верховнай Советть постановлениянц коряс[1], васенда илась лемневсь Афзависимостень шись[5].

Россиянь граждаттненди пшкядемста 1993-це кизонь июньцта, Борис Ельцин китькстазе:

Россиясь васьфнесы эсь государственнай иланц Аф зависимостень шить. Тя илась од, сон сувась эряфозонк колма кизода инголе, Россиянь государственнай суверенитетть колга декларациять примаманц мархта[6].

Президентть указонц коряс 2-це июньцта 1994-це кизоня илась ульсь лемтьф государственнайкс и арась Российскяй Федерациянь государственнай суверенитетть колга Декларациянь примамань шикс[7].

1998-це кизоня Борис Ельцин телевизионнай пшкядемасонза азсь мяль лемдемс илать «Россиянь шикс».

Борис Ельцин и Владимир Путин торжественнай приёмса, кона лемтьф Россиянь шити, 2001 кизось

Лемоц официальнайста кемокстафоль 2002-це кизоня РФ-нь Трудовой од кодексть вийс суваманц мархта, коса сёрматфтольхть праздниконь и ваймама шитне[8].

Кода шарьхкотьф и контекстсь

Эксперттнень питнень максомаснон коряс, илати отношениясь пингонь ётазь полафнесь. Васенда 12-це июньцта шарьхкотькшневсь суверенитетть колга Декларациять призманц вельде, кона кемокснезе РСФСР-ти Советскяй Союзть составста лисемань правать. Ся пингть шись сидеста сотневсь историческяй соткснень лафчемомаснон и государственнай инголи молемать ингольдень этапонц эзда ётконь арамать мархта[9]. Пингонь ётазь, СССР-ть срадоманц туфталхнень колга арьсьматнень вельде кода оцю геополитическяй тарфтоматнень, илать смузенц шарьхкодемац полафтсь: шарьхкодемась шаштсь тядонгольденнеть отрицаниянц эзда конструктивнай покодемать лангс тяниень пингонь вешфкснень эса сай пингти арьсематнень пуроптомаснонды[10].

2001-це кизоня Россиянь президентсь Владимир Путин, выступандамок торжественнай приёмса, азозе:

Сембось, мезе ётафтф ня кизотнень пингста, сембе опытоньке — и сатфксоньке, и эльбятьксоньке — корхтай фкять колга. Эрь кодама реформатнень ули смузьсна аньцек эста, мзярда синь служайхть ломаттненди. Кда реформатне аф граждаттнень ширесот — синь юмайхть-арайхть. Тянь эса и ащи российскяй демократиянь основной уроксь. Колганза тейнек эряви корхтамс тячивок, Россиянь шиня[11].

ВЦИОМ-нь Аналитическяй центрань кизефнематнень результатснон коряс, россияттнень пяледа ламосна (57 %) мяльса ужяльдьсахь Советскяй Союзть срадоманц, лувсазь, тянь ульсь кода ётамс вакска (15 февралень 2026 кизонь уликснень коряс)[12].

Койхне и мероприятиятне

Торжествань основной символкс ащи национальнай триколорсь, вярьгок вастса ащи праздничнай мероприятиятне койс коре ётнихть Москуса Якстерь площадьса (руз.) (мок.. 2001-це кизоста сявомок Москуса и странань лия ошнень эса илать ётафтсазь салют мархта[1].

Россиянь шить лемс концерт Якстерь площадьса, 12 июньцта 2025 кизоня

Тя шиня Кремлевскяй Оцю дворецть Георгиевскяй залсонза ётни наукань и технологиянь, литературань и искусствань видеса Российскяй Федерациянь Государственнай премиянь каземань торжественнай церемония, а тяфта жа правозащитнай и благотворительнай тевса оцю сатфксонкса и «Трудонь герой» медальхнень инкса[4][13][14].

Владимир Путин государственнай премиянь церемониять и казнень максомань пингста Оцю Кремлёвскяй дворецса Россиянь шиня, 2024 кизось

Ошнень шава вастоваст сембе странать эзга стяфневихть-путневихть государственнай масторкотфт и тематическяй баннерхт. Етафневихть фестивальхть, концертт, выставочнай теварьсефкст, спортивнай состязаният и гражданско-патриотическяй акцият.

Сембода оцю событиякс 2024-це кизоня Краснодарскяй краень Сукко веленяса арась акциясь, коса ульсь келес срафтф российскяй масторкотфть котфоц площадьс коре 4 тёжяньда лама квадратнай метрань келеса. Равжа оцю ведть трваса акцияса ульсь 1221 ломань. Сатфкссь ульсь кемокстаф-тяштькстаф эксперттнень вельде Россиянь рекордонь Книгаса[15].

12 июнць пяк содаф од рьвяяйхнень ёткса. Тяфта, 2024-це кизонь Россиянь шиня Москуса рьвяясть 165 семейнай пара[16].

2007-це кизоста сявомок ётафневи акция «Российскяй триколор», конань пингста волонтёрхне явондыхть лентоконят национальнай масторкотфть тюсонзон лаца[1][4].

  • Праздничнай салют Россиянь шить лемс Нижегородскяй кремлять вельхксса

    Праздничнай салют Россиянь шить лемс Нижегородскяй кремлять вельхксса

  • Акциять пингста Россиянь масторкотфть кеподемста Петровскяй фарватерть видеса Санкт-Петербургса Россиянь шиня флайбордисттне кепсесть пря вяри 12 метрань сереса

    Акциять пингста Россиянь масторкотфть кеподемста Петровскяй фарватерть видеса Санкт-Петербургса Россиянь шиня флайбордисттне кепсесть пря вяри 12 метрань сереса

  • Од рьвяяйхне, «Маяковская» метронь станцияса (12 июня 2022 года)

    Од рьвяяйхне, «Маяковская» метронь станцияса (12 июня 2022 года)

  • Волгоградонь эряйхне кандыхть сяда метрань кувалмоса Россиянь масторкотфть (2023)

    Волгоградонь эряйхне кандыхть сяда метрань кувалмоса Россиянь масторкотфть (2023)

  • РФ-нь сембода оцю масторкотфсь, конань келептезь Анапать маласа Россиянь шить лемс (12 июньцта 2024 кизоня)

    РФ-нь сембода оцю масторкотфсь, конань келептезь Анапать маласа Россиянь шить лемс (12 июньцта 2024 кизоня)

Традиционнайкс арась всероссийскяй акциясь «Минь — Россиянь граждаттама!»(руз. «Мы — граждане России!»). Тянь пингста 14 кизонь школьникне, конат оцю сатфкс мархта тонафнемаса, спортса или общественнай тевонь вятемаса, получайхть васенце эсь паспортснон торжественнай ладяфксса, сяконь лувксса государствань оцю ломаттнень кядьста[1][4].

Мордовия Республикать пряошсонза и сембе муниципальнай райоттнень эзга Россиянь шиня аноклакшневи и ётафневи эрь кодама мероприятия: эрь кодама творческяй коллективонь концертт, мялень салай выставкат, спортивнай пялькстомат и семьянь фестивальхть[17].

Лятфтамат

  1. ↑ 1 2 3 4 5 12 июня — День России: что за праздник, какого числа и как отмечают, Сетевое издание «Смотрим» (26 майста 2026). Дата обращения: 8 июньцта 2026.
  2. ↑ Указ Президента Российской Федерации от 02.06.1994 г. № 1113, Президент России. Дата обращения: 8 июньцта 2026.
  3. ↑ 12 июня отмечают День России. Межпарламентская Ассамблея государств — участников СНГ. Дата обращения: 8 июньцта 2026.
  4. ↑ 1 2 3 4 День России 2026: когда, какого числа, как празднуют 12 июня, история праздника. РБК Life (28 майста 2026). Дата обращения: 8 июньцта 2026.
  5. ↑ День принятия Декларации о государственном суверенитете России - День России. ФГБУ «Президентская библиотека имени Б.Н. Ельцина». Дата обращения: 8 июньцта 2026.
  6. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. yeltsin.ru. Дата обращения: 8 июньцта 2026.
  7. ↑ День России 2026: какого числа, история и традиции. Комсомольская правда. Дата обращения: 8 июньцта 2026.
  8. ↑ День России 2026: когда отмечается и что за праздник, РИА Новости (12 июньцта 2025). Дата обращения: 8 июньцта 2026.
  9. ↑ Декларация о государственном суверенитете Российской Советской Федеративной Социалистической Республики. pravo.gov.ru. Дата обращения: 8 июньцта 2026.
  10. ↑ Путин считает, что распад СССР стал трагедией для миллионов, РИА Новости (20050505T2325). Дата обращения: 8 июньцта 2026.
  11. ↑ Выступление на торжественном приеме по случаю Дня принятия Декларации о государственном суверенитете России. kremlin.ru (12 июньцта 2001). Дата обращения: 8 июньцта 2026.
  12. ↑ Опрос показал, сколько россиян сожалеют о распаде СССР, РИА Новости (17 мартста 2026). Дата обращения: 8 июньцта 2026.
  13. ↑ В День России Владимир Путин вручил медали «Герои труда РФ»: Кого наградил президент, Сайт «Комсомольской правды» (12 июньцта 2024). Дата обращения: 5 июньцта 2026.
  14. ↑ Путин в День России вручил госпремии и медали Героев Труда. rbc.ru (12 июньцта 2023). Дата обращения: 8 июньцта 2026.
  15. ↑ На Кубани в День России развернули самый большой триколор страны, Рамблер/новости. Дата обращения: 8 июньцта 2026.
  16. ↑ В День России в Москве поженились 165 пар, Интерфакс Россия (13 июньцта 2024). Дата обращения: 8 июньцта 2026.
  17. ↑ В Саранске рассказали о подготовке к проведению праздничных мероприятий в День России и День города (рус.). Официальный портал Правительства Республики Мордовия (10 июньцта 2026). Дата обращения: 11 июньцта 2026.

Ссылкатне

Сявф"https://mdf.ruwiki.ru/w/index.php?title=Россиянь_шись&oldid=418951"-ста