Посадниксь

Петьф статья

Посадник Щил анай бславама Иоанн архиепископть кядьста церквонь стяфтомать коряс. «Повесть о посаднике Щиле»

Поса́дниксь (озафтфруз. поса́женный — «киньге мархта ладяфсь») — должностьс адяф ломань Киевскяй Русьса, князть наместникоц ошть, областть лангса азорондамста, или кочкаф гражданскяй администрациянь оцюня феодальнай республикатнень эса).

Васенда (X-це векть пец) посадниксь путнезе князсь, а меле (XII-цн вексь) вечесь модатнень лангса, конат сувсесть Древнерусскяй государствать лувксс, лангсост азорондаманкса. Посадниксь ульсь народнай вечеть ала и ванць князть азорондаманц мельге, ульсьть эсь лацонь азорондамань шинза экономикать видеса, азорондамать и правосудиять: кирдезе посадскяй войскать, ванць общественнай порядкать мельге и посадса эряйхнень ёткса споряматнень вятемаснон мельге, а тяфта жа путнезе кяденц дипломатическяй договорхнень лангс, судопроизводствать мельге, налогонь кочкамать.

Новгородса, Псковса и кой-кона «вечевой» ошнень эса посадниконь должностсь фактически арась муниципальнайкс, пингонь ётазь явомок князень азорондамать эзда. XII-це векта меле вастова ащи князть ломаненза нкармасть лемдевома наместникокс.

Эвондамац и смузец

Васенцеда «посадник» валсь лятфневи «Повесть временных лет» 977-це кизонь сёрматфса:

«В год 6485 (977). Пошёл Ярополк на брата своего Олега в Деревскую землю... Когда Владимир в Новгороде услышал, что Ярополк убил Олега, то испугался и бежал за море. А Ярополк посадил своих посадников в Новгороде и владел один Русскою землёю».

Ушетксста, кепотьксонди Господин Великий Новгородса, тяфта лемнезь киевскяй наместникнень, конат кучсевсть ошу князть вастс, кда эрявикс лия ломань ашезь мушендов. Тятфтама посадникокс лувондовихть Добрыня (воеводась) (980) — щенянц Владимир Святославичень, Добрыняньц цёранц Константин Добрыничень (1018), Остромира. Эстонь пингста посадникокс лувондовсть и новгородскяй княсне. Тяфта, летописнень эса эпизодсь Ярослав Мудраень пандомань атказаманц коряс алянцты Киеву сёрматф лятфнемок посадничестванц колга:

«...и тако даяху вси посадници новгородьстии, а Ярослав сего не даяше к Кыеву, отцу своему».

Сяда товолдонь кизотнень «посадник» валсь кармась шарьхкодевома кода лем сембода оцю кочксеви государственной должность Новгородскяй республикаса (1136-це кизоста сявомок — Новгородса, 1308-це кизоста сявомок Псковса.

Тяда башка посадникокс лемневсть и княсне, конатингольдень пингс (XIII-це векти самс) «озафневсть» эсь сяда сире радняснон вельде (Киевскяй великай княснень, Смоленскяй илиянь) князень шратнень ваксс ошнень эзга, конат ащесть кядялост.

Эрямопингсь

Посадникне кочксевсть баяронь козя семьянь пуромксаа. Новгородса Онцифора Лукиничень реформанц коряс (1354) фкя посадникть вастс ульсь сувафтф кота, конат азорондасть куломозост («сире посадникне»), эрь кизоня синь ёткстост кочексевсь оцюсь — степеннай — посадниксь. 1416–1417-це кизонь реформать коряс посадникнень лувкссна ульсь касфтф колмонь крда, а степеннай посадникне сушедсть кочксевома пяле кизос. Валом-валом «посадник» и «сире посадник» лепне парасть эсь лацонь титулкс, конат макссевсть сембе эряфть пингс.

«Степенный» валть эвондаманц колга учёнайсьй и митрополитсь Киевскяйсь и Галицкяйсь Евгений (Болховитинов) 1831-це кизоня сёрмадсь:

«Посадники степенные, так названные, вероятно, потому, что при избрании на вече возводили и сажали их на возвышенное место со степенями, с коего они и суд производили. Сие можно заключить из двух случаев, упоминаемых в Псковской летописи: “Псковичи, будучи недовольны своим князем... на вече спихнули его со степени и выгнали... Присланный в Псков от великого князя Московского дьяк... на вече объявив Указ Великокняжеский, сел на степени...”»

Обуцясь посадниконь кочкамаса ушедсь нолдавома тевс Новгородса Владимир Мономахонь куломда меле, мзярда, летописнень уликсснон коряс, 1125-це кизоня «посадиша на столе Всеволода новгородци». Меле посадниконь кочкамась арась фланксонь видексокс, кона ульсь новгородонь эряйхненди пяк питникс. Важнай полафтомась тя долджностть прянь вятемасонза, кона эвондась сянь сюнеда, мес сон макссевсь аф князень пирьфса, а на вечевой площадьса, сяс мес Новогородонь ширень кирдиень эзда князть инголе посадниксь арась князень ширень кирдекс Новгородть эзда.

Новгородскяй республикать Великяй Московскяй княжествать кядялу повомда меле 1478-це кизоня Новгородса посадникнень кочкамасна лоткафтфоль, кода и вечетне, вечеень пайкне ульсть валхтфт и ускфт Москвуву. Сяда меле тяфта тифоль и Псковса (1510). Псковскяй республикаса 1308-це кизоста сявомок 1510-це кизоти самс содф 78 посадник. 1348-це кизоти самс синь путневсть Новгородста, меле Псковти максфоль автономия.

Марнек трансформациятне, конат ульсть должностть и сонцень «посадник» шарьхкодемать мархта XIII–XV-це векнень, няфтезь тевс ащемать республиканскяй азорондамать коряс «вечеень» ошнень эса и кемокстаматнень эрь кодама политическяй вийхнень эса фкя лаца кирдемать-ащемать. Новгородскяй и Псковскяй республикатнень сувамдост меле Рузонь государствать ёткс посадниконь должностсь ульсь лоткафтф-кардафref name=":0" />.

Ванк нинге

• Новгородонь посадниконь лемлувкссь
• Князь
• Сотскяй староста

Литературась

• Дубровин Г. Е. Петрятин двор и проблема раннего посадничества в Новгороде // Древняя Русь. Вопросы медиевистики. — 2007. — Т. 1, № 27. — С. 45–59.
• Янин В. Л. Княгиня Ольга и проблема становления Новгорода. — М., 2004.
• Янин В. Л. Новгородская феодальная вотчина. Историко-генеалогическое исследование. — М., 1981.
• Янин В. Л., Зализняк А. А. Новгородские грамоты на бересте (из раскопок 1984–1989 гг.). — М., 1993.
• Янин В. Л. Новгородские посадники. — М., 1962.
• Янин В. Л. Новгородские посадники. — 2-е изд., перераб. и доп. — М., 2003.
• Янин В. Л. Развитие системы высших магистратов Новгорода // Янин В. Л. Новгородские акты XII—XV вв. Хронологический комментарий. — М., 1991.

Лятфтамат