Пожарский, Иван Алексеевич

Рувикиса улихть статьят лия ломанень колга, конань фамилияц Пожарский.

Иван Алексеевич Пожарский
Шачема шиц	27 августста 1905(1905-08-27)
Шачема вастоц	Ардатов, Симбирская губерния, Российская империя
Кулома шиц	7 августста 1938(1938-08-07) (32 кизоня )
Кулома вастоц	район озера Хасан, Приморский край, СССР
Принадлежностсь	СССР
Войскань родсь	стрелковые войска
Служама кизонза	1928—1938
Званияц
Частец	5-й отдельный разведывательный батальон 40-й стрелковой дивизии
Должностец	военком
Сражениятне/войнатне	Хасанские бои
Казненза и премиянза
Иван Алексеевич Пожарский

Ива́н Алексе́евич Пожа́рский (1905—1938) — Советскяй Союзонь Герой, 40-це стрелковай дивизиянь башка разведывательнай 5-це батальононь военнай комиссар.

Эряфонь киц

Шачсь 1905-це кизоня 27-це августста Симбирскяй губерниянь Ардатов уезднай ошса (тяни Мордовия Республикань районнай центра) покодиень семьяса. Руз.

1925-це кизоня шумордазе Ульяновскяй профтехшколать. Армияда инголе ульсь комсомолонь волостной комитетонь секретарькс, уезднай комитету сувсикс и сонь ревизионнай комиссиянц оцюнякс, кочксевсь депутатокс Ардатовскяй ошень Совету. 1926-це кизоста ВКП(б) сувсись.

1928-це кизоста Якстерь Армияса. Ётнесь военнай служба Новосибирск ошса. Аделась политработниконь курсат. Арась кавалерийскяй частень партбюронь секретарькс, сяльде эскадрононь комиссаркс. Меле служась Дальне Востоконь пограничнай войскаса политработникокс. Странань рубежень араламста мужестванкса казевсь Якстерь Тяште орденца.

1937-це кизоня август ковста И. А. Пожарскяйсь аделазень В. И. Ленинонь лемса Военно-политическяй академиять видеса политсоставонь курсатень.

Служась Дальняй Востокса. 1938-це кизоня кизонда ульсь Хасан эрьхкть маласа моли бойса. Японицнень кемокстаф позицияснон лангс врьгятемать пингтсат стрелковай 40-це дивизиянь разведывательнай батальононь командирть ст. лейтенантть А. Ф. Ласкинть мархта марса вятьсть батальонтть эса. Врьгятнемать ушетксста батальонць срафтозень карша тюрихнень инголе ащи аралайснон, но сяльде личнай составть кирдезе вии толсь. И. А. Пожарскяй кеподезень боецнень атакав. Боень стака пингть кеподезень боецнень омбоцеда, аф ваномок ранениянц лангс мольсь атакав васенцетень ёткса. Колмоце атакаставок лядсь стройса, ранендавсь омбоцеда, шавовсь 1938-це кизоня 7-це августста Заозёрная высотать штурмонц пингста.

Колганза мялямсь

Иван Алексеевич Пожарскяень лемса Приморскяй крайса лемдевсь Пожарскяй районць, Пожарское велесь, Пожарскяй совхозсь, Пожарскяй разъездсь, Владивостокса, Пермьса, Ульяновскяйса, Дзержинскяйса (Нижегородскяй область), Ардатоваса куротне. Ардатов ошса сонь лемозонза путовсь обелиск, лемонц каннесы Ардатовскяй аграрнай техникумсь.

Лемозонза арьсеф «Песня о комиссаре Пожарском» морось (музыкась К. Листовонь, валхне В. Гусевонь).

Каненза и званиянза

• Советскяй Союзонь Герой — максовсь куломда меле 25-це октябрьста 1938-це кизоня
• Ленинонь орден
• Якстерь Тяште орден

Лятфнемат

Литературась и источникне

• Нюнько А. П. Песня о капитане Пожарском // Легендарная, непобедимая. / сб., сост. А. П. Нюнько, Л. В. Стариков, А. И. Чусовитина. — М.: ДОСААФ, 1968.

Ссылкатне

• Пожарский Иван Алексеевич на сайте Минобороны России.
• Пожарский Иван Алексеевич