Музыкань международнай шись

Рувики лопаста
Международный день музыки
Photoshoot with Rishab Rikhiram Sharma 07.jpg
Официальна анг.: International Music Day
Тяфта жа руз. День музыки
Смузсь Популяризация музыкального искусства среди различных слоёв населения, а также обмен опытом между разными народами мира в данной сфере искусства, формирование эстетических ценностей и взаимоуважение к ним.
Ладяф 1973-це кизоня
Тиись-ладяйсь Международный музыкальный совет, ЮНЕСКО
Ётафневи Earth flag PD.jpg Международный день
Датась 1-це октябрьста
Сотф музыкой

Музыкань международнай шись (руз. Междунаро́дный де́нь му́зыки) (анг.: International Music Day) — международнай ила, васьфневи эрь кизоня 1-це октябрьста 1975-це кизоста сявомок. Кемокстаф ЮНЕСКОТЬ видеса международнай музыкальнай советса.

Эрямопингсь

1973-це кизоня Россияста композиторсь Д. Д. Шостакович пшкядсь сёрмаса ООН-ти, коса явсь мяльса панжемс «Музыкань международнай ши» (руз.) (мок. [1].

Тяка жа кизоня Лозаннаса (Швейцарияса) Международнай музыкальнай советонь 15-це Генеральнай Ассамблеяса (ММС) ЮНЕСКОТЬ видеса ульсь ладяф «Музыкань международнай шись». Илать тяшкстасазь — 1-це октябрьста[1][2].

1974-це кизоня 30-це ноябрьста ММС-нь оцюнясь Иегуди Менухин (руз.) (мок. (скрипачсь и дирижёрсь Америкаста) и оцюнянь полафтысь Б. М. Ярустовский, пшкядсть совету сувсихненди сёрма вельде. Сёрмаса няфтьфтольхть эрь кизонь международнай мероприятиятне, конат лемдевсть тя шити[1][2][3]:

  • акцентальнай концертт;
  • творческяй васедемат композиторхнень, морайхнень, музыковеттнень мархта;
  • музыкальнай инструментонь и искусствань произведениянь и фотографиянь выставкатне, конат сотфт музыкать мархта.

Катк музыкань Международнай шись арай Шикс, мзярда кажнайсь старандай лездомс и ужяльдемс эсь оппонентонц, шарьхкодемс сонь. Тя шиня минь ёратама шарфтомс вракнень ялгакс, а кяжсь катк максы васта братскяй кельгомати.Иегуди Менухин, [4]

Кемаксаф шить афкуксонь тевоц — эрь кодама ширдень эряйхнень мяльснон музыкальнай искусствати шарфтамась, а тятфа жа искусствань тя сфераса миронь эрь кодама нароттнень ёткс маштомошинь полафнемась, эстетическяй питнишинь тиемась и синь кельгомась[1].

Васенцеда «Музыкань международнай шись» васьфтевсь 1975-це кизоня 1-це октябрьста[1].

1996-це кизоня 1-це октябрьста «Музыкань международнай шись» васенцеда тяшкставсь Россияса[1].

Навруз Байрам. Байсун (Узбекистан)

Фкя фкянь мархта сотф событиятне

1982-це кизоня Парижса Франциянь культурань министрть Жак Лангть (руз.) (мок. мяленц коряс васенцеда аноклавсь — Fête de la Musique (21 июня) «Музыкань ила» (руз.) (мок.(фестивальсь). Тя фестивальсь ётафневи эрь кизоня 100-да лама странаса[5]:

  • 2011-це кизоня Россияса Воронежса васенцеда ётась «Fête de la Musique». 2012-це кизоня Франциянь Посольствась РФ-са аноклазь Францияста саф музыканттнень выступленияснон странань 13 ошса  (Москуста сявомок Владивостокти самс).
Музыкась метроса

Тевонь ётафтоматне

Европаса аноклакшневихть классическяй и тяниень пингонь музыкань фестивальхть, ару кожфса концертт и тематическяй выставкат[6].

США-са и Канадаса ётнихть пялькстомат и стипендиальнай программат ушеды музыканттненди[6].

Латинскяй Американь странаса тиендевихть карнавальнай молемат и музыкальнай илат[6].

Японияса и Южнай Кореяса ётафневихть национальнай музыкань эрь кизонь фестивальхть, конат сотфт тяниень пингонь музыкальнай ширетнень мархта[6].

Россияса

1996-це кизоня 1-це октябрьста Россияса «Музыкань международнай шись» васенцеда ульсь лемтьф композиторть Д. Д. Шостаковичень шачема шиста 90 кизонь топодемати[1].

Тя шиня ётафневихть тяфтама мероприятият[1]:

  • Концертт и музыкальнай фестивальхть;
  • Исполнительхнень и композиторхнень творческяй илядьсна;
  • Музыканттнень ёткса пялькстомат;
  • Тематическяй лекцият, круглай шрат;
  • Музыкальнай инструментонь и искусствань произведениянь выставкатне, конат сотфт музыкать мархта и стак тов.

Эрь кизоня странань эрь кодама ошса ётафневи «Opus-Музыкальнай обозрениясь» (руз.) (мок. фестиваль[7].

2008-це—2022-це кизотнень Вологдаса «Opus-Музыкальнай обозрениясь» фестивальть видеса ётнесь «Кружевань» фестивальсь[7].

2023-це кизоня Москуса концертнай программатне ётнесть Московскяй мюзик-холлса, композиторонь Московскяй кудса, «Три эпохи камерной музыки» музыкань российскяй национальнай музейса. Санкт-Петербургса Т. Д. Шостаковичень лемса Санкт-Петербургскяй филармониять оцю залсонза ётась Н. А. Римскяень-Корсаковонь лемса Санкт-Петербургскяй консерваториять видеса Средняй специальнай музыкальнай школань камернай оркестрать выступленияц[3].

2024-це кизоня ётафтовсть тяфтама мероприятият:

  • Москуса П. И. Чайковскяень лемса Московскяй консерваториянь оцю залса ётась илати лемтьф концерт. Кайгсть тяфтама композиторхнень произведениясна, кода: К. Сен-Санс, Н. Паганини, И. Штраус, П. И. Чайковский и стак тов. Стане жа ётафтовсь «Миронь инь цебярь вальсне» концерт, коса ульсть «Новая Россия»(худ. рук. Ю. А. Башмет) Симфоническяй оркестрсь и Москонцертонь музыканттне. Ульсть морафт И. Штраусонь, П. И. Чайковскяень и Ш. Ф. Гунонь вальссна, И. Кальманонь и И. Штраусонь опереттаста вокальнай фрагментт[2];
  • Саратовса аноклафоль концерт «Альфред Шнитке. Шачема шиста 90 кизонь топодемати. „Лабиринты“» фестивальть видеса, Москувонь камернай Шнитке-оркестрать да солисттнень—преподавательхнень, а тяфта жа А. Г. Шниткеть лемаса Музыкань московскяй государственнай институтть студентонзон участияснон мархта[7];
  • Высокогорскяй районца Алан-Бексерскяй велень библиотекаса работась «Мир музыки» книгань выставка, конань эса няфтьфоль содаф композиторхнень, музыкать историянц, музыкальнай инструменттнень и нотань изданиятнень колга литературась.[8].
Коломнаса международнай садово-книжнай фестивальсь (2023)

Мялень салай фактт

Музыкать мархта мялень салай факттне[1][3]:

  • Музыкась эвондас корхтамать мархта фкя пингть. Марстонь тевонь тиемста васенце ломаттне азондсть кодама-бди вайгяльхть, конат няфтьсазь ритмть и фкя-фкянь мархта тевонь тиемать;
  • Васенце музыкальнай инструменттнень кизосна — 30-40 тёжяньда лама киза;
  • Мирса сембода ёмла инструментсь — сушири (шуваня ёмла пластинась, кона тиф сандаловскяй шуфтста: келец — 4,5х1,5 см, эчкоц — 1 мм, сталмоц — 0,5 гр.) Инструменть тиезе Индиянь эряйсь Джайапракашем 2003-це кизоня[9];
  • Натяжение всех струн правильно настроенного пианино составляет примерно 18 т.;
  • Немецкяй композиторхне Л. ван Бетховен (руз.) (мок., юмафтомок кулеманц, и И. С. Бах (руз.) (мок., юмафтомок няеманц, сяда тов сёрмадсть музыка;
  • Лео Фендер (руз.) (мок. (гитарань арьсись) ашезь машта тя инструментса морама;
  • Масторлангса сембода содаф морось — «Happy Birthday» (1893 кизось). Стане жа содаф, што композициянь сёрмадомста, фразать вастс Happy Birthday to you, ульсть валхне Good morning to you;
  • 2000-це кизоня 1-це январьста кайгсь мирса инь кувака морось, тяштьф тибетонь «Морай шаванятненди» — «Longplayer». Тя композициясь кармай кайгома 1 тёжянь киза;
  • 2001-це кизоня Хальберштадтса(Германия)фкя церькавса ушедсь сембода кувака концертсь мирса. Шумордамань пингсь путф 2640-це кизось(639 кизот);
  • The Beatles британскяй группань сембе участникне ашезь сода нотань грамотать;
  • Metallica американскяй группась сувафтовсь «Гиннесонь рекордонь книгати», няфтемок пря сембе 7 континенттнень эса: Австралияса, Азияса, Антарктидаса, Африкаса, Европаса, Севернай Америкаса, Южнай Америкаса);
  • NoClue (Рики Рафел Браун) Сиэтласта американскяй рэперсь сувафтовсь «Гиннесонь рекордонь книгати», кода сембода вишкста луви рэперсь мирса (машты лувомс 723 вал 51,27 секундаста);
  • Наукань ширде кемокстаф фактт: музыкась касфнесы уйса покодемать; лафчепти музыкань кулхцондомста траксне макссихть сяда лама лофца; спортса прянь занцемста, ломанть касонды организманц физическяй ширде виец.

Лятфтамат

  1. ↑ 1 2 3 4 5 6 7 8 9 Международный день музыки Когда отмечается Международный день музыки в 2025 году: какого числа, история и традиции праздника. Дата обращения: 9 сентябрьста 2025.
  2. ↑ 1 2 3 Международный день музыки, РИА Новости (1 октябрьста 2024). Дата обращения: 9 сентябрьста 2025.
  3. ↑ 1 2 3 Всемирный праздник меломанов: Когда и как отмечают День музыки в России, Life.ru (1 октябрьста 2023). Дата обращения: 9 сентябрьста 2025.
  4. ↑ 1 октября — Международный день музыки (рус.). muzobozrenie.ru (1 сентябрьста 2024). Дата обращения: 9 сентябрьста 2025.
  5. ↑ Fête de la Musique 2013 в Воронеже, FÊTE DE LA MUSIQUE (24 августста 2016). Дата обращения: 9 сентябрьста 2025.
  6. ↑ 1 2 3 4 1 октября — Международный день музыки: история и традиции праздника, Известия (30 сентябрьста 2024). Дата обращения: 9 сентябрьста 2025.
  7. ↑ 1 2 3 1 октября — Международный день музыки (рус.). muzobozrenie.ru (1 сентябрьста 2024). Дата обращения: 9 сентябрьста 2025.
  8. ↑ «Мир музыки» Международный день музыки — книжная выставка 2024, Высокогорский район — дата и место проведения, программа мероприятия., Культура.РФ. Дата обращения: 9 сентябрьста 2025.
  9. ↑ Анна Аксенова. Крошка сушири: как звучит индийский инструмент размером меньше спичечного коробка (рус.). go.zvuk.com (5 мартста 2023). Дата обращения: 9 сентябрьста 2025.
Сявф"https://mdf.ruwiki.ru/w/index.php?title=Музыкань_международнай_шись&oldid=408459"-ста