Монь масторозе — монь Россиязе

«Монь масторозе — монь Россиязе» пялькстомась
Ушедомань пингсь	2004-це кизось
Результатсь	20 кизоти ульсь 1 миллионть малава ломань
Сайтсь	moyastrana.ru

Монь масторозе — монь Россиязе (руз. Моя страна— моя Россия) — велетнень, ёмла и оцю ошнень социально-экономическяй виияфтомаснон коряс авторскяй проектонь пялькстомась. Васенцеда ётась 2004-це кизоня. 2019-це кизоста АНО-ть вятеманц ала пуротневи «Россия — страна возможностей» РФ-нь наукань и высшай образованиянь министерствать, РФ-нь просвещениянь министерствать, РФ-нь Федеральнай Собраниянь Федерациянь Советонь наукать, образованиять и культурать коряс комитетть, интеллектуальнай собственностть коряс Федеральнай службать, «Образованиянь российскяй академиясь» ФГБУ-ть, од ломанень тефнень коряс Федеральнай агентствать лезксснон вельде .

Пялькстомас примсевихть авторхнень работасна кизос коре: 13 кизода инголе, 14 кизоста сявомок 17-ти молемс, 18-ста сявомок 35-ти молемс, 35-да лама. 2025-це кизоня лемдевсь Великай Отечественнай войнаса Сяськомать 80 кизонь иланц ётафтоманцты.

Эрямопингоц

Пялькстомать колга мяльсь ульсь азф 2003-це кизоня од ломанень парламентаризмать касоманц-виияманц коряс марнек Россиянь семинарса, кона ётась Рязаньца .

Васенцеда пялькстомась ётафтовсь 2004-це кизоня, экспертнай советсь макссь питне «XXI веконь тонь ошце» темать коряс студенческяй работатненди, конат лемтьфтольхть ошнень управлениянь системаснон цебярьгофтоманцты, экономикать пяльксонзон, а стане жа социальнай и научно-педагогическяй ширеть виияфтоманцты..

2006-це кизоня максовсь марнек российскяй статус, пялькстомать основной задачанзон лувксс сувась од ломаттнень социальнай проектированиять юронзонды тонафтомасна, а стане жа странать кадровай потенциалонц пуроптомац .

2019-це кизоста «Монь масторозе — Монь Россиязе» пялькстомась ётафневи «Россиясь – пара тевонь тиемань мастор», АНО-нть лезксонц вельде, тянь сюнеда Россиянь президентсь Владимир Путин тяшкстазе сонь кода, «региоттнень социально-экономическяй касомаснон-вииямаснон коряс задачатнень пяшкодемаснонды авторитетнай, российскяй эрявикс площадка».

Участникнень лувкссна касондсь кизоста кизос: кда 2018-це кизоня примафоль 7 тёжятть работа, 2019-це кизоня ни 35 тёжятть, а 2023-це кизоня — 100 тёжяньда лама .

«Монь масторозе — монь Россиязе» 2023 кизонь пялькстомань сяськихне

Пялькстыхне

Пялькстомаса примайхть участия ниле кизонь категориянь авторхне:

• 13 кизоти молемс;
• 14 кизоста сявомок 17 кизоти молемс;
• 18 кизоста сявомок 35 кизоти молемс;
• 35 кизода лама.

Пялькстомать положениянц коряс экспертнай советсь ванондсыне сембе саф работатнень, кочкси эздост 300 и терни авторхт араламанди (дистанционнай форматса). Эрь возрастной категорияса кочкавихть участникне, конат занязь васенце, омбоце и колмоце васттнень . Ваномста сявондеви мяльс работать социальнай эрявиксшиц и сонь соответствияц «Российскяй Федерациять национальнай целензон касомаснон колга 2030 кизоти самс сай пингонь 2036 -це кизоти самс» Россиянь президентть указонцты, собственнай исследованиятнень сатфксснон улемасна, практикаса тевс нолдамасна .

Каземась мольфтеви Петербургскяй народъётконь экономическяй форумса Од ломанень шить пингста .

Пялькстомаса сяськихннди медальхне (2025)

Пялькстомань сяськихне казевихть ярмаконь премияса, вузу поступамста дополнительнай баллса, теварьсефкснень информационнай вятемаса .

Номинациятне

2025 кизонь номинациятне
Источниксь:

Номинациятне	Инь эрявикс ширетне
«Монь страназе. Монь историязе. Монь Сяськомазе»	Великай Отечественнай войнать колга Россияса и омба масторса историческяй мялямть ванфтомац, эреклафтомац, и колганза содафтомац; войнань и трудонь ветераттнень ширеснон кирдемаснон коряс лама пингс мероприятиянь пуропнемась; воинскяй мялямгефнень и мемориалхнень, а тяфта жа тылонь труженикненди мялямгефнен и мемориалхнень ванфтомасна; Советскяй Армиянь военнослужащайхнень тюремань и калмамань вастснон мархта сотф вешендемань мероприятиятнень ширеснон кирдемасна; мероприятиянь ётафнемась, конат шарфтыхть од ломаттнень ёткса фашизмать лангса сяськомаса советкяй народть оцю путфксонц инкса патриотизмань мяльть и гордостть эвондаманцты; Великай Отечественнай войнань аф содаф лопатнень исследованияснон ётафтомасна.
« Монь семьязе: фкя-фкянь мельге молемась, питнишись и смузсь»	историческяй мялямть ванфтомац, семьянь койхнень кемокстамась, историять ванфтоманц коряс проектонь и предложениянь арьсемась; семьять пуроптоманцты и ответственнай родительствати анокламась семейнай поколениянь наставничествать позицияста; социально-экономическяй процесснень вииямасна (кепотьксонди, семейнай бизнесть или инфраструктурать касомац-вииямац); российскяй ошнень и велетнень эса семьянь институтти цебярь инфраструктурань тиемась и касфтомась-виияфтомась; лезкссь семьятненди, коса шабатнень улихть шумбрашинь коряс перяфкссна или лафчептьф шумбрашисна.
« Монь лама национальностень Россиязе» (тяфта жа сувафтовихть «Монь родной кялезе», «Странаньконь ялгасшисна», «Монь тевозе» китне-яттне)	межнациональнай, межкультурнай и межконфессиональнай коммуникациятнень вииямасна, тяконь лувксса экономическяй, научно-техническяй, гуманитарнай сотрудничествать Россиянь ялгаксшинь государстватнень мархта; историческяй материалонь кочкамась, марс пуроптомась, ванфтомась, Россиянь нароттнень эряфонь сембе ширетнень коряс историческяй материалхнень тевс сувафтомась; шабатнень и од ломаттнень археологическяй тевснонды лездомась; вастса туристско-рекреационнай тевти историко-культурнай даннайхнень марс пуроптомасна; од ломаттнень ёткса просветительскяй деятельностть касомац, кона шарфтф российскяй ошнень и велетнень историяснон, культураснон, койснон-обуцяснон, ломаньцнон тонафнемаснонды; идень и од ломанень духовно-нравственнай воспитанияса внутренняй туризмать роленц касфтомац, синь цебярьста социализациясна, патриотизмань и гражданскяй ответственностень мяльснон касфтомасна.
«Гордостезе. Монь ёмла родиназе (монь ошезе, монь велезе)» (тяфта жа сувафневихть «Монь ёмла родиназе (монь ошезе, монь велезе)», «Монь Дальняй Востокозе. Монь Арктиказе» направленитяне)	тяниень пингонь геройхнень няфтемасна, российскяй ошнень и велетнень виияфтомаснон эса ломаттнень маштомошиснон мархта содафтомась; территориянь виияфнемань процессненди тястонь эряйхнень и сообществатнень сувафтомасна, тянь лувксса корхнемаса и вайгялень максомаса участиянь од форматтнень вельде, мялень кемокстамась кудонь, ульцянь, микрорайононь сереса; ошнень, сяконь лувксса и ёмла ошнень и историческяй поселениятнень культурно-историческяй наследияснон ванфтомасна; шачема масторть историянц тонафнемац и содафокс тиендемац; теварьсефкснень и территориятнень касфтомань сфераса добровольчествать (волонтёрствать) виензамац, конат сувафнихть эряфс волонтерхнень участияснон практикаснон ошень цеюярьгофтомань-мазоптомань тиемасонза; шабратнень (шабрань квартирань, подъездонь, кудонь) ёткса ялгаксшинь койхнень касомасна-вииямасна.
« Монь педагогическяй инициативазе»	школада ингольдень и общай образованиянь системать вииямац; дистанционнай тонафнемать, электроннай тонафнемань материалхнень, информационнай и мультимедийнай технологиятнень, мобильнай приложениятнень, образовательнай онлайн-курсатнень, электроннай библиотекатнень и энциклопедиятнень арьсемасна-тиемасна и тевс сувафтомасна; тонафнемань и эсь прянь тонафнемань интеллектуальнай системань тиемась-арьсемась; эффективнай методикатнень и шабань и од ломанень тонафемань практикатнень виияфтомасна и ломаттнень ёткса ламолгофтомасна-келептемасна, тяконь лувксса социальнай проектированиянь сфераса; региональнай и муниципальнай уровеньца иттнень и од ломаттнень мархта теварьсефксонь тевонь модельхнень тиемасна и виияфтомасна.
« Монь шумбрашизе»	пелькс факторхнень тонафнемасна (таргамась, симомась, аф цебярьста ярхцамась и кальдяв физическяй эрешись) и синь влияниясна ломанть шумбрашинц лангс; покодема вастса шумбрашинь кемокстамать коряс корпоративнай программатнень касфтомасна и тевс нолдамасна; шумбрашить кемокстоманц и ламос эрямоть лангс Россиянь нароттнень национальнай коень ярхцамбяльнон влияниянц тонафнемац; инвалидность мархта, социальнай ширде апак аралак ломаттнень, уроз шабатнень и иттнень конат лядсть тядянь-алянь попеченияфтома, творческяй, профессиональнай и лия маштомошинь касфтомаснон и синь эсь прянь занцемаснон и предпринимательскяй эрекшиснон; инвалидность мархта и шумбрашинь ширде эрь кодама перяфкс мархта ломаттненди социальнай ориентированнай аф коммерческяй организациянь тиемась; инвалидность мархта, социальнай ширде апак аралак ломаттнень, уроз шабатнень и иттнень конат лядсть тядянь-алянь попеченияфтома профориентацияса лездомась и покодемань вастонь вешемась.
«Страназень экологияц»	экологическяй туризмать виияфнемац; кархчнень башка кочкамань и омбоцеда тевс нолдамань технологиятнень сувафтомасна и инголи мольфтемасна, сувафтомок лядыкснень мархта управлениянь российскяй отраслять тиеманц; водороднай (тяконь лувксса метано-водороднай) технологиятнень виияфтомасна; Россияса газомоторнай топливань и газомоторнай станциянь сетть касомасна-вииямасна; природнай газста биопротеинонь тиемань технологиятнень виияфтомасна; технологиятнень виияфтомасна и природнай газонь ванфтоманди и вастста-вастс усксеманди инновационнай материалонь тиемась.
« Монь инжиень кельги Россиязе»	странать имидженц одкстоптомац; территориять кода туристскяй объектонь инвестиционнай мялень саламань тиемась, туристскяй территориянь брендонь касфтомась; туризмань виттнень вииямасна (космическяй, промышленнай, научнай, образовательнай, спортивнай, культурно-познавательнай, гастрономическяй, этнографическяй, событийнай, идень, велень, приключенческяй, агротуризмать); ваймама шинь и историческяй васттнень эзга маршруттнень арьсемасна-тиемасна и инголи мольфтемасна; «колмоце кизонь ломаттненди» и маломобильнай туристтненди туристскяй продуктть тиемац и инголи мольфтемац; Россиянь нароттнень коень ярхцамбяльснон тонафнемасна и содафокс тиемасна.
« Монь страназень интеллектуальнай собственностец» (тяфта жа сувафтовихть «Региоттнень цифровой средаснон виияфтомасна», «Россиянь региоттнень эса интеллектуальнай собственностть коряс образованиянь системать тиемац и вииямац», Интеллектуальнай собственностень региональнай системань тиемань и виензамань механизмань тиевомась од цифровой технологиянь и платформеннай решениянь контекстса «Механизмань тиевомань анокламась и цифровой од технологиятнень интеллектуальнай собственностень региональнай системань кастфомась и платформеннай решениятне», «Интеллектуальнай собственностть араламац — отраслевой эсь лацонь ширесь» направленитне)	«Ёню ётка васта» региональнай и муниципальнай программатненди цебярь технологическяй решениянь кочкама оцю даннаень и искусственнай интеллектонь тевс нолямаснон вельде интеллектуальнай патентнай аналитикать лангс; интеллектуальнай собственностень комплекснай региональнай системать тиевомац од цифровой технологиянь и платформеннай решениянь контекстса образовательнай, регуляторнай и инвестиционнай механизматнень тевс нолямаснон мархта; региоттнень научно-технологическяй виензамаснонды прогнозированиянь инструментонь тиемась и тевс сувафтомась; интеллектуальнай собственностть коммерциализацияц и российскяй региоттнень эса инновационнай предпринимательствать виензамац; региональнай бренттнень инголи мольфтемаснон коряс эффективнай механизмань тиемась и синь араламаснон коряс стратегиясь.
«Региоттнень эса ломаттнень эряфснон цебярьгофтоманкса цифровой средась»	цифровой технологиятнень вииямасна, кода цебярь средань тиемань инструмент шумбрашинь ширде эрь кодама перяфкс мархта ломаттненди, шаба мархта семьятненди, эряфкшу ломаттненди цебярь средань тиеманди; российскяй региоттнень эса ломаттнень цифровой содамашиснон касфтомац; ширень кирдема ломаттненди, конат тонафнесазь цифровой ресурснень; специализированнай цифровой ресурсонь тиемась ломаттненди, конат эряйхть регионца, сувафтомок социальнай задачань решандамать и покодема од вастонь тиемать.
« Монь страназень оцю технологическяй разведкац» (тяфта жа сувафтовихть «Космосса и авиацияса инновациятне», «Инголе ащи производственнай технологиятне», «Информационнай технологиятне и робототехникась», «Промышленностсь и энергетикась», «Химическяй технологиятне и экологиясь», «„Ёню ошти “ технологиятне и креативнай технологиятне», «Медицинскяй, био- и велень хозяйствань технологиятне» китне-яттне)	промышленнай интернетть тевс нолямань областьса инструменттнень и решениятнень тиемасна, промышленнай предприятиятнень эса оцю даннайхнень анализсна, предиктивнай аналитикасна; од материалонь тиемась и промышленностьса синь тевс нолямасна; промышленнай робототехникать и сенсорикать областьса научно-исследовательскяй и опытно-конструкторскяй разработкатнень исследованиясна, разработкасна и сувафтомасна; кшнинь переработкань сфераса проектонь тиемась и тевс нолдамась.; шачема вастонь, таргамань и полезнай ископаемаень переработкань технологиятнень областьса решениянь мумась и сувафтомась; энергогенерациянь областьса решениятнень тиемасна и сувафтомасна, персональнай накопительхнень виияфтомасна; од химическяй материалонь, аф органическяй и органическяй веществань тиемась, продуктань тяниень пингонь од химическяй материалонь основаса тиемась; модань дистанционнай мониторингонь технологиятнень и решениятнень арьсемасна-тиевомасна и тевс сувафтомасна; сырьянь од источниконь анокламась, «од ярхцамбялень», тяниень пингонь селекциянь тиемась; лекарственнай од препаратонь арьсемась-тиемась; научно-исследовательскяй и опытно-конструкторскяй проекттнень исследованиясна, тевс нолямасна научно-исследовательскяй и опытно-конструкторскяй проекттне точнай диагностическяй систематнень областьса, урмань профилактиканди и тейнза персональнай контроль.
«Монь предпринимательскяй инициативазе.Региоттнень виияфнеманкса креативнай индустриятне»	социальнай предпринимательствать виияфнемац; од ломанень бизнес-теварьсефксснон виензафтомасна; традициятнень и ремесленничествань технологиятнень эреклафтомасна, традиционнай народнай промыслатнень виияфтомасна; Россиянь нароттнень историко-культурнай ингольдень сатфксснон ванфтоманкса шуроста васьфневи и мзярошкада юмафтф промыслань видонь и технологиянь одукс тиемась-ладямась, а тяфта жа и сувенирнай продукциянь и потребительскяй товаронь тиемати.
« Транспорт. Страназень сообщениянь китне-яттне»	автомобильнай кинь строямань технологиятнень виияфнемасна и ки лангонь и инженернай инфраструктурати од разработкань сувафтомась; региональнай и местнай значениянь китнень проектированиясна и строительствасна рентабельностть и экономическяй уликсшить основанияснон мархта; велень китнень строямасна ломаттнень самообложениянь ярмакснон вельде; транспортнай подсистематнень, конат ноляйхть тевс од техническяй и технологическяй решеният, тиемасна-ладямасна, тяконь лувксса кирдемок мяльса географическяй и природно-климатическяй эсь лацонь ширетнень Сибирть, Дальняй Востокть, Российскяй Федерациянь Арктическяй зонать вооруженнай территориянзон; Россиянь единай транспортнай пространствань тиемась транспортнай инфраструктурать балансировандаф касоманц-виияманц видеса.
«Монь шачема юрне»	иттненди специальнай номинациясь, сотф Великай Отечественнай войнаса Сяькомать 80 кизонь топодеманц васьфтеманцты

Вятихне

• Дмитрий Турлаков — «Монь страназе — монь Россиязе» пялькстомань дирекциянь исполнительнай вятись
• Лариса Пастухова — научнай вятись, «Монь страназе — монь Россиязе» мяльть-арьсемать автороц
• Галина Сорокина — «Монь страназе — монь Россиязе» пялькстомань экспертнай пуромксть вятиец
• Владимир Берестецкий — «Монь страназе — монь Россиязе» пялькстомань шумордайхнень Ассоциациянь вятись

Лятфтамат