Митрошин, Василий Трофимович
| Василий Трофимович Митрошин | ||||||||
|---|---|---|---|---|---|---|---|---|
 | ||||||||
| Принадлежностсь |
 СССР |
|||||||
| Войскань родсь | авиация | |||||||
| Служама кизонза | 1939—1946 | |||||||
| Званияц |
 |
|||||||
| Казненза и премиянза |
|
|||||||
Васи́лий Трофи́мович Митро́шин (1921-1992) - Советскяй Армиянь полковник, тюрсь Великай Отечественнай войнаса, Советскяй Союзонь Герой (1944)
Эряфонь киц
Василий Митрошин шачсь 1921-це кизонь 7-це апрельста Селищи велеса (тяни Мордовиянь Краснослободскяй аймаксь). 1931-це кизоста сявомок эрясь Ленинградса, тоса аделась сисем класст и мишендемань-торгавамань школа, сяда меле покодсь мишендикс. Тонафнесь аэроклубса. 1939-це кизоня Митрошин тертьфоль служама Покодиень и сокаень-видиень Якстерь Армияв. 1940-це кизоня сон аделазе пилотонь Балашовскяй военнай авиационнай школать. 1941-це кизоста сявомок тюрсь Великай Отечественнай войнань фронттнень эса[1].
1943-це кизонь октябрти капитансь Василий Мирошин вятезе АДД СССР-нь 3-це гвардейскяй бомбардировочнай авиакорпусть 7-це гвардейскяй бомбардировочнай авиадивизиянь 9-це гвардейскяй бомбардировочнай авиаполконь эскадрильять. Ся пингти ни сон тись 232 боевой лийкстамат, ляцендсь фашисттнень лангс бомбат, марс пуроптф техникаснон и солдатснон лангс[1].
СССР-нь Верховнай Советонь Президиумть указонц коряс 1944-це кизонь 13-це мартста гвардиянь капитанць Василий Митрошин "героизмань и мужествань няфтеманкса командованиять боевой задачанзон тиемста" казьфоль Советскяй Союзонь Герой оцю лемса, Ленинонь орденца и "Зрнянь Тяште" медальса [1].
1946-це кизоня полковниконь званияса Митрошин ульсь прважаф запасс. Эрясь и покодсь Липецкяй областень Грязи ошса. Шавовсь 1992-це кизонь 2-це апрельста, повсь поезд алу, калмаф Грязи ошса[1].
Казьфоль Ленинонь кафта орденца, Якстерь Знамянь, Александр Невскяень, 1-це степенень Отечественнай войнань орденца, эрь кодама медальса[1].
Колганза мялямсь
- Мялямонь седяф Митрошин Василий Трофимовичень лемс путф Великай Отечественнай войнаса шавф воиттнень лемс мемориальнай комплексса Краснослободск ошса Сяськомань площадьса. 2019-це кизоня ся вастса путф геройть бюстоц.
Митрошин Василий Трофимовиченди лятфнемань седяф путф Великай Отечественнай войнань кизотнень пингста шавф воинттненди мемориальнай комплексса Сяськомань площадьса Краснослободск ошса
В.М. Митрошинонь бюстоц Краснослободск ошса
Лятфтамат
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Воробьёв В. П., Ефимов Н. В. Герои Советского Союза: справ. — СПб., 2010.