Мекольце пайгонясь
| Мекольце пайгонясь | |
|---|---|
| Няйф:Мекольце пайгонясь.jpg | |
| Ладяф | тонафнемань кизоть аделавоманц лемс |
| Ётафневи |
 Латвия Грузия |
| Датась | 25 майста (кой-коста лия шиня) |
| Койхне-обуцятне |
школьнай щамсь пайгоняк Лента «Выпускниксь» |
| Сотф | Выпускной илядь |
 Мекольце пайгонясь | |
Мекольце пайгонясь руз.: Последний звонок — школьникненди ладяф кой-ила, кит аделазь школаса тонафнемаснон. Мекольце пайгонятне школатнень эса ётафневихть майть пестонза, мзярда тонафнемась аделавсь, а экзаметтне ашесть ушеда.
РФ Просвещениянь министрсь Сергей Кравцов азозе, што 2024 кизоня российскяй школатнень эса мекольце пайгонятне ётафтовихть 24—25 майста, а выпускной иляттне — 28 и 29 июньцта[1].
Эрямопингсь
Илать колга мяльть ушедозе-максозе советскяй педагогсь, РСФСР-нь школань заслуженнай тонафтысь Фёдор Брюховецкяй.
Васенцеда илась, кона лемтьфоль мекольце пайгоняти, ётась 25 майста 1948 кизоня Моску ошень 182 № школаса (тяни 1388 №)[2].
Колганза
Мекольце пайгонясь — марнек школатненди оцю ила, кона лемтьф выпускникненди, тонафтыхненди и тядятненди-алятненди. Сон ётни пяк торжественнайста, кенярдезь-таколдозь, корхтайхть инжихне, тонафтыхне, школань оцюнясь: ётафтови шумбрандафтома васенце класса тонафнихнень ширде и ичкоздень тёждя кис кучемань валхт 9-це и 11-це классонь тонафнихненди.
Койхне
Ладяф койхнень коряс стирнятне щакшнихть школьнай форма, сяда шуроста — акша блузка и шобда юбка. Цёратне тя шиня щакшнихть костюпт. Лама киза школьнай формась стирнятненди ульсь фкя и сякось, кода и советскяй пингста равжа или коричневай тюсса паля, акша сапоня, мекольдень пингть формась ламода лиякстомсь. Мекольце пайгонянь шиня тонафнихне (стирьхне и цёратне) повфнихть ронгозост лента, конань лангса сёрматф «Выпускник».
Илать пингста сидеста цингорфтьсазь пайгонять, кона тонафнема пингть «азонкшнесь» урокнень ушедомаснон или шумордамаснон колга. Сяда сидеста тянь тиендьсы васенце классонь стирнясь, конань кандсы лафтубрясонза 11-це классонь тонафни цёрась. Выпускникне ноляйхть менели шарнят, а тяфта жа кштишендьсазь васенце школьнай вальсть.
Лама школатнень эса сяда меле, кода гайфтезь мекольце пайгонять, школать аделаенза морасазь марса мекольце мороть.
Галерея
Последний звонок в средней школе № 1 п. Советский (Крым). 2022
Лятфтамат
Литература
- Лещинская В. Праздники для старшеклассников: 9—11 класс. — М.: Аделант, 2017.