Лукьянов, Андрей Емельянович

Андрей Емельянович Лукьянов
Шачема шиц	1922(1922)
Шачема вастоц	Паракино, Ардатовскяй уездсь (Симбирскяй губерниясь), РСФСР
Кулома шиц	1983(1983)
Кулома вастоц	Измайловка (Оренбургскяй областсь), РСФСР
Принадлежностсь	СССР
Служама кизонза	1941—1945
Званияц	Сержант
Казненза и премиянза

Андрей Емельянович Лукьянов (1922 —1983) — Советскяй Союзонь Геройсь (1943).

Эряфонь киц

Шачсь 1922-це кизоня 9-це мартста Паракина велеса (тяни - Мордовиянь Оцю Березниковскяй районць). Школань кота классонь аделамда меле покодсь колхозса учётчикокс.

1941-це кизонь декабрьста тертьф службас покодиень-сокай-видиень Якстерь Армив. 1942-це кизонь январьста сявомок  — Великай Отечественнай войнань толу китнень лангса. Ульсь Сталинградскяй и Курскяй тюрематнень эса.Тюрематнень эса ульсь колмоксть ранендаф и контужендаф.

1943-це кизонь сентябрти сержантсь А. Лукьянов командовась 78-це ляценди полконь 74-це ляценди дивизиянь (2-це формированиясь) 13-це армиянь центральнай фронтонь отделениеять лангса. Няфтсь пря Деснать сявоманц и Днепрать инкса тюрематнень пингста. 20-це сентябрьста веть 21-це сентябрти 1943-це кизоня сонь отделенияц ётась Деснать туркс Черниговть видеса и сявозень противникть инголе ащи траншеянзон, машфтомок пулемётнай точкатнень. сяка шиня отделениясь машфтсь 20-да лама солдат и офицер и 2 танкат. Веть 22-це сентябрьста 23-це сентябрти 1943-це кизоня сон разведывательнай группанц мархта ётась Днепрать туркс Белорусскяй ССР-нь Гомельскяй областсень Брагинскяй райононь Комарин велетьвидеса, эста няйсть и машфтсть врагонь аф фкя толонь точка.

СССР-нь Верховнай Советонь Президиумть Указом 16-це октябрьста 1943-це кизоня «отвагань и мужествань няфтеманкса Днепрать види ширдень трвасонза плацдармать кирдеманкса» сержант Андрей Лукьяновонди ульсь максф Советскяй Союзонь Герой лемсь и казьф Ленинонь орденоц и «Зрнянь Тяште» медаль 8267 номер ала .

Воевась Украинать види ширесонза, Молдавияса, Румынияса и Венгрияса.

1945-це кизонь августста ульсь демобилизовандаф. Мрдась шачема ширезонза. 1957-це кизоня шумордазе Саранскяень совпартшколать. 1958-це кизоня ётась эряма Оренбургскяй областень Новосергиевскяй райононь Измайловка вели, работась комсоргокс,клубонь и библиотекань вятикс.

Кулось 19-це январьста 1983-це кизоня.

тятфа жа ульсь казьф Якстерь Тяштень орденца и мзярошка медальса.

Примечания

Литературась

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Россовский В. П. Золотые звёзды Оренбуржья: биографический справочник. — Челябинск: Южно-Уральское книжное издательство, 1989. — 508 с. — ISBN 5-7688-0185-5.
• Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 380—381. — 595 с. — ISBN 5-94461-009-3.
• Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 77. — 155 с.
• Мордовия. Энциклопедия. — Саранск, 2007.