Ленинонди мялямгев (Саранск)
| Памятник | |
| Владимир Ильич Ленинонди мялямгевсь | |
|---|---|
 Саранскяйса Советскяй площадьса Ленинонди мялямгевсь | |
| 54°10′50″ с. ш. 45°11′14″ в. д.GЯO | |
| Странась |
 Россия |
| Город | Саранск, Советскяй площадсь |
| Теварьсефксонь авторсь | Н.В.Томский, А.Н.Душкин |
| Строительствась | 1959—1960 годы |
| Статуссь |
 ОКН № 1300000068 |
| Состоянияц | удовлетворительнай |
 |
|
Ленинонди мялямгев Саранск ошса (руз. Па́мятник Ле́нину В. И. в Саранске) — мялямгев российскяй и советскяй политическяй и государственнай тевонь тиити, революционерти, Владимир Ильич Ленинонди 1917-це кизонь Октябрьскяй революцинь пуроптыхнень и вятихнень эзда фкяти. Лувондови Саранск ошть питни вастонхон эзда фкясь. Мялямгевть тииец скульпторсь Николай Томский и архитектороц Алексей Душкин. Памятниксь ульсь панчф 6-це ноябрьста 1960-це кизоня ошть кучкасонза ащи Советскяй площадьса.
Эрямопингоц
Памятниксь панчф 6-це ноябрьста 1960-це кизоня кучкса ащи Советскяй площадьса, Мордовскяй АССР-нь Советонь Кудть инголе. Советскяй площадсь эвондась пцтай онцень ошть эвондаманц мархта и фалу лувондовсь пряфкс вастокс ошса. тянь колга корхтайхть сонь тядонгольдень лемонза — Соборнай и Базарнай. 1919-це кизоня площадть лемдезь Советскяйкс. Сонь видесонза ащи Мордовиянь оцюнять резиденцияц, регионть парламентоц и мэрия Саранскяйть мэрияц. Кизонда 2018-це кизоня Советскяй площадьса ладяфоль футболть коряс миронь чемпионатть фан-зонац футболонь кельгихненди[1].
2010-це кизоня ульсь одкстоптф, сяс мес пяле веконь ётазь сембе ся маланясь, кона ацаф гранитса, вестевок изь петьнев, кда аньцек мазоптоманкса вадендевсть стафкс васттне. 50 кизоть пингста мялямгевть лазондовсь бетонцта тиф алксоц , явожсть и тусть шири гранитонь седяфть эса[2].
Колганза
Мялямгевсь тиф бронзаста Ленинонь ронгонц лаца, стяфтф шобда-якстерь пиндолготф-вадявготф гранитста алкс лангс. Мялямгевть видеса ладяф мазы сквер, панденя мархта эрь кодама панчфонь эзда, касыхть сери куст, конат озафтфт монументть ладямста-стяфтомста. 2020-2021-це кизотнень кусне ульсть керфт, вастозост озафтфт од шуфтонят.
Лятфтамат
- ↑ Что посмотреть в Саранске за один день (рус.). Т—Ж: издание про деньги и жизнь (бренд-медиа Т-Банка, ex Тинькофф Журнал). Дата обращения: 13 сентябрьста 2025.
- ↑ Саранский памятник Ленину отреставрируют спустя полвека после открытия. Дата обращения: 13 сентябрьста 2025. Архивировано 23 сентябрьста 2017 года.