Ларин, Михаил Фёдорович

Михаил Фёдорович Ларин
Михаил Фёдорович Ларин
Кулома; вастоц	Шинь стяма ширдень Пруссиясь
Принадлежностсь	СССР
Служама кизонза	1933—1935; 1942—1945
Званияц	СССР, Лейтенант
Частец	113-це стрелковай полксь; 32-це стрелковай дивизиясь

Михаил Фёдорович Ларин (1911—1945) — покодиень-сокаень-видиень Якстерь Армиянь лейтенант, Великай Отечественнай войнаса улись, Советскяй Союзонь Геройсь (1945).

Эряфонь киц

Михаил Ларин шачсь 1911-це кизоня 11-це октябрьста Надеждина велеса (тяни — Мордовия Республикань Ельниковскяй районць). Школаса ниле классонь аделамда меле покодсь вирень промышленнай хозяйстваса. 1933-це кизоня тердевсь службав покодиень-сокаень-видиень Якстерь Армияв, шумордазе полковой школать. 1935-це кизоня нолдавсь запасу. Эрясь Горькяйса, покодсь милицияса. 1942-це кизоня август ковста Ларин эсь мяль вельде тусь службас покодиень-видиень-сокаень Якстерь Армияв. Тяка кизоня сентябрь ковста — Великай Отечественнай войнань тюремань вастса, ульсь ранендаф и кафксть кантужендаф^[1].

1945-це кизоня январь ковть самс Михаил Ларин командовандась Прибалтийскяй 1-це фронтонь ударнай 4-це армиянь стрелковай 32-це дивизиянь стрелковай 113-це полконь ляцендемань взводса. Цебярьста няфтезе прянц Восточнай Пруссияса тюрематнень пингста. 1945-це кизоня январь ковонь 28-це шиста 29-це шити веньгучканя кода штурмовой отрядонь вяти Ларин эйть ланга ётазе Куршскяй заливть и сявозе кядялу Куршскяй косаса плацдармать, керозе кить каршек молихненди. Тюремаста ульсь кафксть ранендаф, но тевонц мольфтезе сяда тов. Сонь отрядоц потафтсть 5 контратакат. 6-це атакать молеманц пингста Ларин сонць машфтсь немецень 15 солдат и офицер, но сонць шавовсь. Калмаф Клайпедса братскяй калмоса^[1].

1945-це кизоня 19-це октябрьста СССР-нь Верховнай Советонь Президиумть Указонц коряс фронтса немецень захватчикнень каршес цебярьста тюреманкса, отваганкса и героизманкса Михаил Ларин лейтенанти шавомдонза меле максовсь Союзонь Героень лемсь. Казевсь Ленинонь орденца, Якстерь Тяште и Славань 3-це степенень кафта орденца, тяфта жа эрь кодама медальса^[1].

Нижняй Новгородса курось лемдевсь Ларинонь лемс, Надеждинаса путовсь бюстоц^[1].

Лятфтамат

↑ ¹ ² ³ ⁴ Михаил Фёдорович Ларин (рус.). Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
За Отчизну, свободу и честь! — Горький, 1967. — Кн. 3.
Мордовия. Энциклопедия. — Саранск, 2007.
Тюльников Л. К. Герои Советского Союза — горьковчане / Л. К. Тюльников, Я. И. Басович. — 2-е изд., перераб. и доп. — Нижний Новгород: Волго-Вятское книжное издательство, 1981. — 366 с.

[wh-1] ¹ ² ³ ⁴ Михаил Фёдорович Ларин (рус.). Сайт «Герои страны».

[1]