Лавров, Иван Иванович
| Иван Иванович Лавров | |
|---|---|
| Лемоц марнек | |
| Шачема шиц | 1827-це |
| Шачема вастоц | |
| Кулома шиц | 11-це (24-це) августста 1902-це кизоня |
| Кулома вастоц | |
| Похоронен | Ваганьковскяй калмолангса, кинь калмосна юмафтфт |
| Странась | |
| Профессиянза | Российскяй империянь XIX веконьопернай морайсь, Российскяй империянь XIX веконь актёрсь |
| Морамань вайгялец | тенор[d] |
Иван Иванович Лавров (1827—1902) — российскяй оперань артист (тенор) и драматическяй актёр.
Эряфонь киц
Иван Лавров шачсь 1827-це кизоня[1] Тамбовскяй губерниянь Темникав ошса[2].
Нинге шабакс, 1835-це кизоня[2], вешемок покодема васта, кадозе шачема Темникавонц. Покодсьь фабрикаса и ульсь хорса морайкс. 1844-це кизоня поступась Астраханскяй театрать труппазонза водевильса и опереттаса мораень рольс[1][2]. Служась театрань сцена лангса Тамбовса, Таганрогса, Воронежса, Рязанца, Ростов-на-Дону[3] и лия ошса[2]. Сцена лангса партнеронзон ёткса ульсть Н. Х. Рыбаков, К. Н. Полтавцев, В. И. Живокини, А. Р. Анненская, К. Н. Божановский, М. П. Владиславлев, С. С. Гулак-Артёмовский, С. В. Демидов, А. Д. Дмитриев, Е. Климовский, Д. Куров, И. И. Онноре, Д. А. Орлов, П. А. Радонежский, Е. А. Семёнова, Л. А. Турчанинова, Л. Б. Финокки[3]. Арась содафокс Верстовскяень «Аскольдовонь калмац» операса теноронь партиятнень морамда меле. Театратнень эса выступандакшнесь васендакиге водевильхнень и мелодраматнень эса, но тяфта жа налхксь рольхть драматическяй репертуарста[1].
1845-це кизоня васенцеда лиссь сцена лангс кода опернай морай Тамбовскяй театратаса[3]
В 1853-це кизоня васенцеда лиссь Московскувонь Ёмла театрань сцена лангса Торопкинь роленц мархта и улсь прняндаф Императорскяй театрать труппазонза. Эстонь пингть Оцю и Ёмла театратне выступандакшнесть марстонь труппакс, тяконди 1853-це кизоня Оцю театрать зданияц палондсь, нодукс стяфтоманксонза тусь кома кизот. 1856-це кизоня ульсть тага ладяфт спектаклятне Оцю театрать сценанц лангса, и Лавров арась тя театраса вяти морайкс[1].
1875-це кизоня лиссь пенсияс, нинге фкя сезон морсесь Киевскяй операса[3], мезьда меле кундась мемуаронь сёрматкшнема. 1889-це кизоня мемуаронза ульсть лихтьфт:
- Сцена и жизнь в провинции и в столице. 1830—1876. Сост. по воспоминаниям и запискам артиста имп. моск. театров И. И. Лаврова. [С письмом С. А. Юрьева и предисл. П. Е. Астафьева]. — М.: кн. маг. В. В. Думнова, 1889. — IV, 235 с.[1].
Иван Иванович Лавров кулось 11-це августа 1902-це кизоня[1] Москуса, калмаф Ваганьковскяй калмолангса.
Творчествац
Опернай партиянза
- «Аскольдова могила» А. Н. Верстовского — Торопка[1]
- «Громобой» А. Н. Верстовского — Четко, Козырёк (1-це исполнительсь)[3]
- 1858 — «Сон наяву, или Чурова долина» А. Н. Верстовскяень — Витязь Весна[3]
- 1860 — «Гонзаго, или Маскарад»/«Густав III, или Бал-маскарад» Д. Оберонь — Бартотти[3]
- 1861 — «Наташа, или Волжские разбойники» К. П. Вильбуа — Есаул (1-це исполнительсь)[3]
- 1868 — «Рогнеда» А. Н. Серовонь — Княжий дурак[3]
- 1869 — «Воевода» П. И. Чайковскяень — Шут (1-це исполнительсь)[3]
- «Лючия ди Ламмермур» Г. Доницетти — Лорд Артур Бёклоу[3]
Роленза театраса
- «Ревизор» Н. В. Гоголень — почтмейстер, Земляника[1]
- «Гамлет» Шекспиронь — Гамлет, Клавдий
Лятфтамат
- ↑ 1 2 3 4 5 6 7 8 Театральная энциклопедия. Гл. ред. П. А. Марков. Т. 3 — М.: Советская энциклопедия, Кетчер — Нежданова, 1964, 1086 стб. с илл., 7 л. илл. (стб. 371)
- ↑ 1 2 3 4 Люди земли Темниковской. Лавров Иван Иванович. Дата обращения: 21 августста 2010. Архивировано из оригинала 22 майста 2011 года.
- ↑ 1 2 3 4 5 6 7 8 9 10 11 Лавров Иван Иванович // Отечественные певцы. 1750—1917: Словарь / Пружанский А. М. — Изд. 2-е испр. и доп. — М., 2008.