Кузнецов, Александр Михайлович (Советскяй Союзонь Геройсь)

Александр Михайлович Кузнецов
Александр Михайлович Кузнецов
Шачема шиц	19 июньста 1922
Шачема; вастоц	Растригино (Владимирскяй областcь),; Гороховецк, Владимирскяй губерниясь, РСФСР
Кулома шиц	16 апрельста 2022 (99 )
Кулома; вастоц	Россия
Принадлежностсь	СССР
Служама кизонза	1941—1945
Званияц	Капитан
Частец	229-це стрелковай полксь ; (8-це стрелковай дивизиясь (3-це формированиясь))
Сражениятне/войнатне	Великая Отечественная война

Александр Михайлович Кузнецов (1922—2022) — Советскяй Союзонь Герой (1943), Великай Отечественнай войнань ветеран. Экономическяй наукань кандидат. Советскяй Союзонь мекольце Геройсь, конац эрясь Нижегородскяй областьса.

Эряфонь киц

Шачсь 1922-це кизоня 19-це июньцта Фоминскяй райононь Расстригина велеса (тяни — Владимирскяй областень Гороховецкяй районць). 1927-це кизоня тядянц-алянц мархта ётась эряма Горьковскяй областень Балахнинскяй райононь Чернораменка посёлкав^[1]. 1932-це кизоста сявомок 1941-це кизоть самс тонафнесь Чернораменскяй средняй школаса. 1941-це кизоня июнь ковста шумордазе средняй школать.

Великай Отечественнай войнань пинкне

1941-це кизоня июль ковтса Горьковскяй областень Балахнинскяй райвоенкоматсь кучозе Фрунзенскяй военнай пехотнай училищав.

1942-це кизоня апрель ковста — Великай Отечественнай войнань толу китнень лангса. Тюрьсь Брянскяй, Центральнай, Украинскяй 1-це, 2-це и Белорусскяй 1-це фронттнень эса. Васенда ульсь батальоннай миномётонь взводонь командиркс, сяльде противотанковай ружьянь ротань командир. Тюрсь Курскяй дугаса, аралась Десна, Припять, Днепр ляйхнень эса.

1943-це кизоня 11-це сентябрьста Черниговскяй областень Коропскяй райононь Оболонье велеть маласа васенцетнень ёткса форсировандась Десна ляйть, потафнесь танковай контратакат. Аноклась вии оборона и тюрематнень пингста сонць машфтсь 3 танкат.

25-це сентябрьста (Киевскяй областень Чернобыльскяй райононь) Кошевка велеть маласа Припять ляйть туркс ётамста ротась потафтозень вражескяй танкатнень кота атакаснон. Кузнецов кафттнень тапазень противотанковай гранатаса. Полксь кирдезень эсь позициянзон, но мзярошка пингс ульсть кружафт. Боецонь пуромкссь, коса ульсь и Кузнецовсь, сязезь перяфксть и тусть партизаттненди.

СССР-нь Верховнай Советть Президиумонц указонц коряс 16-це октябрьста 1943-це кизоня героизманкса, мужестванкса, Днепрать араламста подразделениянь маштозь вятеманкса, вете шиньберьф плацдармань кирдеманкса старшай лейтенанти Александр Михайлович Кузнецовонди максфоль Советскяй Союзон Герой лемсь, казфоль Ленинонь орденца 13551 номер ала и «Зрнянь тяште» медальса 2049 номер ала

Сяльде А. М. Кузнецов капитанць ульсь Виде трвань Укринать идеманкса тюрематнень эса. 1944-це кизоня март ковста Тернополь ошть ала ульсь стакаста ранендаф и контужендаф. Пчкафнесь пря Саратов ошень госпитальса, сяльде тядянь-алянь кудса. Пчкафтомда меле кальдяв шумбрашинкса 1945-це кизоня нолдавсь запасу.

Отставкаса

1945-це кизоста Кузнецов капитанць запасса.

1949-це кизоня шумордазе велень хозяйствань Горьковскяй институтть. Колма кизот покодсь Мордовскяй АССР-нь МТС-нь старшай агрономкс.

1952-це кизоста сявомок 1954-це кизоть самс — велень хозяйствань институтонь аспирант. Сяльде ниле кизот ульсь Кстовскяй районца «Искра» колхозонь вятикс. 1965-це кизоста велень хозяйствань Горьковскяй институтста тонафты, экономическяй наукань кандидат, экономическяй факультетонь деканонь полафты.

Кулось Нижняй Новгородса 2022-це кизоня 16-це апрельста, ащезь эря 100 кизонь топодемазонза кафта кофт^[2]. Калмаф воинскяй почесть мархта «Марьина роща» калмолангса^[3].

Казненза и званиянза

Советскяй Союзонь Героень «Зрнянь Тяште» медаль 2049-це № (16.10.1943);
Ленинонь орден (16.10.1943);
Отечественнай войнань 1-це степенень орден (11.03.1985);
Якстерь Тяштень орден (02.03.1943);
«Боевой заслуганкса» медаль (17.10.1942)^[4];
«Великай Отечественнай войнаса 1941-це—1945-це кизотнень Германиять лангса сяськоманкса.» медальса;
СССР-нь медальхть;
РФ-нь медальхть;
Нижегородскяй областень почётнай гражданинсь (2004).

Колганза мялямсь

Владимирскяй областень Гороховецкяй райононь Фоминки велеса путовсь Геройть бюстоц.
Геройть шачема вастсонза, Владимирскяй областень Гороховецкяй райононь Растригина велеса путовсь лятфнемань тяшькс.
1978-це кизоня Чернораменскяй средняй школать зданияса панжевсь Кузнецов Александр Михайловиченди лемтьф мемориальнай седяф.
2007-це кизоня май ковста Сяськомать 62-це кизонц тяшкстаманцты Нижегородскяй велень хозяйствань государственнай академиясь пачсь Кузнецов Александр Михайловичень лемс лятфнемань мемориальнай седяф.
2018-це кизоня НГСХА-ть территорияса тиевсь А. М. Кузнецовонь лемс сквер, мольфтевихть покодемат Геройть бюстонц ладямнц лангса.
Нижегородскяй велень хозяйствань государственнай академиянь студеттне анокласть Александр Михайловичень эряфонь кинц колга документальнай фильма, конань няезе и макссь тейнза питне сонць Светскяй Союзонь Геройсь. Сон сидеста васьфнесь вуз-са тонафнихнень мархта.

Лятфтамат

↑ Тяни Нижегородскяй областьсь.
↑ Умер последний Герой Советского Союза, живший в Нижегородской области (рус.). Красная весна. Дата обращения: 17 апрельста 2022.
↑ В кафедральном соборе Нижнего состоялось отпевание Александра Кузнецова (рус.). Дата обращения: 17 апрельста 2022.
↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 682524. Д. 966. Л. 2, 41).

Ссылкатне

[1] Тяни Нижегородскяй областьсь.

[2] Умер последний Герой Советского Союза, живший в Нижегородской области (рус.). Красная весна. Дата обращения: 17 апрельста 2022.

[3] В кафедральном соборе Нижнего состоялось отпевание Александра Кузнецова (рус.). Дата обращения: 17 апрельста 2022.

[4] Наградные документы в электронном банке документов «Подвиг народа» (архивные материалы ЦАМО. Ф. 33. Оп. 682524. Д. 966. Л. 2, 41).

[1]

[2]

[3]

[4]