Кремлёвскяй кузсь
| Кремлёвскяй кузсь | |
|---|---|
 | |
| Кода сидеста ётафневи | эрь кизоня |
Кремлёвскяй кузсь — эрь кизонь няфтема Кремляса. Васенце вастса тя мероприятияса — шабатнень васедемаснас Кельме Атятьмархта. Фествиальть сюжетоц сёпондови билеттнень мишендема ушедомаснонсамс, сяда сидеста октябрьти самс[1].
Кузсь ётафневи Государственнай Кремлёвскяй дворцса. Башняв сувамась ётафневи глянцень павильонть пачка, коса сувайхнень тага весть ванондсазь. Метроста лисема вастса ладяфт лезды плакатт.
Эрямопингсь
Койсь Од кизоста Кремлять видеса площадть наряжамац ушедовсь 300 лама кизода инголе, Пётр I азорондамнц пингста. Эсь указонзон эса императорсь ётафтозе Од кизонь васьфнемать 1-це сентябрть эзда 1-це январти и мярьгсь озафтомс Москунь Соборнай площадьса салмоксу шуфтонят тя илать лемс.
1996-це кизоста сявомок Никольскяй площади тага стяфневихть од кизонь эрек шуфтт. Васенце кремлёвскяй куснень усксезь Великай Устюгста, Якшама Атять шачема ширестонза, 1990-це кизотнень песта[2].
Од кизонь шуфтонь вешендемась ушеды нинге кизонда кожфонь и спутниконь сотксть вельде. Моску алдонь сембе лестничествать эзда кочкави 50—70 шуфта; од кузти инь оцю вешфкссь — виде ронгс и парганашись.
Иттненди од кизонь представлениятнень историясна Москуть кучкаса ушедсь 1930-це кизотнень. 1945-це кизонь самань карша оцю представления ётась Союснень Кудса. 1954-це кизоста сявомок, шабатне кармасть якама од кизонь илас Кремляв[3].
Ётафтомац
Декабрть песта сявомок и январть ушетксонц самс эрь шиня ётафневихть няфтемать. Тяфта, 2023-це /2024-це кизонь сезонть пингста кузть перьфке кеняртькшнематне-кштиматне мольфтевихть 26-це декабрьста сявомок 8-це январти самс, 1-це январсь - ваймама ши. Кремлёвскяй дворцса тяфта жа ётафнихть патриаршай куз — паронь арьси акция воскреснай школаста, приютста и идень куттнень эда иттненди. Билетт тятфама иттненди аф мишендевихть: синь получсесазь тя учреждениянь шабатне.
Питне сувайти пандома аньцек вастть инкса —казненкса пандома башка. Эрь ваныти мярьгондеви рамас билет эсь лемозонза. Эрь билетсь лувондови фкя ваныенди и тиедьсазь сонь ладяф кепотьксонь коряс — или тердемать , кона тиф аф кепотькс коря Московскяй Федерациянь профсоюзсь лувондсы сонь аф видексоннекс, конань мархта аф нолдатядязь кузть малас Шаблон:Значимость факта.
Кузть явондсазь кафта пяльксова: кона ётафневи фойеса кштишендезь-весялготкшнезь, омбоцесь— сонць постановкась. Шити аноклакшневи колмоксть в 11:00, 14:30 и 18:00[4]. Кузть васенце пяльксонц ушеткшнесазь 1 частта 15 минутада инголе няфтемать ушедомдонза инголе. Спектаклсь моли частть малава, а кштишендемань-весялгофнемань программась няфтемада инголе — 45 минутань малава.
Иттненди, конанди изь топоде 14 киза оцю ломаньфтома аф нолневихть[5]. Аф кули шабатненди ётафневи башка весялготфнема тяка пингс коре; инвалиднай крандаскаса ащи шабатненди залса макссеви башка васта.
Льготатне
Питнефтома тя илати ули кода сувамс:
- Профессиональнай союзу сувафне. Кремлевскяй кузсь пуропневи-латцеви Московскяй Федерацинь профсоюзть вельде. Сяс кой-кона шабань тряйхненди, конат покодема вастсост сувафт профессиональнай союзу,макссевихть билетт питнефтома , сяда уцезста или питнеть эзда пандови аньцек мзярошка пялькс. [1].
- Лама идь мархта семьятненди и лия льготникненди. Кузти повомс питнефтома билеттне явондовихть эсь эрма вастонь соцзащитань отделенияса.
- Отличникне. «Марстонь российскяй кузти» питнень апак пантт повондыхть пяк лац тонафнеманкса — билетт макссевихть отличникненди и олимпиадаса сяськихненди; кузти шабатне сашендыхть тонафтыснон мархта.
Ванк нинге
- Оцю Кремлёвскяй дворцса Од кизонь кузсь
- Россияса общественнай кузсь
Лятфтамат
- ↑ 1 2 Полина Калмыкова. Как попасть на кремлевскую елку // Тинькофф Журнал : сайт. — 2023. — 24 октября.
- ↑ София Токарева. Главная елка страны – 2024: все секреты, как добраться и увидеть ее, Известия.
- ↑ Елизавета Королёва. «Ребёнка надо удивить»: 60 лет назад новогодняя ёлка в Кремле стала сказочной. RT на русском (2 январьста 2024). Дата обращения: 14 ноябрьста 2024.
- ↑ Кремлёвская Ёлка 2023 - 2024 (рус.). Московская Федерация профсоюзов.
- ↑ Новогодние ёлочные представления (рус.). Государственный Кремлёвский Дворец.