Корхтаматне Россиять и Украинать ёткса (2025)

Рувики лопаста
Корхтаматне Россиять и Украинать ёткса
Российско-украинские переговоры в Стамбуле 16-05-2025.jpg
Пингсь 16-це майста 2025; 2-це июньцта 2025
Вастсь Стамбул, Долмабахче; Чыраган

Корхтаматне Росси́ять и Украи́нать ёткса (2025) (руз. Переговоры России и Украины (2025)) — украинскяй конфликтть ладяманц коряс видеста корхтаматне, конатненди ушеткс макссь РФ-нь президентсь Владимир Путин. Сон явсь мяльса ётафтомс синь Стамбулса 2025-це кизоня 15-це майста[1]. Российскяй делегациясь корхтаматненди ульсь анок 15-це майста шобдава, но украинскяй представительхне васедемас ашесть са, и Турциять лезксон вельде корхтаматне ётафтовсть Долмабахчаса— 16-це майста[2]. Кафта частонь перьф корхтамань итокненди и сяльде Путинонь и Трампть ёткса телефон пачк корхтамати питне макссть тоса улихне, лия политикне и политолокне. Синь лемдевсть сялондомань ладямань аф оцю аськолкс.

2025-це кизоня 28-це майста иностраннай тевонь министрсь Сергей Лавров пачфтезе, што РФ-ть и Украинать ёткса корхтаматнень омбоце пялькссна ётафтовихть 2-це июньцта Стамбулса[3]. 1-це июньцта российскяй делегациясь састь Стамбулу корхтаматненди, конат ётасть Чыраган дворецса [4]. Владимир Зеленскяйсь тяфта жа пачфтсь эсь делегациянц саманц колга[5].

Кода мольсь васедемась

2025-це кизоня 11-це майста РФ-нь президентсь Владимир Путин кочказень журналисттнень Кремлёвскяй дворецень Малахитовай фойеса, штоба тиемс итокт государстватнень лидерснон мархта васедемаснон коряс, конат састь Моску Великай Отечественнай войнаса Сяськомать 80 кизоть топодеманц тяшкстама [6].

Россиянь президентсь лятфтазе, што Украинась сембонь инголе колазе энергетическяй объекттнень лангса матомань 30 шис кемокстаф мораторийть, кона покодсь 18-це мартста сявомок 17-це апрельти самс. Тяфта жа Киевсь пцтай 5 тёжяньксть колазе очижинь мирендамать. Сяськомань Шиста мирендамать колга Россиять карша валонц лангс Украинась тись сядонга лама врьгятема. Тевс нолдазь 524 БПЛА-ть и 45 экипажфтома катерхнень.

Аф ваномок тянь лангс, Россиясь 2025-це кизоня 15-це майста явсь мяльса киевскяй власттнень мархта одукс ушедомс Стамбулса видеста корхтаматнень, конатнень синь лоткафтозь 2022-це кизоть песта ингольдень кодамовок условияфтома[7].

2025-це кизоня 11-це майста Путинонь и Турциянь президенть Реджеп Тайип Эрдоганть (руз.) (мок. ёткса корхтаматнень пингста мекольцесь марнек кирдезе мяльть-арьсемать Москуть и Киевть ёткса «шамаста шамас» корхтаматнень одукс ушедомаснон, надияфтсь максом Стамбулса площадка и сембе эрявикс лезксть[8].

Владимир Зеленскяйсь X социальнай сетьса сёрмадсь: «Мон карман учема Путинонь эса Турцияса 2025-це кизоня 15-це майста шуваланяста»[9]. При этом в администрации президента Турции заявили, что не имеют информации о планах Зеленского прибыть 15 мая в Турцию[10]. Россиянь лидерть пресс-секретаренц Д. Песковонь информациянц коряс, 15-це майста Путинонь Москуса аноклафт рабочай васедеманза, сон и ашезь арьсе улемс Турцияса корхтамаса; российскяй ширеть мяленц коряс, государствань оцюнятнень васедемаснон эряви ламос и цебярьста анокламс[11].

2025-це кизоня 13-це майста Дональд Трамп мярьгсь, што США-нь госсекретарсь Марко Рубио и американскяй должностной лия лицатне сайхть Стамбулу корхтаматненди[12].

2025-це кизоня 14-це майста Путин ётафтсь Стамбулса украинскяй ширеть мархта корхтаматненди анокламать коряс пуромкс. Пуромфнень лувксса, российскяй корхтаматамань группати сувайда башка, государствань вятить мярьгоманц вельде ульсть: иностраннай тевонь министрсь Сергей Лавров, оборонань министрсь Андрей Белоусов, Росгвардиянь вятись Виктор Золотов, Совбезонь секретарьсь Сергей Шойгу, Генштабонь оцюнясь Валерий Герасимов, ФСБ-нь оцюнясь Александр Бортников и специальнай военнай операциянь зонаса группировкань вятихне[13].

15-це майста веть «Россия» специальнай летнай отрядонь самолётсь, кона ускси российскяй вятить, лийкстась Стамбулу. «Интерфаксу» авиационнай службаса пачфтезь, што российскяй делегациясь пачкодсь Ататюрка аэропорту шобдава ранакиге[14]. Васендакиге арьсевсь, што делегациятнень васедемасна ётафтови Долмабахчаса дворецса 10:00 мск , аньцек украинскяй делегациясь ашель и корхтаматне ётафтовсть сай пингонь шис[15].

15-це майста Стамбулса РФ-нь Генконсульстваса прессати пшкядемаса Владимир Мединскяй мярьгсь, што российскяй делегациясь ваны тя корхтаматнень лангс, кода мирнай процессонь поладома, кона лоткафтовсь 2022-це кизоня, улихть сембе эрявикс компетенциятне и полномочиятне[16]. Виде корхтаматнень задачасна — рана или поздна сатомс лама пингс ванфтови мирть, машфтомок конфликтонь ингольдень туфталть[17].

Тяка шиня Турциянь иностраннай тевонь министрсь Хакан Фидан ётафтсь васедема российскяй делегациять мархта[18].

15-це майста илядь ТАСС источниксь пачфтезе, што Россиянь и Украинань делегациятнень корхтамасна ушедовихть Стамбулса 16-це майста[2]. Зеленскяень коммуникациятнень коряс советникоц Дмитрий Литвин пачфтезе, што украинскяй ширесь кармай Стамбулса 15-це майста поздна илядь[19].

The Guardian даннаензон коряс, США-ть эзда Стамбулса корхтамаса ульсь Госдепонь политикань планированиянц коряс оцюнясь Майкл Антон[20].

16-це майста ётафтовсть мзярошка васедемат эрь кодама форматса: колма ширень корхтаматне Россиять, Украинать и Турциять ёткса, а тяфта жа колма ширень васедема США — Украина — Турция[21], конань эса ульсь США-нь госсекретарьсь Рубио и Украинать коряс спецпосланниксь Кит Келлог. Украинать эзда ульсь президентонь офисонь оцюнясь Андрей Ермак и иностраннай тевонь министрсь Андрей Сибига. Турциять эзда корхтаматнень пингста ульсь МИД-нь вятись Фидан[22].

16-це майста Владимир Мединскяй российско-украинскяй корхтамада инголе ётафтсь васедема США-нь представительхнень мархта[23].

2025-це кизоня 28-це майста иностраннай тевонь министрсь Сергей Лавров пачфтезе, што РФ-ть и Украинать ёткса корхтаматнень омбоце пялькссна ётайхть 2-це июньцта Стамбулса[3].

2025-це кизоня 29-це майста РФ-нь МИД-нь официальнай представительсь Мария Захарова пачфтезе, што 2-це июньцта российскяй делегациясь кармай тяфтама жа лувксса, кода и ульсь 2025-це кизоня 16-це майста [24]. Украинскяй делегациять составоц ульсь полафтф. Владимир Зеленскяень мярьгоманц коряс эздонза валхтовсь ВСУ-нь Генштабонь Центральнай юридическяй управлениянь народъётконь и операционнай правань управлениянь оцюнясь Алексей Маловацкяйсь. Тяда башка, украинскяй ширде делегацияти сувафтовсть сят, кит ашельхть 16-це майста васедемаста. Тя аф пельксшинь и оборонань секторонь ломанень праватнень коряс системань оргаттнень Верховнай радань уполномоченнай оцюнясь Юрий Ковбаса, ВСУ-нь Генштабонь оцюнять полафтыец Евгений Острянскяй и народъётконь правань отделонь оцюнясь — ВСУ-нь Генштабонь Центральнай юридическяй управлениянь народъётконь и операционнай правань управлениянь оцюнять полафтыец Андрей Фомин[25].

Корхтаматнень мольфтемасна

2025-це кизоня 16-це майста Россиять, Турциять и Украинать делегацияснон васьфтемасна-корхтамасна ётнесь Стамбулса. Васедемада инголе Турциянь иностраннай тевонь министрсь Хакан Фидан пшкядьсь шумбракстомань вал мархта[26]:

Тя васедемась странатнень ёткса 2022-це кизонь март ковста васенцесь. Тейнек эряви ваномс тя уликсшить. Эрь шинь поздамась вяти оцю срафтомати-калафтомати и юмафтомати. Мзярс войнась поладови, эряви лоткафтомс толса ляцендемать. Минь мараса кочкасайнек маластонь аськолкснень. Тя васедемась максы уликсши странань лидерхнень васедемаснонды[27].

Корхтамада ингольдень — Хакан Фиданонь Турциянь омба масторонь тевонь министрть ингольдень валоц

Россиять и Украинать ёткса корхтаматне мольсть малава кафта частт[28] прессать эзда сёлгф режимса[29].

Итокне

Корхтаматнень аделамда меле Мединскяйсь пачфтезе, што российскяй ширесь пара мяльса анок и сяда тов вятемс корхтамат[30], тяда башка:

  • Россиясь и Украинась явсть фкя-фкянь мархта сай пингста толса ляцендемать лоткафтоманц коряс эсь педа-пес няемаса [31];
  • украинскяй делегациясь вешсь государтвань лидерхнень ёткса виде корхтамат, Россиясь тянь сявозе мяльс[32];
  • маластонь шитнень Россиясь и Украинась полафтыхть пленнайса 1000 на 1000 форматса [33].

2025-це кизоня 17-це майста США-нь госсекретарть Марко Рубиоть мархта телефон пачк корхнематнень пингста РФ-нь иностраннай тевонь министрсь Сергей Лавров кемокстазе, што Россиясь анок поладомс США-ть мархта украинскяй конфликтть машфтоманц коряс покодемать. Тяфта жа китькстазе США-ть лезксонц сянь ширде, што Кивсь примазе Стамбулса корхтаматнень одукс ушедомаснон коряс мярьгомать. Рубиось эсь ширденза тяшкстазе Вашингтонтть анок и сяда тов лездомс украинскяй конфликтть машфтоманц коряс китнень вешемаса[34]. Сяда тов госсекретарьсь пачфтсь Путинонь и Трампть ёткса 19-це майста телефон пачк корхтаматнень анокламаснон и маластонь пингть Россиянь и США-нь лидерхнень васьфтемаснонды анокламать колга[35].

2025-це кизоня 23-це майста РФ-нь Миноборонась пачфтсь пленнайса полафтомать колга. Ведомствать информациянц коряс 16-це майста Стамбулса корхтаматнень пингста тевонь ладямать вельде Киевть кядала ащи территорияста мрдафтовсть российскяй 270 военнослужащайхть и 120 гражданскяй лицат, синь ётксост Курскяй областень мирнай эряйхне, конатнень вийса сявозь ВСУ-сь. Вастозост максовсть ВСУ-нь 270 военнопленнайхть и 120 гражданскяй лицат[36].

2025-це кизоня 24-це майста российскяй 307 военнослужащай мрдасть куду, тняра жа ломань ульсь максф ВСУ-ти[37].

2025-це кизоня 25-це майста РФ-нь Миноборонась пачфтсь, што киевскяй режимонь ала ащи территорияста мрдафтовсть 303 российскяй военнослужащайхне, карша ВСУ-ти максовсть 303 военнопленнайхть[38]. Тяфта аделавсь пленнайса полафтомась 1000 на 1000 форматса.

Российскяй делегациясь

14-це майста илядь Владимир Путин кемокстазе Стамбулса корхтамаса улихнень российскяй делегациять видеса улихнень составснон.Тейнза оцюнякс кочкавсь РФ-нь президентонь лездысь Владимир Мединский[39]. Сон ульсь оцюнякс российскяй корхтайхненди 2022-це кизоня[40]. Тяфта жа делегацияв сувафтовсть:

  • РФ-нь МИД-нь оцюнять полафтыец Михаил Галузин,
  • РФ-нь ВС-нь Генштабонь оцюнять полафтыец Игорь Костюков,
  • оборонань министрть полафтыец Александр Фомин[41].
Российскяй делегациясь (корхтаматне 16-це майста 2025)

Делегацияв сувайда башка Стамбулса Россиять эзда ульсть ниле экспертт: :

  • Генштабонь управлениянь информациянь оцюнять васенце полафтыец Александр Зорин,
  • гуманитарнай сфераса госполитикань коряс РФ-нь президентонь Управлениянь оцюнять полафтыец Елена Подобреевская,
  • Россяинь МИД-нь СНГ-нь странань Омбоце департаментонц оцюняц Алексей Полищук,
  • РФ-нь Миноборонань народъётконь военнай сотрудничествань Главнай управлениянь оцюнять полафтыец Виктор Шевцов[42].

Украинскяй делегациясь

15-це майста илять Владимир Зеленскяень офисоц нолдась указ Стамбулса корхтаматнень пингста Украинать эзда делегациять составонц коряс [43]. Тейнза оцюнякс кочкавсь оборонань министрсь Рустем Умеров.

Украинскяй делегациясь (корхтаматне 16-це майста 2025)

Тяфта жа делегациять сувасть:

  • иностраннай тевонь министрть васенце полафтыец Сергей Кислица,
  • СБУ-нь оцюнять полафтыец Александр Поклад,
  • внешняй разведкань Службань оцюнять васенце полафтыец Олег Луговский,
  • ВСУ-нь Генеральнай штабонь оцюнять полафтыец Алексей Шевченко,
  • разведкань Главнай упралениянь оцюнять полафтыец Вадим Скибицкий,
  • Воздушнай виень командованиянь штабонь оцюнять полафтыец Евгений Шинкарёв,
  • Военно-морской виень командованиянь штабонь оцюнять полафтыец Александр Дьяков,
  • ВСУ-нь Генштабонь Центральнай юридическяй управлениянь народъётконь и операционнай правань управлениянь оцюнясь Алексей Маловацкий,
  • ВСУ-нь Генштабонь Главнай оперативнай управлениянь старшай офицерсь Александр Шерихов,
  • ВСУ-нь главнокомандующайть протоколонь аппаратонь обеспечениянь офицерсь Георгий Кузьмичев,
  • Украинань президентонь офисонь вятить советникоц Александр Бевз[44].

Украинскяй делигациянь техническяй кафта участникне ворьгодсть Стамбулса корхтамтнень пингста. Кода пачфнесы Верховнай радань экс-депутатсь Спиридон Килинкаров, ётафтысь Головко и лездысь-секретарьсь Самойленко идесть пря мобилизацияда и Киеву ашесть мрда[45].

Васедемда меле корхтамат

2025-це кизоня 17-це майста РФ-нь президенть пресс-секретарец Дмитрий Песков мярьгсь, што Владимир Путинонь и Владимир Зеленскяень васедемаснон Кремльсь лувсы возможнайкс, «но аньцек кода покодемань результат и кафта ширетнень ёткса корхтамань кемокстамань кой-кодама сатфксонь результатонь сатомада меле»[46].

США-нь президентсь Дональд Трамп пара мяльса кирдезе Владимир Путинонь мярьгоманц Украинать мархта виде корхтаматнень одукс ушедомаснон[47]:

Улема, Россияти и Украинати тя великай ши. Арьседа сяда тёжятть ломаттнень колга, конатнень ваймосна ванфтовихть, мзярда тя пефтома «бойнясь» аделави.— Truth Social

Тяфта жа Трампсь арафтозе Украинать «эстокигя согласиндамс» Стамбулса корхтаматненди[48] и мярьгсь, што ащи васедемать ётафтоманц лангса. Сон мярьгсь, што арьси Стамбулу эсь саманц колга[49].

Мон арьсян, што тоса эряви улемс кафцьке лидерхненди (РФ и Украины — ред.). Мон арьсень молемс тов. Мон аф содаса, коса карман шуваланяста, монь лама васедемадон, но мон арьсень сянь колга, штоба афкукс лийкстамс тов. Арьсян, тяфтама возможность ули[50].

Ингольдень американскяй разведчиксь и ООН-нь инспекторсь Скотт Риттер лемдезе Путинонь предложениянц «цебярь манёвракс»[51]:

Видеста корхтаматнень коряс предложениясь валхнесы повесткаста 30 шис мирендамать колга кизефксть. Монь арьсеманень коряс тя маневрась Владимир Путинонь эзда афкукс цебярь. Сон мрдафтозе Россияти инициативать, кона максси тейнза уликсши диктовандамс условият украинско-европейско-американскяй блокти, кона аф анок и аф машты тиема тяфтама аськолкс.

2025-це кизоня 19-це майста Путинонь и Трампть ёткса корхтамась

2025-це кизоня 19-це майста 17.00 мск частса Владимир Путин телефон пачк корхтась Дональд Трампть мархат, вановсть российскяй лидерт мяленц-арьсеманц коряс 2025-це кизоня 16-це майста Стамбулса мирнай корхтаматнень ушедомасна [52]. Американскяй ширеть мярьгоманц коряс, украинскяй конфликтта башка корхтамаса шарфтавсь мяль кафта странатнень ёткса экономическяй сотрудничествать коряс кизефксненди. Кода мярьгсь Трамп, РФ-нь президентть мархта корхнемада меле сонь эвондась арьсемац гайфтемс Украинань политическяй вятихненди и НАТО-нь странатнень лидерснонды[53].РФ-нь и США-нь лидерхнень телефон пачк корхнемасна мольсь кафта частта лама, Владимир Путин лемдезе сонь «конструктивнайкс». Россиянь президентсь тяшкстазе, што Москусь и Киевсь кармайхть покодема мирнай договорть улеманц меморандумонц коряс [54].

2025-це кизоня 4-це июньцта Путинонь и Трампть ёткса корхтамась

2025-це кизонь 4-це июньцта ётась владимир Путинонь и Дональд Трампонь телефон вельде корхтамасна, конань пингста УЛЬСТЬ токафт ВСУ-нь террористическяй врьгятнематне российскяй аэродропнень лангс.[55]. РФ-нь президентсь азозе, што тяфта Украинась тяряфтсь сяземс конфликтть ладяманц коряс переговорхнень. Тяка пингть китькставсь, што киевскяй режимсь арась террористическяйкс. Трампсь, эсь инксонза, азозе, што ашезь пачфтев РФ-нь аэродромтнень лангс врьгятемань платтнень колга[55]. США-нь президентсь азондозе соцсетьтнень эса, што корхтамась мольсь частта ламос, ульсь позитивнай. Сонь валонзон коряс, российскяй ширесь надияфтсь максомс ответ украинскяй вооруженнай формированиятнень террористическяй врьгятемаснон лангс[56]. Президентть помощникоц Юрий Ушаков риа интервьюса азондсь Трампть реакциянц колга корхтамать лангс:

Сон внимательнайста кулхцондозень минь оценканьконь. Тянь коряс президентоньке сатомшка крхкаста азозе эсь мяленц. Мон арьсян, што Трампти ульсь пяк пара кулемс минь оценканьконь ётафть коряс... Американскяй ширесь и российскяй ширесь шарфтсть мяль сянди, штоба корхтамс террористическяй ня врьгятнематнень колга[57].  

2025-це кизоня 4-це июльста Путинонь и Трампть ёткса корхтамась

Телефоннай беседаса 2025-це кизоня 4-це июльста, кона мольсь част, Путин поздравляндазе Трампть Кинь эздонга аф ащемань шить мархта, азозе теенза, Што Москусь сяда тов вешенди политическяй переговорнай решения украинать мархта конфликтть коряс. Сон азондсь Трампти УКРАИНАТИ всу-нь солдатонь и наёмниконь несколька тёжянь кулофнень кулоснон максомать колга. Корхтайхне тяфта жа ванозь Иранть, Сириять, Ближняй Востокса ситуациять, азсть мяль марстонь теварьсефкснень лангс энергетикаса, космость исследованияса. Путинонь И Трампонь телефоннай корхнемаснон коряс итокнень анализировандамста, западнай прессась шарфтсь мяль, што Москуть позицияц урегулированиять коряс последовательнай и аф полафневи, ащи тоса, што эрявихть урядамс украинскяй кризисть васенце туфталонза[58].

Путинонь и Трампонь васедемасна Аляскаса 15 августста 2025 кизоня

Аляскаса саммитть пингста, кона ётась Pursuing peace ("Мирти тяряфтомаса") девизть ала, Путин и Трамп сатсть кой-кодама прогресс украинскяй конфликтть ладямаса. Саммитта меле украинскяй ширесь ашезь няфне интерес делегациянь уровеньца переговорхнень поладомаснонды, меморандумонь проекттнень колга корхнемати и рабочай группань тиемати. Кафта ковоньберьф российско-украинскяй переговорхне оду ашесть полафне, боевой соприкосновениянь линиясь валом шаштсь западть шири. Урегулированияти од импульс макссть Путинонь и Трампонь ёткса октябрьста контакттне. Ковда тяда меле эвондась «Трампонь мирнай планонь» васенце проектсь, кона арась кепотьф мялькс мирса.

Путинонь и Трампонь корхтамасна 16 октябрьста 2025 кизоня

16-це октябрьста Путинонь и Трампонь ёткса ётась телефононь коряс од корхтамада, колмоцесь Трампонь Акша куду мрдамдонза меле. Корхнемась мольсь кафтошка част. Путин поздравляндазе Трампть Газть Секторса ладямать мархта, основной акцентсь тифоль украинскяй конфликтть лангс. Путин азсь заинтересованнайши мирнай политико-дипломатическяй решениянь сатомаса и лятфтазе, што стратегическяй инициативась фронтть сембе линиянц эзга ащи российскяй Вооруженнай вийхнень кядьса, а киевскяй режимсь отвечай, ламода, террористическяй методса. Трампть предложениянц коряс лидерхне састь мяльс ушедомс аноклама, Аляскада меле, российско-американскяй омбоцесаммитти, кона ульсь инголи планировандаф Будапештса (Венгрияса), но меле Трампсь кадозе васедемать[59][60].

США-ть мирнай планоц

2025-це кизонь ноябрьста американскяй прессась пачфтсь США-ть кодама-бди мирнай планонц колга Украинаса конфликтть ладяманц коряс[61]. Тяшкстафоль, што сон ащи 28 пунктста, фкясь эздост арьсесь сембе международнай лезксть проверяманц, конань получазе Украинась, штоба, кода азондозе The Wall Street Journal изданиясь, «няфтемс предполлачандави коррупциять»[62]. Репортерхненди содавсь, што тя положениять ёразе полафтомс Киевсь, штоба получамс «пяшкотьф амнистия войнать пингста эсь действиянзон инкса»[62]. Украинецненди телевизионнай пшкядемаса Зеленский пачфтезе мирнай планть колга, што странась ащи стака кочкамать инголе: «Или достоинствань юмамась, или ключевой партнеронь юмафтомань пелькссь»[63].

Лятфтамат

  1. ↑ Путин предложил прямые переговоры с Киевом 15 мая в Стамбуле, РБК (11.05.2025). Дата обращения: 11 майста 2025.
  2. ↑ 1 2 ТАСС: переговоры РФ и Украины в Стамбуле стартуют 16 мая, TACC (15 майста 2025). Дата обращения: 15 майста 2025.
  3. ↑ 1 2 Лавров анонсировал второй раунд переговоров между РФ и Украиной в Стамбуле, Известия (28 майста 2025). Дата обращения: 29 майста 2025.
  4. ↑ Российская делегация вылетела в Стамбул на переговоры с Украиной, РБК (1 июньцта 2025). Дата обращения: 1 июньцта 2025.
  5. ↑ Зеленский подтвердил участие Украины в переговорах в Стамбуле 2 июня, РБК (1 июньцта 2025). Дата обращения: 1 июньцта 2025.
  6. ↑ Прямые переговоры без промедления и условий в Стамбуле. Главные заявления Путина, TACC (11.05.2025). Дата обращения: 11 майста 2025.
  7. ↑ Заявление Президента России для СМИ, Президент России (11.05.2025). Дата обращения: 11 майста 2025.
  8. ↑ Путин обсудил с Эрдоганом свою инициативу возобновления переговоров с Киевом, TACC (11 майста 2025). Дата обращения: 11 майста 2025.
  9. ↑ Зеленский заявил, что будет ждать Путина в Турции, РИА Новости (11 майста 2025). Дата обращения: 11 майста 2025.
  10. ↑ В Турции заявили, что не знают о планах Зеленского посетить страну, РИА Новости (11 майста 2025). Дата обращения: 11 майста 2025.
  11. ↑ От Владимира Путина ждут участия. Как идет подготовка к встрече РФ и Украины в Стамбуле, Коммерсантъ (17 майста 2025). Дата обращения: 13 майста 2025.
  12. ↑ Трамп: Рубио и другие эмиссары США полетят на встречу по Украине в Стамбуле, TACC. Дата обращения: 13 майста 2025.
  13. ↑ Песков рассказал о совещании у Путина по переговорам с Украиной, РБК (15 майста 2025). Дата обращения: 15 майста 2025.
  14. ↑ Стали известны время и место переговоров России и Украины в Стамбуле, РБК (15 майста 2025). Дата обращения: 15 майста 2025.
  15. ↑ Начало переговоров в Стамбуле запланировано на 10 утра - Российская газета, Российская газета (15 майста 2025). Дата обращения: 15 майста 2025.
  16. ↑ Мединский высказался о делегации России в Стамбуле, РИА Новости (15 майста 2025). Дата обращения: 15 майста 2025.
  17. ↑ Мединский назвал цель прямых контактов с Украиной, TACC (15 майста 2025). Дата обращения: 15 майста 2025.
  18. ↑ ТАСС: в Стамбуле началась встреча главы МИД Турции с российской делегацией, TACC (15 майста 2025). Дата обращения: 15 майста 2025.
  19. ↑ Украинская делегация приедет в четверг вечером, заявил советник Зеленского, РИА Новости (15 майста 2025). Дата обращения: 15 майста 2025.
  20. ↑ The Guardian узнала имя представителя США на переговорах России и Украины, РБК. Дата обращения: 16 майста 2025.
  21. ↑ ТАСС: 16 мая в Стамбуле намечена трехсторонняя встреча Турции, России и Украины, TACC (15 майста 2025). Дата обращения: 15 майста 2025.
  22. ↑ ТАСС: в Стамбуле завершилась встреча представителей Турции, США и Украины, TACC (16 майста 2025). Дата обращения: 16 майста 2025.
  23. ↑ Мединский встретился с представителями США в Стамбуле, Коммерсантъ (16 майста 2025). Дата обращения: 16 майста 2025.
  24. ↑ МИД рассказал о составе российской делегации на переговорах 2 июня, РИА Новости (29.05.2025). Дата обращения: 29 майста 2025.
  25. ↑ Зеленский изменил состав украинской делегации для второй встречи в Турции, РБК. Дата обращения: 2 июньцта 2025.
  26. ↑ Встреча представителей России, Украины и Турции началась в Стамбуле. 1tv.ru (16 майста 2025). Дата обращения: 16 майста 2025.
  27. ↑ Полная расшифровка слов главы МИД Турции перед переговорами, РБК (16 майста 2025). Дата обращения: 16 майста 2025.
  28. ↑ Встреча российской и украинской делегаций в Стамбуле завершилась, РИА Новости (16 майста 2025). Дата обращения: 16 майста 2025.
  29. ↑ Переговоры России и Украины проходят без прессы, РИА Новости (16 майста 2025). Дата обращения: 16 майста 2025.
  30. ↑ Мединский: РФ удовлетворена результатом переговоров и готова продолжать контакты, Коммерсантъ (16 майста 2025). Дата обращения: 16 майста 2025.
  31. ↑ Мединский: РФ и Украина представят свое видение возможного прекращения огня, TACC (16 майста 2025). Дата обращения: 16 майста 2025.
  32. ↑ Мединский: Украина запросила прямые переговоры между Зеленским и Путиным, Коммерсантъ (16 майста 2025). Дата обращения: 16 майста 2025.
  33. ↑ Мединский подтвердил подготовку крупнейшего обмена пленными с Украиной, РБК (16 майста 2025). Дата обращения: 16 майста 2025.
  34. ↑ Лавров и Рубио обсудили итоги переговоров в Стамбуле, РИА Новости (17 майста 2025). Дата обращения: 17 майста 2025.
  35. ↑ Рубио заявил о желании Трампа встретиться с Путиным как можно скорее, РБК (17 майста 2025). Дата обращения: 17 майста 2025.
  36. ↑ Россия вернула из плена 270 военных и 120 гражданских, TACC (23 майста 2025). Дата обращения: 23 майста 2025.
  37. ↑ Россия и Украина обменялись пленными по стамбульской договоренности, РБК. Дата обращения: 24 майста 2025.
  38. ↑ Россия и Украина завершили обмен пленными по формуле 1000 на 1000, РИА Новости (25.05.2025). Дата обращения: 25 майста 2025.
  39. ↑ Путин утвердил состав делегации России на переговорах с Украиной, TACC (14..05.2025). Дата обращения: 15 майста 2025.
  40. ↑ Путин утвердил состав российской делегации на переговорах в Стамбуле, РБК (14.05.2025). Дата обращения: 15 майста 2025.
  41. ↑ Путин утвердил состав делегации для переговоров с Украиной в Стамбуле, Известия (14 майста 2025). Дата обращения: 15 майста 2025.
  42. ↑ Кто вошел в переговорную группу России в Стамбуле. Инфографика, РБК (14.05.2025). Дата обращения: 15 майста 2025.
  43. ↑ Зеленский утвердил состав делегации для переговоров с РФ в Стамбуле, Известия (15 майста 2025). Дата обращения: 15 майста 2025.
  44. ↑ Состав делегации Украины для участия в переговорном процессе с РФ в Стамбуле, TACC (15 майста 2025). Дата обращения: 15 майста 2025.
  45. ↑ Килинкаров: члены украинской делегации сбежали в Стамбуле от мобилизации, AiF (19.05.2025). Дата обращения: 20 майста 2025.
  46. ↑ В Кремле назвали условие для встречи Путина и Зеленского, РИА Новости (17 майста 2025). Дата обращения: 17 майста 2025.
  47. ↑ Трамп приветствовал предложение Путина возобновить прямые переговоры с Украиной, TACC (11.05.2025). Дата обращения: 11 майста 2025.
  48. ↑ Трамп потребовал от Украины немедленно согласиться на переговоры с Россией, РИА Новости (11 майста 2025). Дата обращения: 11 майста 2025.
  49. ↑ Трамп допустил свой визит в Стамбул во время встречи делегаций России и Украины - Газета.Ru | Новости, Газета.Ru (12 майста 2025). Дата обращения: 12 майста 2025.
  50. ↑ Трамп допустил поездку в Стамбул в четверг, РИА Новости (12 майста 2025). Дата обращения: 12 майста 2025.
  51. ↑ В США назвали предложенные Путиным прямые переговоры Киеву блестящим маневром, Известия (11 майста 2025). Дата обращения: 11 майста 2025.
  52. ↑ Мир по телефону, Коммерсантъ (18 майста 2025). Дата обращения: 19 майста 2025.
  53. ↑ Песков подтвердил, что телефонный разговор Путина с Трампом готовится, TACC (17.05.2025). Дата обращения: 19 майста 2025.
  54. ↑ Заявление Путина после разговора с Трампом. Текст, РБК. Дата обращения: 19 майста 2025.
  55. ↑ 1 2 В Кремле раскрыли подробности телефонного разговора Путина и Трампа, РИА Новости (10.12.2025). Дата обращения: 4 июньцта 2025.
  56. ↑ Трамп обсудил с Путиным атаки ВСУ на российские аэродромы, РИА Новости (04.06.2025). Дата обращения: 4 июньцта 2025.
  57. ↑ Трампу было полезно выслушать оценки Путина по атакам Киева, заявил Ушаков, РИА Новости (04.06.2025). Дата обращения: 10 декабрьста 2025.
  58. ↑ Мировые СМИ обсуждают телефонный разговор Владимира Путина и Дональда Трампа, Первый канал (04.07.2025). Дата обращения: 10 декабрьста 2025.
  59. ↑ Почему Путин и Трамп предпочли Будапешт и что будет с «Томагавками»? Президенты России и США договорились о новом саммите, РБК (17.10.2025). Дата обращения: 10 декабрьста 2025.
  60. ↑ Reuters и NBC узнали, почему Трамп решил отложить встречу с Путиным. РБК (21 октябрьста 2025).
  61. ↑ Axios сообщил о согласии Зеленского подписать мирный план в сжатые сроки, РБК (21.11.2025). Дата обращения: 21 ноябрьста 2025.
  62. ↑ 1 2 WSJ узнал, что Киев внес в мирный план полную амнистию для всех сторон, РБК (21.11.2025). Дата обращения: 21 ноябрьста 2025.
  63. ↑ Зеленский заявил о сложном выборе Украины из-за мирного плана США, РБК (21.11.2025). Дата обращения: 10 декабрьста 2025.
Сявф"https://mdf.ruwiki.ru/w/index.php?title=Корхтаматне_Россиять_и_Украинать_ёткса_(2025)&oldid=417940"-ста