Классонь вятись
| Классонь вятись | |
 | |
Тевонь вятема вастсь |
педагогикась, воспитаниясь и образованиясь |
|---|---|
Классонь вятись (руз. Кла́ссный руководи́тель) — педагог, кона ваны-ладяй тонафнемань и афклассонь тевонь тиемаснон сембе тонафнихнень конкретнай классонь школаса или училищаса. Россияса начальнай класса класснай руководителень обязанносттне автоматическяйста путневихть учительть лангс, кона вяти класс, школань сяда сери куцеманятнень лангса и училищатнень эса — фкя учительть-предметникть лангс, конат работайхть тя класса/группаса, учебнай заведениянь администрациять решениянц коряс. Ламоц странань образовательнай системаса тяфта жа ванф тонафтыхнень лувксста классонь вятить ладямац.
Эрямопингсь
Россияса класснай руководствань институтсь ушедозе эсь ушетксонц XIX-це векста, мзярда тонафнемань заведениятнень эса сувафтозь комнатань надзирательонь должностть. Народнай просвещениянь министерствась 1813-це кизоня нолдась постановления пансиоттнень видеса институтонь комнатань надзирательхть, конатнень фкя инь васенце обязанностьсна ульсь «иттнень обуцяснон и свойстваснон всякай направлениясна и отечествань афкуксонь и полезнай цёратнень образованиясна». Комнатань надзирательхненди вешфксне оцюфтольхть — теест эрявсь няфтемс нравственностень кепотькс, содамс омба масторонь кяльхнень. Комнатань надзирательхнень ульсь марстоннесна воспитанникнень мархта шра, удость очередьс комнататнень эса, коса удость воспитанникне, яксесть занятияс класснень эса, лезнесть урокнень мархта, ванцть арушить мельге. Тонафнеихнень мельге ваномань целькс ульсь «кяльть, приличиять и вкуснень каршес» эльбятьксонь петемась, сяс мес тонафнихнень прянь вятемаснонды эрявсь ладямс рузонь дворянинть норманзон.
Сяда тов классонь вятемань институтть полафтомац ладяф 1864-це кизонь Уставса, кона сувафтозе классонь наставниконь институтть, а авань гимназиятнень эса — класснай даматнень. Классонь наставникнень тевсна арси аф надзорнайкс (тя функциясь ётай класснай наставникть лездыенцты), а воспитательнай характеркс[1].
1930-це кизоня СССР-са эвондась класснай групподонь должность. Тяда инголе группатнень эса воспитательнай работать тиендезь тонафтыхне. Классонь вятемань должностсь Советскяй Союзса Правительствать постановлениянц коряс ульсь сувафтф 1934-це кизоня. Сяда мельдень постановлениясь классонь вятить сувафтоманц колга 1960-це кизоста Сявомок Правительствать документонзон эса. Сяда тов образованиянь Министерствать классонь вятемать коряс документонза сёрматфт 1975-це кизонь методическяй сёрмасонза, а меле 2001-це кизоня. 1990-це кизотнень, мзярда лихтьфтольхть пионерскяй и комсомольскяй организациятне, класcонь вятиень функционалоц ламода юмафтфоль. Тяниень Пингонь Россияса классонь вятись ащи сотксокс шабать и учительхнень-предметникнень ёткса, школать и родительхнень ёткса, шабать и перьфпяльдень действительностть ёткса[2].
Европейскяй странатнень эса классонь вятемань институтсь мольсь-вятевсь тянди мала кить коряс. Германияса (нем.: Klassenlehrer), Франциияса (фр.: professeur principal), Скандинавиянь странатнень эса (швед.: Klasslärare) классонь вятихне ламошкада тисазь сяка жа тефнень, кода и российскяйхне. США-са классонь вятемась (анг.: homeroom teacher) ули аньцек начальнай школаса, сяда тов классонь вятиень обязанностть сявондьсазь эсь лангозост кураторхне, конат кемокстафт эрь ученикть мельге. Синь макссихть тонафнихненди рекомендацият предметонь кочкамаса, расписанияса, профориентацияса и вузу поступамаса[3]. Великобританияса эрь ученикть ваксс кемокстаф тонафты (анг.: tutor), кона ваны тонафнемаса сонь сатфксонзон мельге, спортаса и школань эряфсонза лия васттнень мельге[4].
Задачатне
Коджаспировать и А. Ю. Коджаспировонь редакцияснон ала педагогическяй валксса, класснай руководительсь (воспитательсь) — тя педагогическяй работник, кинь должностной обязанностьснонды сувси шабать индивидуальнай касоманцты и личностенц ладяманцты цебярь условиянь тиемать лездомац, сонь воспитаниянцты эрявикс коррективонь сувафтомась, прябалатнень решандамаса лездомась, конат эвондакшнихть шабатнень ёткса корхнемста, учительхнень, тядятнень-алятнень мархта, класснай коллективть организацияц и воспитандамац[5].
Рожковонь М. И. «Класснай руководительти» пособияса азовихть тяфтама шарьхкодемат: классонь вятись — школань педагогсь, кона пяшкотькшнесыне идень эряфть организаторонц, межличностнай отношениятнень корректорснон и школьнай эряфть стака деловой и психологическяй коллизиянзон эса эсь классонь воспитанникнень аралайснон,[6].
Классонь вятить задачазон эса сувсихть:
- Классть коллективонц пуроптомац и виияфтомац;
- Личностть виензаманцты цебярь психолого-педагогическяй условиянь тиемась, эрь ученикть эсь прянь кемокстамац, аф фкаксшинц ванфтомац и потенциальнай маштомошинзон панжемасна.;
- Эряфонь шумбра койхнень ладямасна;
- Классть коллективонц воспитающай деятельностенц разнообразнай форманзон вельде отношениянь системать пуроптомац.;
- Тонафнихнень праваснон и интересснон араламасна;
- Тонафнихнень мархта системнай покодемать ладямац;
- Тонафнихнень, тонафнихнень и лия тонафтыхнень ёткса соткснень гуманизациясна.;
- Ученикнень тиевомасна нравственнай смузень и духовнай ориентиронь;
- Тонафнихнень социальнай ширде эрявикс творческяй тевснон ладямац[7].
Обязанносттне
Классонь вятить васенце вастса ащи обязанностензонды сувси:
- Ученикнень маштомшиснон, синь прянь вятемаснон, сашендомаснон мониторингсна и анализ.;
- Тядятнень — алятнень мархта марстонь покодемась-родительскяй собраниянь ётафтомась;
- Конфликттнень решандамаса лезкссь, ня конфликттнень профилактикасна, тяконь лувксса, психолокнень, социальнай работникнень и правоохранительнай оргаттнень серьгядемаснон мархта;
- Класснай частонь ётафтомась, конатнень пингста ванондовихть тяниень пингонь кизефксне, пачфневи официальнай информация, арьсекшневи аф класса активность;
- Внешкольнай мероприятиятнень ётафтомаса лезксонь максомась-класснай экскурсиянь, музейхненди, театратненди походонь анокламась и стак тов.
- Документациянь вятемась, конань лемлувксонцты ули кода явомс эрь школать эса и ащи сянь эзда, кодама школаса педагогсь покоди[8].
Россияса
Российскяй педагокне получсихть классонь вятиень покодемать инкса эрь ковонь вельф пандома РФ-нь правительствать постановлениянц коряс, 2024-це кизонь 1-це мартста сявомок, вельф пандомась пачкотькшни 10 тёжятть цалковай населеннай пункттнень эса, коса эряй 100 тёжяньда кржа ломань, 5 тёжятть цалковай ошнень эса, коса эряй 100 тёжяньда лама ломань[9].
2020-це кизоста сявомок эрь кизоня ётафневи Марнек Россиянь классонь вятиень форум. Мероприятиять анокласы РФ-нь просвещениянь Министерствась президентть Владимир Путинонь мярьгоманц коряс. Форумть программас сувсихть образовательнай, дискуссионнай и культурнай пяльксне. Спикеркс и экспертокс выступандайхть содаф специалисттне. Педагокненди тя площадкась максси возможность полафтомс профессиональнай опытса[10].
Форумть меморандумозонза, сембода пяк, сувафтфт тяфтама аспектт:
- Цифровой грамотностсь, кода тяниень пингонь педагогть обязательнай компетенцияц;
- Шабатнень безопасностьсна образовательнай интернет — пространствань мирса;
- Внеурочнай деятельностсь, кода вии воспитательнай резерв;
- Класснай частсь-класснай руководительть и тонафнихнень фкя-фкянь мархта корхнемань форма;
- Класснай руководительть и тядятнень — алятнень ёткса партнерскяй сотксне-шабань касфтомань процессть целостностенц гарантоц[11].
Лятфтамат
- ↑ Е. В. Корябкина. Становление и развитие института классного руководства в России. cyberleninka.ru (2011). Дата обращения: 19 сентябрьста 2025.
- ↑ Матвиевская Т.Н. История института классного руководства(руз.) // Восьмое измерение : газета. — 2021. — 1 октябрь (№ 35). — С. 1.
- ↑ Система школьного образования в США. www.iqconsultancy.ru. Дата обращения: 20 сентябрьста 2025.
- ↑ Роль тьютора в организации воспитательного процесса в школах Великобритании. 2konferentsia.ucoz.net. Дата обращения: 20 сентябрьста 2025.
- ↑ Коджаспирова Г. М., Коджаспиров А.Ю. [https://irina-bateneva.ucoz.ru/books/kodzhaspirovy-pedagogicheskij_slovar.doc А.Ю. Педагогический словарь: Для студ. высш. и сред. пед. учеб. заведений.]. — М.: Издательский центр «Академия», 2000. — С. 38 с.. — 176 с. с.
- ↑ Классный руководитель (рус.). sh-vadinskaya-r66.gosweb.gosuslugi.ru. Дата обращения: 18 сентябрьста 2025.
- ↑ Об утверждении методических рекомендаций об осуществлении функций классного руководителя педагогическими работниками государственных общеобразовательных учреждений субъектов Российской Федерации и муниципальных ... (не нуждается в госрегистрации) от 03 февраля 2006 - docs.cntd.ru. docs.cntd.ru. Дата обращения: 20 сентябрьста 2025.
- ↑ Классный руководитель в школе: кто это, зачем нужен, обязанности и права, роль в образовательном процессе, Lenta.RU. Дата обращения: 20 сентябрьста 2025.
- ↑ Правительство утвердило постановления об увеличении размера выплат за классное руководство и кураторство (рус.). government.ru. Дата обращения: 18 сентябрьста 2025.
- ↑ Стартует прием заявок на V Форум классных руководителей (рус.). Минпросвещения России. Дата обращения: 20 сентябрьста 2025.
- ↑ Форум классных руководителей(рус.). Форум классных руководителей. Дата обращения: 20 сентябрьста 2025.
Литературась
- Классному руководителю: учеб.-метод. пособие / ред. М. И. Рожков. — Москва: Владос, 1999. — 280 с. — ISBN 5-691-00370-4.