Квадроберсь
| Квадробер | |
|---|---|
 | |
| Возникновение | 2020 |
| Распространение | Сембе масторлангса |
Квадро́бер лат. quattuor — «ниле» и анг.: aerobics — «аэробика») — ломань, кона шарфты мяль квадробикоать лангс, аф официальнай спортонь няфти, 7-14 кизоса шабань и подросткань субкультура. Квадроберхне кяшендьсазь шамаснон эрь кодама ракшань шамафксса и вятьсазь пряснон лацост[1]. Квадроберхнень эвондамасна обществаса кеподсть аф фкя лацонь корхтамат, конатненди поладсть философне, профессиональнай психолокне и психиаторхне, политикне. Россияса интересть квадроберхненди эждезе бизнессь, ушедсь ноляма теест эрь кодама товархт. Маркетплейснень эса эвондасть квадроберхненди эрь месть и эздост парфюмерия, искусственнай кедьста тиф паршихть, ярхцамбяльхть и лия товархт. Ноляви реклама нльня ся продукциять коряс, кона тя субкультурати аф кандови.
Лангсна и прянь вятемасна
Квадроберхне кочксесазь жуватань ся образть, конань мархта маряйхть фкаксши и крхкалгофнесазь образть шамафксса путневи мадяса, пилеса, пулоса. Сидеста щамонь пялькснень квадроберхне аноклакшнесазь синць, кой-конат эздост наряжакшнихть марнек жуватань костюмса и пряснон вятьсазь тя жуватать лаца[2], ётафнихть пинге лия квадроберхнень мархта, мушендсазь вастснон «полгонь» иерархияса. Улихть эрь кодама элементт, конатнень квадроберхне тиендсазь и тонафнесазь. Кепотьксонди, ардома, комотнема, тише лангса налхксема. Эсь персонажснонды, субкультурань кельгихне, арьсекшнихть историят, пуропнихть офлайн и онлайн кужет, васьфнихть, снимандайхть соцсеттненди роликти[3] и явондсазь фкя-фкянди тя тевса маштомошиснон [4].
Спортсь и субкультурась
Квадроберхне тиендихть аэробикань упражненият: фкя вастса ласькома, перяфкс вельф комотнема и сяда тов. Тяка пингть квадробекрхнень лангснон улихть субкультурати кандомань аф кржа эсь лацонь ширедост.Тяфтама шоряматнень инкса квадроберхнень аш кода кандомс спортсметтненди или аф формальнай движениянь представительхненди. Но улихть кепотькст, мзярда субкультурась касы спортивнай афкуксонь дисциплинакс, кепотьксонди, хоббихорсинг[5].
Квадроберхне, териаттне, фурриятне
Ланга ванозь квадроберхненди мала фурри субкультурась. Но улихть мзярошка принципиальнай явомат: квадроберхне ёрайхть видеста тиемс жуватань сембе прянь вятемать, фурриятне жа няфнесазь антропоморфнай (ломань лаца) жувататнень[6]. Квадроберхне сяда сидеста тиендихть аэробика, фурриятне эсь образснон нолясазь тевс творчестваса[8]. Квадроберхнень ёткса васьфневихть териатт или териантропне ломатть, конат аф аньцек вятихть пря жувата лаца, а лувсазь пряснон жуватакс[7].
Феноменть келиста содамац
«ВКонтакте» социальнай сетьса квадроберхненди лемтьф васенце сообществась эвондась 2022-це кизоня март ковста. 2024-це кизоти октябрь ковти покодсть тяфтама 46 группат 17 503 сёрматфт ломань мархта. Кда ваномс квадробинкть Рунетса келемкшнеманц лангс - эряви азомс, явлениясь занцесь аф сяшкава оцю васта. Аньцек 2024-це кизоня 31-це августста Надымса Mia Boyko морайть концерттонза меле, мзярда сценать лангс лиссь стирнясь-квадроберсь.
Ломаттнень ёткса арьсематне
Ломаттнень ёткса квадроберхнень колга арьсематне явихть. Кой-кит шабатненди налхксемать лувсазь эрявиксокс физическяй нагрузкать инкса и кемайхть, пингонь ётазь тя явленись машты [6]. Тяка пингть улихть содаф зиятт, мзярда квадроберхне врьгятькшнесть шабатнень, оцюфнень лангс и нльне сускондозь[8]. Кой-кона психолокне арьсихть, што квадробикати прафтомась корхтай шабать психическяй урманц колга[9]. Вяри касы шабатнень ёткса пингонь-пингонь квадроберхне повондыхть буллингу. 2024-це кизоня 8-це октябряста Россиянь и Армениянь иностраннай тевонь коряс министорхнень официальнай васедемаснон пингста Сергей Лавров кизефтезе Арарат Мирзоянонь, улихть или аш синь квадроберсна[10]. Мирзоян виденцясь, што тя уликсть колга содай. РФ-са Армениянь посолсь Гурген Арсенян пачфтезе, што Европань странава квадроберхне лувсазь прянь марямоснон башка «кода гендер»[11]. 2024-це кизоня октябрь ковста Воронежса ярхцамань общественнай вастса кармасть эвондакшнема эсь лацонь тяштть, конат карнесазь квадроберхненди сувамать. Заведениянь кирдить валонзон коряс, тяфтама тяштьксне сувама вастть видеса кармасть путневома, мзярда фастфудонь заведениятнень эзда фкясь арась тянди каршек и мярьгсь квадроберхненди сувсемс синь ярхцама вастозост: «од ломаттнень тяфтама налхксемаснон ширеснон кирнемасна цебярти аф вяти»[12].
Коень ладямась-мольфтемась
2024-це кизоня октябрь ковста Госдумань депутатсь Сергей Колунов азсь мяль сувафтомс тядятненди-алятненди квадробер-шабаснон инкса ответственность. Кепотьксонди, шачфтыхнень-касфтыхнень кядьста нельгомс родительскяй праваснон, водендакшнемс каршезост административнай или уголовнай отвеставенность. Мяль-арьсемать депутатсь кучезе Россиянь президентть видеса шабать праванзон коряс уполномоченнайть аппаратс[13]. 2024-це кизоня октябрь ковста Госдумань депутатонь пуромкссь ушедсть аноклама квадроберхненди 16 кизоста сявомок и аф совершеннолетняйхнень официальнай представительснонды Административнай кодексонь петькст. Ломаттнень и кудонь жувататнень лангс врьгятемать лувомс порядкань коламакс и наказамс 5 тёжятть цалковай штрафса. Кда квадроберсь 16 кизода ёмла, тядянзонды-алянзонзы воспитаниянь обязонностнень аф пяшкодеманкса вельф пандома - 500 цалковай[14]. Узбекистанонь МВД-нь даннайхнень коряс, шабатнень квадробикать лангс мялень шарфтомасна лувови кода шачфтыень-касфтыень обязанностень аф пяшкодема. Тянкса ули штраф 1,875 миллион синь ярмакснон коряс – российскяй ярмакнень коряс тя 14 тёжянть малава цалковай[15].
Рынкаса
Квадроберхненди товархнень вешфкссна Россияса 2024-це кизоть перьф кеподсь кемгафтувоксть, Петербургса - колмогемонь сисемксть, Москуса – пцтай нильгемонь ветексть. Маркетплейснень эса мишендевихть шамафкст, «мадят», пилет и пулот, куднят и мадома вастт, тонафнемань курсат, стилистонь услугат[16][17]. 2024-це кизоня октябрь ковста маркетплейсса эвондасть ярхцамбядьхть ломаттненди, конат шарфтыхть мяль квадробингти. Ярхцамбялть эса: сахар, какао вайнь полафкст - пальмоядровай вай, шоваф какао, коське лофца ведь, куяфтома коське лофца, кокосовай вай, какао-порошок экструдированнай крупань продукта ( рисовай крупа, тозеронь почф, сахар, какао-порошок, сал )[18]. Квадроберонди товаронь эсь лацонь ванома аноклась Фонтанка.ру газетась. Инь вешевиксокс лувовихть эсь кядьса тиф кочкафксне: мишендема васттнень эса искусственнай понаста пулотненди максови питне 200 сявомок 300 цалковайти молемс. Аньцек 1,5 метрань кувалмоса искусственнай кедьста тив пулотнень и пилетнень питнесна 6000—7000 цалковай. Парфюмерхне ладясть «афкуксонь квадроберти» танцти шиненянь производства, а тяфта жа меколанкт, квадроберонь эвфнемань шине (кемокстави, тя - грушань, арбузонь и марень шиненятне). Мишендевсть тренировканди пластикста тиф перяфкст (900—4000 цалковайхть), паршихть профессиональнай модельерхнень эзда - синь ульсть анокт анокламс щам 20 000—30 000 цалковайда. Стакшинь товаронь мишендихне тяфта жа ёрасть аф лядомс тяфта ащи тевть эзда шире «тигровай принт мархта понкснень кармасть мишендема кода „квадроберхненди понкст“»[19]..
Нинге кулят
Испанияса Виктор Мануэль спортивнай тренерсь ладясь «Тарзан»теввятема, коса тонафнесыне шабатнень вятемс пряснон, кода жувататне, сонь валонзон коряс тя лезды теест кемокстамсронгть и пряуень шумбрашить. Мануэль тянь коряс сёрмадсь няфтеманди курс и мишедсь сонь интернетса ярмак лангс[20].
Лятфтамат
- ↑ “Квадроберы: кому на самом деле они подражают и почему этого не нужно бояться // Новости НТВ”. НТВ. 2024-06-29. Дата обращения 2024-08-15.
- ↑ “Квадробика: что это и как заниматься, опасность тренда, почему хотят запретить в России”. Lenta.RU. 2024-07-05. Дата обращения 2024-08-15.
- ↑ Сходка квадроберов(рус.) (20 апрельста 2024). Дата обращения: 15 августста 2024.
- ↑ “Что такое квадробика: спорт это или нет”. РБК Life. 2024-05-23. Дата обращения 2024-08-15.
- ↑ “Скачки на деревянных лошадках стали видом спорта. Олимпиада ждет”. sport-express.ru. 2023-08-09. Дата обращения 2024-08-15.
- ↑ 1 2 “«Я — рысь, моя подружка — пантера»: чем опасно новое помешательство подростков — они надевают маски и прыгают на четвереньках”. НГС.ру. 2024-05-30. Дата обращения 2024-08-15.
- ↑ “Териантропы: кто это, чем занимаются, как выглядят, отличия от фурри и квадроберов”. Lenta.RU. 2024-07-12. Дата обращения 2024-08-15.
- ↑ “В Кандалакше девочка-«зверёк» укусила ребёнка”. 2024-06-18. Дата обращения 2024-08-15.
- ↑ “Психолог об увлечении детей квадробикой и терианством: «Уходят в вымышленный мир» | Ямало-Ненецкий автономный округ | ФедералПресс”. ФедералПресс. 2024-05-27. Дата обращения 2024-08-15.
- ↑ “Лавров объяснил, почему затронул тему квадроберов перед переговорами стран СНГ”. ОТР. 2024-10-08. Дата обращения 2024-10-09.
- ↑ “Лавров на встрече в Кремле рассказал коллеге из Армении про квадроберов”. РБК. 2024-10-08. Дата обращения 2024-10-08.
- ↑ “«Квадроберам вход запрещён». Воронежский ресторатор обезопасил заведения специальными наклейками”. Без формата. 2024-10-25. Дата обращения 2024-10-30.
- ↑ Депутат Колунов предложил ввести ответственность для родителей детей-квадроберов. ren.tv (3 октябрьста 2024). Дата обращения: 3 октябрьста 2024.
- ↑ "Приведут в чувство мам": названы будущие штрафы для квадроберов. mk.ru (10 октябрьста 2024). Дата обращения: 11 октябрьста 2024.
- ↑ В Узбекистане пригрозили штрафами родителям квадроберов. РБК (13 октябрьста 2024). Дата обращения: 15 октябрьста 2024.
- ↑ “Квадроберы атакуют: дети в масках наводняют российские города”. Росбалт. 2024-10-11. Дата обращения 2024-10-11.
- ↑ “Спрос стал массовым: в России зафиксирован 50-кратный рост продаж товаров для квадроберов | RB.RU”. rb.ru. 2024-10-11. Дата обращения 2024-10-11.
- ↑ На маркетплейсах появился корм для квадроберов. vm.ru (3 октябрьста 2024). Дата обращения: 3 октябрьста 2024.
- ↑ “Барьеры, духи и корм для квадроберов. Как из скандального детского хобби пытаются делать бизнес”. Фонтанка.ру. 2024-10-04. Дата обращения 2024-10-24.
- ↑ Living Life Like Tarzan(рус.) (11 ноябрьста 2022). Дата обращения: 19 ноябрьста 2024.