Казнень шись
| Казнень шись | |
|---|---|
 Паргонятне казне мархта роштувань кузть ала | |
| Типсь | Роштувань ила |
| Лиякс | Паргонь ши, Boxing Day |
| Ётафневи |
 Великобритания Австралия Канада Новая Зеландия Кирибати Самоа и лия вастова. |
| Датась | 26-це декабрьста |
| Празднование | 26-це декабрьста |
| Сотф | протестантскяй и католическяй Роштувать мархта |
 Казнень шись | |
Казнень ши (англ. Boxing Day) руз.: День подарков — ила, кона тяшnmкстави Великобританияса и лия Британскяй содружествань нациянь лия странатнень: Автралиянь, Новой Зеландиянь, Канадань, а тяфта жа Кирибати[1], Самоа и лия васттнень эса. Тя странаса «Казнень шись» васьфневи 26-це декабрьста.
Историяц и празднованияц
Англань кялень «Boxing day» валзюлмось рузонь кяльс ётафтови кода «Казнень ши», аньцек кда ваномс эрь валть смузенц, то ётафтови кода «Паргонь ши» (мяльс сявовихть паркне, ков путневихть казнетне).
Эряйхть мзярошка версият, кода эвондась илать лемоц:
1. Коень коряс Роштувань омбоце шиста Великобританияса семьятне марсезь паргоняс илань лядыкс ярхцамбяльхнень и аф питни казнетнень и каннезь сяряди и ашу ломаттненди. Пцтай фалу тяфтама гостенецнень аноклакшнезь и сяльде лезнесть явондомс ашуфненди шабатне.
2. Марнек сембе масторонь протестанттне и католикне эста тяштькстасазь христианскяй инь главнай илать Роштувать. Ладяф коень коряс декабрь ковонь 24-це шиста 25-це шить вес кузнять алу Санта-Клауссь путни казнет. Шобдава, мзярда сембе сргозькшнихть, васендакиге панчсесазь казне мархта паргоняснон. Кда семьясь оцю и лама шаба мархта, кудсь марнек пяшкотькшни шава паргса, конатнень шабатне сяльде куватьс аф эряскодыхть урядамс, сяс мес мяльсна шарфтф потмосост кяшфти. Улема сяс англань кялень странатнень эса илась лемдеви «Паргонь ши», аньцек ётафтомок валзюлмоть лия кяльхненди, састь мяльс кадомс «Казнень ши», сяс мес тя сяда лац кайги.
3. Эрси и лия версия. Арьсематнень коряс илась лемдевсь паркненди, конатнень казнень получайхне эряскодыхть мрдафтомс лавкав, штоба полафтомс мяльс аф туф паршить лиянь лангс (ламонц мишендемань васттне тянь нолясазь покодемасост ).
4. Мушендовихть ломатть, конат арьсихть, што валста валс илать лемоц ётафневи кода «Боксонь ши» (сяс мес спортонь тя видсь англань кяльса сёрмадови кода boxing), тя лемсь эвондась, мзярда Роштувань тяштькстама пуромфне кармасть кепсема мяльснон англань народонь коень колендемаса – боксти. Британскяй содружествань африканскяй ламонц странатне Казнень шиста афкукс ётафнихть профессионалхнень ёткса боксёронь поединкат.
5. Сире пинкнень аристократтнень ёткса ульсь примаф 26-це декабрьста вассалхнень и прислугатнень каземс казнеса и нолямс ваймама, сяс мес Роштуваста теест сашендовсь покодемс азорснон иласост.
6. 26-це декабрьста купецне явондсть сембонди, кие покодсь лангозост (мишендихненди, слугатненди, приказчикненди…) Роштувань эсь лацонь казнет – паргоняс мараф танцти ярхцамбяльхть. Кой-кие арьси, што тя ащи илать ушетксса[2].
Эрсихть нинге мзярошка версият, кода эвондась тя илась и явфтомс башка эздост фкять аш кода. Эряви азомс, што странаса, коса тяштькстави «Казнень илась» тянь лангс мяль аф шарфневи. Сатомшка ся, што тя католическяй Роштувань цебярь кой и шись лувови ваймаманнекс.
Спортивнай койхне
Футбол
Эрь кизоня Англиянь, Шотландиянь и Севернай Ирландиянь высшай лигань туронь футболонь матчне ётафневихть «Казнень шиста», и ваныхненди сембе матчнень коряс, конат ётафтовихть тя шиста, явовихть сёрматф программкат. Васенце пинкнень «Казнень шиста» ётафневсть налхкоматне аньцек маластонь клупнень ёткса, штоба налхкихнень и ваныхнень аф муцямс ламос лиематнень мархта[3]. 2018/2019 сезонцта тяфта цебярь койть ширенц кирдезе итальянскяй чемпионатсь: стадиоттне пяшкотькшневихть 69% процентс, декабрьста туронь показательхне сяда серихть[4].
Регби
Нинге профессиональнай регбить самда инголе, профессиональнай чемпионатонь учреждениятне Казнень шиста ётафнесть регбийнай матчт: тяфта, эрь кизоня ётафневсть «Лланелли» и «Лондон Уэлш» , а тяфта жа «Лестер Тайгерс» и «Барбарианс» клупнень ёткса налхкомат. 1990-це кизотнень самста Казнень шиста регбилигса матчень ётафтомасна ульсь стакшинь тевкс, сяс мес сезонць мольсь тялонда; аньцек ётамок кизонь пингти матчне кармасть ётафнема аньцек налхкомань кельгиень клупнень ёткса (фкясь эсздост «Уэйкфилд Тринити», кона Казнень шиста ётафни пялькстомат шабра клупнень мархта).
Крикет
Австралияса, Од Зеландияса и ЮАР-са Казнень шиста ётафневихть крикетса налхкомань Тестовай матчт . Эрь кизоня «Мельбурн Крикет Граунд» стадионца ётнихть специальнай тест-матч Австралиянь сборнайть и лия командатнень ёткса[5].
Паруснай спорт
Крикетса тестовай матчень ётафтомань тяка шиста Мельбурнца ушеткшнихть регата Сидней — Хобарт[6].
Ластя арнемат
Эрь кизоня Казнень шиста Суррейса ётнихть Ластя ардомат Георг VI корольть казненц лангс перяфкс мархта арнемань форматса (National Hunt racing) ипподромса Кемптон-Парк вастса. Аньцек Челтнемскяй зрнянь кубкань арнематне сядонга содафт. Тяда башка, тя шиня Велекобританияса ётафтовихть арнемаса официальнай сембода лама пялькстомада . (2016-кизоня эздост ульсь 8, а кда лувомс Ирландиять мархта -11)[7]. Тяфта жа Барбадосса Саванна гарнизонца (лувови ЮНЕСКО-нь марнек масторонь наследиякс) ётафневихть финальнай этапонь арнематне, конат ётнихть кемотть кизот.
Келаснень лангс охотендама
Великобританияса и США-са келаснень лангс охотань кельгихненди Казнень шись инь важнайхнень эзда фкясь. Сяс мес тя шиста васьфнихть келаснень лангс охотань пуроптыхне и охотникне. Васедематне ётнихть оцю ошнень и велетнень эса[8].
Шайба мархта хоккейса налхкомась
Эрь кизоня 26-це декабрьста сяви ушеткс од ломанень командатнень ёткса шаба мархта хоккейть коряс Миронь чемпионатсь (20-сь кизон кочкафне), а 23-це декабрьста ушеткшни швейцарскяй Давосса Шпенглеронь кубкац ХК «Давос», Канадань сборнайсь и европейскяй лия командань (клубонь и сборнаень) участникнень мархта. НХЛ-нь оцю лувксонь налхкоматне ётафневихть Роштувада инголе, Роштуваста и Казнень шиста. Тянь коряс соглашенияс саф 2012/2013-це кизонь локаутта меле, аньцек мзярда илась прашенды ёткшить лангс (эста матчне ётафневихть 23-це декабрьста)[9]. 2011-це кизоня Казнень шиста налхковсть 10 матчт[10].
Бокс
Нациянь содружествав сувси африкань странаса - Ганаса, Угандаса, Малавияса, Замбияса и Танзанияса Казнень шиста ётафневихть профессионалхнень ёткса боксёрскай фкя-фкянь мархта бороцямат, сяльде тя койть ширенц кирдезь Гвианаса и Италияса[11].
Топ мархта хоккейса налхкомась
«Святой Стефанонь шись» — «Казнень шить» лаца католическяй ила, кона тяшкстави тяка жа шиста и мала коень коряс. Сяс Стефанонь Первомученикть лятфнемань шить и «Казнень шить» сидеста шорясазь фкя фкянь мархта. Православнайхненди тя илась содаф кода Степанов день, тяштькстави 27-це декабрьста. Швецияса 26-це декабрьста ётафневи топ мархта хоккейматч, кона панчсесы топ мархта хоккейса налхкомань Швециянь чемпионатть и пуропни аф кржа ваныда: коень коряс налхкомась ушеткшни 13:15[12].
Ванк нинге
- Од кизось
- Кельме Атя
Литературась
Лятфтамат
Ссылкатне
- ↑ Фестивали и праздники на Кирибати / Travel.Ru / Кирибати. Дата обращения: 26 декабрьста 2009. Архивировано 25 августста 2011 года.
- ↑ День подарков (Великобритания, Австралия, Новая Зеландия, Канада) — Boxing Day. Дата обращения: 26 декабрьста 2009. Архивировано 10 декабрьста 2009 года.
- ↑ Fred Nathan (2016-12-26). “What is the history of Boxing Day football, how are fixtures determined and which fans must travel the furthest in 2016?”. The Sun. Архивонь ёткста оригинала 2019-08-21. Дата обращения 2017-12-25.
- ↑ Italy's Boxing Day. Sporvision.com. Дата обращения: 4 августста 2019. Архивировано 21 августста 2019 года.
- ↑ Qaiser, S Pervez (2017-12-25). “Boxing Day Test: Grand year-end event with rich cricket history”. Hindustan Times. Архивонь ёткста оригинала 2017-12-26. Дата обращения 2017-12-25.
- ↑ About the Race. Rolex Sydney Hobart Yacht Race. Дата обращения: 25 декабрьста 2017. Архивировано 26 декабрьста 2017 года.
- ↑ Racecards – 26th December 2016. Racing Post. Дата обращения: 4 августста 2019. Архивировано 22 декабрьста 2016 года.
- ↑ Hundreds of thousands turn out for Boxing Day hunts. London: The Daily Telegraph (26 декабрьста 2013). Дата обращения: 21 декабрьста 2014. Архивировано 21 августста 2019 года.
- ↑ National Hockey League CBA 101—not digital page 101 but the printed 101. National Hockey League. Дата обращения: 27 августста 2014. Архивировано 4 мартста 2014 года.
- ↑ NHL Hockey Schedule for December 26, 2011. Дата обращения: 27 августста 2014. Архивировано 3 сентябрьста 2014 года.
- ↑ Joel Millman. Season's Beatings: 'Boxing Day' Takes a Pugilistic Turn. The Wall Street Journal Asia (28 декабрьста 2009). Дата обращения: 14 ноябрьста 2011. Архивировано 21 августста 2019 года.
- ↑ Berndt Rosqvist. Festligt och fullsatt på stora bandydagen (швед.). Dagens Nyheter (22 декабрьста 2003). Дата обращения: 4 февральста 2010. Архивировано 15 октябрьста 2012 года.