Зинов, Николай Владимирович

Рувикиса улихть статьят лия ломанень колга, конань фамилияц Зинов.

Николай Владимирович Зинов
Шачема шиц	14-це сентябрьста 1924-це кизоня(1924-09-14)
Шачема вастоц	Симкина веле[d], Ардатовскяй уездсь[d], Симбирскяй Губерниясь[d], СССР
Кулома шиц	1-це июльста 1999-це кизоня(1999-07-01) (74 кизоц)
Принадлежностсь	СССР
Войскань родсь	пехота
Служама кизонза	1942—1955
Званияц	Старшай лейтенант
Частец	574-це стрелковай полксь
Сражениятне/войнатне	Великай Отечественнай войнась
Казненза и премиянза
Отставкаса	работал в охране

Никола́й Влади́мирович Зи́нов (1924—1999) шачсь Пензенскяй губерниянь Симкина велеса (тяни - Мордовиянь Оцю Березниковскяй районць) — Великай Отечественнай войнаса улись, Советскяй Союзонь Геройсь.

Эряфонь киц

Шачсь сокаень-видиень семьяса. Аделась школань кафкса класст, покодсь райземотделса статистикокс.

1942-це кизоста 24-це августста ульсь Советскяй Армияса. 1942-це кизоня октябрь ковста сувась комсомолу. 1943-це кизоня повсь фронту. Служась 121-це стрелковай дивизиянь 574-це стрелковай полконь пулемётнай расчётонь командиркс.

1943-це кизоня июль ковтса Зиновонь пулемётнай расчётоц потафтсь карша тюриень мзярошка врьгятнемада, машфтсть немецень 74 солдатт, мезьсь лездсь Советскяй часттненди аськолдамс инголи. 1943-це кизоня 29-це августста Сумскяй областень Глухов ошень районца расчётонц мархта каршек молихнень оборонаснон сяземста машфтсть немецкяй солдаттонь оцю группа.

1943-це кизоня 3-це октябрьста Киевскяй областень Ясногородка велеть маласа Днепрать виде трвасонза тюремать пингста Зинов сержантсь ульсь ранендаф, но тевонц ашезе када, кирдезе заняф вастть ширде лезксть самс, и машфтсь 20-да лама вражескяй солдат.

Сяльде идесь Украинать, Польшать эса, воявась Германияса. Ульсь кафксть ранендаф. Войнать шумордаманц сатозе Прагаса.

Войнада меле 1955-це кизоня октябрь ковста лиссь запасс старшай лейтенантонь званияса. Ниле кизот ульсь Ивано-Франковскяй областень Долина ошень ДОСААФ-нь районнай комитетонь вятикс, сяльде покодсь Горьковса автозаводса, меле Тольятти ошень предприятияса военизированнай охранаса.

Мрдась Саранск ошу. Кулось 1999-це кизоня 1-це июльста.

Казненза

• «Зрнянь Тяште» медаль ( №5827) — 17 октября 1943;
• Ленинонь орден;
• Отечественнай войнань I-це степенень орден;
• Отечественнай войнань II-це степенень орден;
• Якстерь Тяште орден;
• медальхть.

Лятфтамат

Саранск ошса 2009-це кизоня военнай и трудовой подвигонь мемориальнай музейса ётась выставка «Герой из Мордовии» Николай Зиновонь 85 кизонц топодеманцты.

Литературась

Игорь Сердюков. Николай Владимирович Зинов (рус.). Сайт «Герои страны». Дата обращения: 13 февральста 2015.

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.