Егорова, Любовь Ивановна

Любовь Ивановна Егорова
Любовь Ивановна Егорова
Эсь колганза
	аваломань[d]
Странась	СССР; Россия;
Специализациясь	соксса арни[d]
Шачема шиц	5-це майста 1966-це кизоня (60 кизоц)
Шачема вастоц	Северск[d], Томскяй областсь[d], РСФСР, СССР;
Серец	167
Сталмоц	58
Казненза и медаленза
Олимпийскяй налхкоматне]]
Масторлангонь чемпионаттне
Универсиадатне
Государственные награды
	Любовь Ивановна Егорова

Любо́вь Ива́новна Его́рова (Шачсь 5-це майста 1966-це кизоня, Северск^[d], Томскяй областсь^[d]) — советскяй и российскяй соксса арни, котонь крда олимпийскяй чемпионка, колмонь крда мастор лангонь чемпионка, Масторлангонь кубкань кирди (1993), СССР-нь спортонь заслуженнай мастер (1991), Россиянь спортонь заслуженнай мастер (1994), Российскяй Федерациянь Герой (1994). Политическяй тевонь тиись 2007-це кизоста сявомок.

Зрнянь казнень лувксснон коряс тялонь Олимпийскяй эса аватнень ёткса ащи Марит Бьёргенонь мельге (8) и омбоце вастть явсы Лидия Скобликовать мархта.

Эряфонь киц

Шачсь Северск пяктаф ошса. 13 кизоса ушедсь тонафнема соксонь спортса Николай Харитоновонь СССР-нь заслуженнай тренерть кядь видеса. 1983-це кизоня шумордазе средняй школать и поступась Томскяй государственнай педагогическяй институту физического воспитаниянь факультету. 1988-це кизоня ётась эряма Ленинграду.

Тренеркс национальнай сборнайса Николай Лопухов и Александр Грушин.

Дебютировандась Миронь кубкаса 1983/84 сезонца. Эсь васенце стартсонза 17-це мартста 1984-це кизоня финишти сась 14-цесь и сатозень кубкань васенце очканза (ласькомась 5 вайгяльбень кувалмоса классикакс Чехословакияса Штрбске-Плесо). СССР-нь сборнай командаса выступандакшни 1984-це кизоста сявомок. Спортсменкати васенце оцю сатфксокс арасть сиянь кафта и фкя бронзань медальхне тялонь XIII-це универсиадаса Штрбске-Плесоса. Миронь кубкаса соксоса ласькомаса 1989/90 сезонца шумордазе сезонть котоце вастса. Тя сезонца сон васенцеда кеподсь пьедесталти индивидуальнай гонкаса (20-це февральста 1990-це кизоня этапса Валь-ди-Фьеммаса сатозе омбоце вастть 10 вайгяльбень кувалмоса свободнай стильса.

1990/91 сезонца васенцеда арась масторлангонь чемпионкакс (руз.) (мок. индивидуальнай ласькомаса, сяськосе 30 вайгяльбень марафонть свободнай стильса итальянскяй Валь-ди-Фьеммаса. Сезонть пингста Егоровась нилексть шятнесь пьедесталть лангс Масторлангонь кубкань в различных эрь кодама ласькомаса, весть ульсь васенцесь марса командать мархта эстафетаса. Генеральнай классификацияса сатозе колмоце вастть, нолдамок инголи Вяльбень и Бельмондонь.

1991/92 сезонца Масторлангонь кубкаса ветексть сяськондезень подиумтнень (омбоце — колмоце васттне). Альбервилласа олимпиадать пингста сявозень медальхне сембе вете дисциплинатнень эса. Эрась колма крдань олимпийскяй чемпионкакс (индивидуальнай ласькомаса 15 вайгяльбень эстафетать лувксса классикаса), сяськсь кафта сият — 5 вайгяльбет классикаса и марафонца 30 вайгяльбе свободнай стильса. Масторлангонь кубкаса — колмоцесь.

Сатозе Масторлангонь кубкать соксонь ласькомаса (руз.) (мок. 1992/1993. Нилексть арсесь сяськикс индивидуальнай гонкаса, кафксть ульсь омбоцеь и весть колмоцесь. Шведскяй Фалунаса масторлангонь чемпионатса сявсь Зрня эстафетнай нилетнень ёткса, Сия 5 вайгяльбеса классикаса и кафта бронзат — пасьют 15вайгяльбе и 30 вайгяльбе (кафцьке ласькоматнень эса свободнай стильса).

1992/1993 Масторлангонь кубкаса кафксть сяськсь и нилексть шятнесь подиумтнень лангс. Олимпиадаса Лиллехаммереса аньцек Егоровась и Мануэла ди Чента]сяськсть чемпионскяй титулхт индивидуальнай ласькомаса. Эстафетаса сон тусь дласькома нилецекс свободнай стильса илихтезе Россиянь сборнайть васенце вастти. Тя Зрнясь сонь кочкафкссонза арась котоцесь. Массторлангонь кубкать аделазе омбоце вастса, нолдамок инголи ди Чентень.

1994/95 cезонть нолдазе Виктор цёранц шачеманкса.

1995/1996 сезонца нилексть ульс васенцесь Масторлангонь кубкаса.

1996/1997 Масторлангонь кубкаса Егоровась Тронхеймса масторлангонь чемпионатта ингольде эстафетать лувксса, кафксть занцесь вастт подиумса (весть эстафетаса). Чемпионатса васенце ласькомаса 15 вайгяльбе свободнай стильса занязе котоце вастть, кафта шида меле 5 вайгяльбет классическяй стильса арась чемпионкакс. Колма недяляда меле ульсь валхтф квалификацияц стимуляторда симоманкса, а зрнянь медальть сявозе Елена Вяльбе. Аф ваномок тянь лангс, мекольдень зачётса Миронь кубкаса Егорова сатозе 10 вастть.

1998/99 сезонца Егоровась мрдась дисквалификацияда меле. Фкя и сяка подиумсь (омбоце вастсь) сатозе эстафетать лувксса сезонть адеавомста. Сяда товонь колма сезонцта сатнесь сатфкст аньцек эстафетатнень лувксса. 2002/2003|сезонца шумордазе тевонц.

Сяда товолдонь тевонза

1994-це кизоня шумордазе Герценонь лемса Российскяй государственнай педагогическяй университетть, 1999-це кизоня — тостонь аспирантурать. тятфтажа шумордазе Северо-Западнай государственнай службань академиять.

Эряй Санкт-Петербургса, покоди проректоркс спортивной работать коряс П. Ф. Лесгафтонь лемса физическяй культурань, спортонь и шумбрашинь Национальнай государственнай университетса, педагогическяй наукань кандидат, теориянь и методикань лыжнай спортонь кафедрань профессор.

2007-це кизоста сявомок сотф политикать мархта. Сувась колмотнень ёткс, конат ульсть КПРФ-ть лемлувксса Законодательнай Собранияв кочкаматненди 11-це мартста 2007-це кизоня Санкт-Петербургса.

2007-це кизоста мартста — Санкт-Петербургонь Законодательнай Собраниянь депутат, Санкт-Петербургонь Законодательнай Собраниянь Представитель Почетнай граждаттнень мархта соксонь коряс, образованиянь, культуань и наукань коряс Законодательнай Собраниянь комиссияса улись.

2011-це кизоня баллотировандась «Единая Россия» партиять эзда Санкт-Петербургонь Законодательнай собраниянь V созывонь 49-це кочкамань округть эзга. Кочкась 46,79 % кочкаматнень итогснон коряс. Оду кочкаф депутаткс Законодательнай собраниянь VI созывонь. Арась законодательствань комитетонь сувафтфкс и образованиянь, культурань и наукань комиссияса уликс.

2016-це кизоня лихтезе эсь 21 кизоса цёранц Виктора Сысоевонь ЛДПР партиять эзда Санкт_петербургонь Законодательнай Собраниянь депутаткс. Сон арась сембода од депутаткс ошень Заксобраниять сембе эрямопингстонза^[1].

2019-це кизоня сувафтф Российскяй Федерациянь Вооруженнай Виень рекордань Книгати.

Семьяц

Явф. Тядонгольдень мирдец - Игорь Сысоев. Цёранза - Виктор (шачсь 1994 кизоня, Санкт-Петербургонь VI созывонь Законодательного собраниянь депутат, член фракции Россиянь Либерально-демократическяй партиянь фракцияв сувафтфсь) и Алексей (шачсь 2006)^[2].

Масторлангонь кубкань результаттне

Сезонць	Генеральнай зачетсь		Дистанционнай виттне		Спринтсь
Сезонць	Очкатне	Вастсь	Очкатне	Вастсь	Очкатне	Вастсь
Масторлангонь кубкась соксса ласькомаса\|1983/84	7	45.	-	-	-	-
Масторлангонь кубкась соксса ласькомаса\|1987/88	19	29.	-	-	-	-
Масторлангонь кубкась соксса ласькомаса\|1988/89	6	42.	-	-	-	-
Масторлангонь кубкась соксса ласькомаса\|1989/90	94	6.	-	-	-	-
Масторлангонь кубкась соксса ласькомаса\|1990/91	126	3.	-	-	-	-
Масторлангонь кубкась соксса ласькомаса\|1991/92	152	3.	-	-	-	-
Масторлангонь кубкась соксса ласькомаса\|1992/93	760	1.	-	-	-	-
Масторлангонь кубкась соксса ласькомаса\|1993/94	740	2.	-	-	-	-
Масторлангонь кубкась соксса ласькомаса\|1994/95	-	-	-	-	-	-
Масторлангонь кубкась соксса ласькомаса\|1995/96	690	5.	-	-	-	-
Масторлангонь кубкась соксса ласькомаса\|1996/97	271	10.	96	9.	135	9.
Масторлангонь кубкась соксса ласькомаса\|1997/98	-	-	-	-	-	-
Масторлангонь кубкась соксса ласькомаса\|1998/99	38	41.	20	36.	18	54.
Масторлангонь кубкась соксса ласькомаса\|1999/2000	310	14.	82 206	14. 11.(средние дистанции)	22	39.
Масторлангонь кубкась соксса ласькомаса\|2000/01	188	22.	-	-	58	26.
Масторлангонь кубкась соксса ласькомаса\|2001/02	263	17.	-	-	86	21.
Масторлангонь кубкась соксса ласькомаса\|2002/03	132	34.	-	-	27	44.

Казненза

Российскяй Федерациянь Герой (22-це апрельста 1994) — спортса оцю сатфксонкса, мужестванкса и героизманкса, тялонь XVII-це Олимпийскяй налхкоматнень пингста 1994-це кизоня.
«Отечествать инголе оцю сатфксонкса» орден IV-це степенень (25-це майстп 2015) — за большой вклад в социально-экономическое развитие Российской Федерации, достигнутые трудовые успехи, активную общественную деятельность и многолетнюю добросовестную работу^[3].
Северск ошень (Томская областсь) шнама гражданин (1992), Санкт-Петербургонь шнама гражданин (1994) и Томскяй областень шнама гражданин (2005).

Ванк нинге

Тялонь Олимпийскяй чемаиононь лемлувкссь Россиять эзда, ОСР и ОКР командань

Лятфтамат

↑ Любовь Егорова тащит в ЗакС своего сына по списку ЛДПР (неопр.). Дата обращения: 24 сентябрьста 2025. Архивировано 23 июньцта 2021 года.
↑ Егорова Любовь Ивановна (рус.). ТАСС.ру. Дата обращения: 24 сентябрьста 2025.
↑ Указ Президента Российской Федерации от 25 мая 2015 года № 263 «О награждении государственными наградами Российской Федерации» (неопр.). Дата обращения: 24 сентябрьста 2025. Архивировано 29 майста 2015 года.

Литературась

Симонов А. А., Чудинова С. В. Женщины — Герои Советского Союза и России. — Москва: Фонд «Русские Витязи», Музей техники Вадима Задорожного, 2017. — С. 286—287. — 352 с. — ISBN 9785990960701.

Ссылкатне

Любовь Егорова — олимпийская статистика на сайте Sports-Reference.com(анг.)
Любовь Егорова

[1] Любовь Егорова тащит в ЗакС своего сына по списку ЛДПР (неопр.). Дата обращения: 24 сентябрьста 2025. Архивировано 23 июньцта 2021 года.

[2] Егорова Любовь Ивановна (рус.). ТАСС.ру. Дата обращения: 24 сентябрьста 2025.

[3] Указ Президента Российской Федерации от 25 мая 2015 года № 263 «О награждении государственными наградами Российской Федерации» (неопр.). Дата обращения: 24 сентябрьста 2025. Архивировано 29 майста 2015 года.

[1]

[2]

[3]