ЕГЭ

Рувики лопаста

Государствань марстонь экзамен (ЕГЭ) — фкя пингста ётафневи Россиянь Федерацияса экзамен эрь кодама тонафнемань васттнень эса — школатнень, лицейхнень и гимназиятнень, ГИЯ-тне ётафневихть марстонь средняй образованиянь тонафнема программатнень коряс[1]. Тя экзаменць моли кода школань аделамань экзамен и сяка пингть, кода вузу тонафнема ётамань экзамен. 2013-це кизоти самс сон мольсь стане жа кода ссузу (тонафнемать колга од закоттнень коряс синь лоткафтфтольхть) тонафнема ётамань экзамен. Тя экзаменца марнек Россиянь масторга нолявихть тевс фкя лацонь заданият и работатненди оценкань путомань фкя лацонь метотт. 2009-це кизоста сявомок ЕГЭ-сь арась школань аделамань экзаменонь фкя така формакс и вузу тонафнема ётамань экзаменонь сембода сидеста ноляви тевс формакс, тяка пингть ули кода максомс ЕГЭ-ть тага весть лия кизоня. ЕГЭ-сь ётафневи рузонь кяльть коряс, математикать, омба масторонь кяльхнень коряс (англиянь, немецонь, французонь, испаниянь, китаень), физикать, химиять, биологиять, географиять, литературать, историять, обществознаниять, информатикать коряс[2][3][4]. 2015-це кизоня математикать коряс экзаменць явфоль базовай и профильнай уровеньга[5]. Математикань базовай уровенць эряви максомс сятненди, кит аф ёрайхть сяда тов тонафнемс высшай тонафнемань заведениятнень эса атестатонь получаманкса или мяльсна поступамс ся вузу, коса аф эряви «Математика» предметсь. Профильнай уровенць эряви сятненди, кит ёрайхть поладомс тонафнемаснон вузса, коза поступаманкса эряви «Математика» предметсь. 2016-це кизонь сёксеня амурскяй аймаконь школаса тонафнихне варжазь максомс ЕГЭ-ть китаень кяльть коряс марнек Россиянь маштабса. 2019-це кизоста сявомок Россиянь Федерацияса сувафтфоль китаень кяльть кряс ЕГЭ-сь[6]. 2024-це кизонь 6-це июньста ЛДПР, КПРФ и СРЗП фракциянь депутаттне макссть Думав законопроект полафтомс ЕГЭ-ть госэкзамен вастс, конат ётнесть инголи[7].

ЕГЭ Выбор будущего!.jpg
Бланк ЕГЭ 2009 года для ответов на блоки A и B экзамена


Кода сувафневсь ЕГЭ-сь[петнемс | Петнемс лисьмапрянц]

Васенцеда ЕГЭ-ть сувафтоманц коряс эксперименць ётафтовсь 2001-це кизоня Чувашия, Марий Эл, Якутия республикатнень эса, а стане жа Самарань и Ростовонь областтнень эса тонафнемань кафкса дисциплинань коряс [8]. 2002-це кизоня государствань марстонь экзаменть сувафтоманц коряс эксперименць ётась мастороньконь 16 аймакса [9]. 2003-це кизоня эксперименць фатясь РФ-нь 47 субъект, а 2004-це кизоня — странань 65 регион [10]. 2006-це кизоня ЕГЭ-ть максозь 950 тёжянь школаса тонафни Россиянь 79 аймакса. 2008-це кизоня сонь сёрмадозь миллионда лама тонафни марнек Россиять эзга. 2001—2008 кизотнень пингста кодама предметтонь коряс ётафнемс ЕГЭ-ть эрь регионць кочксезе сонць. ЕГЭ-ть колга мяльть арьсезе министрсь Владимир Филиппов, а тевс нолдазе Владимир Хлебников [11]. ЕГЭ-ть ётафнесы Наукань и образованиянь сферать мельге ваны федеральнай службась марса Российскяй Федерациянь субъектонь исполнительнай властень оргаттнень мархта, конат вятьсазь тонафнемань сферать [12]. 2023-це кизонь 17-це ноябрьста Рособрнадзоронь оцюнясь пачфтезе, што 2026 кизоти самс систематне, конат сотфт ЕГЭ-ть ётафтоманц мархта, кармайхть вятевома эсь масторонь программань обеспечениятнень коряс [13]. 2023-це кизонь 29-це ноябрьста Рособрнадзоронь оцюнясь Анзор Музаев ашезь мярьге ётафтомс ЕГЭ-ть онлайн-форматс маластонь 5-10 кизотнень пингста [14].

Кода ладяфт заданиятне и мезе эзост путф[петнемс | Петнемс лисьмапрянц]

ЕГЭ-нь заданиятне лемневихть контрольно-измерительнай материалкс (КИМ-кс), конат сёрматфт-арьсефт Педагогическяй измерениянь федеральнай институтть мархта. Васенда ламоц предметтнень коряс заданиятне явондовсть колма пяльксова (блокова): А, В, С.

А пяльксти сувсесть текстонь заданият, конатнень эса максфоль ниле ответт, конатнень эзда эряви кочкамс фкя. В пяльксонь эрь заданияти эрявсь максомс нюрьхкя ответ, кона ащи фкя или мзярошка валста, букваста или числаста. А и Б пяльксонь заданиянь ответтнень сёрматкшнесазь эсь лацонь бланкас, конат проверявихть компьютерса. С пялькссь ащесь фкя или мзярошка заданияста, конатненди эрявсь отвечамс келиста (кепотьксонди, эряви тиемс задача, сёрмадомс сочинения максф тема лангс или келиста отвечамс кизефкс лангс). С пяльксонь заданиятнень ответснонды путыхть питне экзаменонь региононь комиссиять экспертонза. С пяльксонь КИМ-нь заданиятненди сувафтфт оценкань путомань критериятне, конат лемтьфт эксперттненди. КИМ-тнень кой-кона предметтнень коряс улихть эсь лацонь ширьсна. Кепотьксонди, литературать и математикать коряс (2010-це кизоста сявомок[8]) КИМ-тнень эса аш заданият, коса эряви кочкамс ответ. Омба масторонь кяльхнень коряс КИМ-тнень эса ули тяфтама пялькс, коса тонафнити эряви кулхцондомс тексть аудиос сёрматфста омба масторонь кяльса и отвечамс кизефкснень лангс тя тексть коряс. 2015/2016 тонафнема кизотнень сембе предметонь КИМ-тнень эзда сявфтольхть заданиятне, коса эрявсь кафта варианттнень эзда кочкамс фкя ответ (инголи — «А» пялькссь), сяда келептьф 1-це пялькссь (инголи «Б») и полафтфт 2-це пяльксть заданиянза. Ся, мезе сувси КИМ-тненди ванови колма документонь коряс, конат кемокставихть Рособрнадзорть мархта сёксенда: КИМ-нь содержаниянь элементонь кодификаторса, экзаменть спецификацияса и экзаментть демоверсияса. Сяс КИМ-тнень структурасна, формасна и ся, мезе сувси эзост, инголькиге ладяфт и синь аш кода полафтомс[9][10]. Таблицаса максфт коттне, заданиятнень лувкссна и васенце сембода оцю баллсь 2013-це кизонь [16] ЕГЭ-са. Экзаметтнень пингсна-кувалмосна максфт 2019-це кизонь ЕГЭ-са. Стане жа сувафтфт сембода кржа баллонь лувкссь (удовлетворительнай оценкань алдонь китькссь), кона макссеви тестонь баллса.

Кодсь Предметсь Молемац
(минутат)		 Заданиясь
A блокса		 Заданиятне
B блокса		 Задания
C блокса		 Сембода лама
васенце баллсь		 Сембода кржа
баллсь 2011-це кизоня 		Сембода ёмла баллсь 2023-це кизоня
1 Рузонь кяль 210 30 8 1 64 36[11] 40
2 Математика(базовай/профильнай) 180/235 0 15 6 32 24[12] 39
3 Физика 235 25 4 6 51 33[13] 39
4 Химия 210 28 10 5 65 32[14] 39
5 Информатика и ИКТ 235 13 15 4 40 40[15] 44
6 Биология 235 36 8 6 69 36[16] 39
7 История 180 21 13 6 58 30[17] 35
8 География 180 24 13 6 54 35[18] 40
9 Англань кяль 190+17 28 16 2 80 20[19] 30
10 Немецонь кяль 190+17 28 16 2 80 20[19] 30
11 Французонь кяль 190+17 28 16 2 80 20[19] 30
12 Обществознание 210 20 8 9 59 39[20] 45
13 Испанонь кяль 190+17 28 16 2 80 20[19] 30
18 Литература 235 0 12 5 42 32[21] 40
19 Китайскяй кяль 180+14 30

Сембода кржа баллхнень колга информациять 2009—2011-це кизотнень коря ули кода няемс ЕГЭ-нь официальнай сайтстаОфициальнай сайт ЕГЭ. Математикать коряс экзаметтнень эса базовай и профильнай уроветтнень эса аш заданият, коса эряви кочкамс ответ. 2024-це кизоста сявомок рузонь кяльть коряс ЕГЭ-са тонафнихненди мярьгондеви кодамовок фкя заданияса нолдамс кепотькс вастс: компьтеронь налхксемань, анимень, мангинь, комиксонь сюжет[22]. 2025-це кизоста сявомок кармай аф мярьгондевома рузонь кяльть коряс ЕГЭ-са сочинениянь пяльксса сявондемс кепотькст комикснень, аниметнень, фанфикнень и компьютеронь налхксематнень эзда[23].

ЕГЭ-нь бланкатне[петнемс | Петнемс лисьмапрянц]

  • Регистрациянь бланкась ноляви тевс экзаменонь участникнень тяштькстамаса-сёрмадомаса.
  • Ответонь № 1 бланкати сёрматкшневихть А и Б пялькснень заданияснон ответсна.
  • Келиста максови ответтненди, конатне молихть С пяльксонь заданиятненди ноляви тевсответонь № 2 бланкась; кда кагодса вастсь ашезь сата экзамен сёрмадыти максовиответонь № 2 башка бланкась.

ЕГЭ-нь сембе бланкатнень келесна-кувалмосна 210 мм × 305 мм[32]:[24]:

  • Регистрациянь бланкась

    Регистрациянь бланкась

  • Ответонь № 1бланкась

    Ответонь № 1бланкась

  • Ответонь № 2 бланкась

    Ответонь № 2 бланкась

  • № 2 ответонь полатксонди бланкась

    № 2 ответонь полатксонди бланкась

Кагодть лангса ули кода сёрмадомс кода шама пяльде, стане жа мек пяльде:

  • № 2 банкать омбоце ширецов

    № 2 банкать омбоце ширецов

  • № 2 ответонь полатксонь бланкать омбоце ширец

    № 2 ответонь полатксонь бланкать омбоце ширец

Оценкань путомась[петнемс | Петнемс лисьмапрянц]

ЕГЭ-нь тиф эрь заданияти максови 1 или сяда лама балл. Тя баллхнень марстонь лувкссна тисазь экзаменонь максыть васень (первичный) баллонц. Васень баллхнень лувкссна кой-кона предметтнень коряс аф фкат, кепотьксонди, 2012-це кизоня математикать коряс ЕГЭ-са сембода кржаль васень балда (32 васень балл), а сембода ламоль — биологиянь ЕГЭ-са (69 васень баллхт) и омба масторонь кяльхнень коряс (80 васень валл). Сяда тов вановихть эсь ётковаст васень и тестонь баллхне (тяса тестонь инь оцю баллсь фалу 100). Васень баллонь тестоннетненди ётафтомань шкалась ащи сянь эзда кода сёрмадозь ЕГЭ-ть сембе сёрмадыхне, тиендеви статистическяй анализ, конань ётафнесы компьютеронь башка программа[25]. Тя шкалась аф фкя лаца предметтненди, кепотьксонди, 2020-це кизоня рузонь кяльть коряс экзаментса 30 васень баллхне 58-ста ётафневсть 54 тестонь баллкс, а математикань экзаменца 10 васень баллхне 32-ста ётафневсть 50 тестонь баллкс[26]. Тя баллонь ётафтомань шкалать эсь лацонь ширец ащи аф линейностьса. Тяфта 2030-це кизоти самс работатнень кармайхть ваномост компьютерхне, тянь лангс надияйхть экзаменонь материалхнень аноклайсна. Ся пингс искусственнай интеллектть виец касы стане, што сон кармай маштома максома питне тонафнихнень келиста сёрматф ответснон лангс. Педагогическяй измерениянь федеральнай институтсь вяти тефт тянь коряс[27].

Результаттне[петнемс | Петнемс лисьмапрянц]

ЕГЭ-нь ётафтомста ульсь тяфтама пинге, мзярда экзаметтнень результатснон ульсть кода ваномс сайтста, эрявсь аньцек сёрмадомс экзаменонь максыть паспортонц. 2009-це кизоня Рособрнадзорсь атказась тянь эзда «персональнай даннаень араламанкса»[28], сяс мес ЕГЭ-нь результаттнень лихнезень-няфнезень частнай компания. Сембе сяка экзаменонь результаттне улихть кода ваномс Интернетста, синь лихнесазь-няфнесазь информациянь кочкай-латци региононь центратне (РЦОИ). ЕГЭ-нь результаттнень публиковандамань сервист улихть РФ-нь аф сембе субъекттнень эса.

Школань аделайхне, конатненди ашезь максов экзаменць васенцеда[петнемс | Петнемс лисьмапрянц]

Кизось Рузонь кяль Математика
2013[29] 2,2 % 7,6 %

2024-це кизонь 29-це февральста Россиянь президентсь Владимир Путин азозе, што кармайхть полафкст ЕГЭ-нь омбоцеда максомань коряс. Сон азсь мяль тиемс стане, штоба тонафнихненди улель кода кодамовок фкя предметть коряс экзаменць максомс нинге весть, вузу тонафнемда молемда инголе, мзярс ашезь аделав приёмнай кампаниясь [38]. 2024-це кизонь 6-це мартста Рособрнадзоронь оцюнясь Анзор Музаев азозе, што одукс максомс ЕГЭ-нь кодамовок фкя предметсь ули кода 2024-це кизонь июньцта сявомок[30]. 2024-це кизонь 3-це апрельста РФ-нь премьер-министрсь Михаил Мишустин азозе, што одукс максомс ЕГЭ-нь кодамовок фкя предметсь 2024-це кизоня ули кода 4 и 5 июльста[31]. 2024-це кизонь 4-це апрельста ульсь максф ЕГЭ-2024 проектть расписанияц, коза сувафтфтольхть и одукс экзаменонь максомаське. 4-це июльста ульсь кода одукс максомс информатикать, обществознаниять, рузонь кяльть, физикать, химиять и омба масторонь кяльхнень коряс экзаменть письменнай пяльксонц. 5-це июльста ульсь кода одукс максомс биологиять, географиять, базовай и профильнай математикать, историять, литературать и омба масторонь кяльхнень коряс экзаменть устнай пяльксонц[32]..

2024-це кизонь результаттне[петнемс | Петнемс лисьмапрянц]

2024-це кизоня Россиянь фкя тонафнись максозе ЕГЭ-ть 400 баллс. Сембода цебярьхть баллонза 1580-це № Бауманонь инженеронь школать тонафниенц Александра Оглоблинать. Сон макссь экзамен рузонь кяльса, профильнай математикаса, физикаса и информатикаса[33]. Нинге Россиянь 42 школьник макссть ниле экзаметт 300 баллс, 200 баллс — 648 тонафни[34]. Порядкань коламанкса ЕГЭ-ста, Рособрнадзорть пачфтеманц коряс, 2024-це кизоня ульсь паньф 768 тонафни[35].

Результаттнень коряс апелляциятне[петнемс | Петнемс лисьмапрянц]

Апелляциясь ванондови кафта случайста[36]:

ЕГЭ-нь ётафтомань порядкань коламанкса[петнемс | Петнемс лисьмапрянц]

Апелляциять ЕГЭ-нь ётафтомань порядкань коламанкса общеобразовательнай предметть коряс ЕГЭ-нь участниксь макссы экзаменонь ётафтома шиня апак тушентт экзаменонь ётафтома вастста государствань экзаменонь комиссияв уполномоченнай сувсити. Кда апелляциять прняндазь, ЕГЭ-нь сёрмадыть результатонза аф лувовихть, и теенза мярьгондеви максомс ЕГЭ-ть лия шиста, ваномок уликс расписаниять лангс. Путф баллхнень мархта аф согласиндамась Эста апелляциясь эряви максомс ЕГЭ-нь результаттнень азондомда меле кафта шиньботмоста. Эста оценкась кармай одукс вановома (сяконь лаца баллхнень лувксснон кирьфтамоснонга шири). Кда афкукс мувсть эльбятькст ЕГЭ-нь сёрмадыть работанц проверямста, эста конфликтнай комиссиясь пачфти тянь колга РЦОИ-ти, штоба баллхнень луволезт нинге весть.

ЕГЭ-сь кода школань аделамань экзамен[петнемс | Петнемс лисьмапрянц]

2009-це кизоста сявомок, школань аделайхне максыхть кафта обязательнай экзаметт: рузонь кяльть и математикать коряс[37]. Тонафнихне нолдавихть экзаменц эста, кда синь фкявок предметонь коряс аш «кафтосна» марнек кизонь оценкатнень ёткса. Рузонь кялень ЕГЭ-ти нолявихть сятне, кит сёрмадозь итоговай сочинениять, кона ётафневи тонафнема кизонь декабрьста. Тонафнити тя экзаметтнень коряс эряви сатомс эрявикс баллх, аф сяда кржа ся лувкссть коряс, конань латцесы Рособрнадзорсь. Кда тонафнись сяви «кафта» и рузонь кяльса, и математикаса, эста теенза сави одукс максомс ЕГЭ-ть аньцек сай кизоть. Кда школань аделайсь сявсь фкя «кафта», а меле тя предметть коряс одукс максозе экзаменть, сон получасы полнай средняй образованиять коряс аттестатонц. Школань аделайхненди мярьгондеви максомс мзяра мяльсна ЕГЭ лаца дополнительнай экзамен, синь результатсна кодавок аф шоряй аттестатонь получамати. Аттестату молихть ся оценкатне, конатне путфтольхть мекольце кафта кизотнень пингста, аф ваномок сянь лангс, мезе тонафнись сявсь ЕГЭ-са.

ЕГЭ-нь результаттнень коряс ВУЗу тонафнема повомась[петнемс | Петнемс лисьмапрянц]

2009-це кизоста сявомок ВУЗу тонафнема повомась вятеви ЕГЭ-нь результаттнень коряс (тяза аф сувсихть военнай специальносттне и специальносттне, конат сотфт государственнай тайнать мархта)[38]. Штоба поладомс тонафнемать ВУЗ-са эряви максомс ЕГЭ-т. Поступаманди экзаметтнень лувксснон кемокстакшнесыне Наукань и образованиянь министерствась, эрь специальностти эряви максомс ниле экзаметт (кой-мзярда колма или вете). Рузонь кяльсь эряви сембе специальносттненди, а вов математикась аф сембонди. ЕГЭ-нь результаттне вийсот ниле кизот. Кит получазь ЕГЭ-нь результаттнень и сявозь служама армияв, синь вийсот вете кизот[39]. Башка экзаметт ётафнихть вузне ся специальносттненди поступаманкса, коза эрявихть абитуриенттнень эзда кодама-бди творческяй, психологиянь ширде, ронгонь-пондонь ширде эсь лацонь ширьхть. Синь ётафневихть колма ЕГЭ-да башка. Тяфтама специальностень лувкссть кемокснесы Наукань и образованиянь министерствась[40].

Кой-кона вузненди мярьгондеви ётафнемс профильнай башка экзаметт. Тя вузнень лувксснон, конатненди мярьгондеви тянь тиендемс и ётафтомань порядкать кемокснесы РФ-нь Правительствась[41]. 2009-це кизоня вузу ётамань башка экзаметт кой-кона специальностень коряс ётафнесть 24 вуз[42]. Экзаменфтома сявондевихть вузу тонафнема Марнек Россиянь школьниконь олимпиадатнень мекольце этапонь сяськихне и призёрхне[43]. Специальносттненди, конатне сотфт физкультурать и спортть мархта, экзаменфтома сявондевихть Олимпийскяй налхкомань чемпиоттне. ЕГЭ-тне сяда тёждялгофтсазь вузу повомать ся тонафнихненди, конат эряйхть велеса и ичкоздень аймакнень эса. Абитуриентти ули кода максомс заявления вузу и пункстамс теенза ЕГЭ-нь результаттнень почта или интернет вельде, аф эряви башка сашендомс вузу тя тевонкса. Тяда башка, ули кода максомс заявления мзярошка вузс. 2009-це кизоня арась кода ЕГЭ-нь результаттнень коряс поступамс фкя пингоня лама вузс. Тянкса ламоль абитуриентта, тя арась туфталкс мянь колмоксть поступайхнень лувксснон ваноманди (вузу ётамань баллхне пингонь ётазь кирьфневсть, и тя лисендсь сятнень сюнеда, конат кочксезь лия вузнень). Вузу поступамась максфоль схема лаца[44]. 2023-це кизонь 26-це сентябрьста РФ-нь Минобрнауки-сь кемокстазень ЕГЭ-нь сембода кржа баллхнень, конатнень вельде ули кода поступамс Россиянь вузненди 2024/25 тонафнемань кизоста[45][46]:

Общеобразовательнай предметсь Сембода кржа баллонь лувкссь
Рузонь кяль 40
Математика 39
Физика 39
Обществознание 45
История 35
Информатика и информационно-

коммуникационнай технологиятне

44
Омба масторонь кяль 30
Литература 40
Биология 39
География 40
Химия 39

2024-це кизонь 21 октябрьста Россиянь Минпросвещениясь нолдазе приказонь проектть, коса корхтави ЕГЭ-нь сембода кржа баллхнень лувксснон кемокстамаснон колга, конат эрявихть Россиянь вузненди поступаманкса 2025—2026 тонафнемань кизоста. Полафкст улихть обществознаниять и рузонь кяльть коряс: сембода кржа баллсь обществознаниять коряс ульсь нолдаф алу 45-ста 42-с, а рузонь кяльть коряс кепотьфоль 40-ста 42 -ти[47].. Ламоц омба масторонь вузне Россиянь аттестат мархта абитуриенттнень аф сявондьсазь: средняй образованиянь Россиянь стандартсь шивалгома ширень масторхнень эса педа пес аф прняндаф.

ЕГЭ-нь результаттнень коряс ССУЗ-у поступамась[петнемс | Петнемс лисьмапрянц]

2009-це кизоста сявомок средняй профессинальнай образованиянь учреждениятненди сявондихть ЕГЭ-тнень коряс. Эряви максомс кафта экзаметт[48]. Рузонь кяльфтома аш кода, а омбоце экзаментть тонафнись кочкасы сонць, кда поступаманди экзаменонь лувксса колма или сяда лама экзамен[49]. Кой-кона специальносттненди, коза эрявихть тонафнихнень эзда творческяй асушит, ронгонь-пондонь и психологическяй кодама-бди эсь лацонь ширьхть, ссуз-хне стане жа ётафнихть башка экзаметт или творческяй пялькстамат.

ЕГЭ-ть перьфке корхнематне[петнемс | Петнемс лисьмапрянц]

Государствань марстонь экзаметтнень перьфкя корхнематне-спорсематне аф лотксихть 2001-це кизоста сявомок, кодак синь аньцек ушедсть нолявома тевс. Сембода оржаста стясь тя кизефкссь 2008-це кизоня, мзярда ЕГЭ-нь максома ушедсть сембе аймакова и пцтай сембе школань аделайхне. ЕГЭ-ть сялдсазь кой-кона тонафнихне, и синь тядясна-алясна, вузонь кой-кона тонафтыхне, а стане жа школань кой-кона тонафтыхне[50]. Туфталсь тянди ся, што ЕГЭ-са тонафнихне получсихть сяда кальдяв оценкат, сятнень коряс, конатнень теест путнихть школаса тонафнемста. 2009-це кизоста сявомок эрь предметть коряс аттестату путневихть мекольце кафта кизотнень коряс кучка оценкась. А ЕГЭ-са результаттне аттестату аф молихть и аф ётафневихть ветебаллонь шкалас.

ЕГЭ-нь ширень кирди арьсематне:[петнемс | Петнемс лисьмапрянц]

1. Лезды аф нолдамс вузу поступамста ярмаконь навамать и содаф ломанень вельде вузу повомать[51][52]. 2. Тонафнихнень содамашиснонды и маштомашиснонды сяда лац максови питне ингольдень экзаметтнень коряс[53]. 3. Кошардсыне тонафнихнень сяда лац анокламс экзаменонди[54]. 4. ЕГЭ-ть вельде ули кода сердек арафтомс, ваномс результаттнень коряс кода ладяф тонафтомась эрь кодама школаса и аймакса. 5. Школань аделайхненди сяда тёждя повомс тонафнема ся вузненди, конат изкозет эряма вастснон эзда. Кинди апак карьхцяк ули кода ЕГЭ-нь каготнень кучемс почта или интернет вельде тонафнеманди кочкаф вузу. Ули кода максомс каготтнень аф фкя вузс[51]. 6. Ули кода няемс машты тонафнихнень ёмла велетнень, ошень эзда. Инголи аф сембе лац тонафни шабатненди ульсь кода максомс сувамань экзаметт оцю ошень вузненди. 7. ЕГЭ-тнень пяльснон проверясыне компьютерсь, тя лезды ванфтомс ярмакнень и пингть, сяс мес аф эряви карьхцямс проверяйхнень лангс. 8. ЕГЭ-тненди вешфкснень касомасна вяти тонафнемать касоманцты, тонафтыхнень маштомашиснон и тонафнема книгатнень цебярьгодомаснонды. 9. ЕГЭ-сь пяк шары школань аделамань экзаметтненди, конат ётафневихть США-са, Израильса и лия масторхнень эса. Тя лезды пингонь ётазь Россиянь аттестатнень нолямс тевс омба масторхнень эсовок. Но сембода пяк ЕГЭ-сь шары Китаень экзаметтнень лангс[55]. 10. ЕГЭ-ть вельде сяда лац максови содамашиттненди питнесь, синь ванондовихть 100 баллонь шкала вельде. А стандарнай экзаменца 5 баллонь системась, а кда сяда видеста азомс 4 баллонь. Тя лезды кочкамс инь ёнюфнень.

ЕГЭ-ть каршес моли арьсематне:[петнемс | Петнемс лисьмапрянц]

1. Экзаменть эзда тестти ётазь аф приметавихть эрь кодама маштомашитне, аф шарьхкодеви-няеви тонафнить маштомац эсь мялень азомаса, арьсемаса, творчестваса. 2. Обществознаниять[56] коряс ЕГЭ-са васьфневихть аф шарьхкодеви заданият, конатнень ули кода тиемс аф фкя лаца. 3. Кой-кона тестонь заданиятнень улихть кода тиемс апак содак виде ответть, а шарьхкодезь. 4. ЕГЭ-ть вельде педа-пес аф машфтови цебярь баллхнень ярмак лангс рамамась (коррупциясь)[50][57]. 5. Аш кода тестонь коряс лац ункстамс школань аделайхнень содамашиснон и маштомашиснон. 6. Аф путневи мяльс школать специализацияц: кода гуманитарнай, стане жа естественнонаучнай школаса тонафнихне макссазь фкя тяка экзаменть. 7. ЕГЭ-ть форматоц аф фкя лаца уроконь форматть коряс, сяс тонафнихненди и тонафтыхненди сашендови путнемс лама пинге тонафнема программать тонафнеманкса, а аф ЕГЭ-ти анокламанкса. 8. ЕГЭ-сь вяти од репетиторствати, сяс мес тостонь заданиятне сяда стакат и эсь лацоннет. 9. А и В пялькснень компьютер вельде проверямста лисендихть эльбятькст, конат лувовихть кода аф виде ответт. 10. ЕГЭ-сь аф кялень предметтнень коряс аш кода максомс РФ-нь народонь кяльса, аньцек рузонь кяльса[58][59]. 11. Рузонь кяльть коряс ЕГЭ-сь аш кода путомс серцек ингольдень сочинениять ваксс, кона ётафневсь школань аделайхненди. Тя экзаменць лувондовсь сембода оцюкс, мзярс ашезь нолда ЕГЭ-ть. 12. Аф ваномок сянь лангс, што ЕГЭ-сь арьсефоль сянкса, штоба ашуста эряй семьяста шабатнендивок сатоволь высшай образованиясь, сякокс ВУЗонь бюджетонь васттнень сатнесазь васендакиге козяста эряй семьянь шабатне[60]. 13. Оцю класса тонафнихненди ЕГЭ-тнень максомасна — тя оцю стресс, кона люпштай и веши шабать эзда лама вийда[61].

Ширень кирди мяльхть-арьсемат[петнемс | Петнемс лисьмапрянц]

Ярослав Кузьминов, Экономикань высшай школань ингольдень ректорсь:

«ЕГЭ-сь – тя кода ванома, конань эса лац няеви кода школань аделайсь аноклась теенза. Ули кода сонь мезьсовок вельхтямс, сяс мес шобдава ашеть нара и шамацевок тарьгозсь. Но сяда пара, молемс и нарамс-штамс, и ваномаське кельгови
[...]
Оцю туфталсь, мезенкса ашезь кельгов ЕГЭ-сь – аф методикаса, а сянь эса, мезе лиссь сонь вельденза. Ламонц ломаттнень мяльсна, конат эряйхть мастороньконь оцю ошензон эса, ламода колавсть. Москувонь, Питеронь, Екатеринбургонь, Новосибирскяень, Нижняй Новгородонь эряйхне СССР-ть срадомдонза меле 15 кизонь кувалма поступафнезь тонафнема идьснон инь цебярь вузненди, ярмакфтома сатнесть высшай образования. Синь эряйхть маласа и ярмаксновок сяда лама, штоба пандомс вузонь экзаметтнеди анокламань курснень. Лия аймаконь эряйхне, конат эряйхть ёмла ошева, велева ляткшнесть цебярь вузфтома, сяс мес синь ичкозет и ярмаксновок аф тяфтапт, кодане оцю ошень эряйхнень, получкасна 2-3 сяда кржа оцю ошень эряйхнень коряс.

Но цебярь вузне строяфтольхть марнек масторти и советскяй властть пингста Москувонь студенттнень ёткса 75% ульсть лия ошеннет. 2000 кизотнень ушеткста, мзярда ЕГЭ-сь аньцек сувафневсь, Москуса тонафнесь аньцек 25% лия аймаста, а Питерса – колмоце пялькссь. Тяни, кепотьксонди, синь эздост 60%. Кепотьксонди, кда инголи ВШЭ и МГУ ульсь кода ётамс 70-75 баллса (экзаменоньке лувф ЕГЭ-с), тяни эряви 80-85 балл. Вете кизода инголи Москувонь вузс ётнесь Москувонь эряйсь, конань ульсь «нилец» (ЕГЭ-са тя 55-70 балл) профильнай предметть коряс, тяни сувамань баллсь кеподсь вяри – тя 62-65 баллда аф сяда кржа. Тевсь полафтсь, и ломаттнень мяльсна, конатненди аф пандови цебярь вузса тонафнемась, но, мярьктама, сяськови вузонь репетиторхненди пандомась, стане жа полафтсть. Аф Москуса эряйхне тянь арьсезь, но синь тонадсть ни тянди, и аш мяльсна мезевок полафнемс»[62].

Каршек моли мяльхне-арьсематне[петнемс | Петнемс лисьмапрянц]

Андрей Максимов, писательсь, общественнай деятельсь:

«Государствань марстонь экзаменць – тя тюрема, конань чиновникне вятьсазь тядятнень-алятнень, шабатнень, тонафтыхнень каршес. Экзаметтнень колга кулятне – тя кода тюремань мольфтемань вастста пачфневи кулятне. Мон пяк надиян, што тя тюремась мзярда аф мзярда аделави и ЕГЭ-тнень полафтсазь[63]»

Россиянь содаф писательть-сатирикть Михаил Задорновонь творчестваса ЕГЭ-ти макксеви оцю васта. Сявомок 2010-це кизоста, сон сёрмадсь ЕГЭ-нь сялды лама статья.

Суд вельде мольфтеви тефне[петнемс | Петнемс лисьмапрянц]

2009-це кизонь 15-це майста Россиянь Верховнай судсь кемокстазе ЕГЭ-ть закононь коряс улеманц кода государственнай аттестациянь форма средняй образованиянь получаманди и атказась искти Россиянь Минобрнаукань приказонц валхтоманкса[64]. Искть макссезь тонафнихнень тядясна-алясна, конат мольсть каршек сянди, штоба аф нолямс тевс экзаменти стандартизированнай формаса заданиятИск подавала группа родителей школьников, не согласных с использованием на экзамене заданий стандартизированной формы[65]. 2009-це кизонь 21-це апрельста Россиянь Верховнай судсь азозе законнайкс аф ётафнемс ЕГЭ-тнень (аф кялень предметтнень коряс) РФ-нь нароттнень кяльсост[66]. 2018-це кизонь августста Новосибирскяень центральнай районнай судсь ашезе кирде ширенц искть, конань максозе ся ошень 4№ гимназиянь тонафнись Артём Веселов. Тяда инголе сон макссь иск Новосибирскяй областень Образованиянь министерствав, конань эса эняльдсь касфтомс ЕГЭ-нь баллонц обществознаниять коряс[67]. Гимназиянь тонафнись ашезь согласинда эксперттнень мяльснон мархта, конат лувозь ответонц аф видекс аньцек сянкса, што тонафнись няфтсь (ссылался) Экономикань высшай школань учебникть лангс, кона аф сувси тонафнема ся книгатнень ёткс, конат кемокстафт школаса тонафнеманди[68].

Сялондоматне[петнемс | Петнемс лисьмапрянц]

2010-це кизонь тунданя Ростовонь областьса кундаф 70 тонафты, конат 40 тёжянь цалковай лангс сёрмадозь ЕГЭ-ть тонафнихнень вастс. Тяфтама уголовнай тефт ванондовсть Саратовскяй областьса, Дегестан Республикаса, Пермскяй крайса и лия аймакнень эсовок[69]. 2013-це кизонь майста Дальнай Востоконь тонафнихне, конат сёрмадозь экзаменть, путозь интернету ответ мархта экзаменонь бланкатнень. Сянкса што пингсь аф фкя, Россиянь ши мадомань ширдень тонафнихне нолдазь тевс тя информациять. Тя сялондомать лангс шарфтсь мяль Россиянь премьер-министорсь Дмитрий Медведев[70][71]. В Белгородской области результаты экзамена части абитуриентов были аннулированы. Белгородонь аймаконь кой-кона тонафнихнень экзаменцна ульсь аф лувфтфт[72]. 2018 -це кизоня Санкт-Петербургонь содаф тонафтысь, Решу-ЕГЭ тонафтомань сайтонь тиись Дмитрий Гущин максозень экзаменонь задачатнень математикать коряс, а сяда меле — химиять, максомок интернету материалхнень, конат тяда инголи ни якасть интернетть кувалмос. Мезенкса Рособрнадзорсь макссь иск Дмитрий Гущинонь лангс.

«Тонафнемань четвертть пестонза аф ётафтсайне уроконень. Эряви сявомс отпуск эсь ярмаконень лангс и ардомс Москуву государственнай машинать мархта судендама. Тя уже колмоце заседаниясь. Рособрнадзоронь юристтне таргсевазь пингть стане, бта мяльсна вийда машфтомс монь. Аф. Аф лиси. Мон молян и азондса семботь. И свидетельхневок сайхть...», – сёрмадсь тонафтысь.

ЕГЭ-ть аф марнек, но пяльксонц эзда атказамань мяльхне[петнемс | Петнемс лисьмапрянц]

2014-це кизонь 9-це апрельста образованиянь министрсь Дмитрий Ливанов азозе, что 2015-це кизоста сявомок мрдафтови устнай экзаменць гуманитарнай предметтнень коряс. Стане жа кармай сявф ЕГЭ-ста «А» пялькссьref>“Из ЕГЭ исчезнут тестовые задания - Российская газета”. Российская газета. 2014-04-09. Дата обращения 2024-03-25.</ref>. 2016-це кизонь августста путф образованиянь министоркс Ольга Васильевась азозе, что ЕГЭ-ть кивок аф полафтсы, эрявихть аньцек сяда товонь реформат тонафтомань системаса.

ЕГЭ-ть традиционнай экзамен лангс полафтомац[петнемс | Петнемс лисьмапрянц]

2024-це кизонь 6-це июньста ЛДПР, КПРФ и СРЗП фракциянь депутаттне макссть Думав законопроект полафтомс ЕГЭ-ть госэкзамен вастс, конат ётнесть инголи. Кда законтть кемокстасазь, сон нолдави тевс 2025-це кизонь 1-це январьста. Кда экзаменць ни максфоль тя пингс, то результаттне кармайхть виийса 4 кизот максомдост меле. 2024-це кизонь июльста содавсь, што октябрьста васенце чтенияста Госдумась кармай ваномонза законопроектть ЕГЭ-ть полафтоманц коряс[73].

Лия масторхнень эса ётафневи экзаметтне, конат ЕГЭ-ть лацот[петнемс | Петнемс лисьмапрянц]

Европань ламоц масторхнень эса: Matura США-са: SAT и ACT Великобританияса: A-level Германияса и Австрияса: Abitur Францияса: Baccalauréat en France (Bac)[74] Китайса: гаокао Украинаса: Внешнее независимое оценивание Казахстанца: Единое национальное тестирование Белоруссияса: Централизованное тестирование Киргизияса: ОРТ — общереспубликанское тестирование ДНР-са и ЛНР-са ГИА лаца экзаменда башка сявондевихть и ЕГЭ-тне, и ВНО-тне[75]. Абхазиянь и Южнай Осетиянь вузнень эса келиста васьфневихть сувамань экзаметтне, Приднестровьяса — государствань марстонь экзаменць.

Ванода стане жа[петнемс | Петнемс лисьмапрянц]

Марнек Россияса проверочнай тевсь Централизованнай тестированиясь Тонафтомань бяльхне Государствань (итоговай) аттестациясь Тонафтомась Россияса

Лятфтамат

[петнемс | Петнемс лисьмапрянц]
  1. ↑ Приказ Минобрнауки России от 26.12.2013 N 1400. legalacts.ru. Дата обращения: 5 апрельста 2019. Архивировано 1 апрельста 2019 года.
  2. ↑ Федеральный закон от 09.02.2007 N 17-ФЗ "О внесении изменений в Закон Российской Федерации "Об образовании" и Федеральный закон "О высшем и послевузовском профессиональном образовании" в части проведения единого государственного экзамена" (с изменениями и дополнениями) (утратил силу) | ГАРАНТ. base.garant.ru. Дата обращения: 5 апрельста 2019. Архивировано 11 апрельста 2019 года.
  3. ↑ Об утверждении сроков и единого расписания проведения ЕГЭ в 2009 году | Педагогическая периодика. Каталог публикаций. periodika.websib.ru. Дата обращения: 5 апрельста 2019. Архивировано 17 июньцта 2019 года.
  4. ↑ Порядок проведения ЕГЭ в 2009 году(недоступная ссылка)
  5. ↑ “ЕГЭ по математике разделят на базовый и профильный уровень”. РИА Новости [рус.]. Архивонь ёткста оригинала 2017-11-13. Дата обращения 2017-05-16.
  6. ↑ “ЕГЭ по китайскому языку свидетельствует о возрастающем интересе к Китаю — министр науки и высшего образования РФ”. «Синьхуа». 4 июня 2019. Дата обращения 23 декабря 2022.
  7. ↑ В Госдуму внесли проект об отмене ЕГЭ. РИА Новости (6 июньцта 2024). Дата обращения: 6 июньцта 2024.
  8. ↑ Проект КИМ ЕГЭ по математике 2010 г. Архивная копия от 13 августста 2009 на Wayback Machine
  9. ↑ Спецификации и демоверсии КИМ 2009 г. Архивная копия от 19 январьста 2009 на Wayback Machine
  10. ↑ Демонстрационные варианты ЕГЭ всех лет Архивная копия от 23 июльста 2008 на Wayback Machine
  11. ↑ Распоряжение Рособрнадзора от 09.06.2011 № 1837-10 «Об установлении минимального количества баллов ЕГЭ по русскому языку, подтверждающего освоение основных общеобразовательных программ среднего (полного) общего образования в 2011 году» Архивная копия от 28 июльста 2011 на Wayback Machine
  12. ↑ «Об установлении минимального количества баллов единого государственного экзамена по математике, подтверждающего освоение выпускником основных общеобразовательных программ среднего (полного) общего образования в 2011 году» Архивная копия от 17 декабрьста 2011 на Wayback Machine
  13. ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса по физике в 2011 году — 33 балла Архивная копия от 17 декабрьста 2011 на Wayback Machine
  14. ↑ Распоряжение Рособрнадзора от 09.06.2011 № 1835-10 «Об установлении минимального количества баллов ЕГЭ по химии, подтверждающего освоение основных общеобразовательных программ среднего (полного) общего образования в 2011 году» Архивная копия от 28 июльста 2011 на Wayback Machine
  15. ↑ Распоряжение Рособрнадзора от 03.06.2011 № 1781-10 «Об установлении минимального количества баллов ЕГЭ по информатике и ИКТ, подтверждающего освоение основных общеобразовательных программ среднего (полного) общего образования в 2011 году» Архивная копия от 28 июльста 2011 на Wayback Machine
  16. ↑ Распоряжение Рособрнадзора от 03.06.2011 № 1780-10 «Об установлении минимального количества баллов ЕГЭ по биологии, подтверждающего освоение основных общеобразовательных программ среднего (полного) общего образования в 2011 году» Архивная копия от 28 июльста 2011 на Wayback Machine
  17. ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса истории в 2011 году — 30 баллов Архивная копия от 17 декабрьста 2011 на Wayback Machine
  18. ↑ Распоряжение от 17.06.2011 № 1960-10 «Об установлении минимального количества баллов единого государственного экзамена по географии, подтверждающего освоение основных общеобразовательных программ среднего (полного) общего образования в 2011 году» Архивная копия от 17 декабрьста 2011 на Wayback Machine
  19. ↑ 1 2 3 4 Распоряжение Рособрнадзора от 09.06.2011 № 1836-10 «Об установлении минимального количества баллов ЕГЭ по иностранным языкам, подтверждающего освоение основных общеобразовательных программ среднего (полного) общего образования в 2» Архивная копия от 28 июльста 2011 на Wayback Machine
  20. ↑ Распоряжение от 17.06.2011 № 1961-10 «Об установлении минимального количества баллов единого государственного экзамена по обществознанию, подтверждающего освоение основных общеобразовательных программ среднего (полного) общего образования в 2011 году» Архивная копия от 21 сентябрьста 2011 на Wayback Machine
  21. ↑ Распоряжение Рособрнадзора от 03.06.2011 № 1782-10 «Об установлении минимального количества баллов ЕГЭ по литературе, подтверждающего освоение основных общеобразовательных программ среднего (полного) общего образования в 2011 году» Архивная копия от 28 июльста 2011 на Wayback Machine
  22. ↑ “На ЕГЭ по русскому языку разрешили ссылаться на аниме, видеоигры и комиксы”. Коммерсант. 2024-03-20. Дата обращения 2024-03-20.
  23. ↑ “В ЕГЭ-2025 по русскому языку хотят запретить приводить примеры из комиксов”. РИА Новости. 2024-08-23. Дата обращения 2024-08-23.
  24. ↑ Формы, описание и правила заполнения бланка регистрации и бланков ответов участников ЕГЭ(недоступная ссылка)
  25. ↑ Методика шкалирования результатов ЕГЭ в 2012 году. Дата обращения: 5 июньцта 2012. Архивировано 3 майста 2012 года.
  26. ↑ Шкала перевода баллов ЕГЭ 2021. Дата обращения: 16 декабрьста 2020. Архивировано 17 январьста 2021 года.
  27. ↑ “Нечеловеческий фактор: ЕГЭ по информатике примет компьютер”. Известия [рус.]. 2018-08-13. Архивонь ёткста оригинала 2018-08-13. Дата обращения 2018-08-13.
  28. ↑ В этом году Рособрнадзор отказался от публикации в Интернете результатов ЕГЭ каждого участника Архивная копия от 5 июньцта 2009 на Wayback Machine
  29. ↑ Итоги заседания комиссии Рособрнадзора по результатам ЕГЭ. Дата обращения: 14 июньцта 2013. Архивировано 19 августста 2013 года.
  30. ↑ “Власти раскрыли, когда появится право пересдать ЕГЭ для поступления в вуз”. РБК. 2024-03-06. Дата обращения 2024-03-06.
  31. ↑ “Мишустин назвал даты для пересдачи одного предмета ЕГЭ”. РИА Новости. 2024-04-03. Дата обращения 2024-04-03.
  32. ↑ “Опубликован проект расписания ЕГЭ-2024 с учетом нового порядка пересдачи”. TACC. Дата обращения 2024-04-04.
  33. ↑ “Выпускница из Москвы набрала 400 баллов по четырем предметам на ЕГЭ”. РИА Новости. 2024-06-23. Дата обращения 2024-07-08.
  34. ↑ “Рособрнадзор: один российский выпускник сдал ЕГЭ в этом году на 400 баллов”. RT на русском. Дата обращения 2024-07-08.
  35. ↑ С ЕГЭ за нарушение порядка удалили более 750 школьников. РИА "Новости" (8 июльста 2024). Дата обращения: 8 июльста 2024.
  36. ↑ Документы / Официальный информационный портал единого государственного экзамена (ЕГЭ 2017). www.ege.edu.ru. Дата обращения: 5 апрельста 2019. Архивировано 16 апрельста 2019 года.
  37. ↑ Приказ МОН РФ № 362 от 28 ноября 2008 г./Положение о формах и порядке проведения государственной (итоговой) аттестации — Викитека. ru.wikisource.org. Дата обращения: 5 апрельста 2019. Архивировано 17 майста 2020 года.
  38. ↑ О министерстве - Министерство образования и науки Российской Федерации. xn--80abucjiibhv9a.xn--p1ai. Дата обращения: 5 апрельста 2019.(недоступная ссылка)
  39. ↑ Шапкина Е.А. Мониторинг реализации положений Федерального закона от 21 июля 2014 г. № 212-ФЗ "Об основах общественного контроля в Российской Федерации" // Право и политика. — 2017-01. — Т. 1, вып. 1. — С. 83–91. — ISSN 1811-9018. — doi:10.7256/1811-9018.2017.1.17257.
  40. ↑ Перечень специальностей при приёме на которые могут проводиться дополнительные вступительные испытания творческой или профессиональной направленности(недоступная ссылка)
  41. ↑ Об утверждении Правил отбора государственных ВУЗов, которым предоставляется право проводить дополнительные вступительные испытания профильной направленности. Российская газета. Дата обращения: 5 апрельста 2019. Архивировано 23 июньцта 2021 года.
  42. ↑ Распоряжение от 24 декабря 2008 г. N 1921-р. web.archive.org (30 декабрьста 2008). Дата обращения: 5 апрельста 2019.
  43. ↑ Положение о Всероссийской олимпиаде школьников. Дата обращения: 5 февральста 2009. Архивировано из оригинала 29 январьста 2009 года.
  44. ↑ Сегодня станет понятно, к чему привел ЕГЭ. www.dp.ru. Дата обращения: 5 апрельста 2019. Архивировано 20 августста 2016 года.
  45. ↑ Названы минимальные баллы ЕГЭ для поступления в российские вузы в 2024 году. Сетевое издание «56 медиа» (27 сентябрьста 2023). Дата обращения: 27 сентябрьста 2023.
  46. ↑ [58]: “Утверждены минимальные баллы ЕГЭ для приема в вузы в 2024/25 учебном году | Новости: ГАРАНТ”. 2023-09-27. Дата обращения 2024-10-22.
  47. ↑ “Минпросвещения предложило минимальные баллы ЕГЭ в новом учебном году”. РБК. 2024-10-22. Дата обращения 2024-10-22.
  48. ↑ Приказ Министерства образования и науки № 265 от 22.09.2008 Архивная копия от 17 февральста 2009 на Wayback Machine «Об утверждении перечня вступительных испытаний в 2009 году в образовательные учреждения среднего и высшего профессионального образования, имеющие государственную аккредитацию, по специальностям среднего профессионального образования»
  49. ↑ Порядок приёма граждан в государственные образовательные учреждения среднего профессионального образования. Дата обращения: 8 февральста 2009. Архивировано из оригинала 14 февральста 2009 года.
  50. ↑ 1 2 Плюс один. Частный Корреспондент. chaskor.ru (28 ноябрьста 2008). Архивировано 27 августста 2011 года.
  51. ↑ 1 2 Лев Сирин. Андрей Фурсенко: «ЕГЭ уменьшил взятки». Фонтанка.ру (26 октябрьста 2009). Дата обращения: 27 апрельста 2010. Архивировано 24 августста 2011 года.
  52. ↑ Мария Кривовяз, Татьяна Ткачева, Элина Труханова (27 августа 2009 года). “Вузы Центральной России подождут абитуриентов до конца августа”. Российская газета. Архивонь ёткста оригинала 2009-09-03. Дата обращения 2010-06-04. Проверьте дату в |date= (справка на английском)
  53. ↑ Четверть учащихся, сдававших единый государственный экзамен получили "двойки" по литературе и математике. Российская газета (17 июньцта 2008). Дата обращения: 4 июньцта 2010. Архивировано 5 мартста 2016 года.
  54. ↑ Что надо знать о ЕГЭ. pedsovet.su (1 февральста 2009). Архивировано 27 августста 2011 года.
  55. ↑ Кузьминов Я.И. Университеты в России: как это работает. — М.: Издательский дом ВШЭ, 2021. — С. 333. — ISBN 978-5-7598-2373-5.
  56. ↑ Ольга Андреева, Григорий Тарасевич. В такой «общаге» жить опасно. Журнал «Скепсис». Дата обращения: 11 январьста 2010. Архивировано 4 сентябрьста 2011 года.
  57. ↑ Ъ-Деньги — Экзамен на коррупцию Архивная копия от 15 мартста 2009 на Wayback Machine (Дата обращения: 24 майста 2009)
  58. ↑ Приказ Министерства образования и науки Российской Федерации (Минобрнауки России) от 28 ноября 2008 г. N 362. Российская газета. Дата обращения: 10 октябрьста 2012. Архивировано 31 мартста 2012 года.5-це полаькссь
  59. ↑ В Татарстане продолжат борьбу за право сдавать ЕГЭ на родном языке. Татар-информ. Дата обращения: 10 октябрьста 2012. Архивировано 15 июньцта 2013 года.
  60. ↑ Кузьминов Я.И., Юдкевич М.М. Университеты в России: как это работает. — М.: Издательский дом ВШЭ, 2021. — С. 348. — ISBN 978-5-7598-2373-5.
  61. ↑ Е.А. Кедярова, Д.С. Савенко, М.Ю. Уварова, Н.И. Чернецкая. Особенности психологической готовности к ЕГЭ у старшеклассников // Психология. Психофизиология. — 2021. — С. 38—45. — ISSN 2686-7281.
  62. ↑ Мы хуже китайцев? В каких вузах не учат, а делают вид. Дата обращения: 2 мартста 2013. Архивировано 17 ноябрьста 2020 года.
  63. ↑ "Поединок": Андрей Максимов vs. Любовь Глебова - YouTube. Дата обращения: 29 сентябрьста 2017. Архивировано 1 мартста 2019 года.
  64. ↑ Ирина Ивойлова (18 мая 2009). “Тесты ЕГЭ успешно прошли тест на законность”. Российская газета. Архивонь ёткста оригинала 2009-05-21. Дата обращения 2010-05-22.
  65. ↑ Александр Емельяненков (6 мая 2009). “Проведение ЕГЭ в этом году могут отменить”. Российская газета. Архивонь ёткста оригинала 2009-05-16. Дата обращения 2010-05-22.
  66. ↑ об оспаривании п. 5 ПОЛОЖЕНИЯ О ФОРМАХ И ПОРЯДКЕ ПРОВЕДЕНИЯ ГОСУДАРСТВЕННОЙ (ИТОГОВОЙ) АТТЕСТАЦИИ ОБУЧАЮЩИХСЯ, ОСВОИВШИХ ОСНОВНЫЕ ОБЩЕОБРАЗОВАТЕЛЬНЫЕ ПРОГРАММЫ СРЕДНЕГО (ПОЛНОГО) ОБЩЕГО ОБРАЗОВАНИЯ. Дата обращения: 22 октябрьста 2015. Архивировано из оригинала 4 мартста 2016 года.
  67. ↑ “Суд отказал новосибирскому выпускнику в удовлетворении иска о пересмотре результатов ЕГЭ”. ТАСС [рус.]. Архивонь ёткста оригинала 2018-08-13. Дата обращения 2018-08-13.
  68. ↑ Задания ЕГЭ проверит суд // Газета «Коммерсантъ». — 2018-08-13. — С. 5. Архивировано 13 августста 2018 года.
  69. ↑ В Ростовской области задержаны 70 учителей, сдававшие ЕГЭ за учеников. 3 июня 2010. Дата обращения: 4 июньцта 2010. Архивировано из оригинала 6 июньцта 2010 года.
  70. ↑ Медведев о публикации бланков ЕГЭ: жаль, что в РФ не один часовой пояс. РИА Новости (27 майста 2013). Дата обращения: 5 апрельста 2019.
  71. ↑ Медведев предположил, как в сеть могли попасть заполненные бланки ЕГЭ. РИА Новости (27 майста 2013). Дата обращения: 5 апрельста 2019.
  72. ↑ В Белгороде после скандала со списыванием аннулировали итоги ЕГЭ. РБК. Дата обращения: 5 апрельста 2019.
  73. ↑ “Госдума в октябре рассмотрит законопроект об отмене ЕГЭ”. РБК. 2024-07-02. Дата обращения 2024-07-02.
  74. ↑ «Наука и жизнь»: Виктор Доценко. Пятое правило арифметики. Дата обращения: 19 апрельста 2019. Архивировано 19 апрельста 2019 года.
  75. ↑ Правила приёма в Донецкий национальный университет. Дата обращения: 5 февральста 2020. Архивировано 5 февральста 2020 года.

Ссылкатне

[петнемс | Петнемс лисьмапрянц]

[[Категория:Стандартизованнай экзаметтне]

Сявф"https://mdf.ruwiki.ru/w/index.php?title=ЕГЭ&oldid=198062"-ста