Дикопольцев, Евгений Александрович

Евгений Александрович Дикопольцев
Евгений Александрович Дикопольцев
Шачема шиц	23 ноябрьста 1921
Шачема; вастоц	Ардатов ошсь (Мордовия),; Ардатовскяй уездсь (Симбирскяй губерниясь),; Симбирскяй губерниясь
Кулома шиц	17 октябрьста 1943 (21 кизонь)
Кулома; вастоц	Украинскяй ССР, СССР
Принадлежностсь	СССР
Войскань родсь	связень войскатне
Служама кизонза	1942—1943
Званияц	РККА, Сержант пехота ; гвардиянь сержант
Сражениятне/войнатне	Великай Отечественнай война; Днепрать инкса тюрема

Евге́ний Алекса́ндрович Дикопо́льцев (1921—1943) — Великай Отечественнай войнаса улись, 235-це гвардейскяй стрелковай полконь 81-це гвардейскяй стрелковай дивизиянь 7-це гвардейскяй армиянь Степной фронтонь ротань отделениянь командир, Советскяй Союзонь Герой, гвардиянь сержант.

Дальневосточнай государственнай гуманитарнай университетонь зданиясь, Хабаровск.
Ащи кирашкса Дикопольцевонь (Хабаровск) (фотографияса види ширде) и Карл Марксонь (Хабаровск) куротнень ёткса.

Эряфонь киц

Шачсь 2-це декабрьста 1921-це кизоня тяниень Мордовия Республикань Ардатова ошса^[3]. Идькс пингстонь кизоста семьянц мархта ётасть эряма Дальняй Востоку, Дальневосточнай краень (1938-це кизоста сявомок — Хабаровскяй) Нанайскяй райононь Троицкое (Хабаровскяй крайсь) веленяв. Руз. ВЛКСМ-са ащись. Шумордазе школать 1№ Комсомольск-на-Амуре ошса, тонафнесь Хабаровскяй педагогическяй институтса.

Якстерь Армиясас 1942-це кизонь апрельста сявомок. Дальняй Востокса запасной полкса пяк лац тонадозе связистонь специальнотть, получась сержантонь звания, сонь путозь связень ротань отделениянь командиркс. Кизонда 1942-це кизоня воиттне-дальневосточникне тусть фронту.

Боевой кстиндаманц сержантсь Дикопольцев ётазе Сталинградть ала. Тоса казезь «Отвагать инкса» медальса и арась гвардейцекс. Кизонда связистсь Дикопольцев воевась Белгородть и Харьковть ала. Тоса ранендафоль пряти и пчксесь госпитальса. Аф лама пингонь ётазь гвардии сержантсь сатозе эсь полконц.

Днепрать инкса тюремста 25-це сентябрень веня 26-це сентябрень шобдаваня 1943-це кизоня гвардии сержантсь Дикопольцев, пяшкодемок командованиять при казонц, нятсь оцю смелши: аньцек 6 частста эсь дежурстванц пингста апак лотксек бомбёжкала петсь 12 сотксонь сязьф линия.

30-це сентябрьста 1943-це кизоня тюремста Днепропетровскяй областень Верхнеднепровскяй райононь Бородаевка велеть видеса вражескяй снарятнень сязевомаснон сюнеда ульсь сязьф линиясь кота вастова. Противниксь апак лотксек врьгятнесь 1-це стрелковай батальонть 235-це гвардейскяй ляценди полконц лангс. Тиендевсь пелькс водендамати-вятемати юмафтомась. Эста гвардиянь сержантсь Дикопольцев, аф ваномок врьгятнить вишке артиллерийскяй толонц лангс, пеккедь лангса пачкодсь кольф вастти и птезе линиять, тянь мархта мрдафтозе сотксть полконь командиртьи батальонть мархта. Днепрать сатоманкса и мужестванкса, кона няфтьфоль тюремать пингста плацдармать кирдеманкса, гвардии сержантсь Дикопольцевонди максфоль Советскяй Союзонь Герой лемсь. А проивниксь плацдармать лангс таки вятезень врьгятнеманзон.

16-це и 17-це октябрьста 1943-це кизоня пяк кяжи бойть пингста Дикопольцев кафта суткат ашезь аерткшне сотксонь линиять ваксста, кона ламоксть сязенкшневсь немецкяй артиллериять ляцендеманзон сюнеда.

17-це октябрьста 1943-це кизоня, ускомок сязьф кабель, вражескяй снарядть сязевоманц сюнеда Дикопольцев Е. А. ульсь стакаста ранендаф. Юмафнемок мяльъёженц, кабельть пензон сускозень пейса, мезть вельде кирдезе сотксть, мянь куломдонза меле…

СССР-нь Верховнай Советть Президиумонц Указонц коряс 26-це октябрьста 1943-це кизоня командованиять заданияснон вельф лац пяшкодеманкса фронтса немецко-фашистскяй врьгятнихнень мархта тюремста и тяконь лувксса отвагань и героизмань няфтеманкса гвардии сержантти Евгений Александрович Дикопольцевонди максф Советскяй Союзонь Герой лемсь (пкуломда меле).

Геройсь калмаф братскяй калмолангса Полтавскяй областень Кобелякскяй райононь Радянское велеса.

Казненза

Советскяй Союзонь Героень «Зрнянь тяште» медаль;
Ленинонь орден;
медальхть.

Мяляфтомась

Советскяй Союзонь Геройть Евгений Дикопольцевонь лемонц каннесазь Хабаровскяй краень ошне: Хабаровск, Комсомольск-на-Амуре, Вяземский .
Школать и педагогическяй институтть зданиянц лангса^[4], коса тонафнесь Дикопольцев, уладяфт лятфнемань седяфт, Комсомольска-на-Амуре МОУ-нь 1№ гимназияса, кона лемтьф Евгений Дикопольцевонь лемс, пуроптф сонь боевой славазонза
СССР-нь Аралмань министрть приказонц коряс Е. А. Дикопольцев пефтома пингс сувафтф воинскяй частень 52752 личнай составонц лемлувксс.

Лятфтамат

↑ Тяни Ардатов (Мордовия), Ардатовскяй район, Мордовия, Россия.
↑ тяни Украина.
↑ Число, месяц и год, а также место рождения указаны в соответствии с записью акта о рождении Ардатовского отдела ЗАГС. Источник
↑ Тяни Дальневосточнай государственнай гуманитарнай университет.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Ссылкатне

[1] Тяни Ардатов (Мордовия), Ардатовскяй район, Мордовия, Россия.

[2] тяни Украина.

[3] Число, месяц и год, а также место рождения указаны в соответствии с записью акта о рождении Ардатовского отдела ЗАГС. Источник

[4] Тяни Дальневосточнай государственнай гуманитарнай университет.

[1]

[2]

[3]

[4]