Виде линиясь Владимир Путинонь мархта (2024)

Виде линиясь Владимир Путинонь мархта (2024)
Президент России Владимир Путин в ходе прямой линии (2024)
Дата первого проведения	24-це декабрьста 2001-це кизоня
Кода сидеста ётафневи	эрь кизоня
Организатор	Россиянь президентть администрацияц
Сайт	москва-путину.рф

Владимир Путинонь мархта виде линиясь (2024) – эрь кизоня ётафневи Россиянь президентть Владимир Путинонь пресс-конференцияц, конанди сувси и виде линиянь коряс Россиянь президентть мархта корхнемась. Сон ётась виде эфирса 2024-це кизонь 19-це декабрьста, мольсь 4 частт 27 минутат . Россиянь эряйхнень эзда телефонга, СМС-сёрманянь вельде, интернет вельде сась 2,5 миллионда лама пшкядема. Трансляциять ванозь 17 млн ломань.

Анокламась

00:00 частста 8-це декабрьста ушедомок 19-це декабрьти молемс 2024-це кизоня Россиянь президентти сашендсть сёрматф и видеокизефкст тянкса башка тиф мобильнай приложения вельде, СМС-сёрманя вельде, телефон вельде, «ВКонтакте» и «Одноклассники» социальнай сеттнень вельде, а стане жа moskva-putinu.ru (москва-путину.рф) сайтть вельде.

2024-це кизоня «Народнай фронтонь» штабса call-центрань покодихне васенцеда нолдазь тевс ломаттнень пшкядемаснонды анализонь тиеманди исусственнай интеллектть. GigaChat нейросетсь кочксезень-пуропнезень марс темань коряс соцсетень сёрманятнень, аудиокизефкснень и SMS-нень..

2024-це кизонь 11-це декабрьста Владимир Путин ульсь Москувонь «Сберонь» инь оцю офисса, коса ванозе ИИ-ть коряс од тифксонь выставкать. Тоса GigaChat инголькиге содафтозе государствань оцюнять ся прябалатнень мархта, конатнень сембода сидеста кепсесазь ломаттне виде линияса:

Шарьхкотьф, кодама кизефксненди эряви анокламс, кодамда кармай лама: эрямань-ащемань васттне, транспортонь инфраструктурась, медицинась, госструктуратне и организациятне, пандоматне-пособия

.

Владимир Путин содафтсь тематнень мархта, конатнень коряс сембода сидеста пшкятькшнихть ломаттне (2024))

Уликснень коряс 2024-це кизонь 19-це декабрьста виде линияв пшкядематнень лувкссна 2,5 миллионда ламоль. Сембода лама кизефкста сась Центральнай, Кельме-Шивалгома ширень и Лямбе ширень федеральнай округста.

2024-це кизоня пачкотьф

Эфиронь кучка темакс арась Россиянь социальнай политикась (20% пшкядематнень эзда), кизефксне, конат сотфт эрямань васттнень мархта (9%), экономикать мархта (9%), шумбрашинь ванфтомать мархта (8%), ЖКХ-ть (8%) и СВО-ть (6%) .

Экономикась

2024-це кизонь экономикать государствань оцюнясь лемдезе «стабильнайкс и надежнайкс», ункстамок ВВП-ть касоманц 3,9% малава, а 2025-це кизоти учи 2,5%. Сяка пингть сон путозе серцек Европейскяй Союзть (ВВП-ть касомац нульть маласа) и США ( 6% маласа). Башка лоткась Россияса работафтома ащи ломаттнень лувксснон лангс, синь эздост пяк и пяк кржа (2,3%). Стане жа Владимир Путин китькстазе обрабатывающай промышленностть касоманц, мезсь арась государствать кемокстаманц эсь лацонь ширекс.

Владимир Путин: «Экономикать ащемац стабильнай и надежнай»

Корхтамок инфляциять колга, кона 2024-це кизоня пачкодсь 9%, президентсь азозе, што сонь улихть ширде моли и эсь эздонза ащи туфталонза. В числе объективных:

• Россияса эрявиксть касомац;
• мастор лангонь питнентнень касомасна, конат сотфт логистикать мархта.

Эсь эздонза ащихне:

• аф эсь пингстонза Центрабанкть тевс нолдамань тефне инфляциять лангс ваномста, конат аф сотфт ключевой ставкать мархта;
• РФ-нь правительствать аф эсь пингстонза покодемац эрь кона отраслятнень касфтомаса-вятемаса.

Президентсь башка корхтась Россиянь од региононь экономикань ащемаснон колга , китькстамокЛНР-са кочкави налокнень касомаснон (кассь 90%), ДНР (79%), в Херсонскяй и Запорожскяй областьса (200%).

СВО-сь

Владимир Путин 155-це башка гвардейскяй бригадань морской пехотань флагть мархта (2024)

СВО-cа тевть ащеманц колга кизефксть лангс отвечамда инголе, Владимир Путин азондозе, што 155-це гвардейскяй башка морской пехотань бригадань боецне максозь теенза эсь боевой знамсноня и эняльдсть келептемс сонь студияса, а тяфта жа арьсесь теест удача, сяськома и парста -эректа мрдамс куду. Государствать оцюнянц валонзон коряс, эрь шиня военнослужащайхне фронтть китьксонц эзга шаштыхть, панемок врьгятнихнень, «квадратными вагяльбеса». Корхнемок Курскяй областень эряйть мархта, кона кизефтезе, мзярда шашафтсазь Россиять масторкитксонц эзда ВСУ-ть, президентсь мярьгсь, што «цёратне воявайхть, тяникиге видеста вятеви тюрема» и надияфтсь, што «минь прокс синь паньцаськ». Курскяй областьса тапаф-плхтаф техникань лувкссь, китькстазе российскяй лидерсь, ётась тапаф танкатнень, БМП-нь и лиятнень лувксснон вельф, кона ульсь тиф фронтонь сембе китьксть эзга 2023-це кизоть коряс. Тяда башка Владимир Путин азозе, што кольф-калафтф сембе гражданскяй и социальнай объекттне улихть стяфтф-кепотьфт одукс, а граждаттненди, кие лядсь кудфтома, квартирафтома максовихть сертификатт эряма вастонь получаманди, тоза максови 108 миллиард цалковай. Тятфта жа корхтамась пачкодсь Херсонскяй и Запорожскяй областтнень, ЛНР-ть и ДНР-ть одукс ладямаснон колга. Сембода пяк, колма кизонь пингстакинь сетсь тя регионтнень эса кармай ладяф кода эряви, Азовскяйоцю ведть перьф строяви ниле китьксса шарксонь трасса. 20 тёжяньда лама социальнай эрявикс шинди и эряманди объектсь петьф ни .

Владимир Путин виде линиять пингста (2024)

Корхтафтозе президентсь и кизефкснень военнослужащайхненди, конат СВО-от, боевой тевтиематнень эса улиень статусть максоманц колга, а аф КТО-са улись. Путин мярькссь, тя ёшмось ули петьф, и военнослужайхне получасазь «семботь, мезе эряви, лувсазь одкус семботь».

Владимир Путин макссь питне «Время героев» программать тевс нолдаманцты, конань видеса аноклави кадрова резерва готовится СВО-са улихнень ёткста. Мяльсь тиемс тяфтама курсат сась СВО-нь студенттнень мархта васедемда меле. Сонь валонзон коряс, военнослужащайхнень ёткста эряви кочкамс ломатть, конат аральхть ба вятикс оцю компанятненди, муниципальнай образованияти, министерстватненди и ведомствантненди:

тяса ашель фкявок ёшма...Ламотне тертьфт ни кой-кона тятфтама васттненди, и бизнесу повондыхть, и сембе сереса азорондама васттненди .

Владимир Путин тяфта жа азозе, што решениясь СВО-ть ушедоманц коряс эряволь ладямс сяда инголе, анокламс тянди, и панжезе потонц, кода сонь полафтозе колма кизонь спецоперациясь:

Мон кармань сяда кржа шутендама и пцтай лоткань рахамада.

Стратегическяй пелемань аф лисемась

Омба масторонь СМИ-тнень валснон колга НАТО-ть каршек ляцеманц колга «Орешник (ракетнай комплексть)» каршес, Владимир Путин мярьгсь ётафтомс эксперимент:

Катк Западсь и Украинась муйхть-ладяйхть район Киевса, пуроптсазь тоза ПВО-нь сембе системаснон, минь тоза ляцтяма «Орешникса»,а синь варжасазь сонь кундамс, и ванцаськ, мезелиси.

БРСД лемть максоманц-кочкаманц колга тя ракетати, президент мярьгсь: «Видекс? Аф содаса».

Международнай повесткась

Виде линиять пингста Владимир Путин отвеечась кой-мзяра кизефкс лангс, конат сотфт международной повесткать мархта. Башка азозе, што мзярс ашезь васеде Сириянь тядонгольдень президентть мархта Башар Асадонь Москуву эряма ётамдонза меле, и еитькстазе, што цельхне, конат путфтольхть Россиять и Сириять ялгафтомаснон ёткса, сатфт, сяс мес РФ-нь ВС-не лездсть аф нолдамс тоса «террористическяй анклавонь» эвондамати. NBC-нь репортёрть «Россиясь ашезень сата СВО-нь целензон, юмафнесыне генералонзон, лафчептф» валонзон шарьхкотьфтемста президентсь азозе што Россия, меколанкт, мекольдень кизотнень кемокстазе и экономиканц, и суверенитетонц, и прянь араламац:

Тинь пяк мялезонт улель, кда Россиясь, улель лафчептф, но мон кирдян тянь лангс лия сельмованф.

тятфта жа Путин валонц лангса кундазе и американскяй репортёрть, Москуса генералть Игорь Корниловонь шавоманц лемдемок покушениякс. Сембе сяка сон китькстазе, што спецслужбатне «мяндезь вакска тя эрьхтемать». Китайскяй информационнай «Синьхуа» агентстваста ломанць эняльдсь российскяй лидерти максомс питне РФ-ть и КНР-ть ёткса ялгафнемань сереть. Путин азозе, што товаронь мишендемась-рамсемась кафта странатнень ёткса пачкодсь 200 миллард долларс, инвестпроекттнень лувкссна арась 600, кассь фкя-фкянь мархта тевонь якафтомась и и региоттнень эса :

Оцю вастса ащи минь региононь руководительхнень улемасна китайскяй представительхнень мархта. Водканя тоса тожа ули но ункставомшка.

Социальнай политикась

Эряйхнень лувксснон киремасна Россияти президентсь лемдезе сембода важнай прябалакс, сяс мес шачихнень лувкссна прась сембода алу — 1,41%-ти самс, уизос коре шачфты аватнень лувкссна кирсь 30%. Владимир Путинонь валонзон коряс, шаччфтомась эряви касфтомс сембода кржас 2,3%-ти самс. Государствать ширде шачфтоыхнень ширеснон кирдеманкса, президентсь китькстазе тядянь капиталть, семьянь ипотекань программать и идь мархта семьятненди единай пособиянь пандомать.

«Пяк сярятьфтикс-маряйкс» государствань оцюнясь лемдезе миграционнай политикать коряс кизефксть. Сонь мяленц коряс, мигранттнень лувксснон кирьфтамаснон коряс, эряви кеподемс трудть производительностенц, лоткамок башка на сери технологиянь тевтиемань сфераса. Тяфта жа эряви калготкстоптомс вешфксне сятненди, кит дсайхть покодема Россияв, кеподемс образованиянь ширде тефнень, штоба омба масторонь граждаттне шарьхкоделезь РФ-нь культурнай эсь лацонь шитнень, шарьодлезь кяльтьк. Башка аськолкст, китькстазе российскяй лидерсь, тиф ни.Кепотьксонди, прьняндаф закон школав шабатнень сявомаснон коряс, конат содасазь рузонь кяльть.

Шумбрашинь ванфтомась

Владимир Путин отвечась Нижняй Новгородста эряйть жалобанц лангс поликлиникатнень эса кадрань аф сатомать колга. Сонь валонзон коряс, сембода лама аф сатни врачта шумбрашинь ванфтомань васенце звенать эса, и тянкса вастса азорондайхнень инголе ащи задача тердемс од кадрат, а тяфтажа маштозь ладяма-явфтома сталмось. ТТяфта жа виде линиять пингста корхтафтозь фармацевтическяй промышленностть касоманц и эсь препаратонь нолдамать.

Интернетсь

Блогерсь Влад А4 кизефтезе Владимир Путинонь мяленц Россияса YouTube-ть валомня молеманц колга. Государствань оцюнясь азозе, што платформать видеса азорондай Google (компаниясь)вкирьфтазе ярмаконь максомать РФ-са эздост ащи предприятиятненди, кирьфтазе техникань кучемать, мезсь вятезе афсатыксненди сервисть покодемаса.

Политикнень колга

Эфирть пингста Владимир Путин азозе мяленц Россиянь и омба масторонь кой-кона политикнень колга. Тяфта, отвечамок кизефксть лангс, кинь мархта копордаль чайда,сон лятфтазе Гельмут Колень:

Васеделень ба канцлерть Гельмут Колень мархта...тя ульсь оцю политическяй деятель, кона лама тись Германияти.

Башка азозе инголькиге азфть токадеманц колга Владимира Жириновскяень Украинать, Маласа ащи Шинь стяма ширеть (Ближняй Востокть):

Сон кельгозе эпатажть, но ульсь пяк шарьхкоди и ламонь содай ломанькс. Сяс сонь инголькиге азфонза токатькшнесть: азфне нежетькшнесть эсь маштомошинзон и сомамошинзон лангс.

Байденонь, цёранц Хантеронь помилованиянц колга:

Фалу важна, мезьда эсот сяда лама, политикта или ломаньда. Лиссь станя, што Байденонь эса сяда лама лрманнеда.

Борис Ельцинонь колга:

Ельцинонь Ши мадома шире кельголезь, но аньцек сон кеподезе вайгяленц Белградть бомбардировканц колга, сонь курокста ушедсть мельганза панцема и лемдезь сими ломанькс.

Владимир Зеленскяень сай пингонц колга:

Сонь кармайхть трямонза сят, кинь сон ванцыне мяльснон тяни.

Анекдот президентть эзда

Передачать пингста лятфтамок, што сяда лама эряви арьсемс Россиять потмоширденьпрябаланзон колга, президентсь разондсь анекдот:

Семьясь озаф шра ваксс. Цёранясь кизефнесы тядянц: «Кодама валсь кроссвордса ащи колма букваста?». И тязк жа пови коня ланга куцюса. Мельганза рьвяти рьвяти,но мирденц эзда. «Кудботмоть колга эряви арьсемс», — корхтай сон.

Аудиториясь

Mediascope исследовательскя компаниясь азозе, што «Кизоть пенцты пачкодемась Владимир Путинонь мархта»руз. «Итоги года с Владимиром Путиным» ванозь 17 миллионть малава ваныхне. Тяконь лаца ваныхнень лувкссна марнек сембе каналхнень эса кучкаса ащи лувксонц сембе ваныхнень эзда, кона няфтьф процентса пачкодсь 63,4%. Трансляциять питнешиц кучка вастса ащи сембе ваныхнень эзда , кона лувф процентса, пачкодсь 12,5%. Программа транслировалась на телеканалах:

• Васенце каналсь;
• «Россия-1»;
• «Россия-24»;
• НТВ;
• «Соловьев Live»;
• «Мир»;
• «Ветеце каналсь»;
• РЕН ТВ.

Линиять песа саф мяльхне

Вице-премьерсь Дмитрий Чернышенко азозе, што сидеста ламоц жалобатне граждаттнень эзда ванондовсть тяниень пингонь режимса правительствать координационнай центраса. Китькстафоль, што ульсь нолдаф тевс ведомстватнень ёткса фкя-фкянь мархта тевонь соткссь, коса министронь лездыхне сембе ширьге решандазь тяфтама кизефкснень:

• лама идень мархта семьятненди максф 50% сяда кржа пандома авиаперелёттнень эса (вице-премьер Виталий Савельев макссь эрявикс мярьгомат Минтрансти, 2025-це кизонь 14-це январьста сяда уцезста ладяфкссь нолдави тевс сембе шабатненди 12 кизонь топодемати самс);
• банкне мярьгихть сувафтомс тяфта лемневи «кельмофтемань пинге» руз. «период охлаждения» кредитть сявоманц и сонь максоманц ёткса (кармай ладяф 50 тёжянь цалковайста сявомок, пачкоди мольфтемац 4 частста сявомоккафта шити молемс);
• правительствань председательсь Михаил Мишустин путозе кяденц каготтнень алу, кона максы права Курскяй областень аралайхненди получсемс таяфтама жа пандомат, кода и сембе СВО-са улихненди;
• азф лимитонь аф улемать колга льготной ипотекань госпрограммать коряс ;
• азф мяль келептемс семейнай ипотекась вторичнай рынкаса;
• азф мяль касфтомс пандомать пекиямать и шачфтомать коряс эряфонди сатомшкать серьса (РФ-нь трудонь и социальнай араламань министрсь Антон Котяков азозе, што пандомась пекиямать и шачфтомать коряс студенткатненди ули кода касфтомс 17 тёжянь цалковайс);
• азф мяль касфтомс доступностть социальнай контрактть аф оцю козяши мархта семьятненди.

Примечания