Виард, Василий Иванович
| Василий Иванович Виард | |
|---|---|
 | |
| Псевдонимоц | ВИАРД |
| Шачсь | 2-це январьста 1907-це кизоня |
| Шачема вастоц | |
| Кулось | 23-це августста 1971-це кизоня (64 кизоц) |
| Направлениясь | проза |
 Василий Иванович Виард | |
Василь Виард 2-це январьста 1907-це кизоня, Муромка[d], Пензань аймак[d] или Мокшанскяй район[d] — 23-це августста 1971-це кизоня — мокшень писатель. Афкуксонь лемоц Ардеев Василий Иванович.
Эряфонь киц
Виард Василь шачсь тяниень Пензань аймаконь Мокшанонь райононь Мокшень Муромка велеса сокаень-видиень тналса. Начальнай школать аделамда меле покодсь шачема велесонза. Ульсь морафтома кудонь оцюнякс, тонафтозень ломаттнень сёрмас содама. 1923—1926-це кизотнень касфнезень содмошинзон Пензань педтекникумса, а сяда меле шумордась рабфак Пенза ошса (1927—1930 кк.). Тя пингть сон сёрмадозень васенце стихонзон и азксонзон, конат печатлафтольхть «Од веле» газетаса и «Валда ян» журналса псевдоним ала. Тонафнесь Саратовскяй университетса, аспирантураса, работась школаса, издательстваса мокшень журналхнень эса и газетаса. Васенце книгац лиссь 1934-це кизоня «Шобда веста» (руз. Тёмной ночью) лем ала. Тяка кизоня примафоль СССР-нь Писателень союзу.
В. Виард лац содазе мокшень кяльть и мокшэрзянь народть устно-поэтическяй творчестванц. Сон нолдась кефкие книга мокшень кяльса и ниле — рузоннеса. Писательти лама кизот савсь эрямс Сибирьса (аш мезенкса пякстафоль сталинскяй репрессиятнень пингста), сяс сон сидеста сёрмпды тя козя крайть, сонь ломанензон колга. Реабелитировандаф 1957-це кизоня. Писательсь сёрмадсь книгат и оцюфненди, и ёмлатненди. Мордовиянь Республикань Центральнай государственнай архивса ванфтови писательть личнай фондоц, конань эса лядсть фотографиятне, писательть творческяй тевонза.
Эсь эряфоц
В. Виард рьвяяфоль. Ульсть кафта шабанза. Кулось и калмаф Саранскяйса[1].
Сёрматфонза
- «Шобдавань заря» (руз. «Утренняя заря»)
- «Исяк и тячи» (руз. «Вчера и сегодня») (1936 к.),
- «Кяжи сява» (руз. «Злая коза») (1956 к)
- «Кешань приключениянза» (руз. «Прикличения кеши») (1958 к.)
- «Скрипач Оха» (1959 к.)
- «Колять каникуланза»руз. (1960 к.)
- «Хрустальнай седь»(руз. «Хрустальный мост») (1960 к.)
- «Вирень вайгяльхть» руз. «Лесные голоса» (1961 к.)
- Два брата (1961 к.)
- «Кафта пильгса сохатай» руз. «Двуногий сохатый» (1962 к.)
1992—1993-це кизотнень Мордовиянь книгань издательстваса нолдафт Виардонь кочкаф покаманза кафта томса.
Лятфтамат
- ↑ Биография — Василий Виард (Ардеев) (рус.). LivLibe- сайт о книгах, социальная сеть читателей книг. Дата обращения: 3 декабрьста 2025.
Литературась
- Энциклопедия «Мордвась» Саранск, 2006 к. 587 л.
- История мордовской советской литературы, т. 2, Саранск, 1971.
- Писатели Сов. Мордовии. Биобиблиографич. справочник, Саранск, 1970.