Ванин, Фёдор Варламович

Фёдор Варламович Ванин
Фёдор Варламович Ванин
Шачема шиц	25 сентябрьста 1922
Шачема; вастоц	Языковка[d], Лукояновскяй уездсь[d], Нижегородскяй губерниясь[d], Россиянь Советонь Федеративонь Социализмань Республикась[d];
Кулома шиц	27 декабрьста 1996 (74 кизоц)
Кулома; вастоц	Ростов-Дон-лангсо[d], Россия;
Принадлежностсь	СССР Россия
Войскань родсь	пехота
Званияц	СССР, Генерал-майор
Сражениятне/войнатне	Великай Отечественнай войнась:; • Москуть ала тюремась; • Сталинградскяй тюремась; • Курскяй битватюремась; • Форсирование Днепра; • Освобождение Украины, Молдавии, Румынии

Фёдор Варла́мович Ва́нин (шачсь 1922 к. 25 сентябрьста Нижегородскяй губерниянь Языковка велеса - кулось 1996 к. 27 декабрьста Ростов-на-Дону ошса) - пехотинец, Воронежень фронтонь 38-це армиянь 240-це ляцендемань дивизиянь 836-це ляцендемань полконь и ляцендемань батальононь командир. Советскяй Союзонь Герой (1943). Мзярда максозь Героень лемть ульсь капитанкс, сяда меле арась генерал-майоркс.

Эряфонь киц

Од пингоц[петнемс | Петнемс лисьмапрянц]

Фёдор Варламович Ванин шачсь 1922-це кизонь 25-це сентябрьста сокаень-видиень семьяса Нижегородскяй губерниянь Лукояновскяй уездонь Языковка велеса (тяни Мордовиянь Ичалковскяй аймакса) [1].

1937-це кизоня Фёдор кармась тонафнема Лукояновань педагогическяй училищаса. Тонафнемста эрясь ошень Советса покодить В. А. Якушинонь квартираса. Кудъёткса ульсь ламонь аф вешендикс, сетьмокс. Тонафнесь Фёдор лац, лама лувондсь. Училищаса тонафнемста сувась комсомолу.

1940-це кизоня тонафнеманц аделамда меле Ванин сявфоль покодема рузонь кялень и литературань тонафтыкс Горьковскяй областень, Бутурлинскяй аймаконь Кремницкяень школав.

1940-це кизонь 12-це декабрьста Фёдор тертьфоль Якстерь Армияв. Свердловскяй пехотнай училищань офицеронь курсонь аделамда меле младшай лейтенантсь Ванин взводонь командиронь лемса тюрсь Москуть ала, сяда меле - Сталинградскяй тюремаса, Курскяй дугаса. Курскяй тюремаса Фёдор повсь минас. Мзярошка ков ульсь госпитальса.

1942-це кизоня Фёдор Ванин сувась коммунистонь партияв.

Пехотинецть подвигоц[петнемс | Петнемс лисьмапрянц]

Фёдор Ванин эсь подвигонц тиезе 1943-це кизонь 27-це сентябрьста Киевть эзда кельме ширень вастса, Днепрать тона трвазонза ётамста. Фёдор Варламович эста ульсь капитанкс, вятсь ляцендемань батальон. Разведчикнень мельге Днепрать тона шири ётась десантсь, коса ульсь ляцендема рота, станковай пулемётонь взвод и танкань каршес ружьянь взвод. Десантть мархта ётась Днепрать тона ширезонза Ванин капитанцке. Фкя ши и ве советскяй боецне Ванин капитанть кядала кирдсть-араласть плацдармть эса фашисттнень эзда. Фёдор Варламович ранендафоль, но аф ваномок тянь лангс, сон ашезе кадонда вятемань тевонц, ляцендсь автоматса и ёрясь гранатат. Лютежскяй плацдармть, кона пяк эрявсь Киевть араламста, ашезь макса фашиттненди фатямс.

СССР-нь Верховнай Советонь Президиумонь указонь коряс 1943-це кизонь 29-це октябрьста Фёдор Ванин казьфоль Советскяй Союзонь Герой лемса. Подвигонь тиемста теенза ульсь 21 киза.

Киевть араламдонза меле Ванин ётазе марнек Украинать, Молдавиять, фашисттнень эзда ароптсь Румыниять эса.

Войнать пингста Фёдор Варламович колмоксть ранендафоль.

Войнада мельдень кизотне[петнемс | Петнемс лисьмапрянц]

Войнада меле 1948-це кизоня Ванин Ф. В. зрнянь медальса аделазе М. В. Фрунзе лемса Военнай академиять.

Ванин кафксть (1945 и 1946 кизоня) сувсесь инжикс Лукояновань педагогическяй училищав.

Вооружённай Вийхнень эса Фёдор Варламович Ванин служась тяфтама вастса:

ляцендема батальононь командир;
полконь командиронь заместитель (5 кизот);
мотострелковай полконь командир (5,5 кизот);
мотострелковай дивизиянь штабонь оцюня (6,5 кизот);
военнай округонь заместитель (16,5 кизот);
Кельме ширень - Кавказонь военнай округонь штабонь оцюнянь заместитель (1980-це кизотнень).

1975-це кизоня Ванин тертьфоль Кремляв васедемас, кона лемтьфоль фашистскяй Германиять лангса сяськомати 30 кизонь топодемань илати.

1978-це кизонь сентябрьста Фёдор Варламович ульсь консультантокс Кельме ширень - Кавказонь военнай округть эзда Л. И. Брежневонь "Малая земля" книганц коряс телефильмань съёмкаса.

Войнада мельдень кизотнень Ф. В. Ванин эрясь Ростов-на Дону ошса.

Кулось 1996-це кизонь 27-це декабрьста. Калмаф Ростов-на Дону ошса.

Колганза мяляфтомась

Няйф:Могила Героя Советского Союза Фёдора Ванина.jpg

Советскяй Союзонь Геройть Фёдор Ванинонь калмоц

Няйф:Могила Героя Советского Союза Фёдора Ванина.jpg

Могила Ванина на Северном кладбище Ростова-на-Дону.

Мордовиянь пряошса Славань паркса Геройть лемс путф мемориальнай лятфнемань седяфкя.
Киевса ащи мялямгев Украинань Васенце фронтонь командующайти армиянь генералти Ватутинонди. Мялямгевть юрса няфтьфт воеттнень-аралайхнень ронгсна, синь ётксост Ф. В. Ванинга.
Ростове-на-Дону ошса ули ульця, кона лемтьф Геройть лемса^[1].

Казненза

«Зрнянь Тяште» медаль (СССР)»
Ленинонь орденоц
Якстерь Знамянь орден
Якстерь Знамянь Трудовой орден
Якстерь Тяштень кафта ордетт
Отечественнай войнань I-це степенень кафта ордетт
«Отваганкса» медаль (1943)
«Тюремаса сатфксонкса» медаль
«Москуть араламанкса» медаль
«Германиять лангса сяськоманкса Великай Отечественнай войнаса 1941-1945 кк.» медаль
«Владимир Ильич Ленинонь шачема шистонза 100 кизонь топодемати» юбилейнай медаль и лият.

См. также

Герои Советского Союза Ростовской области

Источникне

Плотников Е. Батальон шёл на запад // Горьковская правда. — 1979.
Письма героя // Лукояновская правда. — 1965.
Генерал Ванин: Рассказ о земляке — Герое Советского Союза // Колхозная правда. — 1981.
Афанасьев И. Герой Днепра // Колхозная правда. — 1970.
Ванин Фёдор Варламович: Некролог // Бутурлинская жизнь. — 1997. — 6 января.
Фотографии предоставлены Бутурлинским историко-краеведческим музеем.

Лятфтамат

↑ Ростов-на-Дону: улица Ванина (неопр.). Дата обращения: 16 сентябрьста 2011. Архивировано 15 июльста 2015 года.

Ссылкатне

[1] Ростов-на-Дону: улица Ванина (неопр.). Дата обращения: 16 сентябрьста 2011. Архивировано 15 июльста 2015 года.

[1]