Бровцев, Николай Михайлович
| Николай Михайлович Бровцев | |||||||
|---|---|---|---|---|---|---|---|
| Кулома вастоц |
Янтарный посёлкась, Калининградскяй областьса | ||||||
| Принадлежностсь |
 СССР |
||||||
| Служама кизонза | 1937—1945 | ||||||
| Званияц | Капитан | ||||||
| Казненза и премиянза |
|
||||||
Бровцев, Николай Михайлович - Покодиень и сокаень видиень Якстерь Армиянь капитан, воявась Великай Отечественнай войнаса, Советскяй Союзонь Герой (1945). Шачсь 1915 кизонь 30 мартста Симбирскяй губерниянь Алатырскяй уездонь Турдаки велеса. Шавовсь 1945 кизонь 15 апрельста Калининградскяй областень Янтарный посёлкаса.
Эряфонь киц
Николай Бровцев шачсь 1915 кизонь 30 мартста Турдаки велеса (тяни - Мордовиянь Дубёнскяй аймаксь) сокаень-видиень семьяса. Сон эрзя. 1932 кизоня аделась сисем класст Кабаева велеса. Тяда меле покодсь слесарькс "Химмаш" заводса Горьковскяй областень Дзержинск ошса. 1937 кизонь октябрьста Дзержинскяй аймаконь военнай комиссариатсь тердезе служама Покодиень и сокаень видиень Якстерь Армияв. Аделась полковой школа и младшай лейтенантонь курсат. 1941 кизонь 27 июньцта сявомок, воявай Великай Отечественнай войнань фронттнень эса. Тюрсь Кельме ширень, Карелиянь, Ши валгомань ширень, Белоруссиянь 3-це фронттнень эса. Тюрсь финнонь войскатнень каршес, аралась Смоленскяй областть эса. Котоксть ранендафоль. 1945 кизонь апрельти капитанць Николай Бровцев вятезе 923-це ляцендема полконь батальонтть (251-це ляцендема дивизиянь, 2-це гвардейскяй армиянь, Белоруссиянь 3-це фронтонь). Лац няфтезе прянц Восточнай Пруссияса тюремста. 1945 кизонь 15-це апрельста Пальмникен велеть (тяни Калининградскяй областень Янтарнай посёлкась) эзда лямбе и ши стяма шире немецонь войскань пехотань и танкань вийхне врьгядсть советскяй подразделениятнень лангс. Тя ульсь Флангервальд вирьса. Тя тюремаса Бровцевонь батальоноц юмафтсь лама солдат. Мзярошка солдат мархта Бровцев занясь вярьгок ащи васта и вятсь перьфонь оборона, ляцендсь пулемётса. Тя тюремась теенза арась мекольцекс, сон шавовсь. Калмаф Калининградскяй областень Зеленоградскяй аймаконь Русское велеса.
Казненза
СССР-нь Верховнай Советонь Президиумть указонц коряс 1945-це кизонь 29-це июньцта «батальононь маштозь вятеманкса, аф пелеманкса и героизманкса, кона няфтьфоль Восточно-Прусскяй операциять пингста» капитанць Николай Бровцев куломда меле казьфоль Советскяй Союзонь Герой оцю лемса. Стане жа сонь улихть орденонза. Сон казьфоль Ленинонь орденца, Якстерь Знаменень орденца, Суворовонь 3-це степенень орденца, Отечественнай войнань 2-це степенень орденца, Якстерь Тяште орденца, тяда башка, ульсть и медалензовок.
Колганза мяляфтомась
Бровцевонь лемса лемтьфт ульцят Дубёнки велеса и Зеленоградск ошса. Тяда башка, лемсонза лемтьф калонь кундамань венч (траулер).
Лятфтамат
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Тюльников Л. К., Басович Я. И. Герои Советского Союза — горьковчане. — Горький, 1981.