Бочкарёв, Василий Никифорович

Василий Никифорович Бочкарёв
Василий Никифорович Бочкарёв
Принадлежностсь	СССР
Служама кизонза	1940 — 1945
Званияц
Частец	1140-й стрелковый полк

Бочкарёв, Васи́лий Ники́форович (1915— 1997) — Покодиень-сокай-види Якстерь Армиянь сержант, Великай Отечественнай войнаса улись, Советскяй Союзонь Геройсь (1944).

Эряфонь киц

Шачсь 21-це январьста 1915-це кизоня Од Кутля велеса (тяниень пингть — Пензенскяй областень Лунинскяй районць) сокаень-видиень семьяса. Тонафнесь начальнай школаса, а 1935-це кизоста сявомок ушедсь эряма Москуса, покодсь Верхние Котлы велень кирпицень заводса. 1940-це кизоня тертьфоль службас Рабоче-крестьянскяй Якстерь Армияв. Служась Смоленск ошть ала. Великай Отечественнай войнать ушедомста тюрсь сонь фронтонзон эса. Примась участия Смоленскяй сраженияса, тюрсь Ржев и Белый ошнень ала, кафксть ранендафоль. Кизонда 1943-це кизоня тюрсь Курскяй битваса, сяльде — Сумы ошть инкса. 1943-це кизоня сентябрьти сон командовась Воронежскяй фронтонь 38-це армиянь 340-це стрелковай дивизиянь 1140-це миномётнай расчётть мархта. Няфтезе эсь прянц Днепрать инкса тюремста.

Веть 30-це сентябрьста ― 1-це октябрьста 1943-це кизоня группать мархта Украинскяй ССР-нь Киевскяй областень Вышгородскяй райононь Борки велеть маласа ётась Днепрать туркс. Улемок ляйть западнай трвасонза, группась штурмса сатозень немецнень окопснон, тоза арафтозень миномёттнень и врагть каршес панчсь тол. 2-це октябрьста группась тюрсь 6 немецонь контратака ала, шис лядсть аньцек 4 солдатта. Мзярда сяка жа шить омбоце пялестонза немецонь подразделениятне тисть тага фкя контратака, Василий Бочкарёв, кандомок миномётть од вастс, панчсь тол тюрихнень-сайхнень каршес. Мзярда минатне аделавсть, сон панчсь тол карабинцта. Ся пингти, мзярда теенза пачкодсь лездома стрелковай батальонць, сон лядсь шиса ськмонза сембе группать эзда. Сонь позициянц инголе ульсь шавф 38 немецонь солдатта и офицерда.

10-це январьста 1944-це кизоня СССР-нь Верховнай Советонь Президиумть Указонц коряс "Якстерь Армиянь генералхненди, офицерхненди, сержанттненди и рядовойхненди Советскяй Союзонь Героень лемть макоманц колга " "пяк цебярьста командованиянь боевой заданиятнень пяшкомемаснон инкса немецко-фашистскяй захватчикнень каршес тюремста и тя пингть героизмань и смелшинь няфтеманкса" теенза масфоль Советскяй Союзонь Героень лем Ленинонь орденонц и "Зрнянь тяште" медаль мархта.

Тюрсь Киев ошть и Правобережнай Украинать инкса. 1944-це кизоня сувась ВКП(б)-с. Карпатыса тюресмта ранендафоль и контужендафоль. Пчкамда меле мрдась меки стройс, тюрсь Польшать и Чехословакиять инкса. Войнать аделамдонза меле ульсь демобилизовандаф и мрдась меки шачема ширезонза. Эрясь Лунино посёлкаса, покодсь колхозса, сяльде лесничестваса, мехлесхозса. 1971-це кизоня тусь пенсияс. Эрясь Стерлитамак ошса. Кулось 26-це июльста 1997-це кизоня, калмаф Лунино посёлкаса.

Сон тяфта жа казьфоль Отечественнай войнань 1-це степенень орденца и лия медальса.

Лятфнематне

Бочкарёвонь колга лятфнеманди Лунино посёлкаса лесхозонь кудть лангса путф лятфтамань седяф.

Лятфтамат

Ссылкатне

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои огненных лет. — М.: Московский рабочий, 1985. — Кн. 8.