Биологическяй аф фкя лаца улемать народъётконь шиц
| Биологическяй аф фкя лаца улемать народъётконь шиц | |
|---|---|
 | |
| Типсь | Международнай |
| Ладяф | ООН-ть Генеральнай Ассамблеянц резолюциянц вельде |
| Ётафневи | эрь кизоня |
| Датась | 22-це майста |
| Койхне-обуцятне | перьфпяльть ванфтоманц колга лекцият, экологическяй илат, выставкат |
Биологическяй аф фкя лаца улемать народъётконь шиц (руз. Междунаро́дный день биологи́ческого разнообра́зия, ООН-нь официальнай кяльса: анг.: International Day for Biological Diversity, араб. اليوم الدولي للتنوع البيولوجي, исп. Día Internacional de la Diversidad Biológica, кит.: 生物多样性国际日, фр.: Journée internationale de la diversité biologique ) — ООН-нь международнай шись, эрь кизоня васьфневи 22-це майста Объединённай Нациянь Организациянь эгидать вельде. Ладяф ООН-ть Генеральнай Ассамблеянц вельде 1993 кизоня мастор лангонь общественностть содафтоманц касфтоманкса биологическяй аф фкакс шить вярьгок вастса ащеманц — Модать лангса эряфонь сембе форматнень марса ащемасна, сувафтомок виттнень, экосистемать и генофондть.
Ладяф ООН-нь Генеральнай Ассамблеять вельде (Резолюция № A/RES/49/119 от 19 декабря 1994 года)[1], васендавасьфневсь 29 декабрьста, меле ульсь ётафтф 22-це майти[2].
Колганза
Биологическяй аф фкя лаца улемась — тя тя эреклаф организмоань лама улемась:бактериять эзда сявомок экосистемати самс[3]. Биологическяй аф фкя лаца улемась лезды ванфтомс марстонь балансть, максомок эряфса сембе эрявиксть (ведть, ярхцамбяльть, стабильнай климатть, экономическяй касомать и лия мезть). Кепотьксонди:
- перьфпяльдень ресурснень эзда видеста сотф ВВП-ть пяледа лама пяльксоц;
- ламоц ломаттненди оцю ведсь — вельденза эряма васта;
- касыкмнень вельде мольфтеви 80 % ламось ломанть андомаса;
- коське вастонь и океанонь экосистематне покодихть кода «углеродонь симихть» и лият[4][5].
Биологическяй аф фкя лаца улемать юмафтомать эзда ули кода пачкодемс вачешити, зоонозонь келемомати, климатонь полафтомати и ламоти лияти[6].
Юрса ащи туфталкс биологическяй аф фкя лаца улемать юмафтоманцты кандовихть — ломанть вии хозяйственнай тевонь вятемац, перьфпяльдень уликсть аф маштозь карьхцямац[6][4], эряйхнень лувкссна, перьфпяльса уликсть вельф карьхцямац, перьфпяльть рдаскофтомац[7].
Биологическяй аф фкя лаца улемать целец — общественностть мяленц шарфтомац фаунань юмамаса и флорань киремань прябалатнень лангс [8][9].
Одрэ Азуле ЮНЕСКО-нь Генеральнай директорсь[10]:
Тееньк эряви ламода полафтомс перьфпяльть мархта ащемань сотксть и тя планетаса мархтонк эряй существатнень мархта, ушедомс ладяма и кеподема афкуксонь марстонь перьфпяльса ащема.
Эрямопингсь
Терминць «биологическяй аф фкя лаца улема» эвондась 1970-це кизотнень[11]. Кемонень кизонь ётазь келиста сувась прикладной и фундаментальнай биологияти[12].
22 майста 1992 кизоня Рио-де-Жанейраса ульсь прняндаф Конвенция биологическяй аф фкя лаца улемать колга[8] — международный правовой документ, направленный на сохранение биоразнообразия[13]. 29 декабрьста 1993 кизоня конвенциясь сувась эряфти[2]. 2025-це кизонь майти документ ратифицировандазь 196 государства[14].
Сяда тов конвенцити ульсть полатфт: Картахенскяй протоколсь биобезопасностть коряс (2000), Нагойскяй протоколсь генетическяй ресурснень сявондемаснон и марстонь тевс нолдамаснон фкя лаца и видеста сембонди (2010), Нагойско-куала-лумпурскяй дополнительнай протоколсь ответственностень кандомать и мрдафтомать картахенскяй протоколти биобезопасностень коряс (2010)[2].
19-це декабрьста 1994 кизоня ООН-ть Генеральнай Ассамблеяц азозе Биологическяй аф фкя лаца улемань международнай шить и ладязе васьфнемс сонь 29 декабрьста (Биологическяй аф фкя лаца улемать Конвенциять эряфс сувафтомань шиня )[1].
2000 кизонь декабрьста Генассамблеясь ладязе васьфнеманц 22-це майти (конвенциянь сёрмадомань шись)[15].
2015 кизонь мастор лангонь лидерхне прняндасть 17 цель кемоста молемань областть видеса (азфт шинь Повесткаса кемоста молемать эса 2030 кизоти самс), коса васенце вастса лемтьф задачась лоткафтомась биологическяй аф фкя лаца улемать юмафтомац[16].
2022 декабрьста 196 государства прняндасть Куньмин-Монреальскяй оцюдонга оцю рамочнай программать биологическяй аф фкя лаца улемать ванфтомаса[4]. Документса 23 задача, конат шарфтфт шарьхкодевиста перьфпяльдень ресурснень тевс нолдамаса, биологическяй аф фкя лаца улемать ванфтомац, экосистемань меки мрдафтомась. Документть пяшкодеманкса государстватненди эряви анокламс национальнай стратегият и тевонь тиема платт иологическяй аф фкя лаца улемать ванфтомаса[17].
Койхне
Эрь кизоня лемневи биологическяй аф фкя лаца улемать народъётконь шить темац. ООН-ть генеральнай секретарец сёрматкшни кучема мяляфтомань шить колга.
Сембе мастор лангть эзга тя шиня ётафневихть эрь кодама тнефт: лекцият перьфпяльть ванфтоманц колга, экологическяй илат, выставкат[18], акцият ведю вастонь аруяфтомаса, вирень урядамаса и лият.
Тяфта жа нолневихть специальнай изданият, конат лемтьфт биологическяй аф фкя лаца улемань шити[2].
Тематне
- 2002 — «Вирень биологическяй аф фкя лаца улемась[19].
- 2003 — «Биологическяй аф фкя лаца улемась и ашушить мархта тюремась — кемоста ащемать инкса серьгядематне»[2].
- 2004 — «Биологическяй аф фкя лаца улемась: продовольствиясь, ведсь и шумбрашись сембонди».
- 2005 — «Биологическяй аф фкя лаца улемась: эряфонь страхованиясь минь полафневи масторсонк».
- 2006 — «Араламс биологическяй аф фкя лаца улемать коськана васттнень эса»[2].
- 2007 — «Биологическяй аф фкя лаца улемась и климатонь полафтомась».
- 2008 — «Биологическяй аф фкя лаца улемась и велень хозяйствась».
- 2009 — «Инвазионнай виттне».
- 2010 — «Биологическяй аф фкя лаца улемась касомать инкса и ашушинь кандомань тёждялгофтомать»[2].
- 2011 — «Вирень биологическяй аф фкя лаца улемась».
- 2012 — «Оцю ведень биологическяй аф фкя лаца улемась».
- 2013 — «Ведсь и биологическяй аф фкя лаца улемась».
- 2014 — «Осторовонь биологическяй аф фкя лаца улемась».
- 2015 — «Биологическяй аф фкя лаца улемась кемоста молеманкса»[2].
- 2016 — «Биологическяй аф фкя лаца улемань тематикать оржалгофтомац, ломаттнень эряфсон и мезть вельде синь кармайхть эряма ширень кирдемась»[8].
- 2017 — «Биологическяй аф фкя лаца улемась и кеме туризмась».
- 2018 — «25 акизонь ётафтомась биологическяй аф фкя лаца улемань областть видеса».
- 2019 — «Минь биологическяй аф фкя лаца улеманьке, минь ярхцамбяленьке, минь шумбрашиньке»[7].
- 2020 — «Перьфпяльса минь решенияньке».
- 2021 — «Минь решениять пяльксоц #ForNature».
- 2022 — «Марстонь сай пингонь ладямась сембе эреклафти»[2].
- 2023 — «Мяльста тевти: биологическяй аф фкя лаца улемань одукс ладямась».
- 2024 — «Ульхть планти пяльксокс».
- 2025 — «Гармония перьфпяльть мархта и кемоста касома».
Мархтонза сотф шитне
- Дикай перьфпяльдень всемирный шись (3 мартста).
- Вирень международнай шись (21 мартста).
- Тропиконь международнай шись (29 июньцта).
- Оцю ведень всемирнай шись (аш видеста шиц; васьфневи сентябрьть песта).
- Жуватань араламань всемирнай шись (4 октябрьста).
Лятфтамат
- ↑ 1 2 Document Viewer (рус.). docs.un.org. Дата обращения: 20 майста 2025.
- ↑ 1 2 3 4 5 6 7 8 9 International Day for Biological Diversity - 22 May. www.cbd.int (7 мартста 2025). Дата обращения: 20 майста 2025.
- ↑ Биологическое разнообразие(рус.). www.who.int. Дата обращения: 20 майста 2025.
- ↑ 1 2 3 Что такое биоразнообразие и как его сохранить? ООН Женева. Дата обращения: 20 майста 2025.
- ↑ International Day for Biological Diversity | United Nations, United Nations. Дата обращения: 20 майста 2025.
- ↑ 1 2 Еле живая природа. По всей планете вымирают животные и растения. Чем это грозит человечеству?, Lenta.RU (6 январьста 2023). Дата обращения: 20 майста 2025.
- ↑ 1 2 Зачем празднуют Международный день биологического разнообразия, Парламентская газета (22 майста 2019). Дата обращения: 20 майста 2025.
- ↑ 1 2 3 Международный день биологического разнообразия, РИА Новости (22 майста 2016). Дата обращения: 20 майста 2025.
- ↑ Иван Обухов. Какой сегодня праздник: 22 мая – Международный день биологического разнообразия, Профиль (22 майста 2023). Дата обращения: 20 майста 2025.
- ↑ Международный день биологического разнообразия. ЮНЕСКО. Дата обращения: 20 майста 2025.
- ↑ Власова Е. А. Содержание понятия о биологическом разнообразии в профильном курсе биологии. Ярославский педагогический вестник (2009). Дата обращения: 20 майста 2025.
- ↑ Биологическое разнообразие, Большая российская энциклопедия. Дата обращения: 20 майста 2025.
- ↑ Конвенция о биологическом разнообразии(рус.). www.un.org. Дата обращения: 20 майста 2025.
- ↑ List of Parties. www.cbd.int. Дата обращения: 20 майста 2025.
- ↑ 55/201. Конвенция о биологическом разнообразии. unisdr.org. Дата обращения: 20 майста 2025.
- ↑ Международный день биологического разнообразия. ГКУ «Дирекция особо охраняемых природных территорий Санкт-Петербурга». Дата обращения: 20 майста 2025.
- ↑ 22 мая: Международный день биологического разнообразия, Экологический информационный центр «Экоинфо». Дата обращения: 20 майста 2025.
- ↑ Всемирный День биологического разнообразия в ГДМ, РИА Новости (21 декабрьста 2002). Дата обращения: 20 майста 2025.
- ↑ International Day for Biological Diversity - 22 May 2002. www.cbd.int (14 декабрьста 2006). Дата обращения: 20 майста 2025.
Литературась
- Редникова Т. В. Значение конвенции CITES для охраны биологического разнообразия: полувековой опыт реализации положений // Международное право и международные организации. — 2023. — № 1.