Башкиронь кялень шись
| Башкиронь кялень шись | |
|---|---|
| Типсь | Культурнай |
| Лиякс | ba:Башҡорт теле көнө |
| Ладяф | Башкортостан Республикань Оцюнять указонц коряс Хабиров, Радий Фаритовичень |
| Ётафневи | 2015-це кизоста сявомок |
| Датась | 14-це декабрьста |
| Сотф | башкиронь поэтть и просветительття Мифтахетдин Акмуллашачема шинц мархта |
Башкиронь кялень шись — шись, кона лемтьф, башкиронь кяльть ванфтоманц-араламанц и сяда тов каосманц. Башкиркяльсь Башккортостан Республикаса государственнай кяльхннь ёткста фкясь серцец рузонь кяльть мархта. Сон кандови тюркскяй кялень группати алтайскяй кялень семьяти и кирди козя эрямопинге культура. Башкортостан Республикань Оцюнять Хабиров, Радий Фаритовичень указонц коряс, 2019-це кизоста сявомок Башкиронь кялень шись васьфневи 14-це декабрьстта[1][2].
Эрямопингсь
Мяльсь Башкиронь кялень шить кемокстаманц колга эвондась национальнай кяльть ванфтоманц, касфтоманц, а станя жа шарфтомс мяльснон од ломаттнень кяльть кельгоманцты. Башкирхне — Башкортостантть коренной народоц, и народть кяльсна оцю васта заняй сонь кульуранц, коензон и эсь лацонь шинц ванфтомаса.в Шить кочкамац (14-це декабрсь) Башкиронь кяльть шумбрандафтоманкса кочкаф аф стак: тя шиня шачсь сембонди содаф башкиронь поэтсь и просветительсь Мифтахетдин Акмулла.
Тя шить ушедсть васьфневомонза-мяляфнемонза 2015-це кизоняу башкиронь сембе масторлангонь курултаень (конгрессть) мяленц коряс Башкортостан Републикань нароттнень Ассамблеяснон и Башкортостан Республикань Обоазованиянь и наукань министерствать мялень кирдемать вельде. 2019-це кизоста сявомок он ульсь официальнай статусоц. Шачема мкялень тонафнемась и шачема эсь юронь содамась, тяфта жа шачфтыхнень-касфтыхнень и атянь-атятнень мяльснон ваномасна и мельгаст якамась ащихть вярьгок вастса эрь цивилизованнай ломанть ёжеса-седиса. Васендакиге, тя козякофтсы потма ваймоцень, а омбоцесь, сон тёждялгофтсы лия ломанень кяльхнень тонафнемаснон[3].
Кода ётафневи
Тя шиня ётафневихть эрь кодама мероприятият, конат шарфтфт кяльть содафтоманц и сяда тов касфтоманц лангс. Школатненьи вуснень эса ётафневихть урокт, конат лемтьфт башкиронь кяльти литературти, ётафневихть пялькстомат стихонь мазыста морафтыхнень ёткса, викторинат и олимпиадат-пялькстомат. Тяфта жа ётафневихть концертт, выставкат и тага эрь кодама кульутнай эрь месть, коса ули кода кулемс-марямс эрек мораень морон вайгяльхть и стихонь азондомат башкиронь кяльса. Тя шиня аф аньцек Башкортостанца , но и перьфканза ащи эряма васттнень эзга ётафневихть эрь кодама пара тефт, кода онлайн-, станя и офлайн-форматса. Оцю мяль шарфневи башкиронь писательхнень и поэттнень литературнайм козяшиснон ванфтомаснон и касфтомаснон лангс. Тя шиня лятфневихть содаф тяфтама литературнай тевтиихне, кода дМифтахетдин Акмулла, Шайхзада Бабич, Мажит Гафури и лиятнень. Тя шиня пуропневи марса кизоньберьф тифсь тифсь кизонь, лемневихть сяськизхнень лемсна сядонголе ётафтф пялькстоматнень коряс. Сембе мероприятиятнень эса сувафневихть республикань культурань, образованиянь сембе учреждениятне.[4][2]
Примечаният
- ↑ День башкирского языка. Башкирский институт социальных технологий (филиал) Образовательного учреждения профсоюзов высшего образования «Академия труда и социальных отношений». 14 декабр 2022.
- ↑ 1 2 Как в республике отметят День башкирского языка. Башинформ. 7.12.2022.
- ↑ «Мелодичный башкирский язык». Culture.ru.
- ↑ Сегодня в Башкортостане отмечается День башкирского языка. Министерство культуры Республики Башкортостан. 14 декабря 2022 года.