Ахромеев, Сергей Фёдорович

Экспертиза РАН

Проведена экспертиза
Российской Академией Наук

Подробнее

Экспертиза РАН

Проведена экспертиза
Российской Академией Наук

Подробнее

Сергей Фёдорович Ахромеев
руз.: Сергѐй Фёдорович Ахромѐев
СССР-нь Президентть Главный военнай советникоц
15 мартста 1990 — 24 августста 1991
Президентсь	Горбачёв, Михаил Сергеевич
СССР-нь Вооружённай виень Генеральнай штабонь гачальник — васенце полафтыец СССР-нь оборонань министрть
6 сентябрьста 1984 — 14 декабрьста 1988
Ингольденза ащись	Огарков, Николай Васильевич
Мельганза улись	Моисеев, Михаил Алексеевич
Щачемац	5 майста 1923(1923-05-05) село Виндрей (Мордовия), Виндреевская волость, Спасскяй уездса (Тамбовскяй губерниясь), РСФСР, СССР
Куломац	24 августста 1991(1991-08-24) (68 ) Моску, РСФСР, СССР
Калмама вастоц	Троекуровское кладбище[d]
Партиясь	Советской союзонь коммунистэнь партия[d]
Образованияц	Военная академия Генерального штаба Вооружённых сил Российской Федерации[d]
Казненза	Иностранные награды:
Военная служба
Служамань кизонза	1940 — 1991
Ащемац	СССР
Войскань родсь	Танковые войска СССР
Званияц	Советскяй Союзонь маршал
Командовась	36-це танковай дивизиясь, 7-це танковай армиясь, Главнай оперативнай управлениясь СССР-нь ВС-нь ГШ, СССР-нь ВС-нь Генеральныа штабсь
Тюреманза	Великай Отечественнай войнась, Афганскяй войнась (1979—1989)
Сергей Фёдорович Ахромеев

Серге́й Фёдорович Ахроме́ев (шачсь 5-це майста 1923-це кизоня СССР-нь РСФСР-нь Тамбовскяй губернияса Спасскяй уездонь Виндрейскяй волостень Виндрей велеса — кулось 24-це августста 1991-це кизоня Москуса ) — советскяй военачальник, 1982-це кизоня тейнза максовсь Советскяй Союзонь Героень лемсь. Тонафнесь М. В. Фрунзеть лемса Высшай военно-морской училищаса, аньцек ашезь кенерь аделамс, кучовсь Ленинградскяй фронту воявама, сяс военнай профессиональнай образования получась войнда меле. Примась участия блокаднай Ленинградть араламста.

1945-це кизоста 1974-це кизоть самс командовандась танковай дивизиянь эрь кодама войскаса, аф весть ульсь штабонь оцюнякс. Ульсь СССР-нь оборонань министрть васенце полафтыкс. 1983-це кизоня получазе "Советскяй Союзонь Маршал" лемть.

2006-це кизоня колганза лись "Ахромеев Маршал. Куломада инголе вете сёрмат" документальнай фильмась.

Эряфонь киц

Начальник Генерального штаба Вооружённых сил СССР Маршал Советского Союза С. Ф. Ахромеев (справа), 10 июля 1988 года

Начальник Генерального штаба ВС СССР Маршал Советского Союза С. Ф. Ахромеев и Председатель ОК начальников штабов США адмирал Уильям Д. Кроу, 8 июля 1988 года

Шачсь сокаень-видиень семьяса. 1940-це кизоня Москуса аделазе военно-морской специальнай 1-це школать и тяка кизоня ушедозе военнай службанц, поступиндась М.В.Фрунзеть лемса Высшай военно-морской училищав.

Аделамок училищаса васенце курсть 1941-це кизоня июльста сявомок декабрти молемс тюрьсь Лениградскяй фронтса курсантскяй стрелковай марстонь батальонца, ульсь ранендаф.

1942-це кизоня август ковста примавсь курсантокс Астраханскяй пехотнай 2-це училищав лейтенантонь курсав, конатнень тяка кизоня аделазень и сяда тов — Сталинградскяй и Южнай фронттнень эса 28-це армиянь 197-це армейскяй запасной полконь стрелковай взводонь командир, а 1943-це кизоста Украинскяй 4-це фронтса тяка полконь стрелковай оцю батальононь адъютант.

1944-це кизоня июль ковста Харьковскяй и Московскяй военнай округтнень эса Главнай Командованиянь Резервань самоходно-артиллерийскяй 14-це бригадань автоматчиконь моторизированнай батальононь командир.1945-це кизоня аделазе Якстерь армиянь бронетанковай и механизированнай артиллериянь самоходнай войскань офицерскяй Высшай школать.

Ульсь казьф блокаднай Ленинградть араламанц инкса.

Службац войнада меле

Великай Отечественнай войнада меле 1945-це кизоня июнь ковста ульсь СУ-76 самоходно-артиллерийскяй дивизиононь установкань командиронь полафты, 1945-це кизоня сентябрь ковста — тонафтомань центрань башка танковай 14-це полконь танковай батальононь командир, а 1947-це кизоня февраль ковста Закавказскяй военнай округса гвардейскяй механизированнай 31-це дивизиянь стака танко-самоходнай 14-це полконь ИСУ-122-це установкань батальононь командир.

1952-це кизоня аделазе И.В.Сталинонь лемса Советскяй армиянь бронетанковай и механизированнай войскань военнай академиять.1952-це кизоня июль ковста Приморскяй военнай округса 39-це армиянь танкосамоходнай 190-це полконь штабонь оцюня. 1955-це кизоня август ковста Дальневосточнай военнай округса танковай полконь командир. 1957-це кизоня декабрь ковтса — штабонь оцюня, командиронь полафты, а 1960-це кизоня декабрь ковтса — Белорусскяй военнай округса танковай 36-це дивизиянь командир. 1964-це кизоня апрель ковста танковай тонафтомань дивизиянь командир.

1967-це кизоня аделазе СССР-нь Вооружённай виень Генеральнай штабонь военнай академиять. 1967-це кизоня июльста сявомок 1968-це кизоня октябрти самс штабонь оцюня — танковай 8-це армиянь вятить васенце полафтыец.

1968-це кизоста октябрь ковста сявомок 1968-це кизос май ковть самс Белорусскяй военнай округса танковай 7-це армиянь вяти.

1972-це кизоня май ковста сявомок 1974-це кизоня март ковсть самс штабонь оцюня — Дальневосточнай военнай округонь войскатнень вятиснон васенце полафтысна. 1973-це кизоня К. Е. Ворошиловонь лемса Вооружённай виень Генеральнай штабонь Военнай академиять видеса аделась Высшай академическяй курсат.

Оцю должностенза

1974-це кизоста март ковста сявомок 1979-це кизос февраль ковть самс СССР-нь ВС-нь Генеральнай штабонь главнай оперативнай управлениянь оцюня — СССР-нь Вооружённай виень Генеральнай штабонь оцюнять полафтыец.

1979-це кизоста февраль ковста сявомок 1984-це кизос сентябрь ковс — СССР-нь Вооружённай виень Генеральнай штабонь оцюнять васенце полафтыец. Тя постса аф весть ульсь Афганистанца, арьсесь и вятьсь советскяй войскань боевой действиянзон эса.

Карен Шахназаровонь валонзон коряс, Афганистану советскяй войскатнень сувафтомаснонды фалу мольсь каршек.

1984-це кизоня 6-це сентябрьста сявомок 1988-це кизоня 14-це декабрть самс — СССР-нь Вооружённай виень Генеральнай штабонь оцюня — СССР-нь оборонань министрть васенце полафтыец. Ульсь аф согласнай военнай реформать и советскяй военнай вийхнень лафчемтомснон мархта, сяс вастста тусь.

Ульсь Афганскяй военнай операциятнень сембе этапснон эса планированиянь вятикс, примась участия и войскатнень лифтемаса.

1988-це кизоня декабрь ковста ётась военнай служба СССР-нь оборонань Министерстань генеральнай инспекторонь группаса генеральнай инспекторонь должностьса. Тяка пингть ульсь СССР-нь Верховнай Советонь Президиумонь оцюнянь указовайкс, 1989-це кизоня май ковста — СССР-нь Верховнай Советонь оцюнянь указовай (кафцьке — М. С. Горбачёвонь должностьса), 1990-це кизоня март ковтса — М. С. Горбачёвонь СССР-нь Президентонь военнай Главный указовай.

1984-1989 кизотнень — Молдавскяй ССР-ть эзда СССР-нь Верховнай Советонь депутат. 1989 кизоня март ковста Молдавскяй ССР-нь Бельцкяй территориальнай № 697-це округть эзда кочкавсь СССР-нь народнай депутаткс. Оборонань и аф пелькс шинь коряс кизефксонь СССР-нь ВС-нь Комитету СССР-нь Верховнай Совету сувсись. Аф весть корхтась народнай депутатонь Съездонь и СССР-нь Верховнай Советонь пуромксса, а тяфта жа нолясь статьят, коса корхтась НАТО странатнень кядялу СССР-ть вишкста сявоманц коряс пельксшить колга.

«Ахромеев Маршалсь ульсь цебярь военачальникокс, сон кельговсь армияса и партияса», — тяшкстазе Рой Медведев, няфнезе: «Маршалть колсевсь мялец, ваномок СССР-нь Президентть прянь вятеманц лангс, кона указовайти и лездыти лоткась макссемда кодама-бди тефт, армейскяй кой-кона эрявикс прябалатнень, конатнень Ахромеев лувондозень тяниёконнекс, решендамаснон сидеста кадондозень сяда товти. Ахромеев ашезь кирде, 1991-це кизоня июнь ковста анась пря отставкас, аньцек и тя кизефксть мархта Горбачёв куватьс таргсевсь».

Чрезвычайнай положенить коряс Государственнай комитетсь и эсь прянь юмафтомась

Шобдава содамок ГКЧП-ть колга 19-це августста мрдась Моску Сочиста, коса сон ваймосесь марса рьванц, Тамара Васильевнать и уноконзон мархта, и васьфнесь Геннадий Янаевть СССР-ть вице-президентонц мархта. Кирдезе ГКЧП-ть пшкядеманц ширенц и надияфтозе эсь лезксонц, вятезень военнай кизефкснень. Веть ётафтозе дачасонза, коса эрясть ёмла стирец семьянц мархта. 20-це августста покодсь Кремляса и оборонань Министерствань зданияса, пуромтнесь странаса военно-политическяй моли тефнень коряс информация. Аноклась мероприятиянь план, конатнень эрявсь ётафтомс чрезвычайнай положениять сувафтоманц сюнеда. Август ковонь 20-це шиста 21-це шити венц ётафтозе Кремляса эсь кабинетсонза. Тоста звонцесь Сочи рьванцты и стирензонды.

Мон кемань, што тя тевсь срады-калады, а самок Моску кемокстайнь арьсемазень. <…> Катк историяса ляды хуш пильгоки — великай государствать юмаманцты-араманцты ульсть карша молихть.С. Ф. Ахромеевонь сёрмадомань книжкастонза

20-це шиста Ахромеев и Бакланов пуроптсь рабочай группа и кочксесть обстанокать коряс информация и макссесть тейнза анализ. 21-це августста шобдава, Ахромеевонь валонзон коряс, тя группать аноклаф кафта докладонза вановсть ГКЧП-ть пуромксса. Тяда башка Ахромеев аноклась Янаевти СССР-нь Верховнай Советонь Президиумса сай пингонь лувови докладонцты васенце сёрмадкст: гэкачеписттненди пяк эрявсь, штоба союзнай парламентсь кирдезе ширеснон, тевснон луволезь законнайкс. Сяка Ахромеевонь сёрматфоц Янаевонь мяльсь ашезь ту.

22-це августста кучсь Горбачёвонди сёрма.

Мес мон эсь мяль вельде сань Моску — Сочиста монь кивок ашемань сярьгядькшне — и ушедонь "Комитетса" покодема? Вдь мон кемань, тя тевсь срады-калады, а самок Моску кемокстайнь арьсемазень. Тевсь сянь эса, што 1990-це кизоста сявомок мон кемань и тянемс кеман, што странаньке юмай-арай. Курок сон явови пакшень-пакш. Мон вешендень, кода сяда кайгиста тянь колга азомс. Арьсекшнень, што монь участиязе "Комитетть" покодеманц ванфтомаса и тянь мархта сотнефсь сяда тов максы тейне уликсши тянь колга корхтамс видеста. Улема тя сембось аф кемафты и кайги бта шаба лаца, но тя тяфта. Монь решениясон ашельхть корыстнай мяльхть.Ахромеев Маршалсь, М. С. Горбачёвти сёрмаса

• 23-це августста ульсь оборонань и госбезопасностень тефнень коряс СССР-нь Верховнай Советонь Комитетть пуромксса.
• 24-це августста 1991-це кизоня 21 частса 50 минутаста Москунь Кремлянь 14-це корпусса служебнай № 19-це «а» кабинетса Ахромеевонь музе охранань дежурнай офицерсь.
• 23 частса маршалть кабинетса эвондась СССР-нь Генеральнай прокуратурань следствиянь бригадась.

Рой Медведевонь арьсемац: «Кода можна сёрматнень коряс судендамс, маршалсь арьсесь юмафтомс пря уш 23-це августста, аньцек абонкшнесь. Но веть 23-це августста Б. Н. Ельцин Горбачёвонь пингста путсь Россияйскяй Федерацияса КПСС-ть покодеманц лоткафтоманц коряс указти кядень путома. Тяка шиня поздна илять и 24-це августста веть манифестанттне нельгсть Сире площадьса КПСС-нь ЦК-ть зданиятнень эса. Тя событиятнень эзда пакшнень ульсь кода няемс телевидениява, а Ахромеевти ульс кода содамс сяда лама».

Ахромеевонь колга тевса ули сембось. И сёрматне, и карькскясь, конань эса повась пря. И сёрма сянь колга, кода васенцеда карькскясь сязевсь… Мон кеман, што Ахромеев сонц юмафтозе прянц. Мон цебярьста содайне Сергей Фёдоровичень. Сонь ашезе кирде сянь, мезе лиссь сонь странанц мархта.Д.Т.Язов Маршалсь

Памятник на Троекуровском кладбище Москвы

Семьянцты С. Ф. Ахромеев кадсь сёрмат, а тятфта жа сёрма, коса корхтась, што туй эряфста, сяс мес аш виец няемс кода срафтови-калафтови сембось мезти сон лемдезе эряфонц.

Калмаф Троекуровскяй калмолангса (№ 2-це участокса). Ульсть аньцек рьвац и стиренза. Калмамада меле веть аф содафне шувозь С.Ф. Ахрамеевонь калмоц, панжезь лазкснень и салазь маршалть казне мархта мундиронц.

Маршалть калмолангонь памятниконц лангса сёрматф-тиф СССР-нь гербсь и «Коммунист.Патриот.Солдат» валхне.

Слева: М. С. Горбачёв, А. Н. Яковлев, С. Ф. Ахромеев Мальтийскяй саммитть пингста,
2-це декабрьста 1989-це кизоня

Книгатне

• Ахромеев, С. Ф., Корниенко Г. М. Глазами маршала и дипломата. — М.: Международные отношения, 1992.

Сергей Ахромеевонь колга документальнай фильматне

• 2006-це кизоня  — «Маршал Ахромеев. Куломада инголе вете сёрмат» — ТК «Останкино» по заказу ОАО «Васенце каналсь», тя фильмати авторсь — Медведев, Сергей Константинович.

Казнетне

Маршальский мундир Ахромеева. Саранск ошсь, Военнай и трудовой подвигонь 1941—1945 кизотнень мемориальнай музейсь гг.

Горельеф Ахромееву С. Ф. на Мосфильмовской улице, 11, к. 4, ск. Е. Дубровина, арх. Е. Кузнецова, открыта 12 марта 2015 г.

Советскяй казнетне

• Советскяй Союзонь Геройсь (07.05.1982)
• Ленинонь лемса 4 Ордетт (23.02.1971, 21.02.1978, 28.04.1980, 07.05.1982)
• Октябрьскяй Революциянь Орден (07.01.1988)
• Якстерь Тяштень 2 Ордетт (15.09.1943, 30.12.1956)
• Отечественнай войнань 1-це степенень Орден (06.04.1985)
• "СССР-нь Вооружённай Вийса Родинати служаманкса" 3-це степенень Орден (30.04.1975)
• Медаль «Юбилейная медаль «За воинскую доблесть. В ознаменование 100-летия со дня рождения Владимира Ильича Ленина»
• «Боевой заслуганкса» медаль (15.11.1950);
• «СССР-нь государственнай границанзон цебярьста ванфтоманкса» медаль
• «Ленинградть араламанкса» медаль
• «Сталинградть араламанкса» медаль
• «1941—1945 кизотнень Великай Отечественнай войнаса Германиять лангса сяськоманкса» медаль
• Юбилейная медаль «Двадцать лет Победы в Великой Отечественной войне 1941—1945 гг.»
• Юбилейная медаль «Тридцать лет Победы в Великой Отечественной войне 1941—1945 гг.»
• Юбилейная медаль «Сорок лет Победы в Великой Отечественной войне 1941—1945 гг.»
• Медаль «За укрепление боевого содружества» (СССР)»
• Юбилейная медаль «30 лет Советской Армии и Флота»
• Юбилейная медаль «40 лет Вооружённых Сил СССР»
• Юбилейная медаль «50 лет Вооружённых Сил СССР»
• Юбилейная медаль «60 лет Вооружённых Сил СССР»
• Юбилейная медаль «70 лет Вооружённых Сил СССР»
• Медаль «В память 800-летия Москвы»
• Медаль «В память 250-летия Ленинграда»
• Медаль «За безупречную службу» 1-й степени.
• Лауреат Ленинской премии 1980 года за исследование и разработку новых систем автоматизированного управления Вооружёнными силами.

Омба масторонь казнетне

 МНР (Монголия):

• Орден Сухэ-Батора (1981)
• Медаль «30 лет Победы над милитаристской Японией»|Медаль «30 лет победы над Японией» (1975)
• Медаль «40 лет Халхин-Гольской Победы»|Медаль «40 лет победы на Халхин-Голе» (1979)
• Медаль «60 лет Вооружённых Сил МНР» (1981)

 ГДР (Германская Демократическая Республика):

• Орден Шарнхорста (1983)
• Медаль «Братство по оружию» (ГДР)|Медаль «Братство по оружию»]] 1-й степени (1980)
• Медаль «30 лет Народной армии ГДР» (1986)

 НРБ (Болгария):

• Орден «Георгий Димитров» (1988)
• Орден «Народная Республика Болгария»]] 1-й степени (1985)
• Орден «9 сентября 1944 года» 1-й степени с мечами (1974)
• Медаль «За укрепление братства по оружию» (1977)
• Медаль «30 лет Победы над фашистской Германией» (1975)
• Медаль «40 лет Победы над фашизмом» (1985)
• Медаль «90 лет со дня рождения Георгия Димитрова» (1974)
• Медаль «100 лет со дня рождения Георгия Димитрова» (1984)
• Медаль «100 лет освобождения Болгарии от османского ига» (1978)

 Чехословакия:

• Орден Красного Знамени (ЧССР)|Орден Красного Знамени (1982)
• Орден Победного Февраля (1985)
• Медаль «30 лет Словацкого национального восстания» (1974)
• Медаль «40 лет Словацкого национального восстания» (1984)

 Вьетнам:

• Орден Военных заслуг 1-й степени (1985)

 ДРА (Афганистан):

• Орден Красного Знамени (1982)
• Орден Саурской революции (1984)
• Медаль «Воину-интернационалисту от благодарного афганского народа»|Медаль «От благодарного афганского народа» (1988)

 Куба:

• Медаль «20 лет Революционных Вооружённых Сил» (1976)
• Медаль «30 лет Революционных Вооружённых Сил» (1986)

 КНДР (Корейская Народная Демократическая Республика):

• Медаль «40 лет освобождения Кореи» (1985)

 СР Румыния:

• Медаль «За воинскую доблесть» (1985)

 Китай (Китай):

• Медаль «Китайско-советской дружбы» (1955)

 ПНР (Польша):

• Медаль «Братство по оружию» (1988)

Воинскяй званиянза

• Лейтенант — 1942,
• Старший лейтенант — 1943,
• Майор — 1947,
• Подполковник — 1952,
• Полковник — 08.12.1956,
• генерал-майор танковых войск — 13.04.1964,
• генерал-лейтенант танковых войск — 21.02.1969,
• генерал-полковник — 30.10.1974,
• Генерал армии (СССР) — 23.04.1979,
• Маршал Советского Союза — 25.03.1983.

Семьяц

Рьвац — Тамара Васильевна Ахромеева.

Стирец — Татьяна.

Стирец  — Наталья.

Лятфтамат

Литературась

• Маршалы Советского Союза: Личные дела рассказывают / Институт военных и историко-патриотических исследований. — М.: Любимая книга, 1996. — 96 с. — ISBN 5-7656-0012-3.
• Майоров А. Правда об Афганской войне. — М., 1996. — ISBN 5-7712-0032-8.
• Суровцев А. П. Трагедия маршала Ахромеева. — М.: Воробьев А.В., 2020. — 76 с.

Ссылкатне

• Сергей Фёдорович Ахромеев  (рус.). Сайт «Герои страны».
• Маршал С. Ф. Ахромеев: Досье на сайте Минобороны России Архивная копия от 6 сентябрьста 2021 на Wayback Machine
• Сергей Ахромеев (неопр.). Пантеон истории. Дата обращения: 20 августста 2013. Архивировано 24 августста 2013 года.
• Тайна гибели маршала Ахромеева (неопр.). Государственный интернет-канал «Россия» (2011). — документальный фильм. Дата обращения: 20 августста 2013. Архивировано 24 августста 2013 года.

Видео

 Маршал Ахромеев о Советском Союзе