Аф афкуксонь куз

Рувики лопаста
Оптоволокнань эзда кузсь

Аф афкуксонь кузсь – тя од кизонь кузня лаца парши, кона ноляви тевс од кизонь илатнень пингста. Васенце аф афкуксонь кузнятнень тиендезь шуфтста. Синь пирамида лацотольхть, мазоптфтольхть од кизонь кузнякс или нармонень толгаса. Тяфтама кузнятнень арьсезь немецне. Тяниень пингонь аф афкуксонь кузнятнень тиендсазь поливинилхлоридста; стане жа улихть и лиятка – кепотьксонди, алюминиста или оптоволокнаста.

Эрямопингсь[петнемс | Петнемс лисьмапрянц]

Васенцеда аф афкуксонь кузнятне эвондасть Германияса XIX-це сяда кизотнень пингста [1][2], но, тяда башка, ульсть и сяда инголеннетка [3]. Синь тиендезь маци толгаста, конатнень архнезь сянгяря тюсса[1]. Ня «Толгань шуфттнень» тиемасна ульсть немецнень ширде каршек валкс вирень керсемать лангс, кона вииста мольфтевсь Германияса[4] Синь пачкодсть США-в, коса стане жа сувасть эрь кудс [5][6]. США-са аф афкуксонь кузнятне эвондасть сяда инголе сянь коряс, мзярда ламоцне ушедсть путнема кудозозт Роштувань карша эрек кузнят[3]. Ня васенце «шуфтонятне» ульсть пирамида лацот, конат шарсть шуфта лангс и валдопневсть штатолняса. Синь тифтольхть Вифлеемса (Пенсильвания штатса) 1747-це кизоня [7]. 1930-це кизоня ADDIS американь компаниясь арьсесь-тись нарде ронга мархта кузня. Лангсонза ульсь туста калгода пона, кона тифоль кузонь салмок лаца. Салмоксне тифтольхть ракшань понаста, конатне архтфтольхть сянгяря тюсса. Тяфтама аф афкуксонь кузнятне тусть ломаттнень мяльс и ламос нолявсть тевс[8]. 1958-це кизоня Чикагоса ушедсть нолявома кузнят алюминийста, конат ульсть сиянь тюсса. Тяфтама аф афкуксонь кузнятне мишендевсть стане жа омба мастору, тяконь лаца СССР-у[8].

Алюминевай кузнятнень вастс састь пластмассаста кузнятне. СССР-са сембонди кельговсть синтетическяй кузнятне, конатнень арьсезень 1959-це кизоня Налхкшень Загорскяй институтсь (тяни лемоц Налхкшень Сергиево-Посадскяй институт)

Производствань ладямать-одкстоптомать мархта кузнятне арасть ланга ванозь пцтай эрект[9].

Кодамот эрьсихть аф афкуксонь кузнятне[петнемс | Петнемс лисьмапрянц]

Толгаста тифт[петнемс | Петнемс лисьмапрянц]

Толгаста тиф кузсь

Толгань аф афкуксонь кузнятне тиендевсь мациень толгаста, конат архтфтольхть сянгяря тюсса и петфтафтольхть уськонь «тарадкас», конат ашкотфтольхть шуфтть кандонц перьф[5]. Синь ульсть эрь кодама келень-серень: ёмланят (2 дюймонь) и оцюфт (98-дюймонь). Мишендевсть 1920-це кизотнень универмакнень эса[6]. Сидеста тараткятнень песа ульсть якстерь «марьнят», конатнень эзост путневсть штатолнят. Тараткятне келептфтольхть, ульсь коза повфтамс налхкшкятнень и аф пельксоль, што штатолнятнень эзда крьвязи кузнясь[5]. «Толгань кузнятне» цебярьхть нинге сянкса, што эздост аф пяярихть салмокст и аф эряви эрь мезне якамс од кузнянкса [10].

Алюминийста[петнемс | Петнемс лисьмапрянц]

Алюминийста тиф кузсь

Стане жа улихть кузнят, конатне тифт алюминийста[2]. Васенцеда синь эвондасть США-са: васенцетне тифтольхть Чикагоса 1958-це кизоня[11], а меле Манитовокса, коса тиендевсть эздост ламоцне[12]. Алюминиень кузнятне нолявсть 1970-це кизотнень самс[11], а сембода лама эздостоль 1965-це кизоня[13][14]. Но ся кизоня лиссь экрану «Чарли Браунонь Роштувац» нюрьхкяня мультфильмась, конань инкса, кле, лоткасть рамсемост алюминевай кузнятнень[11].

Пластикста[петнемс | Петнемс лисьмапрянц]

Пластикста тиф куз

Ламоц аф афкуксонь кузнятне тифт ПВХ-пластикста. Кучкасна синь тифт пувордаф уськста[15]. Салмоксне тифт шуваняняста керсеф эрь кодама тюсонь плёнкань пакшста[16].

Лескаста[петнемс | Петнемс лисьмапрянц]

Лескаста тиф кузсь

Тяфтама кузнятнень кувакат и эчкт салмокссна, и синь сяда шарыхть пичень лангс. Сидеста лескать ёткс нолнихть ПВХ. Шуфтонятне почетфт аф афкуксонь ловса и мазоптфт пластиконь пичемарьса[16].

Силиконцта, резинаста валф кузнятне[петнемс | Петнемс лисьмапрянц]

Валф кузсь

Тяфтама кузнятне лангс ванозь прокс эрект. Эрь тарадкясь валови башка, юроц вадеви коричневай краскаса. Салмоксне няевихть парганаста и тустста.

Улихть тяфтапт, коса ноляви тевс и валомась, и ПВХ-сь[15].

Валда диодонь кузнятне[петнемс | Петнемс лисьмапрянц]

Светодиодная ёлка

Валда диодонь кузнятне – тя стама кузнят, конатнень ронгсна тифт стальста, салмокссна – ПВХ-нь плёнкаста, конатнень ёткс кодавихть валдадиодонь сюрет. Тяфтама кузняти эряви розетка и сонь тарадканза ушедыхть цифтордома валдса[17].

См. также

[петнемс | Петнемс лисьмапрянц]
  • Од кизонь кузонь нолдамась
  • Алюминиевай кузсь
  • Роштувань кузсь
  • Од кизонь шуфтсь
  • Кодаф кузсь

Примечания

[петнемс | Петнемс лисьмапрянц]
  1. ↑ 1 2 Forbes, Bruce David. Christmas: A Candid History, (Google Books Архивная копия от 29 июльста 2016 на Wayback Machine), University of California Press, 2007, pp. 121—22, (ISBN 0-520-25104-0)
  2. ↑ 1 2 Hewitt, James. The Christmas Tree, (Google Books Архивная копия от 23 июньцта 2016 на Wayback Machine), Lulu.com, 2007, pp. 33—36, (ISBN 1-4303-0820-6).
  3. ↑ 1 2 Perkins, Broderick. «Faux Christmas Tree Crop Yields Special Concerns Архивировано 8 сентябрьста 2008 года.», Realty Times, December 12, 2003, accessed December 15, 2008.
  4. ↑ John, J. A Christmas Compendium, (Google Books Архивная копия от 20 июльста 2014 на Wayback Machine), Continuum International Publishing Group, 2005, p. 129, (ISBN 0-8264-8749-1).
  5. ↑ 1 2 3 Marling, Karal Ann. Merry Christmas!: Celebrating America's Greatest Holiday. — Harvard University Press, 2000. — P. 58—62. — ISBN 0674003187.
  6. ↑ 1 2 Silverthorne, Elizabeth. Christmas in Texas, (Google Books Архивная копия от 5 мартста 2022 на Wayback Machine), Texas A&M University Press, 1994, p. 62, (ISBN 0-89096-578-1).
  7. ↑ «Christmas Tree Traditions Архивная копия от 4 июльста 2010 на Wayback Machine», University of Illinois Extension, accessed December 15, 2008.
  8. ↑ 1 2 Искусственные ёлки: когда появились, история, где находится старейшая в мире. dp.ru (12 декабрьста 2022). Дата обращения: 21 ноябрьста 2024.
  9. ↑ Елка новогодняя искусственная. Подробное описание экспоната, аудиогид, интересные факты. Официальный сайт Artefact. ar.culture.ru. Дата обращения: 21 ноябрьста 2024.
  10. ↑ Marling, Karal Ann. Merry Christmas!: Celebrating America’s Greatest Holiday, (Google Books Архивная копия от 5 мартста 2022 на Wayback Machine), Harvard University Press, 2000, pp. 58—62, (ISBN 0-674-00318-7).
  11. ↑ 1 2 3 Fortin, Cassandra A. «It’s beginning to look a lot like Christmas (1958)(недоступная ссылка)», The Baltimore Sun, October 26, 2008, accessed December 14, 2008.
  12. ↑ Andrews, Candice Gaukel. Great Wisconsin Winter Weekends, (Google Books Архивная копия от 5 мартста 2022 на Wayback Machine), Big Earth Publishing, 2006, p. 178, (ISBN 1-931599-71-8)
  13. ↑ «A dark family secret: the artificial Christmas tree», Oakland Tribune, December 24, 2006, via findarticles.com, accessed December 14, 2008.
  14. ↑ Pinto, Barbara. «Town Leads Aluminium Christmas Tree Revival Архивная копия от 25 мартста 2010 на Wayback Machine», ABC News, December 18, 2005, accessed December 14, 2008.
  15. ↑ 1 2 “Выбрать елку и не сойти с ума. Разбираемся в сортах искусственных елок”. iXBT Live. 2021-11-11. Дата обращения 2024-11-21.
  16. ↑ 1 2 “Искусственная елка: какая лучше, как выбрать”. Российская газета. 2023-12-06. Дата обращения 2024-11-21.
  17. ↑ Анна Джей (2019-12-26). “Литая или светодиодная? Какая искусственная елка лучше и безопаснее”. AiF. Дата обращения 2024-11-21.

Литература

[петнемс | Петнемс лисьмапрянц]
  • Авдонина М. Ю., Жабо Н. И. Гиперконцепт «ёлка»: лингвистический аспект в современном коде новогоднего ритуала // Вестник Московского государственного лингвистического университета. Гуманитарные науки. 2015. № 27).
  • Баранникова Г. И. Учебная модель организации номинативного поля концепта «зима» // Гуманитарный вестник. 2013. № 2.
  • Ханипова И. «Да здравствует Новый советский год» (политизация новогодней ёлки в советской России) // Гасырлар авазы — Эхо веков. 2012. № 3—4. U
  • Шульга Е. В. Праздник новогодней ёлки в школах России: век вчерашний — век нынешний // Историко-педагогический журнал. 2012. № 2.

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Аф_афкуксонь_куз&oldid=251696"-ста